Siyəzəndə yeniyetmələr arasında şahmat turniri təşkil olunub5 Mart “Bədən Tərbiyəsi və İdman günü” münasibəti ilə 10-14 yaşlı yeniyetmə oğlanlar və qızlar arasında şahmat turniri təşkil olunub.

2-3 mart tarixlərində Gənclər Mərkəzində “İdman həftəsi” çərçivəsində Gənclər və İdman İdarəsi və Təhsil Şöbəsinin birgə təşkilatçılığı ilə keçirilən yarışda 42 yeniyetmə şahmatçı yerlər uğrunda mübarizə aparıb.

Turnir 5 Mart “Bədən Tərbiyəsi və İdman günü”nün qeyd olunması, şahmatın Siyəzən rayonunda inkişaf etdirilməsi, yeniyetmə şahmatçıların oyun təcrübəsinin artırılması, həmçinin bu idman növü üzrə ən güclülərin müəyyən olunması məqsədi daşıyıb. 2 gün davam edən turnirin nəticəsinə görə oğlanlar arasında şəhər 6 saylı məktəb-liseyin şagirdləri Qurbanlı Əli və Allahverdiyev Amid I və II yerləri bölüşüblər. Şəhər 1 saylı tam orta məktəbin şagirdi Adayev Yavər isə III olub. Qızlar arasında şəhər 3 saylı tam orta məktəbin şagirdləri Həsənova Qızılgül, Zərbəliyeva Fidan və Əsgərova Leyla müvafiq olaraq I, II və III yerləri tutublar.

Təltif olunma mərasimində yarışda ilk üç yeri tutan yeniyetmə şahmatçılara Gənclər və İdman İdarəsi tərəfindən fəxri fərman və medallar təqdim edilib.




#Gənclərİdman #İdmanHəftəsi2022 #Azərbaycanİdmanı #AZEsport #SiyəzənGİİ #GənclərvəİdmanNazirliyi #MysGovAz #MysAz
Rusiya və Belarus idmançıları Pekin oyunlarından kənarlaşdırılıbBeynəlxalq Paralimpiya Komitəsi (IPC) kütləvi boykot təhlükəsi ilə əlaqədar Rusiya və Belarus idmançılarının Pekin Oyunlarında iştirakını dayandırıb.

Bu barədə təşkilatın rəsmi saytı xəbər verir. "Son 12 saat ərzində çoxlu sayda iştirakçı bizimlə əlaqə saxladı. Onlar bizə dedilər ki, qərarımızı yenidən nəzərdən keçirməsək, bu, 2022-ci il Paralimpiya Oyunları üçün ciddi nəticələrə səbəb olacaq”. - IPC rəhbəri Con Parsons bildirib. O. Rusiya Paralimpiya Komitəsinin qərarıdan məhkəməyə etiraz etmək hüququnu özündə saxladığını bildirib.
Siyəzəndə sərbəst güləş üzrə rayon birinciliyi keçirilib5 Mart “Bədən Tərbiyəsi və İdman günü”nə həsr olunmuş 2009-2010-cu il təvəllüdlü yeniyetmələr arasında Sərbəst güləş üzrə rayon birinciliyi keçirilib.

Martın 1-də şəhər stadionunun idman zalında 27 fevral – 5 mart tarixlərini əhatə edən “İdman həftəsi” çərçivəsində Gənclər və İdman İdarəsi və Təhsil Şöbəsinin nəzdində fəaliyyət göstərən Uşaq-Gənclər İdman Şahmat Məktəbinin birgə təşkilatçılığı ilə keçirilən yarış yeniyetmələrin sərbəst güləş idman növünə marağının artırılması, yeniyetmə güləşçilərin fiziki hazırlığının və yarış təcrübəsinin yüksəldilməsi, zona və respublika səviyyəli birinciliklərdə rayonu təmsil edəcək perspektivli güləşçilərin üzə çıxarılması, həmçinin idmançılar arasında dostluq əlaqələrinin möhkəmləndirilməsi məqsədi daşıyıb.

Yarışın açılış mərasimində dövlət himni ifa olunub və Vətən müharibəsi şəhidlərinin xatirəsi 1 dəqiqəlik sükutla yad edilib. Gərgin idman mübarizəsi şəraitində keçən yarışda 40-dan çox yeniyetmə güləşçi 10 çəki dərəcəsində qüvvəsini sınayıb.

