UAR həmsədri Oleq Krapivin “Wizard Open 2021” beynəlxalq turnirinin iştirakçılarını mükafatlandırıbUkrayna Azərbaycanlıları Radasının həmtəsisçisi, əməkdar bədən tərbiyəsi və idman xadim Oleq Krapivin Kievdə keçirilən “Wizard Open 2021” beynəlxalq kikboksinq turnirində uğurlu çıxış edən Azərbaycan təmsilçilərinin məşqçi və hakim heyətini qəbul edib.

UAR həmsədri bildirib ki Ukrayna, Türkiyə, Polşa, İsrail, Gürcüstan, Ermənistan, Belarus, Özbəkistan, Tacikistan, Moldova və Yunanıstan kikboksçuları ilə mübarizədə 11 qızıl, 3 gümüş, 5 bürünc qazan komandamız Azərbaycan idmançılarının və məşqçilərinin yüksək peşəkarlığını bir daha dünyaya göstərdi. Sərbəst güləş üzrə Azərbaycanın və SSRİ-nin əməkdar idman ustası Oleq Krapivin idmanda göstərdikləri uğurlu nəticələrə görə məşqçilər; Daxili İşlər Nazirliyinin İdman Cəmiyyətinin baş inspektoru, polkovnik-leytenant, “Ağ canavar” ləqəbli kikboksçu Eduard Məmmədovu, Cəmiyyətin məşqçisi Hikmət Hacıyevi, “Sərhədçi” İdman Kompleksinin məşqçisi, mayor Fuad Zeynalovu, Müşfiq Hüseynlini, beynəlxalq dərəcəli hakim Aydın Ağabəyovu, kikboksinq üzrə dünya çempionu Əli Orucovu, yüksək təşkilatçılığa görə isə Ukrayna Milli Kikboksinq Federasiyasının vitse-prezidenti Elşad İbrahimovu fəxri fərman və qiymətli hədiyyələrlə təbrik edib. Eyni zamanda ‘Bakinets’ güləş idman klubunun təsisçisi olan Krapivin klubun fəaliyyəti və uğurları barədə qonaqlara məlumat verib.

Görüşdə çıxış edən Ukrayna azərbaycanlıları radasının baş katibi Ceyhun Məmmədov idmançılarımızı təbrik edərək onlara uğurlar arzulayıb. Sağlam gənclik güclü və qüdrətli ordunun, güclü dövlətin təməlidir deyən UAR baş katibi Azərbaycan idmanının diasporumuzun qürur mənbəyi olduqunu bildirib.

Diaspor fəallarının da iştirak ettiyi görüşdən sonra idmançıların şərəfnə UAR həmtəsisçisi Oleq Krapivin tərəfindən ziyafət təşkil olunub.

Medal qazanan azərbaycanlı idmançılar
Məhəmməd İmanov
Emil Hümbətov
Xəyal Dadaşov
Amil Məmmədov
Elnur Mustafayev
Rafiq Babazadə
Amin Quliyev
Elvin Məmmədov
Rinat Qiyaslı
Qəşəm Məmmədov
Elşad Şahbazov
Elcan Alıkişiyev
Elməddin Baxşeliyev
Xəyal Astanov
Əli Cəfərov
Hüseyn Hacıyev
Rəvan Abdullazdə
Mirhəsən İbrahim
Kazımov Vüsal
Mahir Emreli hücuma məruz qaldığı üçün "Legiya"dan ayrılmağa qərar veribAzərbaycan millisinin futbolçusu Mahir Emreli Polşanın "Legiya" klubundan ayrılmaq istəyir.

"Report" "Sportfakty" saytına istinadən xəbər verir ki, 24 yaşlı hücumçu Plotsk "Visla"sına 0:1 hesabı ilə uduzduqları Ekstraklasanın XVIII tur oyunundan sonra azarkeşlərin hücumuna məruz qaldığı üçün bu addımı atmağı qərara gəlib.

Forvard müqaviləni ləğv etmə variantının nə qədər olduğunu öyrənmək üçün vəkillərlə əlaqə də saxlayıb. O, tibbi müayinədən keçmək üçün xəstəxanaya da yollanıb.

Emrelinin növbəti tur "Zaqlembe" ilə matçda iştirakı gözlənilmir.

Qeyd edək ki, fanatlar "Visla" ilə görüşdən sonra "Legiya"nın futbolçularına hücum edib. Nəticədə Mahir Emreli komanda yoldaşı Lukinyasla birlikdə xəsarət alıb.
Mahir Emreli Polşada döyüldüPolşanın “Legiya” klubunun azarkeşləri Plotsk “Visla”sına 0:1 hesabı ilə uduzduqları matçdan sonra komandanın futbolçularına hücum ediblər.

