Bu gün Çempionlar Liqasının püşkü atılacaqBu gün UEFA Çempionlar Liqasında 1/4 və yarımfinal mərhələlərinin püşkü atılacaq.

Avrasiya.net-in məlumatına görə, İsveçrənin Nyon şəhərində keçiriləcək tədbir Bakı vaxtı ilə saat 15:00-da başlayacaq.

1/4 finalda İspaniyanın "Atletiko" (Madrid), "Real Madrid", "Vilyarreal", İngiltərənin "Liverpul", "Mançester Siti", "Çelsi", həmçinin Almaniyanın "Bavariya" və Portuqaliyanın "Benfika" klubları iştirak edəcək.

Bu, Avropanın ən nüfuzlu klub turnirində son püşkatma olacaq.

Qeyd edək ki, 1/4 finalın ilk oyunları 5-6 apreldə, cavab qarşılaşmaları isə 12-13 apreldə baş tutacaq. Yarımfinalın ilk görüşləri 26-27 apreldə, cavab qarşılaşmaları 3-4 mayda olacaq. Final mayın 28-də Fransanın paytaxtı Parisdəki "Stad de Frans"da olacaq.
Çempionlar Liqasında həftənin oyunçusu adına namizədlər bəlli olubUEFA Çempionlar Liqasında 1/8 final mərhələsinin son 4 cavab matçından sonra həftənin oyunçusu adına namizədlər bəlli olub.

"Report"un məlumatına görə, bu ada Portuqaliya "Benfika"sından Darvin Nunyes, İspaniya "Vilyarreal"ının qapıçısı Geronimo Ruli, "Atletiko" (Madrid) komandasından Koke və İngiltərənin "Çelsi" klubundan Kristian Pulişiç iddia edir.

Qeyd edək ki, qalib UEFA-nın rəsmi saytında səsvermə yolu ilə müəyyənləşəcək.

Çempionlar Liqası: 1/4 finalın son iştirakçıları müəyyənləşirBu gün UEFA Çempionlar Liqasında 1/8 final mərhələsinə yekun vurulucaq.

Bununla da 1/4 finalın son iki iştirakçısı bəlli olacaq.

İspaniya "Vilyarreal"ı İtaliyada "Yuventus"un qonağı olacaq. Qarşılaşmanı polşalı Şimon Marçinyak idarə edəcək. İlk görüşdə qalib müəyyənləşməyib - 1:1.

Meydan sahiblərindən Leonardo Bonuççi, Ueston Makkenni, Denis Zakariya və Federiko Kyeza zədə səbəbindən oyunda iştirak edə bilməyəcəklər. Qonaqların heyətində isə ciddi itki yoxdur.

Gecənin digər oyununda İngiltərənin "Çelsi" klubu Fransada "Lill" komandası ilə qarşılaşacaq. Görüşün baş hakimi italiyalı Davide Massa olacaq. Londondakı ilk qarşılaşmada "zadəganlar" 2:0 hesablı qələbə qazanıblar.

"Lill"in heyətində Renatu Sanşeş, "Yuventus"da isə Ben Çiluel və Ris Ceyms zədəli olduqları üçün bu oyunu buraxacaqlar.

UEFA Çempionlar Liqası, 1/8 final

Cavab oyunları

16 mart

00:00. "Yuventus" (İtaliya) - "Vilyarreal" (İspaniya)

Baş hakim: Şimon Marçinyak

İlk oyun - 1:1

00:00. "Lill" (Fransa) - "Çelsi" (İngiltərə)

Baş hakim: Davide Massa

İlk oyun - 0:2.

Qeyd edək ki, daha əvvəl İngiltərənin "Liverpul" və "Mançester Siti", İspaniyanın "Real Madrid" və "Atletiko" (Madrid), həmçinin Almaniyanın "Bavariya" və Portuqaliyanın "Benfika" klubları 1/4 finala vəsiqə əldə edib.
Azərbaycanın üç karateçisi Dünya Oyunlarında iştirak edəcəkAzərbaycanın 3 karateçisi ABŞ-ın Birminqem şəhərində (Alabama ştatı) keçiriləcək Dünya Oyunlarında iştirak edəcək.

Azərbaycan Milli Karate Federasiyasının Mətbuat Xidmətindən verilən məlumata görə, Dünya Karate Federasiyası (WKF) İrina Zaretska (68 kq), Asiman Qurbanlı (84+ kq) və Roman Heydərlinin (kata) yarışa qatılacağını təsdiqləyib.

