Qətərdə keçirilən dünya çempionatında 1/8 final mərhələsinin bütün cütlükləri bəlli olub.

"Report"un məlumatına görə, G qrupunda son turun oyunlarından sonra pley-offda üz-üzə gələcək yığmalar müəyyənləşib.

Son olaraq, İsveçrə millisi növbəti mərhələyə vəsiqəni təmin edərək, Portuqaliyaya rəqib olub.

DÇ-2022

1/8 final

3 dekabr

19:00. Niderland - ABŞ

23:00. Argentina - Avstraliya

4 dekabr

19:00. Fransa - Polşa

23:00. İngiltərə - Seneqal

5 dekabr

19:00. Yaponiya - Xorvatiya

23:00. Braziliya - Cənubi Koreya

6 dekabr

19:00. Mərakeş - İspaniya

23:00. Portuqaliya - İsveçrə

İranın Pakdəşt şəhərində yaşayan voleybol məşqçisi Fəhimə Kərimi ölüm cəzasına məhkum edilib.

Axar.az xəbər verir ki, bu barədə Teleqram kanalları məlumat yayıb.

Məlumata görə, Tehranda qatıldığı aksiyalarda saxlanılan Kərimi əvvəlcə Evin, daha sonra isə Xorin həbsxanasına göndərilib.

Kəriminin ailəsi bütün dünyaya çağırış edərək yardım istəyib.

Qeyd edək ki, Kəriminin 3 azyaşlı övladı var.

Yaponiya və İspaniya milliləri Qətərdə keçirilən dünya çempionatında 1/8 finala vəsiqə əldə edib.

Avrasiya.net xəbər verir ki, E qrupunun son turunda Yaponiya İspaniyaya 2-1 qalib gələrək qrup birincisi (6 xal – red.) kimi 1/8 finala yüksəlib. İspaniya isə 4 xalla qrup ikincisi olub.

Almaniya da 4 xal toplasa da, top fərqinə görə qrup mərhələsini adlaya bilməyib. Kosta Rika isə 3 xalla qrup sonuncusu olub.

Qeyd edək ki, 1/8 finalda Yaponiya Xorvatiya ilə, İspaniya isə Mərakeşlə görüşəcək.

Qətərdə təşkil olunan dünya çempionatında bu gün daha 2 qrupda mübarizəyə yekun vurulacaq.

Avrasiya.net-in məlumatına görə, bununla da 1/8 finalın daha 4 iştirakçısı bəlli olacaq.

E qrupunda İspaniya millisi Yaponiya ilə, Almaniya yığması isə Kosta Rika ilə qarşılaşacaq. Bu qrupda hər bir ölkənin pley-off şansı davam edir.

F qrupunda isə Kanada Mərakeşi, Xorvatiya Belçikanı sınağa çəkəcək. Şimali Amerika təmsilçisinin mundialla vidalaşması dəqiqləşib. Digər 3 yığma isə 1/8 finala 2 vəsiqə uğrunda mübarizə aparacaq.

DÇ-2022

Qrup mərhələsi, III tur

1 dekabr

E qrupu

23:00. Kosta Rika - Almaniya

23:00. Yaponiya - İspaniya

Xal durumu: İspaniya - 4, Yaponiya - 3, Kosta Rika - 3, Almaniya - 1

F qrupu

19:00. Kanada - Mərakeş

19:00. Xorvatiya - Belçika

Xal durumu: Xorvatiya - 4, Mərakeş - 4, Belçika - 3, Kanada - 0.

Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala vəsiqə qazanıblar.

Meksikalı peşəkar boksçu, mütləq dünya çempionu Saul Alvares Argentina millisinin futbolçusu Lionel Messidən ünvanına söylədiyi sözlərə görə üzr istəyib.

"Report" xəbər verir ki, idmançı bununla bağlı özünün şəxsi instaqram hesabında paylaşım edib.

O, vətənimə olan sevgisi üzündən özündə olmadığını və yersiz ifadələr işlətdiyini bildirib: "Buna görə də Messi və Argentina xalqından üzr istəyirəm. Hər gün yeni bir şey öyrənirik, bu dəfə növbə məndə idi".

