Qarabağdan Ermənistana daha 4 erməni aparıldıBeynəlxalq Qırmızı Xaç Komitəsi (BQXK) tibbi yardıma ehtiyacı olan daha 4 nəfəri Qarabağdan Ermənistana aparıb.

Bunu Beynəlxalq Qırmızı Xaş Komitəsinin Ermənistandakı nümayəndə heyətinin proqram direktoru Zara Amatuni deyib.

Amatuni Ermənistana aparılan şəxslərin hansı xəstəlikdən əziyyət çəkdikləri barədə heç nə deməyib.
Xarici jurnalistlər Xankəndi-Laçın yolna gəldilərAzərbaycanın Qarabağ iqtisadi rayonunda faydalı qazıntı yataqlarının qanunsuz istismarına qarşı Xankəndi-Laçın yolunda keçirilən etiraz aksiyası davam edir.

Avrasiya.net xəbər verir ki, bu gün kanadalı jurnalist Deyv Qordon və gürcüstanlı bloger Tamuna Mumladze hadisə yerinə gediblər.

Onlar aksiyanın gedişi, keçirilmə səbəbləri barədə məlumatlandırılıb. Deyv Qordon və Tamuna Mumladze aksiya ərazisindən çəkilişlər edib, reportaj hazırlayıblar.

Xatırladaq ki, azərbaycanlı ekofəalların Xankəndi-Laçın yolunda keçirdiyi etiraz aksiyası 38 gündür ki davam edir.
Daha 6 erməni Xankəndidən Ermənistana aparıldıXankəndidə olan daha altı xəstə erməni Beynəlxalq Qızıl Xaç Komitəsinin vasitəçiliyi və müşayiəti ilə yanvarın 18-də Qarabağdan Ermənistanın müxtəlif tibb mərkəzlərinə aparılıb.

Bu barədə erməni tərəfi məlumat yayıb.

İndiyədək BQXK-nın vasitəçiliyi və müşayiəti ilə ümumilikdə 34 xəstə Qarabağdan Ermənistana aparılıb.

Xatırladaq ki, azərbaycanlı ekoloqlar dekabrın 12-dən Laçın yolunda başladıqları aksiyaya davam edirlər.

Yol humanitar məqsədlər üçün tam açıqadır.
Qarabağdakı sərvətlərimizi bu şirkətlər talayıbİşğal dövründə Azərbaycanın "Söyüdlü", "Vejnəli", "Dəmirli" və "Qızılbulaq" yataqlarının qanunsuz istismarı ilə məşğul olan xarici şirkətlərin adları açıqlanıb.

Avrasiya.net xəbər verir ki, bu barədə Geoloji Kəşfiyyat Agentliyinin İdarə Heyətinin sədri Əli Əliyev jurnalistər üçün keçirilən brifinqdə məlumat verib.

Sözügedən şirkərlər bunlardır:

Kanadanın "Sterlite Gold" LTD və "First Dynesty Mines"; İsveçrənin "Base Metals", "Vallex Group"; Rusiyanın "Geopro Mayninq Gold Company"; İsveç və Lixtenşteynli sahibkarların ortaq olduğu Ermənistanın "Armenian Copper Programme"; ABŞ-ın "Global Gold" və Hindistanın "Vedanta Resourcess".
Sülhməramlıların 27 maşını Laçın yolundan keçibRusiya sülhməramlılarına, həmçinin Beynəlxalq Qızıl Xaç Komitəsinə (BQXK) məxsus avtomobillər Laçın-Xankəndi yolunda dinc aksiya keçirilən ərazidən maneəsiz hərəkət edirlər.

Avrasiya.net xəbər verir ki, yanvarın 12-də Xankəndidən Laçına və əks istiqamətdə Rusiya sülhməramlılarına məxsus 29 təminat-təchizat və minik avtomobili maneəsiz keçib. Bundan əlavə, BQXK-yə məxsus 5 avtomobil səhər saatlarında Xankəndidən Laçın istiqamətinə gedib. Günorta saatlarında isə həmin nəqliyyat vasitələri geri dönüblər.

Bu, bir daha onu göstərir ki, aksiya iştirakçıları humanitar məqsədlərlə istifadə olunan avtomobillərin hərəkətinə heç bir maneə törətmirlər.

Ermənistan mətbuatında yayılan və etirazçıların guya Xankəndi-Laçın yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.

