Azərbaycanın xalq artisti, tanınmış diktor Eldost Bayramov 10 gündən artıqdır ki, COVİD-19 virusu ilə mübarizə aparır.

Avrasiya.net xəbər verir ki, bu barədə şair Faiq Balabəyli məlumat yayılıb.

O bildirib ki, Eldost Bayramovun müalicəsini davam etdirmək, başqa xəstəliklərindən də qurtulmaq üçün mütləq digər xəstəxanaya köçürülməlidir.

“Şəhid və onların ailələrinin adı gələn yerdə boynumuz qıldan incədir. İllərdir ki, heç bir təmənna güdmədən şəhid övladlarının toyunda iştirak etmişəm. Nə qədər ömrüm var, yenə də şəhid ailələrinin qulluğundayam. Xudayar qardaşımız “Vətən yaxşıdır” mahnısını toyda oxumuşdu ki? Döyüşə gedəndə əsgər yoldaşlarını ruhlandırmaq üçün onu oxuyurdu. O da bu mahnını hərbçilərimizin yanında, dağıdılmış yerlərdə oxumuşdu. Onda belə çıxır ki, Xudayara irad tutmalıydıq? O döyüş xoş mənzərə idi ki? Nə qədər yorğun olsa da, göstərdi ki, əhvalımız xoşdur və bu yerlər işğaldan azad edilib daha da gözəlləşəcək”.

Bunu Moderator.az-a açıqlamasında Əməkdar artist Babək Nifətliyev Zəngilanda ifa etdiyi “Xudayar təsnifi” mahnısının Xalq şairi, millət vəkili Sabir Rüstəmxanlı tərəfindən tənqid olunmasına münasibət bildirərkən deyib. Xanəndə Xalq şairinin bu cür fikirləri ilə razılaşmadığını bildirib:

“Bu mahnıya görə Xalq artisti Əlibaba Məmmədova zəng vurub təşəkkürümü bildirdim ki, onun “Xudayar təsnifi” adlandırılmasına icazə verib. Mahnını bir çox xanəndələr oxusa da, bir o qədər də sevilməyib. Amma Xudayar öz ifasıyla bu mahnıya öz möhrünü vurdu və dillər əzbəri oldu. Mən də Azərbaycan Dövlət Televiziyasının solistiyəm və ordan da bildirdilər ki, bu mahnını oxuyum. Mahnını 2008-ci ildə oxumuşdum və o qədər də sevilməmişdi. Xudayarın ifasından sonra bu mahnının xalqımızın qəlbində ayrıca yeri oldu. Buna artıq “Xudayar təsnifi” deyirlər.

Sabir müəllim bilməlidir ki, 44 günlük Vətən müharibəsində mən də döyüşlərin ən qızğın yerlərində olmuşam. Əsgərlərimiz üçün vətənpərvər mahnı ifa etdim. Amma bəziləri kimi xaricə qaçmadım, əsgərlərimizin yanında oldum. Mahnını bu dəfə də tam başqa tərzdə ifa etdim. Bu mahnını ifa edəndə Xudayarın timsalında bütün şəhidlərimiz gözümüzün önündə canlanır.

Gördüyümüz işləri çoxlarının gözü görmür. Nəsə bir nöqsan axtarmağa çalışırlar. Amma bir sual etmək lazımdır ki, görən bunların qohum-əqrabasında əsgərlikdə olanı varmı?! Müharibə vaxtı cəbhədə olanda tanınmışlardan çox az adamı orda gördüm. "Xudayar təsnifi”nin adı gələn yerdə biz ifa etmirik ki? Bu isə ilk növbədə şəhidimizə hörmətsizlikdir. Düşünürəm ki, Sabir bəy Xudayarın döyüş səhnəsində bu mahnını ifa etməsindən xəbərsizdir. Təbii ki, siyasətçilərin məsələyə bu cür yanaşması adamı təəssüfləndirir. Bilməlidirlər ki, bu mahnı artıq əsgərlərimizin himninə çevrilib. Ona görə də biz bunu şən günümüzdə də, ən ağrılı-acılı günümüzdə də oxumalıyıq. Mən döyüş vaxtı səngərdə vətənpərvər mahnı oxuyanda çoxları orda yox idi. Efirdə oxumağa nə var ki?!”

