"Qarabağ"ın Konfrans Liqasında mümkün RƏQİBLƏRİ“Qarabağ” klubunun avrokubokların pley-offundakı rəqibi noyabrın 7-də bəlli olacaq.

Avrasiya.net-in məlumatına görə, həmin gün Çempionlar Liqasında 1/8 finalın, Avropa Liqası və Konfrans Liqasında pley-offun püşkü atılacaq.

Avropa Liqasının G qrupunda üçüncü olan Azərbaycan çempionu mübarizəni Konfrans Liqasında davam etdirəcək. Təmsilçimiz püşkatmada səpələnməmişlər səbətində olacaq.

“Qarabağ”ın mümkün rəqibləri Konfrans Liqasında qrup ikincisi olan 8 klubdur. Bu komandalar püşkdə səpələnmişlər olacaq.

Tədbir Bakı vaxtı ilə 17:00-da başlayacaq. “Qarabağ” bu raundda “Fiorentina” (İtaliya), “Bazel” (İsveçrə), “Dnepr-1” (Ukrayna), “Gent”, “Anderlext” (hər ikisi Belçika), ÇFR (Rumıniya), “Lex” (Polşa) və “Partizan” (Serbiya) klublarından biri ilə qarşılaşacaq.

Qeyd edək ki, pley-offun oyunları 2023-cü il fevralın 16-da və 23-də keçiriləcək. “Qarabağ” bütün səpələnmişlər kimi ilk oyuna evdə, cavab matçına səfərdə çıxacaq.
Qol vururuq, saymır, VAR-a baxır - MedvedevHamı oyunun önəmini başa düşürdü. Matça çox yaxşı hazırlaşmışdıq. Amma meydanda nə qədər vuruşsaq da, bəzi şeylər alınmırdı.

Avrasiya.net xəbər verir ki, bu sözləri "Qarabağ"ın kapitanı Maksim Medvedev Bakıda Almaniya "Frayburq"u ilə 1:1 hesablı heç-heçə etdikləri Avropa Liqasının qrup mərhələsinin 6-cı tur oyunundan sonra jurnalistlərə açıqlamasında deyib.

O, qol epizodlarından istifadə edə bilmədiklərini söyləyib: "Ümumi götürəndə komanda əlindən gələni etdi. Nə bacarırdısa, onu göstərdik".

M.Medvedev görüşün baş hakimi Aleksey Kulbakovun "Qarabağ"a antipatiyasının olduğunu bildirib:

"Ən azı kənardan belə görünürdü. "Qol vururuq, saymır, VAR-a baxır. Sonra penalti epizodu oldu. Nəticədə bir az stressə girdik və kobud oynamağa başladıq. Bu səbəbdən Kevin Medina qırmızı vərəqə aldı. Bununla belə, sonadək mübarizə apardıq. Azlıqda qalsaq da, bərabərlik qolunu vura bildik".
Qurban Qurbanov: Buna görə əsəbiləşdimFutbolçularıma və azarkeşlərimizə təşəkkür edirəm. Bu mövsüm avrokuboklarda yaxşı oyunlar keçirdik.

Avrasiya.net xəbər verir ki, bunu "Qarabağ"ın baş məşqçisi Qurban Qurbanov Bakıda Almaniya "Frayburq"u ilə 1:1 hesablı heç-heçə etdikləri UEFA Avropa Liqasının qrup mərhələsinin VI tur oyunundan sonra "CBC Sport"a açıqlamasında deyib.

50 yaşlı mütəxəssis hakim qərarlarına da toxunub: "Sayılmayan qol epizodunda əsəbiləşdim. Həmin an penalti təyin olunmalı idi".

Qeyd edək ki, Avropa Liqasında mübarizəni dayandıran "Qarabağ" mübarizəni Konfrans Liqasının pley-offunda davam etdirəcək.
UEFA Avropa Liqasında qrup mərhələsinə yekun vurulacaqUEFA Avropa Liqasında bu gün qrup mərhələsinə yekun vurulacaq.

