Şəhidlərinin xatirəsinə həsr olunan şahmat turnirinə yekun vurulubGənclər və İdman İdarəsinin təşkilatçılığı ilə 19-20 avqust 2021-ci il tarixlərdə Siyəzən Gənclər Mərkəzində uşaq və yeniyetmələr arasında keçirilən yarışda 50 şahmatçı mübarizə aparıb.

Avrasiya.net xəbər verir ki, birinciliyin keçirilməsində əsas məqsəd Vətən şəhidlərinin xatirəsinin yad olunması, şahmat idman növünə marağın artırılması, perpektivli şahmatçıların üzə çıxarılması və yarış təcrübəsinin artırılması, eləcə də uşaq və yeniyetmələrin asudə vaxtlarının səmərəli təşkil edilməsi və sağlam həyat tərzinin təbliğidir. 2 gün davam edən turnirin nəticəsinə əsasən qızlar arasında Həsənova Qızılgül I, Əsgərova Leyla II, Qurbanlı Məryəm III yeri tutub. Oğlanların yarışında isə Kərimli Elman I, Şeydayev Mehdi II, Qurbanlı Əli III olub.
Qaliblər yarışın sonunda Gənclər və İdman İdarəsi tərəfindən fəxri fərman və medallarla təltif ediliblər.





#VətənMüharibəsi #Qələbə #QarabağAzərbaycandır
#KarabakhisAzerbaijan #şahmat #SiyəzənGİİ #ARGİİN27 #GənclərvəİdmanNazirliyi #MysGovAz #MysAz
Azərbaycan millisi Avropa çempionatında mübarizəyə başlayırQadın voleybolçulardan ibarət Azərbaycan millisi bu gün Avropa çempionatında mübarizəyə başlayacaq.

Avrasiya.net-in məlumatına görə, Vüqar Əliyevin baş məşqçi olduğu kollektiv A qrupundakı ilk sınağında Belçika yığması ilə qarşılaşacaq.

Serbiyanın paytaxtı Belqraddakı "Stark Arena"da keçiriləcək görüş Bakı vaxtı ilə saat 17:00-da başlayacaq. Qarşılaşma İctimai Televiziya vasitəsilə canlı yayımlanacaq.

Azərbaycan yığmasının heyətində Ayşən Abduləzimova, Olena Xarçenko, Kseniya Pavlenko, Yana Doroşenko, Kristina Besman, Şəfaqət Alışanova, Nilufər Ağazadə, Anastasiya Mertsarova, Mariya Kirilyuk, Marqarita Stepanenko, İlhamə Əliyeva, Bəyaz Alıyeva, Yuliya Kərimova və Anastasiya Bayduk çıxış edəcəklər.

Avropa çempionatı

A qrupu

17:00. Azərbaycan - Belçika

Belqrad. "Stark Arena"

Qeyd edək ki, Azərbaycan millisinin A qrupundakı digər rəqibləri Serbiya, Rusiya, Fransa, Bosniya və Herseqovina yığmalarıdır.
"Qarabağ" "Aberdin"i məğlub etdiBakıda "Qarabağ" və Şotlandiyanın "Aberdin" komandaları arasında UEFA Konfrans Liqasının pley-off mərhələsinin ilk oyunu keçirilir.

Avrasiya.net xəbər verir ki, görüş Tofiq Bəhramov adına Respublika stadionunda keçirilir.

30-cu dəqiqədə Ağdam təmsilçisinin heyətində Xayme Romero topu rəqib qapıdan keçirib.

Komandalar fasiləyə yollanıblar.

***

"Qarabağ" UEFA Konfrans Liqasının pley-off mərhələsində ilk oyununu keçirib.

Qurban Qurbanovun baş məşqçi olduğu komanda Bakıda Şotlandiyanın "Aberdin" klubu ilə üz-üzə gəlib.