Qeyd edək ki, Xalq şairi Sabir Rüstəmxanlı Əməkdar artist Babək Niftəliyevin Zəngilanda “Vətən yaxşıdır” mahnısını oxumasını tənqid edib. O, sosial şəbəkədə yazdığı statusunda bunu gülünc adlandırıb və təəssüfləndiyini bildirib:

“Ənənəvi musiqi üçlüyü - tar və kamança ifaçıları, bir də müğənni, əlində qaval... Çalıb-oxumaq üçün haranı seçsələr yaxşıdır? Zəngilan rayonunun işğalçılar tərəfindən dağıdılmış bir kəndini. Hərəsi bir uçuq divarın üstündə oturublar. Nə olar, burda da oxumaq olar. Düşündüm ki, indi savaşın gətirdiyi faciələr haqqında və ya bu kəndin harayına bənzər bir ifa səslənəcək. Ancaq mahnını dinləyəndə heyrətə gəldim”

Azərbaycan Dövlət Akademik Musiqili Teatrının aktyoru, Əməkdar artist Novruz Qartal ölüm ayağındadır.

Avrasiya.net xəbər verir ki, aktyorun həyat yoldaşı Zərqələm Əliyeva Qaynarinfo-ya müsahibə verib.

Z.Əliyeva qeyd edib ki, Novruz Qartalın vəziyyəti ağırdır:

"Vəziyyəti ağır idi, apardıq onkoloji xəstəxanaya, baxıb dedilər ki, təcili əməliyyat olmalıdır. Çox ağır əməliyyat keçirdi. Xərçəng bütün bədəninə yayılıb. Hamı deyirdi ki, narkozdan ayılmayacaq. Şükür Allaha, ayılıb, amma yanına heç kimi buraxmırlar. Ayılanda bir dəfə deyib ki, qızımı görmək istəyirəm, həkim də ona atasını görməyə icazə verib. Vəziyyət çox ağırdır. Bağırsaq, qara ciyər, ağ ciyər hamısı bir-birinə qarışıb. Həyatımız qaralıb. Deyirlər, bilmirik Novruz nə qədər yaşayacaq”.

O bildirib ki, həkimlər Əməkdar artistin müalicəsinin xarici ölkədə aparılmasını məsləhət bilir:

"Novruzun Türkiyədə müalicəsi bir ümiddir, bəlkə getsə, orada sağalar. İmkansız adamdır. Evi yoxdur, kirayədə qalır. Ayda 400 manat kirayə pulu verir. Novruzun elə bir acınacaqlı həyatı var ki, dönüb geriyə baxanda adam özünü öldürmək istəyir. Bir dəfə bəzəkli, isti ev görmədi. Bir dəfə rahat həyatı olmadı, o evdən bu evə daşındı”.

Həyat yoldaşı Novruz Qartalın xəstəxanada ağır vəziyyətdə olduğunu və heç kimin maraqlanmadığını qeyd edib:

"Yenə sağ olsun jurnalistlər, zəng edib vəziyyətini soruşurlar. Mədəniyyət adamlarından heç kəs onu axtarmır. Axırda mən özüm teatra məlumat verdim ki, Novruzun vəziyyəti pisdir, gücüm çatmır, mənə kömək etsinlər”.

Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə uşaq, yeniyetmə və gənclər arasında keçirilən müsabiqədə 87 şagird iştirak edib. Noyabrın 10-dan 25-nə kimi davam edən müsabiqə Prezident İlham Əliyevin “Azərbaycan Respublikasında 2021-ci ilin “Nizami Gəncəvi ili” elan edilməsi haqqında” Sərəncamından irəli gələn vəzifələrin və “Azərbaycan gəncliyi 2017-2021-ci illərdə” Dövlət Proqramının 5.4.3. yarımbəndinin icrasının təmin edilməsi, Nizami Gəncəvinin 880 illik yubileyinin qeyd olunması, dahi şairin ədəbi-bədii və fəlsəfi irsinin gənc nəsil arasında təbliği, istedadlı uşaq, yeniyetmə və gənclərin üzə çıxarılması və yaradıcılıq qabiliyyətlərinin inkişaf etdirilməsi məqsədi daşıyıb.
Gənclər və İdman İdarəsi münsiflər heyətinin qərarına əsasən müsabiqənin nəticələrini təqdim edir.