Azərbaycan Ordusu sakitcə Xankəndiyə girəcəkErmənistan imzaladığı müəyyən müddəalara əməl etməlidir, lakin İrəvan bunu etməkdən qorxur. Bəli, minalanmış ərazilərin bəzi xəritələrinin ötürüldüyü məlumdur, lakin bu, çox kiçik bir nəticədir. Ermənistan Qarabağa iddialardan əl çəkməlidir. Amma bunu dəfələrlə demişəm, Nikol Paşinyan qorxur ki, Bakının şərtləri ilə razılaşarsa, onunla haqq-hesab çürüdüləcək. Şərtlər isə sadədir: Qarabağ erməniləri Azərbaycan vətəndaşı olurlar, heç bir muxtariyyət almırlar. Amma yerli özünüidarəetmə orqanlarına öz adamlarını seçmək imkanı yaranacaq (ölkənin istənilən regionunda olduğu kimi red.). Bu, birinci variantdır.

Avrasiya.net xəbər verir ki, bu sözləri Oxu.az-a müsahibəsində Rusiyanın tanınmış ictimai xadimi, politoloq, Siyasi Araşdırmalar İnstitutunun direktoru Sergey Markov deyib.

O bildirib ki. bunun alternative də var - ermənilərin əksəriyyətini Qarabağdan çıxarmaq. Hər iki variant Paşinyanı qorxudur:

“Paşinyan Azərbaycan şərtlərini çox ağır hesab edir, Ermənistan əhalisi və erməni diasporu eyni cür düşünür. Belə şəraitdə Ermənistanın baş naziri qərara gəlib ki, Rusiyadan Ermənistandan daha aktiv çıxış etməyi xahiş eləsin. Amma Moskva bunu istəmir, xüsusən ona görə ki, indi onun hərbi əməliyyatlara görə (Ukraynada – red.) öz qayğıları var. Bu şəraitdə Nikol Paşinyan Rusiyanı Fransaya dəyişməyə başladı.

Fransa hakimiyyətinin müxtəlif qollarının çoxsaylı qərar və qətnamələri hamıya yaxşı məlumdur. Ermənistanın regiona beynəlxalq sülhməramlıları çağırması heç kimə sirr deyil. Bakı, təbii ki, Qarabağda fransızların peyda olmasına imkan verməyəcək, lakin İrəvan onları heç olmasa, Ermənistanla Azərbaycan sərhədində yerləşdirmək istəyir.

Ermənistanın Rusiyadan Fransaya keçmək cəhdi var. Açığını deyim ki, Paşinyan çoxdan Rusiyadan imtina edərək Fransa və ABŞ-dan yapışar və Qərb qüvvələrinin Ermənistana “yerləşəcəyi” ümidi ilə Rusiya maraqlarını Qərbə satardı. Amma fransızlar və amerikalılar erməni maraqları üçün döyüşmək istəmirlər. Onların da elə Ukrayna böhranı da daxil olmaqla, bir sıra öz problemləri var, onların Ermənistandan başqa məşğuliyyətləri var. Elə həmin Fransa Prezidenti Emmanuel Makron indi pensiya islahatı ilə bağlı daxili siyasi böhran içərisindədir, reytinqləri düşür və s. Bu isə bugünkü prosesin əsas intriqasıdır.

Ən böyük ehtimal odur ki, Qərbdə heç kim heç nə etməyəcək, Paşinyan Fransa ilə Rusiya arasında vurnuxmağa davam edəcək. Amma 2025-ci ildə Azərbaycan Rusiya sülhməramlılarının Qarabağda qalma müddətini uzatmayacaq, onlar regionu tərk edəcəklər, Azərbaycan Ordusu sakitcə ora daxil olacaq. Bu, hadisələrin ən çox ehtimal olunan inkişafı olacaq”.
Ermənilər Ordumuzun nəzarət etdiyi kəndləri tərk etdiÖtən ilin 13-14 sentyabr tarixində Ermənistanın sərhəddə təxribat törətməsindən sonra baş verən döyüşlər zamanı Azərbaycan Ordusunun strateji yüksəkliklərə nəzarəti bərpa etməsi sərhədboyu ərazilərdə yerləşən erməni kəndlərinin boşalması ilə nəticələnib.

Avrasiya.net Publika.az-a istinadən xəbər verir ki, bu barədə Ermənistan mediası yazıb.

Məlumata görə, sərhəd bölgəsində yerləşən Yuxarı Şorca (Verin Şorca) və Aşağı Şorca kəndində yaşayan ermənilər kəndi tərk edib.

Azərbaycan Ordusunun yerləşdiyi strateji yüksəkliklər bu kəndlərə nəzarət imkanı da verir. Bu iki kəndlə yanaşı, Sotk, Airk, Azat, Tretuk, Caghatsadzor, Kotakan və digər ərazilərdəki ermənilər də bölgəni tərk etməyə hazırlaşır. Buna səbəb kəndlilərin işğal dövründə istifadə etdikləri otlaq və əkin sahələrindən məhrum olmalarıdır.