Matçı sloveniyalı Rade Obrenoviçin başçılıq etdiyi hakimlər briqadası idarə edib. Tofiq Bəhramov adına Respublika stadionunda keçirilmiş qarşılaşma Ağdam təmsilçisinin 1:0 hesablı qələbəsi ilə yekunlaşıb.

Qeyd edək ki, komandalar arasındakı cavab matçı bir həftə sonra Şotlandiyada olacaq.
Türkiyə Avropa çempionatına qələbə ilə başladıTürkiyənin voleybol üzrə qadınlardan ibarət yığma komandası Avropa çempionatına qələbə ilə start verib.

Avrasiya.net "Haber Global"a istinadla xəbər verir ki, “sultanlar” D qrupu çərçivəsində keçirdikləri ilk oyunda ev sahiblərindən biri olan Rumıniya millisini 3:1 hesabı ilə üstələyib.

Sentyabrın 20-də baş tutacaq ikinci turda ay-ulduzlu komanda Ukrayna seçməsilə qarşılaşacaq.

Qeyd edək ki, qadınlar arasında voleybol üzrə builki Avropa Çempionatı Serbiya, Rumıniya, Xorvatiya və Bolqarıstanın birgə evsahibliyi ilə təşkil olunub.
Çempionlar Liqasının ilk günündə sensasiyaFutbol üzrə UEFA Çempionlar Liqasında pley-off mərhələsinə start verilib.

Publika.ax xəbər verir ki, ilk oyun günündə üç qarşılaşma keçirilib.

Fransanın “Monako” komandası doğma meydanda Donetsk “Şaxtyor”unu qəbul edib və minimal hesabla uduzub.

3-cü mərhələdə Serbiyanın “Srvena Zvezda” komandasını mübarizədən kənarlaşdıraraq, sürprizə imza atan “Şerif” (Moldova) bu mərhələdə Zaqreb “Dinamo”su ilə üz-üzə gəlib. Gecənin senasiyası da bu qarşılaşmda qeydə alınıb. Tiraspol təmsilçisi bu oyunda da darmadağına imza atmaqla diqqət mərkəzinə düşüb - 3:0.

Avstriyanın “Zalsburq” komandasının rəqibi isə Danimarka “Brondbü”sü olub. Üç qolun qeydə alındığı matç meydan sahiblərinin qələbəsiylə yekunlaşıb - 2:1.

Pley-off mərhələsinin digər oyunları bu gün keçiriləcək.

UEFA Çempionlar Liqası
Pley-offun ilk oyunları
17 avqust

Monako (Fransa) – Şaxtyor (Donetsk, Ukrayna) 0:1

Şerif (Moldova) – Dinamo (Zaqreb, Xorvatiya) 3:0

Zalsburq (Avstriya) – Brondbü (Danimarka) 2:1


Çempionlar Liqası və Avropa Liqasında pley-off mərhələsi başlayırBu gün UEFA Çempionlar Liqasında (ÇL) və Avropa Liqasında (AL) pley-off mərhələsinin görüşlərinə start veriləcək.

Avrasiya.net-in məlumatına görə, ilk oyun günündə ÇL-də 3, AL-də isə 1 qarşılaşma baş tutacaq. Matçların hamısı Bakı vaxtı ilə eyni saatda - 23:00-da başlayacaq.

Çempionlar Liqasında "Monako" Fransada Ukraynanın "Şaxtyor" (Donetsk) klubunu qəbul edəcək. Digər oyunlarda Xorvatiyanın "Dinamo" (Zaqreb) komandası Moldovada "Şerif"lə, "Zalsburq" isə evdə Danimarka "Bröndbü"sü ilə üzə-üzə gələcək.

Avropa Liqasında isə "Srvena Zvezda" Serbiyada Rumıniyanın ÇFR klubu ilə münasibətlərinə aydınlıq gətirəcək.