Uşaqlar arasında:

I yer - Kənan Abdulov (şəhər 2 saylı tam orta məktəbin şagirdi)
II yer – Nuray Bayramova (şəhər 1 saylı tam orta məktəbin şagirdi)
III yer – Ayan Talıblı (şəhər 3 saylı tam orta məktəbin şagirdi)
III yer – Mirhidayət Kazımov (şəhər 1 saylı tam orta məktəbin şagirdi)
Fərqlənənlər:
Aydan Qurbanova (şəhər 2 saylı tam orta məktəbin şagirdi)
Nübar Tağızadə (şəhər 3 saylı tam orta məktəbin şagirdi)
Səma Nəcəfli (şəhər 2 saylı tam orta məktəbin şagirdi)
Xədicə Quliyeva (şəhər 2 saylı tam orta məktəbin şagirdi)
Sevil Muradlı (şəhər 6 saylı məktəb-liseyin şagirdi)
Zümrüd Atakişiyeva (şəhər 2 saylı tam orta məktəbin şagirdi)
Zeynəb İsmayılova (şəhər 6 saylı məktəb-liseyin şagirdi)
Səbirə Həsənli

Yeniyetmələr arasında:

I yer – Xoşbəxt Muradlı (şəhər 3 saylı tam orta məktəbin şagirdi)
II yer – Nigar Manaflı (şəhər 4 saylı tam orta məktəbin şagirdi)
III yer – Firuzə Həmzəyeva (şəhər 4 saylı tam orta məktəbin şagirdi)
III yer – Lalə Həsənova (şəhər 5 saylı tam orta məktəbin şagirdi)

Fərqlənənlər:
Alim Məmmədli (şəhər 6 saylı məktəb-liseyin şagirdi)
Gülər Kərimova (Böyük Həmyə kənd tam orta məktəbin şagirdi)
Günal Məcidsoy

Gənclər arasında:

I yer – Sənubər Qurbanova (şəhər 1 saylı tam orta məktəbin şagirdi)
II yer – Güllü Hacıyeva (şəhər 3 saylı tam orta məktəbin şagirdi)
III yer – Nəzrin Ağamalıyeva (Böyük Həmyə kənd tam orta məktəbin şagirdi)
III yer – Ayşən Əkbərova (Balaca Həmyə kənd tam orta məktəbin şagirdi)

Bütün iştirakçılara müsabiqədə fəal iştirak etdiklərinə görə idarə adından öz təşəkkürümüzü bildirir, gələcək müsabiqələrdə uğurlar arzulayırıq.

#NizamiGəncəvi #nizamigəncəvi880 #nizamiili #2021nizamiili #nizamiganjavi #низами #nizamigəncəvii̇ #şeirqmüsabiqəsi #SiyəzənGİİ #Azərbaycangəncliyi #GənclərvəİdmanNazirliyi #ARGİN #MysGovAz #MysAz #Gənclərsiyasəti

Noyabrın 21-də Avstriyanın Salzburq şəhərində Azərbaycan mətbəxi günü təşkil olunub.

Salzburq şəhərdəki Azərbaycan Evində keçirilən tədbiri Avstriya Azərbaycanlıları Cəmiyyətinin təşkilatçılığı ilə baş tutub.

Cəmiyyətdən Avrasiya.net-ə verilən məlumata görə, təşkilatın fəalları Azərbaycan və türk icmasının üzvlərini, eləcə də yerli ictimaiyyətin nümayəndələrini milli mətbəx gününə dəvət ediblər.

Milli mətbəx günündə Azərbaycan mətbəxinin ləziz təamlarından biri olan qutabın hazırlanması təqdim olunub.

Azərbaycanlı xanımlar müxtəlif növ qutabları qonaqların iştirakı ilə hazırlayıblar, reseptlər əsasında onlara da qutab bişirməyi öyrədiblər.

Tədbir Azərbaycan təamlarından ibarət birgə süfrə arxasında davam edib. Qonaqlar pandemiyadan sonra Azərbaycan mətbəxinin geniş ictimaiyyətə təqdimatı və tanıdılması üçün tədbirlərin keçirilməsini arzu ediblər.