Avrasiya.net-in məlumatına görə, VI turda ümumilikdə 8 qrupda 16 qarşılaşma baş tutacaq.

Türkiyə təmsilçilərindən "Fənərbağça" Polşada Ukraynanın "Dinamo" (Kiyev) klubu ilə üz-üzə gələcək. B qrupunun digər maçtında Fransa "Renn"i Kiprin AEK (Larnaka) klubunu qəbul edəcək. Qrupda "Renn" və "Fənərbağça" ilk iki pilləni təmin edib. Oyunlar qrup liderini müəyyənləşdirmək baxımından əhəmiyyətli olacaq.

Qonşu ölkənin digər komandası "Trabzonspor" Macarıstan "Ferentsvaroş"unu qəbul edəcək. H qrupunda "Monako" (Fransa) - "Srvena Zvezda" (Serbiya) matçı da baş tutacaq.

Sonuncu tur görüşlərindən sonra "Midtüllan" (Danimarka), "Şturm" (Avstriya), "Feyenoord" (Niderland), "Latsio" (İtaliya), "Qarabağ" (Azərbaycan), "Nant" (Fransa), "Monako" (Fransa), "Srvena Zvezda" (Serbiya), "Trabzonspor" (Türkiyə), "Lüdoqorets" (Bolqarıstan), "Roma" (İtaliya), "Yunion" (Berlin, Almaniya) və "Braqa" (Portuqaliya) növbəti mərhələyə vəsiqə qazana bilər.

Daha əvvəl "Arsenal" (İngiltərə), PSV (Niderland), "Fənərbağça" (Türkiyə), "Renn" (Fransa), "Betis" (İspaniya), "Yunion" (Belçika), "Mançester Yunayted" (İngiltərə), "Real Sosyedad" (İspaniya), "Frayburq" (Almaniya) və "Ferentsvaroş" (Macarıstan) qrupdan çıxmağı təmin ediblər.

UEFA Avropa Liqası, qrup mərhələsi
VI tur

E qrupu
21:45. "Real Sosyedad" (İspaniya) - "Mançester Yunayted" (İngiltərə)
21:45. "Şerif" (Moldova) - "Omoniya" (Kipr)
Xal durumu: "Real Sosyedad" - 15, "Mançester Yunayted" - 12, "Şerif" - 3, "Omoniya" - 0

F qrupu
21:45. "Midtüllan" (Danimarka) - "Şturm" (Avstriya)
21:45. "Feyenoord" (Niderland) - "Latsio" (İtaliya)
Xal durumu: "Latsio" - 8, "Şturm" – 8, "Feyenoord" - 5, "Midtüllan" - 5

G qrupu
21:45. "Qarabağ" (Azərbaycan) - "Frayburq" (Almaniya)
21:45. "Olimpiakos" (Yunanıstan) - "Nant" (Fransa)
Xal durumu: "Frayburq" - 13, "Qarabağ" - 7, "Nant" - 6, "Olimpiakos" - 2

H qrupu
21:45. "Trabzonspor" (Türkiyə) - "Ferentsvaroş" (Macarıstan)
21:45. "Monako" (Fransa) - "Srvena Zvezda" (Serbiya)
Xal durumu: "Ferentsvaroş" - 10, "Monako" - 7, "Trabzonspor" - 6, "Srvena Zvezda" - 6

A qrupu
00:00. "Arsenal" (İngiltərə) - "Sürix" (İsveçrə)
00:00. "Budö Qlimt" (Norveç) - PSV (Niderland)
Xal durumu: "Arsenal" - 12, PSV - 10, "Budö Qlimt" - 4, "Sürix" – 3

B qrupu
00:00. "Dinamo" (Kiyev, Ukrayna) - "Fənərbağça" (Türkiyə)
00:00. "Renn" (Fransa) - AEK (Larnaka, Kipr)
Xal durumu: "Fənərbaxça" – 11, "Renn" - 11, AEK – 4, “Dinamo” - 1