Qeyd edək ki, Lionel Messi Qətərdə keçirilən dünya çempionatında Meksika ilə matçdan (2:0) sonra rəqib futbolçulardan biri ilə formasını dəyişib. Daha sonra Argentina millisinin paltardəyişmə otağından 35 yaşlı forvardın həmin köynəyi yerə atması, daha sonra onu təpiklə vurmasını əks etdirən video yayılıb. Bu görüntülər Saul Alvaresi qəzəbləndirib. Messinin Meksika millisinin forması və ölkə bayrağı ilə döşəməni sildiyini iddia edən boksçu futbolçunu təhdid edob. İdmançı bildirib ki, Messi onunla qarşılaşmamaq üçün Tanrıya dua etsin

ABŞ Prezidenti Cozef Bayden dünya çempionatında Birləşmiş Ştatlar millisini İran komandası üzərində qələbəsindən xəbər tutaraq, futbolçuları təbrik etmək üçün səhnəyə qayıdıb.

"Report" xəbər verir ki, bunu Bayden Miçiqandakı çıxışından sonra deyib.

"ABŞ (hesabda-red) birdir, İran sıfırdır! Oyun bitdi", - bundan əvvəl iqtisadi mövzularda çıxış edən Bayden sevinclə deyib.

"ABŞ! ABŞ! Bu, ən vacib matçdır, dostlar", - o deyib. "Onlar (amerikalı futbolçular və onların məşqçisi - red.) bunu etdilər, Allah onları qorusun! Ümumiyyətlə, mən sadəcə fikirləşdim ki, sizə maraqlı olacaq", - Prezident tamaşaçıların sevincli nidalarına əlavə edib.

ABŞ yığması Qətərdə keçirilən dünya çempionatında 1/8 finala yüksələn növbəti komanda olub. Amerikalılar buna B qrupunun III turunun İranla oyununda 1:0 hesablı qələbə qazanaraq nail olublar.

Bu nəticə ilə xallarının sayını 5-ə yüksəldən ABŞ millisi qrupda ikinci yeri tutub və növbəti mərhələyə çıxıb.

Komanda bu raundda A qrupunun birincisi Niderland yığması ilə üz-üzə gələcək.

İran hakimiyyəti Qətərdə keçirilən dünya çempionatında milli komandanın Uels yığması üzərində qələbəsindən sonra həbsxanalardan 715 məhbusu azad edib.

Bu qərarı İran məhkəmə sisteminin rəhbəri Qulam Hüseyn Möhseni-Ejei imzalayıb.

Qeyd edilir ki, İranın məhkəmə sisteminin rəhbəri iranlı futbolçuların qələbəsini yüksək qiymətləndirib.

Xatırladaq ki, İran millisi Uels komandasına 2:0 hesabı ilə qalib gəlib. Bu, iranlıların dünya çempionatı oyunlarında iştirak tarixində üçüncü qələbəsidir.

Bu gün Qətərdə təşkil olunan dünya çempionatının qrup mərhələsində sonuncu - 3-cü tura start veriləcək.

Avrasiya.net-in məlumatına görə, ilk olaraq A və B qruplarında mübarizə aparılacaq.

A qrupunda 4 xalla ilk iki pilləni bölüşdürən Niderland ilə Ekvador yığmaları müvafiq olaraq, Qətər və Seneqalla qarşılaşacaq. Hər iki kollektivi pley-offa yüksəlmək üçün heç-heçə də qane edəcək. Ev sahiblərinin isə artıq qrupda qalması rəsmiləşib.

B qrupunda İran millisi ABŞ-la, İngiltərə seçməsi Uelsə qarşılaşacaq. Bu qrupda bütün komandaların 1/8 finala vəsiqə qazanmaq şansı davam edir.

DÇ-2022

Qrup mərhələsi, III tur

29 noyabr

A qrupu

19:00. Ekvador - Seneqal

Baş hakim: Kleman Türpen (Fransa)

"Xəlifə" stadionu

19:00. Niderland - Qətər

Baş hakim: Bakari Qassama (Qambiya)

"Əl Beyt" stadionu

23:00. İran - ABŞ

Baş hakim: Migel Mateu Laos (İspaniya)

"Al Tumama" stadionu


23:00. Uels - İngiltərə

Baş hakim: Slavko Vinçiç (Sloveniya)

"Əhməd ibn Əli" stadionu


Qeyd edək ki, daha əvvəl Fransa, Braziliya və Portuqaliya yığmaları pley-offa vəsiqəni təmin ediblər.