İtaliyanın Salvatore Ferraqamo Muzeyində işləyən Kəmalə Zeynalovanın sərgisi böyük səs-küy yaradıb.

Avrasiya.net xəbər verir ki, bu barədə diaspor üzrə araşdırmaçı-ekspert Elnur Eltürk bildirib. Onun sözlərinə görə, Kəmalə Zeynalova bu günə qədər ölkəmizi xarici ölkələrdə layiqincə təmsil edib:

“Rəssamın 14 noyabr “Women in love” mövzusu altında 30 əsəri ilə fərdi sərgisinin açılışı olub. Sərgi 17 dekabra qədər davam edəcək. Sərgi Florensiyada yerləşən “Borghese Palace Art Hotel”in sərgi salonunda nümayiş olunur. İtaliyanın nüfuzlu sənət adamları tərəfindən sərgiyə böyük maraq var. Hətta mətbutında diqqət mərkəzindədir. Professor Domeniko Vigiano - “Accademia di Belle Arte”; Professor Fabrizio Borghini-“Toscana TV”, Professor Ugo Barlozzetti-“Critico d’Arte”; Federico Bali -“Direttore Borghese Palace ART Hotel” sərgidə yaxından iştirak edirlər. Kəmalə Zeynalova 16 dekabr 1990-ci ildə Bakı şəhərində anadan olub.

1997-2008-ci illərde orta məktəbi oxuyub. Eyni illərdə Bakı Musiqi Akademiyasının nəzdində musiqi məktəbində fortepiano şöbəsində musiqi təhsil alıb. 2008-ci ildə Azərbaycan Dövlət Rəssamlıq Akademiyasının modalyer-rəssam fakültəsinə daxil olub və 2012-ci ildə bakalavr təhsilini müvəffəqiyyətlə başa vurub. 2012-ci ildə əvvəl “Università per stranieri di Perugia” da italyan dili və italyan mədəniyyəti kurslarını bitirdikdən sonra həmin ildən başlayaraq Accademia Italianada fashion design 2 illik magistr təhsili alıb. ADRA-da oxuduğu müddətdə Azərbaycanda və digər xarici dövlətlərdə (Moskva, İstanbul, Kipr) müxtəlif sərgilər qatılıb. Azərbaycan Rəssamlar İttifaqı , Azərbaycan Dizaynerlər İttifaqının üzvüdür. Təhsilini bitirdikdən sonra İtaliyada müxtəlif moda evlərində modelyer rəssam, rəssam dizayner kimi çalışıb”.

“Səs Azərbaycan” layihəsinə qatılan qazimiz Murad Bayramlını hər kəs ayaqda alqışlayıb.

Publika.az xəbər verir ki, iştirakçı müsabiqədə “Nazəndə sevgilim” mahnısını ifa edib.

Onun çıxışına Xalq artistləri Brilliant Dadaşova və Tünzalə Ağayeva bəyənərək geri dönüblər. Yarışmaya Bakıdan qatıldığını və Vətən müharibəsində iştirak etdiyini söyləyən qazinin bu sözlərindən sonra tamaşaçılar və münsiflər ayağa qalxaraq onu alqışlayıb. Sonda Murad Bayramlı Tünzalə Ağayevann komandasında qalmağa qərar verib.

B. Dadaşovanın əyləşməyə davam etməsi sosial şəbəkələrdə müzakirə doğurub. Hər kəs müğənninin bu addımını tənqid edib.

Qeyd edək ki, qazimiz Cəbrayıl və Qubadlı istiqamətində gedən döyüşlərdə iştirak edib.

Tarixi fanatik düşüncə, emosiyalar və xüsusilə də, kəskin ideoloji fikirlərlə çirklənən elə münaqişələr var ki, müşahidəçi və tarixçilər bunların üstündə işləyərkən çətinliklərlə üzləşirlər: İsrail-Fələstin münaqişəsi yerinə düşən simvolik nümunədir. Eynisini müstəqil Azərbaycan və Ermənistan münaqişəsinə də aid etmək olar. Fransa Alzas və Loreni geri qaytarmaq üçün nə qədər mübarizə aparıbsa, fransızlar Azərbaycanın Qarabağı qaytarmaq istəyini bir o qədər anlaya bilər.