C qrupu
00:00. "Roma" (İtaliya) - "Lüdoqorets" (Bolqarıstan)
00:00. "Betis" (İspaniya) - HİK (Finlandiya)
Xal durumu: "Betis" - 13, "Lüdoqorets" - 7, "Roma" - 7, HİK - 1

D qrupu
00:00. "Yunion" (Belçika) - "Yunion" (Berlin, Almaniya)
00:00. "Braqa" (Portuqaliya) - "Malmö" (İsveç)
Xal durumu: "Yunion" - 13, "Yunion" (Berlin) - 9, "Braqa" - 7, "Malmö" - 0
Bu gün Çempionlar Liqasında 8 matç varUEFA Çempionlar Liqasının qrup mərhələsində sonuncu - VI tura start verilir.

Avrasiya.net xəbər verir ki, ilk oyun günündə A, B, C və D qrupları üzrə 8 oyun keçiriləcək. Bu qarşılaşmalardan sonra 1/8 finalın daha 2 iştirakçısı bəlli olacaq.

Qeyd edək ki, "Napoli", "Liverpul", "Brügge", "Portu", "Bavariya" və "İnter", "Borussiya" (Dortmund), "Real Madrid", PSJ, "Benfika", "Mançester Siti" və "Çelsi" komandaları da pley-offa vəsiqəni təmin ediblər.


1 noyabr

Çempionlar Liqası, qrup mərhələsi, VI tur

A qrupu

00:00. "Liverpul" (İngiltərə) - "Napoli" (İtaliya)

00:00: "Reyncers" (Şotlandiya) - "Ayaks" (Niderland)


B qrupu

21:45. "Portu" (Portuqaliya) - "Atletiko" (Madrid, İspaniya)

21:45. "Bayer" (Almaniya) - "Brügge" (Belçika)


C qrupu

00:00. "Bavariya" (Almaniya) - "İnter" (İtaliya)

00:00. "Viktoriya" (Plzen, Çexiya) - "Barselona" (İspaniya)


D qrupu

00:00. "Sportinq" (Portuqaliya) - "Ayntraxt" (Frankurt, Almaniya)

00:00. "Marsel" (Fransa) - "Tottenhem" (İngiltərə)
UEFA "Qarabağ"a 1,2 milyon avro ödədiUEFA növbəti dəfə "Qarabağ" klubuna ödəniş edib.

Avrasiya.net AFFA-nın rəsmi saytına istinadən xəbər verir ki, "köhlən atlar"ın UEFA Avropa Liqası turnirinin qrup mərhələsində qazandığı qələbələrə görə (Performance bonus) Avropa futbol qurumu tərəfindən ayrılmış 1.294.000 avro maliyyə vəsaiti ödənilib.

Məbləğ AFFA-nın vasitəçiliyi ilə klubun hesabına köçürülüb.
“AzerGold” Daşkəsəndə minifutbol turniri keçirib24-28 oktyabr tarixlərində “AzerGold” Qapalı Səhmdar Cəmiyyəti (QSC) tərəfindən Daşkəsən rayon məktəbləri arasında Vətən müharibəsi şəhidi Rauf Əsgərovun xatirəsinə həsr olunmuş minifutbol turniri keçirilib.

Daşkəsən Gənclər və idman idarəsinin təşkilati dəstək göstərdiyi turnirdə Daşkəsən rayonunun 2009-2011-ci il təvəllüdlü şagirdlərindən ibarət 6 məktəb komandası – İmadəddin Nəsimi adına 1 nömrəli tam orta məktəb, Anar Mürsəlov adına 2 nömrəli tam orta məktəb, Səməd Vurğun adına 4 nömrəli tam orta məktəb, Zahir Bağırov adına Yuxarı Daşkəsən qəsəbə tam orta məktəbi, Mikayıl Mustafayev adına Bayan kənd tam orta məktəbi və Əli İsmayılov adına Quşçu kənd tam orta məktəbinin komandaları iştirak ediblər.