Yekun nəticəyə əsasən ilk üç yeri tutan yeniyetmə idmançılar Gənclər və İdman idarəsi tərəfindən fəxri fərmanlarla təltif olunublar.







#Gənclərİdman #İdmanHəftəsi2022 #Azərbaycanİdmanı #AZEsport #SiyəzənGİİ #GənclərvəİdmanNazirliyi #MysGovAz #MysAz
Gənclər arasında badminton üzrə rayon birinciliyi keçirilib5 Mart “Bədən Tərbiyəsi və İdman günü”nə həsr olunmuş yeniyetmə və gənclər arasında badminton idman növü üzrə rayon birinciliyi keçirilib.

“İdman həftəsi” çərçivəsində Gənclər və İdman İdarəsi və Təhsil Şöbəsinin birgə təşkilatçılığı ilə fevralın 28-də şəhər 3 saylı tam orta məktəbin idman zalında keçirilən yarışda 40-a yaxın yeniyetmə və gənc iştirak edib. Tədbirin açılış mərasimində Gənclər və İdman İdarəsinin rəisi Nadir Məmmədov, Təhsil Şöbəsinin müdiri Pərvin Ağasıyev və məktəbin direktoru Ülviyyə Talıbova çıxış edərək yarış iştirakçılarına uğurlar arzulayıblar.

Siyəzəndə ilk dəfə təşkil olunan birincilikdə əsas məqsəd badminton idman növünün rayonda yayılması və inkişaf etdirilməsi, yeniyetmə və gənclərin idmanın bu növünə maraqlarının artırılması, perspektivli badmintonçuların üzə çıxarılması, həmçinin sağlam həyat tərzinin və idmanın təbliğ edilməsidir.

Olimpiya sistemi üzrə qaliblərin müəyyən edildiyi yarışda yeniyetmələr arasında Səfərli Xəzər I, Səfərli Nihad II, Musayev Xaliq III, gənclər arasında isə Yunisov Azər I, Səfərli Əziz II, Nadirov Murad III olub. Qızların yarışında Səfərli Şəbnəm I, Zərbəliyeva Fidan II, Əhmədova Lalə III yeri tutub. Birinciliyin qalibləri təşkilatçılar tərəfindən fəxri fərmanlarla təltif ediliblər.






#Gənclərİdman #İdmanHəftəsi2022 #Azərbaycanİdmanı #AZEsport #SiyəzənGİİ #GənclərvəİdmanNazirliyi #MysGovAz #MysAz
“Qurban Qurbanov ləyaqətli hərəkət etdi” – “Marsel”in baş məşqçisi"Marsel" klubunun baş məşqçisi Xorxe Sampaoli Konfrans Liqasının pley-off mərhələsində "Qarabağ"a 3:0 hesabı ilə qalib gəldikləri cavab oyunundan sonra mətbuat konfransı keçirib.

Avrasiya.net xəbər verir ki, o, Ağdam təmsilçisinin baş məşqçisi Qurban Qurbanovun feyr-pley nümunəsi göstərməsinə belə münasibət bildirib:

"Bunu necə şərh edəcəyimi bilmirəm. Həyatımda belə şey görməmişdim. Qurban Qurbanov ləyaqətli hərəkət etdi. Buna şərh verə bilmirəm, sadəcə, onun yerində olmaq istərdim. Belə şey mənim başıma gəlsəydi, hakimin qərarına təsir etməzdim və qolu qeyd edərdim".

Qeyd edək ki, matçın 34-cü dəqiqəsində cinah ötürməsindən sonra "Qarabağ"ın hücumçusu İbrahima Vadjinin vurduğu qolu baş hakim qeydə alsa da, qonaqlar buna narazılığını bildirib. Daha sonra “Qarabağ”ın baş məşqçisi Qurban Qurbanov Vadjini yanına çağırıb və ondan qolu qaydalar çərçivəsində vurub-vurmadığını soruşub. Vadji topu əli ilə qapıdan keçirdiyini etiraf edib. Qurban Qurbanov futbolçuya bunu görüşün baş hakiminə bildirməsini deyib. Seneqallı hücumçu baş məşqçisinin dediyi kimi edib. Polşalı referi Bartoş Frankovski bundan sonra qolu ləğv edib.
Cüdo üzrə yeniyetmələr arasında rayon birinciliyi keçirilib26 Fevral Xocalı soyqırımının 30-cu ildönümünə həsr olunmuş cüdo üzrə yeniyetmələr arasında rayon birinciliyi keçirilib.