Qeyd edək ki, Dünya Oyunları 7 - 17 iyulda gerçəkləşəcək. Karate yarışları 8-9 iyulda baş tutacaq.
Çempionlar Liqası: "Bavariya" və "Liverpul" 1/4 finala yüksəlibUEFA Çempionlar Liqasında 1/8 final mərhələsinin cavab görüşlərinə start verilib.

İlk oyun günündə növbəti mərhələyə vəsiqə qazanan 2 komandanın adına aydınlıq gəlib. Bunlar Almaniya "Bavariya"sı ilə İngiltərə "Liverpul"udur.

"Bavariya" Avstriyada "Zaltsburq"la 1:1 hesablı heç-heçə etdiyi ilk qarşılaşmanın revanşında böyük hesablı qələbəyə imza atıb - 7:1. İlk 3 qolu Robert Levandovski vurub. Polşalı hücumçu 12-ci və 21-ci dəqiqədə penaltidən, 23-cü dəqiqədə isə oyun epizodundan fərqlənərək, ən erkən het-trik rekordunu yeniləyib.

İlk yarıda daha bir qolu 31-ci dəqiqədə Serj Qnabri vurub.

"Bavariya" fasilədən sonra da üstünlüyünü davam etdirib. 54-cü və 83-cü dəqiqələrdə Tomas Müller "dubl" edib. Son nöqtəni isə 85-ci dəqiqədə Leroy Sane qoyub. "Zaltsburq"un təsəlli qoluna 70-ci dəqiqədə Maurits Kyerqor imza atıb.

"Liverpul" isə İtaliyada 2:0 hesabı ilə yendiyi "İnter"ə öz meydanında minimal hesabla uduzub. Yeganə qolu 62-ci dəqiqədə Lautaro Martines vurub. Bundan 1 dəqiqə sonra ALeksis Sançes qırmızı vərəqə alaraq, İtaliya klubunu azlıqda qoyub. Qalan müddətdə qapılara qol vurulmayıb. Beləliklə, "Liverpul" iki oyunun yekununda daha üstün olduğu üçün mərhələ adlayıb.

UEFA Çempionlar Liqası
1/8 final, cavab oyunları
8 mart
00:00. "Liverpul" (İngiltərə) - "İnter" (İtaliya) - 0:1
Qol: Lautaro Martines, 62
Qırmızı vərəqə: Aleksis Sançes, 63 ("İnter")
Baş hakim: Antonio Migel Mateu Laos (İspaniya)
İlk oyun - 2:0

00:00. "Bavariya" (Almaniya) - "Zaltsburq" (Avstriya) - 7:1
Qollar: Robert Levandovski, 12 (pen.); 21 (pen.); 23. Serj Qnabri, 31. Tomas Müller, 54; 83. Leroy Sane, 85 - Maurits Kyerqor, 70
Baş hakim: Klement Turpin (Fransa)
İlk oyun - 1:1.
"Marsel" erməni təxribatına görə CƏRİMƏLƏNDİUEFA-nın Nəzarət, Etika və İntizam Komitəsi Fransanın "Marsel" klubunu cərimələyib.

Avrasiya.net xəbər verir ki, "Qarabağ"la oyunda erməni təxribatına görə kluba ümumilikdə 44 250 avro cərimə kəsilib.

Cərimənin 20 000 avrosu azarkeşlərin təxribatçı siyasi və təhqiramiz hərəkətlərinə, 14 000 avrosu tribunalarda ümumi istifadə üçün nəzərdə tutulan keçidlərin tutulmasına, 10 250 avrosu isə fişəng yandırılmasına görə nəzərdə tutulub.

Qeyd edək ki, oyun fevralın 17-də baş tutub. Matç zamanı bir qrup təxribatçı Ermənistan və qondarma rejimin "simvolunu" nümayiş etdiriblər.
Siyəzəndə rayon idman ictimaiyyətinin nümayəndələri ilə görüş keçirilib5 Mart “Bədən Tərbiyəsi və İdman günü”nü münasibəti ilə rayonun idman ictimaiyyətinin nümayəndələri ilə görüş keçirilib.

Gənclər Mərkəzində 5 mart tarixində Gənclər və İdman İdarəsinin təşkilatçılığı ilə “İdman həftəsi” çərçivəsində keçirilən görüşdə rayonda müxtəlif idman növləri üzrə fəaliyyət göstərən məşqçi-müəllimlər, rayon məktəblərinin Fiziki Tərbiyə müəllimləri və idmançılar iştirak edib.