Avrasiya.net xəbər verir ki, onlar oyunçulara xəsarət yetiriblər.

Bildirilir ki, həmin futbolçulardan ikisi ciddi xəsarət alıb. Onlardan biri Azərbaycan millisinin üzvü Mahir Emreli, digəri isə Lukinyas olub.

“İnteria” nəşrinin yazdığına görə, polis hadisəyə müdaxilə edib. Futbolçuların xəsarət alması ilə bağlı isə heç bir açıqlama verilməyib.

Qeyd edək ki, qarşılaşmadan sonra “Legiya”nın baş məşqçisi Marek Qolebiyevski istefa verib.
Estoniya Prezidenti Pekin Qış Olimpiya Oyunlarına qatılmaqdan imtina edibEstoniya Prezidenti Alar Karis gələn ilin fevralında Çinin paytaxtı Pekində keçiriləcək Qış Olimpiya Oyunlarına getməkdən imtina edib.

“Report”un xəbərinə görə, bu barədə yerli ERR portalı məlumat yayıb.

Məlumatda qeyd edilir ki, dövlət başçısı bu qərarı siyasi səbəblərlə əlaqədar qəbul edib.

Alar Karis özü də “Kanal2” televiziyasına müsahibəsində bildirib ki, siyasi səbəblərdən Çində keçiriləcək Qış Olimpiya Oyunlarına getməyi planlaşdırmır.

Telekanalın məlumatına görə, Estoniya lideri bu qərarın qonşu ölkələrin liderləri ilə birlikdə qəbul edildiyini vurğulayıb.

Estoniya hökumətinin sözçüsü isə portala bildirib ki, ölkə rəhbərliyindən kiminsə Pekində keçiriləcək Olimpiya Oyunlarına gedəcəyi ilə bağlı məsələ hələ Nazirlər Kabinetində müzakirə olunmayıb. Oxşar bəyanat respublikanın Xarici İşlər Nazirliyi tərəfindən də verilib.

Eyni zamanda, Estoniya Mədəniyyət Nazirliyinin mətbuat xidməti oyunlara dəvət aldıqlarını təsdiqləsə də, nazir Tiyt Terik və vitse-kansler Tarvi Pyurnun Çinə səfərlə bağlı hələ qərar vermədiyini bildirib.
Üç qat Dünya çempionu şagirdlərlə görüşübQobustan rayon Gənclər və İdman İdarəsinin təşkilatçılığı ilə “Çempionumuz” layihəsi çərçivəsində karate üzrə 11 qat ölkə və 3 qat Dünya çempionu İbad Vaqif oğlu Rzazadə ilə Ağasəf Qayıblı adına Qobustan şəhər 1 saylı tam orta məktəbinin şagirdlərinin görüşü keçirilib.

Əməkdar idman ustası İbad Rzazadənin qazandığı uğurlar barədə ətraflı məlumat verilib. Onun idman həyatı haqqında videoçarx nümayiş etdirilib.
Gənclər və İdman İdarəsinin rəis müavini Vüqar Mürsəlov çıxış edərək qeyd edib ki, İbad Rzazadə 1993-cü ildə Qobustan şəhərində anadan olub, şəhər 1 saylı tam orta məktəbində təhsil alıb. İdmana böyük həvəsi olan İbad 2000-ci ildən əvvəl cüdo idman növü ilə, daha sonra isə karate ilə məşğul olmuşdur. İlk uğura 2009-cu ildə Gürcüstanda Avrasiya çempionatında qalib olmaqla nail olmuşdur. 2016-2018-ci illərdə Qocyu-ryu okinava karate və kobudo-kempo idman növü üzrə 3 qat Dünya çempionudur. Bundan əlavə İbad Rzazadə 11 qat Azərbaycan çempionudur.

Görüşdə karate üzrə III dan kəmər ustası, əməkdar idman ustası İbad Rzazadə çıxış edərək idman həyatında qazandığı nailiyyətlər haqqında xatirələr söyləyib, şagirdlərin çoxsaylı suallarını cavablandırıb.
Sonda idmançıya rayon Gənclər və İdman İdarəsinin fəxri fərmanı təqdim edilib.



Xorvatiyalı hakim "Qarabağ"ın futbolçusundan üzr istəyibHakimin qərarını siz necə qarşıladınızsa, biz də elə qarşıladıq. Sadəcə, belə qərarın verilməsi biabırçılıq idi.

Avrasiya.net xəbər verir ki, bu fikirləri Report-a açıqlamasında "Qarabağ"ın Mətbuat Xidmətinin rəhbəri Gündüz Abbaszadə İsveçrədə "Bazel"ə qarşı UEFA Konfrans Liqasının qrup mərhələsinin VI tur oyununda üzləşdikləri hakim ədalətsizliyindən danışarkən deyib.