Qeyd edək ki, Ermənistan 30 ilə yaxı davam edən işğal dövründə Azərbaycanla dövlət sərhədini böyük ölçüdə irəli çəkərək, sərhədyanı ərazilərini genişləndirmişdi. Xüsusilə əkinə yararlı torpaqlar, otlaq və meşə sahələri Ermənistanın “dövlət sərhədinə” daxil edilmişdi. 44 günlük müharibədən sonra Azərbaycan qanunsuz şəkildə irəli çəkilən dövlət sərhədinin bərpası istiqamətində də addımlar atır.
Daha üç erməni Xankəndidən Ermənistana aparıldıXankəndidə həkim nəzarətində olduğu bildirilən daha üç xəstə Beynəlxalq Qızıl Xaç Komitəsinin vasitəçiliyi və müşayiəti ilə Ermənistanın müxtəlif ixtisaslaşdırılmış tibb mərkəzlərinə köçürülüb.

Avrasiya.net xəbər verir ki, bu barədə “Hraparak” məlumat yayıb.

Köçürülən xəstələrdən biri “Daun sindromlu” 2 aylıq uşaq, digər ikisi isə “İnfeksiya ilə mürəkkəbləşmiş sağ çiyin oynağının kistası” və “Kəskin leykoz” diaqnozu olan yetkin xəstələrdir.

Xatırladaq ki, azərbaycanlı ekofəallar dekabrın 12-dən Laçın-Xankəndi yolunun Şuşa rayonundan keçən hissəsində fasiləsiz etiraz aksiyası keçirirlər.
Bakı Xankəndidən qalxan helikopteri vura bilərQarabağda separatçı-terrorçu rejim “hava limanı planı”nı yenidən gündəmə gətirir.

Avrasiya.net Publika.az-a istinadən xəbər verir ki, separatçı rejimin qondarma “spikeri” Artur Tovmasyan Rusiya, ABŞ və Fransaya müraciət ünvanlayıb.

Separatçılar hər üç ölkədən Rusiya sülhmərmlılarının müvəqqəti yerləşdiyi ərazidəki Xankəndi hava limanının (əslində Xocalı limanı) istifadəsinə dəstək istəyirlər. Ruben Vardanyan da yeganə “xilas yolları”nın hava limanının açılması olduğunu yenidən dilə gətirib.

Burada məqsəd Laçın yolunda keçirilən aksiyanın tələblərinin yerinə yetirilməməsi və separatçı rejimin mövcudluğunun qorunması üçün çıxış yolunun tapılmasıdır.

Lakin belə bir istəyin yerinə yetirilməsi qeyri-mümkündür. Çünki bura Azərbaycan torpaqlarıdır və hava məkanı da Azərbaycana məxsusdur. Rəsmi Bakının icazəsi olmadan helikopterin belə qaldırılması mümkün deyil.

Erməni politoloq Qarik Keryan da deyir ki, ABŞ, Fransa və Rusiyadan nəsə gözləmək çətindir.

“Ukrayna müharibəsindən sonra bu ölkələr arasında təmaslar, faktiki dayandırılıb. Ümumilikdə isə Xankəndi hava limanının işə salınması fantaziyadır. Vaxtilə bura bərpa olundu, əvvəllər də istifadəsi çətin idi, indi isə mümkün deyil. Çünki hava məkanından istifadə beynəlxalq qanunlara ziddir. Qarabağın hava məkanı de-yure Azərbaycanın nəzarəti altındadır. Azərbaycan buna icazə verməyəcək”, - erməni politoloq bildirib.

Ermənistan mediası Ruben Vardanyanın hava limanı ilə bağlı dediklərini populizm adlandırır və yazırlar ki, “bu, boş danışıq”dan başqa bir şey deyil.

“Azərbaycan Qarabağ hava məkanında uçan istənilən təyyarəni, yaxud helikopteri vura bilər, beynəlxalq hüquqla buna əsası var”, - erməni şərhçi Hakop Badalyan yazır.
Laçın yolundan sülhməramlıların 13 maşını keçdiŞuşadan keçən Xankəndi-Laçın yolunda Rusiya sülhməramlılarına məxsus daha bir avtomobilin hərəkət etməsinə növbəti dəfə şərait yaradılıb.

Avrasiya.net xəbər verir ki, nəqliyyat vasitəsinin maneəsiz şəkildə hərəkət etməsi təmin olunub.

Belə ki, sülhməramlılara məxsus 1 təminat avtomobili Laçından Xankəndi istiqamətinə keçib.

Bununla da gün ərzində aksiya ərazisindən keçən avtomobillərin sayı 13-ə çatıb. Belə ki, həmin avtomobillərdən 3-ü Beynəlxalq Qızıl Xaç Komitəsinə, 10-u isə Rusiya sülhməramlılarına məxsusdur.