28 oktyabr tarixində QSC-nin törəmə cəmiyyəti – “Daşkəsən Dəmir Filiz” MMC-nin balansında olan minifutbol, universal voleybol-basketbol meydançalarının yenidənqurma işlərindən sonra istifadəyə verilməsi münasibətilə təşkil edilən turnirin final qarşılaşması çərçivəsində sözügedən meydançaların rəsmi açılışı olub.

Final qarşılaşmasından əvvəl “AzerGold” QSC-nin kollektivi Gəncə Şəhidlər Xiyabanında şəhid Rauf Əsgərovun məzarını ziyarət edərək, üzərinə əklil və gül dəstələri qoyub, mərhumun xatirəsini yad ediblər.

Meydançaların açılış mərasimində iştirak edən “AzerGold” QSC-nin İdarə Heyətinin sədri Zakir İbrahimov, Daşkəsən Rayon İcra Hakimiyyətinin başçısı Əhəd Abıyev, Azərbaycan Minifutbol Federasiyasının prezidenti Taleh Nəsibov, Gənclər və İdman Nazirliyinin, həmçinin rayon ictimaiyyətinin nümayəndələri turnirin final qarşılaşmasını da izləyiblər.

Final oyununda Anar Mürsəlov adına 2 saylı tam ora məktəbin komandası birincilik əldə edib. Yarışda 2-ci və 3-cü yerlərə isə müvafiq ardıcıllığa uyğun olaraq Zahir Bağırov adına Yuxarı Daşkəsən qəsəbə tam orta məktəbi və Əli İsmayılov adına Quşçu kənd tam orta məktəbinin minifubol komandaları tutub.

Qaliblərin mükafatlandırılması mərasimində çıxış edən “AzerGold” QSC-nin İdarə Heyətinin sədri Zakir İbrahimov minifutbol turinirinin qaliblərini təbrik edib. Bildirilib ki, yenidən qurulan meydançaları regionların sosial-iqtisadi inkişafı ilə bağlı cənab Prezidentin təsdiq etdiyi dövlət proqramlarına uyğun olaraq Daşkəsəndə idmanın inkişafı, sağlam həyat tərzinin təbliği, yeniyetmə və gənclərin fiziki tərbiyyəsi və asudə vaxtlarını səmərəli keçirmələrinə töhfə vermək məqsədi daşıyır.

Qeyd olunub ki, cənab Prezident tərəfindən həyata keçirilən sosialyönümlü siyasət nəticəsində bu gün bölgələrimiz hərtərəfli inkişaf edir, əhalinin rifah halı daim yaxşılaşdırılır, həssas kateqoriyalardan olan vətəndaşlarımız yüksək qayğı və diqqətlə əhatə olunur. Eyni zamanda bildirilib ki, gənclərimizin sağlam inkişafı, yüksək vətənpərvərlik ruhunda tərbiyə olunması üçün mühüm işlər görülür. Vurğulanıb ki, dövlətimizin başçısı tərəfindən paytaxt Bakı ilə yanaşı, regionlarda istifadəyə verilən müasir olimpiya idman kompleksləri, beynəlxalq standartlara cavab verən stadionlar ölkə gənclərinin məhz idmana marağının artırılmasına, Azərbaycanın idman ölkəsi kimi beynəlxalq nüfuzunun daha da yüksəlməsinə gətirib çıxarır.

Bu xüsusda Daşkəsəndə açılışı olan yeni idman infrastrukturu məhz cənab Prezidentin dövlət qurumları qarşısına qoyduğu tapşırıq və tövsiyyələri əsasında aktiv korporativ sosial məsuliyyət siyasəti həyata keçirən “AzerGold” QSC-nin bölgədə yaşayan uşaq, yeniyetmə və gənclərin idmana marağının yüksəldilməsi, ümumilikdə idmanın kütləviliyinin artırılmasına xidmət edir.