Siyəzən Rayon Gənclər və İdman İdarəsi və Təhsil Şöbəsinin nəzdində fəaliyyət göstərən Uşaq-Gənclər İdman Şahmat Məktəbinin birgə təşkilatçılığı ilə “Xocalı – bəşəriyyətə qarşı tarixi cinayət” şüarı altında fevralın 23-də şəhər stadionunun idman zalında keçirilən yarışda 40-a yaxın cüdoçu 8 çəki dərəcəsində qüvvəsini sınayıb. Açılış mərasimində soyqırım qurbanlarının xatirəsi 1 dəqiqəlik sükutla yad edilərəkyarışın məqsədi haqqında iştirakçılara ətraflı məlumat verilib. 2008-2010-cu yeniyetmələr arasında təşkil olunan birincilik soyqırım qurbanlarının xatirəsinin yad edilməsi, yeniyetmələrin vətənpərvərlik ruhunda tərbiyəsi, cüdo idman növünün yeniyetmələr arasında təbliğ olunması, həmçinin idman yarışlarının kütləviliyinin artırılması məqsədi daşıyıb.

Tədbirin sonunda yer tutan idmançılar Gənclər və İdman İdarəsi tərəfindən fəxri fərmanlarla təltif ediliblər.






#Xocalı30 #Khojaly30 #Xocalı30il #XocalıSoyqırımı #KhojalyGenocide #XocalıyaƏdalət #JusticeforKhojaly #HocalıKatliamı #SiyəzənGİİ #GənclərvəİdmanNazirliyi #MysGovAz #MysAz
Çempionlar Liqası: 1/8 final mərhələsinin ilk oyunlarına yekun vurulurBu gün UEFA Çempionlar Liqasında 1/8 final mərhələsinin ilk görüşlərinə yekun vurulacaq.

"Report"un məlumatına görə, son oyun günündə 2 qarşılaşma keçiriləcək.

Gecənin maraqla gözlənilən matçı İspaniyada Madrid "Atletiko"su ilə İngiltərənin "Mançester Yunayted" komandası arasında olacaq. "Vanda Metropolitano" stadionunda oynanılacaq görüşü rumıniyalı FIFA referisi Ovidiu Hatseqan idarə edəcək.

Vacib oyun öncəsi meydan sahiblərinin heyətində ciddi itkilər var. Antuan Qrizmann və Daniel Vass zədə, Yannik Karrasko isə cəza səbəbindən oynamayacaq. Xose Mariya Ximenesin isə meydana çıxması sual altındadır. Qonaqlarda isə eyni sözləri Erik Bayi və Edinson Kavani haqqında söyləmək olar.

Digər matçda isə Niderland "Ayaks"ı Portuqaliyada "Benfika" ilə qarşılaşacaq. "Eştadiu du Benfika" stadionundakı görüşün baş hakimi sloveniyalı Slavko Vinçiç olacaq.

Lissabon təmsilçisində Haris Seferoviç, Amsterdam klubunda isə Marten Stekelenburq və Şon Klayber zədə səbəbindən oyunu buraxacaq.

Komandalar arasında cavab qarşılaşmaları martın 15-də keçiriləcək.

UEFA Çempionlar Liqası, 1/8 final

İlk oyunlar

23 fevral

00:00. "Atletiko" (İspaniya) - "Mançester Yunayted" (İngiltərə)

Baş hakim: Ovidiu Hatseqan (Rumıniya)

00:00. "Benfika" (Portuqaliya) - "Ayaks" (Niderland)

Baş hakim: Slavko Vinçiç (Sloveniya)

Qeyd edək ki, 1/8 finalın ilk 6 görüşündə İngiltərənin "Mançester Siti" klubu Portuqaliyada "Sportinq"ə 5:0, PSJ Fransada İspaniya "Real Madrid"inə 1:0, İngiltərə "Liverpul"u İtaliyada "İnter"ə 2:0, "Çelsi" İngiltərədə Fransanın "Lill" klubuna 2:0 hesabı ilə qalib gəlib, Almaniya "Bavariya"sı Avstriyada "Zaltsburq"la, İtaliya "Yuventus"u isə İspaniyada "Vilyarreal"la eyni hesablı heç-heçəyə razılaşıb - 1:1.