Bu gün Qətərdə təşkil olunan dünya çempionatının qrup mərhələsində II tura yekun vurulacaq.

Avrasiya.net-in məlumatına görə, G və H qruplarında ümumilikdə 4 oyun keçiriləcək.

Günün ilk matçı G qrupunda Kamerun və Serbiya yığmaları arasında olacaq. Bu qrupun digər görüşündə isə Braziliya İsveçrəni sınağa çəkəcək.

H qrupunda Cənubi Koreya Qana ilə, Portuqaliya isə Uruqvayla münasibətlərinə aydınlıq gətirəcək.

DÇ-2022
Qrup mərhələsi, II tur


G qrupu

14:00. Kamerun - Serbiya
20.00. Braziliya - İsveçrə

Xal durumu: Braziliya - 3, İsveçrə - 3, Kamerun - 0, Serbiya - 0.


H qrupu

17:00. Cənubi Koreya- Qana
23:00. Portuqaliya - Uruqvay

Xal durumu: Portuqaliya - 3, Uruqvay - 1, Cənubi Koreya - 1, Qana - 0

Qeyd edək ki, hələlik yalnız Fransa millisi pley-offa vəsiqəni təmin edib

Zəfər Günü münasibətilə Azərbaycan Tibb Universitetinin Tədris İdman Kompleksində ali təhsil müəssisələrinin tələbələri arasında voleybol turniri keçirilib.

Tədbirdə Nəsimi Rayon İcra Hakimiyyətinin başçısı Asif Əsgərov, RİH başçısı aparatının məsul əməkdaşları, Azərbaycan Tibb Uiversitetinin prorektorları Sabir Əliyev, Zülfüqar Musabəyov, Tağı Əhmədov, Nəsimi rayon Gənclər və İdman İdarəsinin rəisi Şahmar Tağıyev, Universitetlərin idman klublarının rəhbərləri iştirak edib və final oyunlarını izləyib.

Qonaqlar əvvəlcə Vətən uğrunda canlarından keçmiş Şəhidlərimizin lövhəsinin önünə gül dəstələri qoyaraq, onların əziz xatirəsini yad ediblər.

Sonra milli olimpiya himninin sədaları altında voleybol komandaları zala daxil olub. Komandalar təmsil etdikləri universitetlərin lövhələri ilə sıralara düzüldükdən sonra Azərbaycan Respublikasının dövlət himni səsləndirilib.

Tədbirdə çıxış edən Nəsimi Rayon İcra Hakimiyyəti başçısının müavini Zahid Xəlilov tədbir iştirakçılarını salamlayaraq tədbirin əhəmiyyətindən danışıb. Qeyd edib ki, Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusu cəmi 44 gün ərzində torpaqlarımızı düşmən tapdağından azad edərək ərazi bütövlüyümüzü bərpa edib. Bugün biz fəxrlə deyə bilərik ki, qalib ölkənin vətəndaşlarıyıq.
Turnirdə 7 ali təhsil müəssisələrinin tələbələri iştirak edib (Azərbaycan Dillər Universiteti, Bakı Dövlət Universiteti, UNEC, Azərbaycan Texniki Universiteti, Bakı Slavyan Universiteti, Azərbaycan Universiteti və #Azərbaycan #Tibb #Universiteti)
Turnirin nəticələrinə görə #Azərbaycan #Tibb #Universitetinin komandası I yerə, Azərbaycan Dillər Universitetinin komandası II yerə, Azərbaycan Texniki Universitetinin komandası isə III yerə layiq görülüblər.

Qaliblər kubok, diplom və medallarla təltif olunublar. Eyni zamanda turnirdə iştirak edən bütün ali təhsil müəssisələrinin idman klublarının rəhbərlərinə turnirdə komandanı təmin etdiklərinə görə Nəsimi rayon Gənclər və İdman İdarəsi tərəfindən təşəkkürnamələr təqdim olunub. Tədbirdə çıxışlardan sonra Azərbaycan Milli Konservatoriyasının tələbəsi Aydan İlxaszadənin ifasında Vətənpərvərlik musiqiləri səslənib.