“AzerGold” QSC tərəfindən istifadəyə verilən idman meydançalarının Daşkəsəndə idmanın inkişafına bilavasitə təsir edəcəyin əminliyini vurğulayan Daşkəsən Rayon İcra Hakimiyyətinin başçısı Əhəd Abıyev minifutbol turnirində iştirak edən məktəb komandalarının timsalında istedadlı gənclərimizin potensialının üzrə çıxarıldığını qeyd edib. Əhəd Abıyev QSC tərəfindən rayonda gənclərin inkişafına xidmət edən bir sıra uğurlu sosial-mədəni layihələrin rellaşdırıldığı, bu layihələrin rayonun sosial-iqtisadi inkişafına böyük töhfələr verdiyini diqqətə çatdırıb.

Azərbaycan Minifutbol Federasiyasının prezidenti Taleh Nəsibov isə çıxışında regionalarda minifutbol meydançalarının istifadəyə verilməsinin və mütəmadi olaraq turnirlərin keçirilməsinin bölgələrdə, o cümlədən Daşkəsəndə minifutbol idman növünün populyarlığının artmasına təsir edəcəyini diqqətə çatdırıb.

Çıxışlardan sonra miniftubol turnirində qalib gələn məktəb komandaları, həmçinin “Ən çox qol vuran oyunçu” və “Ən yaxşı qapıçı” nominasiyaları üzrə qaliblər mükfatlandırılıblar. Qaliblərə turnirin kubok, medal, diplom və xatirə hədiyyələri təqdim edilib.
Qurban Qurbanov məğlubiyyəti belə şərh etdiRəqib ikinci hissədə çox yaxşı dəyişikliklər etdi. Baş məşqçi meydana bacarıqlı oyunçular buraxdı. Futbolçularım 90 dəqiqə mükəmməl mübarizə apardılər. Rəqibdən çəkinmədik.

Avrasiya.net xəbər verir ki, bunu "Qarabağ"ın baş məşqçisi Qurban Qurbanov Fransada "Nant"a 1:2 hesabı ilə uduzduqları UEFA Avropa Liqasının qrup mərhələsinin V tur oyunundan sonra "CBC Sport"a açıqlamasında deyib.

50 yaşlı mütəxəssis bildirib ki, futbolda belə hallar olur:

"Futbolun gözəlliyi də bundadır. Futbolçularım üzgündür. Hər birinə yaxınlaşdım, hamısını göstərdikləri oyuna görə təbrik etdim. Heç-heçəni əldən verdiyimiz üçün məyusuq. Amma irəliyə baxmalı, böyüməliyik. Bu komanda mənə ümid verir. Qarşıdakı illərdə daha yaxşı olacağıq".

O, Bakıya inamla qayıtdıqlarını söyləyib: "Hər şeyi gözəl anlayırıq. Bu gün yenə 2-ci yerdəyik. Son turda diqqətimizi Yunanıstandakı matça yönəltməyəcəyik, "Frayburq"la oyunumuza köklənəcəyik. Düzdür, mobil komandaya qarşı oynayacağıq. Bu görüşün bizim üçün böyük faydası olacaq. Məğlubiyyət barədə düşünmürük. Amma uduzsaq belə, yaxşı təcrübə olacaq".

Qurbanov rəqibin sağ cinahdan təşkil etdiyi hücumların qarşısını kəsməkdə çətinlik çəkən Marko Veşoviçin çıxışına da toxunub:

"Çox yaxşı oynadı. Rəqibin sol cinahında bacarıqlı futbolçular var. Ona görə Veşoviçdə yorğunluq hiss olunurdu. Qarşısındakı rəqib çox fəal idi. Hücumu gücləndirmək üçün Ramil Şeydayevi meydana buraxdım. Yaxşı mübarizə apardığımızı düşünürəm".