"Airthings Masters": Şəhriyar Məmmədyarov mübarizəni dayandırıbAzərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi Çempionlar Turunun "Airthings Masters" mərhələsində daha 3 görüş keçirib.

"Report"un məlumatına görə, 37 yaşlı qrossmeyster XIII turda niderlandlı Aniş Giri ilə üz-üzə gəlib. Ağ fiqurlarla oynayan Məmmədyarov 79-cu gedişdə rəqibini məğlub edib.

Növbəti raundda Karlsenlə qarşılaşan təcrübəli şahmatçı bu dəfə qara fiqurlarla mübarizə aparıb. Görüş 38-ci gedişdə dünya çempionunun xeyrinə başa çatıb.

Məmmədyarovun XV turdakı rəqibi isə özbəkistanlı Nodirbek Abdusattarov olub. Ağ fiqurlarla oynayan Azərbaycan təmsilçisi 58-ci gedişdə rəqibini təslim olmağa məcbur edib.

Qeyd edək ki, ilkin mərhələni 17 xalla 14-cü pillədə başa vuran Şəhriyar Məmmədyarov "8-liy"ə düşə bilmədiyi üçün turnirlə vidalaşıb.
Böyük Dəbilqə: Azərbaycanın daha 5 cüdoçusu mübarizəyə başlayacaqBu gün Azərbaycanın daha 5 cüdoçusu Fransanın paytaxtı Parisdə keçirilən Böyük Dəbilqədə mübarizəyə başlayacaq.

Avrasiya.net-in məlumatına görə, 90 kq çəki dərəcəsində çıxış edən Məmmədli Mehdiyev 1/8 final mərhələsində Nadav Zuratla (İsrail) üz-üzə gələcək.

Eyni çəkidəki Rüfət İsmayılov 1/16 finalda Uşangi Margiani (Gürcüstan) ilə görüşəcək.

100 kq-da yarışan Zelim Kotsoyev 1/8 finalda Xanqal Adbatarla (Monqolustan), eyni çəkidəki Elmar Qasımov Robert Florentino (Dominikan Respublikası) ilə qarşılaşacaq.

100 kq-dan yuxarı çəkidəki Uşangi Kokauri 1/8 finalda Onise Buqadzenin (Gürcüstan) müqavimətini qırmağa çalışacaq.

Qeyd edək ki, Böyük Dəbilqənin ilk iki günündə Azərbaycan təmsilçilərindən 73 kq-da Hidayət Heydərov qızıl, 66 kq-da Yaşar Nəcəfov gümüş medala sahib çıxıb. 60 kq-da Kəramət Hüseynov 5-ci, Balabəy Ağayev 7-ci yeri tutub. Yarışda Azərbaycanı ümumilikdə 9 cüdoçu təmsil edir.
"Qarabağ" erməni təxribatı ilə bağlı UEFA-ya müraciət edəcəkUEFA Konfrans Liqası çərçivəsində keçirilən "Marsel"-"Qarabağ" matçında ermənilərin stadionda törətdiyi təxribatla bağlı UEFA-ya və "Marsel" klubuna rəsmi şəkildə şikayət edəcəyik.

Avrasiya.net xəbər verir ki, bunu Trend-ə açıqlamasında “Qarabağ” futbol klubunun mətbuat xidmətinin rəhbəri Gündüz Abbaszadə deyib.

“Biz bunu gözləyirdik. Ermənilər dəfələrlə “Qarabağ“ klubunun oyunlarında belə təxribatlara əl atıb. Plakat açılandan dərhal sonra stadionun təhlükəsizlik xidməti tərəfindən yığışdırıldı".

Qeyd edək ki, dünən "Qarabağ" UEFA Konfrans Liqasının pley-off mərhələsində ilk oyununu keçirib. Ağdam klubu tarixi matçda Fransa "Marsel"inin qonağı olub. "Velodrom" stadionunda oynanılan qarşılaşma meydan sahiblərinin 3:1 hesablı qələbəsi ilə başa çatıb.

Stadiondakı bir qrup erməni azarkeş tərəfindən qarşılaşmanın gedişində təxribat xarakterli plakat açılıb.