Çempionlar Liqası

Pley-off mərhələsi, ilk oyunlar

23:00. "Monako" (Fransa) - "Şaxtyor" (Donetsk, Ukrayna)

23:00. "Şerif" (Moldova) - "Dinamo" (Zaqreb, Xorvatiya)

23:00. "Zalsburq" (Avstriya) - "Bröndbü" (Danimarka)

Avropa Liqası

Pley-off mərhələsi, ilk oyun

23:00. "Srvena Zvezda" (Serbiya) - ÇFR (Rumıniya)

Qeyd edək ki, Çempionlar Liqasında bu mərhələnin digər matçları 18 avqustda, Avropa Liqasında isə 18-19 avqustda oynanılacaq.
Şəhidlərin xatirəsinə ümumrespublika seminarı keçirilibAzərbaycan Braziliya Ciu-Citsu Federasiyası tərəfindən “2907” devizi altında Vətən müharibəsi zamanı şəhid olmuş hərbçilərimizin əziz xatirəsinə həsr olunmuş ümumrespublika seminarı keçirilib.

Avrasiya.net xəbər verir ki, seminarda Azərbaycanın müxtəlif bölgələrindən gəlmiş yüzə yaxın idmançı iştirak edib.

Seminar şəhidlərin əziz xatirəsinin bir dəqiqəlik sükutla yad edilməsi ilə başlayıb.

Seminarı öz çıxışı ilə açıq elan edən Braziliya Ciu-Citsu döyüş sənətinin Azərbaycanda banisi, qara kəmər sahibi Taleh Həsənov eyni zamanda birinci Qarabağ müharibəsi veteranı kimi uzun illərdir həsrətini çəkdiyimiz torpaqlarımıza qovuşmağın sevinci ilə bu günləri yaşamağın böyük qürur hissi doğurduğunu vurğulayıb. T. Həsənov artıq idmançıların qarşısında böyük vəzifə olduğunu, onların bundan sonra beynəlxalq yarışlarda ölkəmizi daha böyük əzm və qətiyyətlə təmsil etməli olduqlarını bildirib.
Azərbaycan Braziliya Ciu-Citsu Federasiyasının Prezidenti Aqil Acalov öz çıxışında pandemiyanın gətirdiyi fəsadlardan, onun idmançılara mənfi təsirindən danışıb.

O da öz növbəsində idmançıların üzərinə düşən böyük məsuliyyətli vəzifədən, onların post pandemiya dönəminə hazır olmasının vacibliyindən danışaraq öz tövsiyələrini verib. A. Acalov bildirib ki, torpaqlar uğrunda müharibə qələbə ilə nəticələnərək bitsə də, idman yarışlarında mübarizə bitməz, idmançılar iştirak etdikləri bütün yarışlarda bayrağımızı yüksəklərə qaldırmağa can atmalı, bu amal uğrunda daim çalışmalıdırlar.

Daha sonra çıxış edən Federasiyanın vitse-prezidenti Rüfət Həsənov öz növbəsində vətənpərvərlik mövzusundan danışıb. O, hər bir idmançının həm də vətənpərvər ruhda olmasının vacibliyini vurğulayıb. R. Həsənov bildirib ki, ölkəmizin beynəlxalq aləmdə tanınması, adının hallanması, bayrağının dalğalanmasında idmançılarımızın əvəzsiz rolu var. Hər bir idmançı həm də Vətənin şan-şöhrəti uğrunda mübarizə aparan bir Azərbaycan əsgəridir.

Çıxışlardan sonra seminar öz işinə başlayıb. Seminar Taleh Həsənovun rəhbərliyi və Federasiyanın vitse-prezidenti, qara kəmər sahibi Anar Səfərovun müşayiəti ilə keçirilib. Seminar zamanı Braziliya Ciu-Citsu idman növünün bir sıra fəndləri göstərilib, bu idman növünün incəlikləri idmançılara nümayiş etdirilib. Sonda keçirilən atestasiya ilə bir sıra idmaçılara növbəti kəmər dərəcələri təqdim edilib.
UEFA klublara 6 milyard avro ayırırUEFA klublara pandemiyanın təsirlərindən özlərinə gəlmələri üçün klublara yardım paketi ayırmaq niyyətindədir.