Dəyirmi masa ətrafında təşkil olunan tədbirdə ilk öncə dövlət himni səsləndirilib və Vətən müharibəsi şəhidlərinin xatirəsi 1 dəqiqəlik sükutla yad edilib.
Tədbiri giriş sözü ilə Gənclər və İdman İdarəsinin rəisi Nadir Məmmədov açaraq əlamətdar gün münasibəti ilə iştirakçıları təbrik edib, idman sahəsində rayon idmançıları tərəfindən müxtəlif yarışlarda qazanılan nailiyyətlər barədə məlumat verib.

Daha sonra şəhər stadionunun direktoru Cavanşir Ağayev, boks üzrə məşqçi-müəllim Elman Abdullayev, şəhər 2 saylı tam orta məktəbin Fiziki Tərbiyə müəllimi Cavid Zeynəddinov, şəhər 3 saylı tam orta məktəbin Fiziki Tərbiyə müəllimi Telman Məmmədov, Vətən müharibəsi qazisi, şəhər 2 saylı tam orta məktəbin Hərbi rəhbəri Akif Quliyev və digərləri çıxış ediblər.

Çıxışlarda bildirilib ki, bu gün ölkəmiz idmanın inkişaf səviyyəsinə görə dünyada aparıcı ölkələrdən biri kimi tanınır. Dövlətimizin ¬iqtisadi qüdrətinin ildən-ilə artması idmanın tərəqqisinə də müsbət təsir göstərir. Bu baxımdan Azərbaycanın dinamik inkişafı idmanda qazanılan uğurlarla bir paralellik təşkil edir. Həm qazandığımız medallar, həm idman komplekslərinin tikintisi, həm də Azərbaycanın beynəlxalq miqyasda idman ölkəsi kimi imicinin möhkəmlənməsi bir vəhdət təşkil edərək idman sahəsindəki uğurlarımızın əsasını təşkil edir.

Görüşdə, həmçinin dövlətin bədən tərbiyəsi və idman siyasətindən bəhs edən videoçarx nümayiş etdirilib.
Tədbirin sonunda 5 Mart “Bədən Tərbiyəsi və İdman günü” münasibəti ilə idmanının inkişafındakı xidmətlərinə görə bir qrup məşqçi-müəllim, ötən dövr ərzində yarışlarda yüksək nəticələr əldə etmiş idmançılar, Fiziki Tərbiyə müəllimləri və Vətən müharibəsi iştirakçısı olan idmançılar idarə tərəfindən fəxri fərmanlar və qiymətli hədiyyələrlə təltif olunublar.


#Gənclərİdman #İdmanHəftəsi2022 #BədənTərbiyəsivəİdmanGünü #Azərbaycanİdmanı #AZEsport #SiyəzənGİİ #GənclərvəİdmanNazirliyi #MysGovAz #MysAz
Belarusla bağlı ŞOK QƏRARRusiyanın Ukraynaya hərbi müdaxiləsindən sonra Belarusun dəstəyi ilə toplanan UEFA İcraiyyə Komitəsi Belarus klubları və millisinin bundan sonra ev oyunlarını neytral stadionda keçirməsinə qərar verib.

Bu barədə qurumun rəsmi səhifəsində məlumat yer alıb.

Açıqlamada Belarus komandalarının ev sahibliyi etdiyi yarışlara tamaşaçıların buraxılmayacağı da qeyd edilib.
Karate üzrə Avropa çempionatı Rusiyadan alınıbKarate üzrə 2023-cü il Avropa çempionatının ev sahibliyi hüququ Rusiyadan alınıb.

"Report" Dünya Karate Federasiyasının (WKF) rəsmi saytına istinadən xəbər verir ki, bu barədə Avropa Karate Federasiyasının (EKF) növbədənkənar iclasında qərar qəbul olunub.

Videokonfrans formatında keçirilmiş toplantıda WKF və EKF-ın prezidenti Antonio Espinos, həmçinin Azərbaycan Milli Karate Federasiyasının prezidenti Yaşar Bəşirov iştirak edib. İclasda Ukraynadakı vəziyyət gündəmdə olub.

EKF qitə çempionatı üçün alternativ ölkə axtarır. Yarışın yeri növbəti həftələrdə açıqlanacaq.

Qeyd edək ki, daha əvvəl Karate1 Premyer Liqa turniri Rusiyadan alınıb.
Rusiya daha bir Federasiyadan çıxarıldıRusiya Psixoloji Cəmiyyəti Avropa Psixoloji Assosiasiyalar Federasiyasının tərkibindən çıxarılıb.

Axar.az xəbər verir ki, bu barədə cəmiyyətin bəyanatında deyilir.

Qeyd edək ki, Rusiyanın Avropa Psixoloji Assosiasiyalar Federasiyasından çıxması üçün Ukrayna quruma rəsmi müraciət ünvanlamışdı.