Təcrübəli mütəxəssis qapıçı Şahruddin Məhəmmədəliyevin buraxılan ilk qoldakı səhvinə də münasibət bildirib:

"Texniki, dünya futbolunda olan normal səhvdir. Biz bu cür böyüməliyik. Futbol pas oyunudur və bu, qapıçıdan başlayır".
Bu gün “Nant” - “Qarabağ” matçı varBu gün Avropa Liqasının qrup mərhələsində V turun oyunlarına start veriləcək.

Avrasiya.net xəbər verir ki, Azərbaycanı avrokuboklarda təmsil edən “Qarabağ” da növbəti matçına çıxacaq.

Qurban Qurbanovun komandası Fransada “Nant”ın qonağı olacaq.

Ağdam təmsilçisinə qrupdan çıxmağı rəsmiləşdirmək üçün heç-heçə də bəs edəcək.

Qarşılaşma Bakı vaxtı ilə 23:00-da start götürəcək.

Avropa Liqası
G qrupu, V tur
27 oktyabr

23:00. “Nant” (Fransa) - “Qarabağ” (Azərbaycan)

Baş hakim: Yakob Kehlet (Danimarka)
“Beaujoire” stadionu
Olimpiya Komitəsinin 30 illiyinə həsr olunan tədbir keçirilib - SiyəzəndəOktyabrın 26-da Gənclər Evində Gənclər və İdman İdarəsinin təşkilatçılığı ilə Milli Olimpiya Komitəsinin yaradılmasının 30 illiyinə həsr olunmuş “Azərbaycan Respublikası Olimpiya Komitəsi – 30 il” adlı yubiley tədbiri keçirilib.

Tədbirdə Siyəzən Rayon İcra Hakimiyyətinin əməkdaşları, rayonda müxtəlif idman növləri üzrə fəaliyyət göstərən məşqçi-müəllimlər, ümumtəhsil məktəblərinin Fiziki tərbiyə müəllimləri, idmançılar və idman ictimaiyyətinin nümayəndələri iştirak ediblər. Tədbirdə Vətən müharibəsi şəhidlərinin xatirəsi 1 dəqiqəlik sükutla yad olunub.

Daha sonra Gənclər və İdman İdarəsinin rəisi Nadir Məmmədov çıxış edərək ölkəmizdə Olimpiya hərəkatının tarixi və bu sahədə qazanılan nailiyyətlər haqqında məlumat verib. Tədbirdə, həmçinin Uşaq Gənclər İdman-Şahmat Məktəbinin direktoru Yavuz Əliyev, əməkdar məşqçilər Cavanşir Ağayev, Elman Abdullayev və digərləri çıxış ediblər. Çıxışlarda qeyd olunub ki, bu gün ölkəmizin dünyanın aparıcı idman ölkəsi kimi tanınmasında Milli Olimpiya Komitəsinin özünəməxsus yeri var. Milli Olimpiya komitəsi 1992-ci ildən fəaliyyət göstərməsinə baxmayaraq, 1997-ci ildə MOK-a cənab İlham Əliyevin sədr seçilməsindən sonra Azərbaycanda olimpiya hərəkatı başlayır.

Bu müddət ərzində MOK beynəlxalq miqyasda böyük nüfuz qazana bilmiş, fəaliyyəti və nailiyyətləri ilə seçilmiş, əhali arasında idmana marağın artmasında mühüm rol oynamışdır. Çıxışlardan sonra MOK-un yaradılmasının 30 illiyi münasibəti ilə rayonda bədən tərbiyəsi və idmanın inkişafındakı xidmətlərinə görə bir qrup məşqçi-müəllim fəxri fərmanlarla təltif olunublar. Sonda Olimpiya hərəkatından bəhs edən “Olimpiya Odisseyası” filmi nümayiş etdirilib.





#MilliOlimpiyaKomitəsi
#MOK30
#SiyəzənGİİ
#AZEsport
#AZEidman
#Gənclərİdman
#birkimibirlikdə