Avrasiya.net Report-a istinadən məlumatına görə, həmin məbləğ 2 milyard avrodan 6 milyard avroyadək nəzərdə tutulub.

Maliyyələşmə fondunun yaradılması UEFA-nın təqdim etdiyi üçtərəfli strategiyanın bir hissəsi sayılır. Yaxın həftə ərzində formalaşdırılacaq fond böhranlı vəziyyətlərdə pul ehtiyatının yaradılmasını və maliyyə feyr pleyi barədə yeni qaydaların tətbiqini nəzərdə tutur.

Klubların fonddan daha aşağı istiqrazlarla vəsait cəlb etmək imkanı qazanacaqları və mövcud borclarını daha uzun dövr üçün restrukturizasiya edə biləcəkləri planlaşdırılır. Bildirilir ki, klubların əldə etdikləri vəsaitlərin məbləği 13 faiz aşağı düşüb. Bu isə hətta aparıcı klubların maliyyə imkanlarını şübhə altına alıb.

Mənbə UEFA-nın oyunçuların əmək haqlarına yeni məhdudiyyətlər tətbiq etməklə, İngiltərənin "Çelsi" və "Mançester Siti" kimi varlı sahiblərə malik klublarına ədalətsiz üstünlük imkanı verməyəcəyi vurğulanıb.
“Neftçi” və “Qarabağ”ın növbəti rəqibləri“Neftçi” və “Qarabağ” komandalarının UEFA Konfrans Liqasının pley-off mərhələsindəki rəqibləri müəyyənləşib.

Avrasiya.net xəbər verir ki, bu, III təsnifat mərhələsinin qarşılaşmalarından sonra məlum olub.

Avropa Liqasında mübarizəni dayandıran “Neftçi” Konfrans Liqasının qrup mərhələsinə düşmək üçün İsrailin “Makkabi” (Hayfa) komandasını üstələməyi bacarmalıdır.

“Makkabi” evdə 7:2 hesabı ilə məğlubiyyətə uğratdığı “Torshavn”a Farer adalarında minimal hesabla yenilərək, mərhələ adlayıb.

“Qarabağ” isə Şotlandiya “Aberdin”i ilə üz-üzə gələcək. “Aberdin” İslandiyada 3:2 hesabı ilə yendiyi “Breydablik”ə öz meydanında da qalib gəlib - 2:1.

Qeyd edək ki, “Qarabağ” və “Neftçi” ilk oyunlarını avqustun 19-da öz meydanında keçirməlidir. Lakin bu halda matçların tarixində dəyişikliyin ediləcəyi gözlənilir.

Cavab görüşləri avqustun 26-da keçiriləcək.
Medal qazanan idmançılara pul veriləcək - MƏBLƏĞPrezident İlham Əliyev Yaponiyanın Tokio şəhərində keçirilən XXXII Yay Olimpiya Oyunlarında Azərbaycan idmançıları və onların məşqçiləri üçün yüksək nəticələrə görə mükafatların müəyyən edilməsi haqqında sərəncam imzalayıb.

Avrasiya.net xəbər verir ki, sərəncama əsasən, XXXII Yay Olimpiya Oyunlarında əldə etdikləri yüksək nəticələrə görə ikinci yeri tutan hər bir idmançıya 200 000 (iki yüz min) manat, onun məşqçisinə 100 000 (yüz min) manat, üçüncü yeri tutan hər bir idmançıya 100 000 (yüz min) manat, onun məşqçisinə 50 000 (əlli min) manat mükafat veriləcək.

Nazirlər Kabinetinə bu Sərəncamdan irəli gələn məsələləri həll etmək tapşırılıb.