Fransanın paytaxtı Parisdə Kamala Muradın müəllifi olduğu “Azərbaycan və Ermənistan münaqişəsi: yaxşı və pisdən kənar” adlı nəşr olunan kitab özündə məhz bu ruhu ehtiva edir. Müəllifin fransız dilində yazdığı kitab artıq ölkənin satış mərkəzlərinə verilib.
Oxucunun diqqətinə çatdırılır ki, BMT-nin Dağlıq Qarabağ adı ilə tanınan müharibədə (1988-1994) Yerevanın zəbt etdiyi əraziləri tərk etməsi ilə bağlı qərarlarını Ermənistanın rədd etməsi 2020-ci ildə 44 günlük müharibəyə səbəb oldu.

Burada radikal islamcıların xristianlara qarşı müharibəsindən söhbət gedə bilməz, çünki Azərbaycan müxtəlif xalqların, o cümlədən, yəhudilərin min ildən artıqdır ki, yaşadığı və bütün dinlərin eyni hüquqlara malik olduğu dünyəvi bir ölkədir. Bir çox müşahidəçinin də radikal islamçı olaraq təhlükə kimi gördüyü İran molla rejiminin bu savaşda Azərbaycanı deyil, Ermənistanı dəstəkləməsi buna sübutdur.

Kitab Qərb güclərinin laqeyd yanaşdığı münaqişəyə dair məlumatları yenidən xatırlatmağa, SSRİ-nin süqutundan sonra Rusiyanın regiondan uzaqlaşdırılması və onun yenidən regiona qayıtmasından bəhs etməklə yanaşı Qərb, xüsusilə, Fransa mediasında hadisələrin qeyri-obyektiv təqdimatını detallı analiz edir. 2020-ci ildə 2-ci Qarabağ müharibəsi haqqında oxuduqlarımız barədə çox fərqli perspektiv açır. Bir sözlə, hər hansı bir icma mənafeyinin və yaxud siyasi oyunların Respublika dəyərlərindən, bitərəf, obyektiv informasiya alıb və vermək azadlığından üstün tutulmasının qəbul edilməz və təhlükəli olduğunu oxucuların diqqətinə catdırır.
Müəllif Kamala Murad beynəlxalq iqtisadi əlaqələr üzrə mütəxəsis və eyni zamanda yazar kimi fəaliyyət göstərir.

Paris Panteon-Assas Universitetinin Kommunikasiya və İnformasiya ixtisası üzrə magistr dərəcəsini alıb. Paris Biznesi İdarəetmə Ali Məktəbinin MBA diplomunun sahibidir. Kommunikasiya, təhlükəsizlik və infrastruktur sahələrində, xüsusilə də Fransa-Azərbaycan arasında ikitərəfli əlaqələrdə böyük təcrübəyə sahibdir. Beynəlxalq Frankofon Mətbuatı Birliyinin üzvü olub. 1998-ci ildə Azərbaycanda ilk fransızdilli qəzetin əməkdaşı daha sonra redaktoru işləyib. Hazırda Parisdə yaşayır.

Onu da qeyd edək ki, dünən Parisdə kitabın media nümayəndələri ücün təqdimat məqasimi keçirilib.

Türkiyəli məşhur aktyor Burak Özçivit həbs oluna bilər.

Kult.az xəbr verir ki, aktyor baş rol ifaçısı olduğu "Quruluş Osman" serialının çəkilişləri zamanı çəkiliş heyətini təhqir etdiyi səbəbilə məhkəməyə verilib.

Aktyoru 4 ilə qədər həbs cəzası gözləyir.

Özçivitin məhkəməsi yaxın günlərdə başlayacaq.

Ukraynanın xalq rəssamı, azərbaycanlı heykəltəraş Seyfəddin Qurbanov vəfat edib.

Kult.az xəbər verir ki, o, koronavirusdan dünyasını dəyişib.

S.Qurbanov bir müddətdir Türkiyənin Alaniya şəhərində müalicə alırmış.

Qeyd edək ki, Seyfəddin Qurbanov 1962-ci il oktyabrın 19-da Naxçıvan Muxtar Respublikasının Siyaqut kəndində anadan olub.