O, Abdullah Zubirin 2-ci dəqiqədəki qolunda topun qapı xəttindən iki metrədək içəri keçdiyini və hakimlərin bunu görmədiyini bildirib:

"Bəziləri düşünə bilər ki, 3 top fərqi ilə məğlub olmuşuq. Amma futbolu yaxından izləyənlər və dərindən bilənlər erkən qolun bütün matçın axarını dəyişə biləcəyindən xəbərdardırlar. Artıq bu qoldan sonra üstünlük, həm mənəvi, həm psixoloji, həm də hesab baxımından bizim tərəfimizdə olacaqdı. Belə olan halda oynamaq daha rahat olardı".

Klub rəsmisi oyundan sonra rəsmi şəxslərə şifahi narazılığıqlarını bildirdiklərini söyləyib:

"Amma bu narazılıqlara baxan kimdir? UEFA nümayəndəsi və qarşılaşmanın hakim-inspektoru da bunu görüb. Xorvatiyalı baş hakim Fran Yoviç oyunun gedişində - ikinci hissədə futbolçumuz Kevin Medinaya "üzr istəyirəm, mən səhv etdim" deyib. Hakimlər səhvə yol verdiklərini fasilədə biliblər. Ümid edək ki, bu, sadəcə, səhv idi və hansısa qərəz deyildi".

Abbaszadə qərara rəsmi şəkildə etiraz edəcəklərini vurğulayıb:

"Hazırda yoldayıq. Bakıya qayıdandan sonra rəsmən etirazımızı bildirəcəyik. Amma bu nəyi dəyişək? Bu, "Qarabağ"a qarşı ilk hakim səhvi deyil. Ümumiyyətlə, "Bazel"in lehinə olan ilk hakim səhvi də deyil. "Kayrat"la matçda da onların lehinə qərarlar çıxarılıb. Orada hakim səhvi olmasaydı, qapımıza ikinci qolu vuran Paytim Kasami bizə qarşı matçda meydanda olmamalı idi. Çünki o, əvvəlki qarşılaşmada meydandan qovulmalı idi. Bütün bunlar istər-istəməz xoş deyil".

Qeyd edək ki, qarşılaşma "Bazel"in 3:0 hesablı qələbəsi ilə bitib.
Ümummilli liderin xatirəsinə həsr olunan dama üzrə rayon birinciliyinə yekun vurulubÜmummilli lider Heydər Əliyevin xatirəsinə həsr olunmuş yeniyetmə oğlanlar və qızlar arasında dama üzrə rayon birinciliyinə yekun vurulub.

Gənclər və İdman İdarəsinin təşkilatçılığı ilə 9-10 dekabr 2021-ci il tarixlərdə Gənclər Mərkəzində keçirilən yarışda 30-dan çox yeniyetmə iştirak edib.

Dekabrın 10-da baş tutan final oyunlarının nəticəsinə əsasən oğlanlar arasında şəhər 6 saylı məktəb-liseyin şagirdi Allahverdiyev Amid I, şəhər 2 saylı tam orta məktəbin şagirdi Hüseynli Ziyadxan II, şəhər 6 saylı məktəb-liseyin şagirdi Rəfiyev Nicat III olub.

Qızlar arasında isə şəhər 2 saylı tam orta məktəbin şagirdi Heydərova Vəfa I, şəhər 1 saylı tam orta məktəbin şagirdi Xəlilova Amira II, şəhər 2 saylı tam orta məktəbin şagirdi Əliyeva Nuranə III yeri tutublar. Yarışın qalibləri idarə tərəfindən fəxri fərmanlarla təltif olunublar.

Azərbaycan UEFA reytinqində gerilədiAzərbaycan UEFA reytinqində bir pillə geriləyib.

Avrasiya.net xəbər verir ki, buna "Qarabağ"ın UEFA Konfrans Liqasının qrup mərhələsinin VI turunda İsveçrədə "Bazel"ə 0:3 hesabı ilə uduzması səbəb olub. Ölkə 25-ci sıradan 26-cı yerə enib.

Rumıniyada Çexiya "Yablonets"ini 2:0 hesabı ilə üstələyən ÇFR (Kluj) komandası ölkəsinin aktivinə 0,500 xal yazdırıb.

Beləliklə, 17,150 xala malik Rumıniya 25-ci olub. Hazırda 17,000 xalla 26-cı yerdə gedən Azərbaycan 27-ci pillədəki Macarıstandan 0, 625 xal öndədir
Azərbaycanda bu şəxslərə hər ay 3 min manat, 5 otaqlı ev, lüks avtomobil veriləcəkAzərbaycan Velosiped Federasiyasının yeni prezidenti Mədət Quliyev idmançılar üçün təzə mükafatlar müəyyənləşdirib.

Eyni zamanda müdafiə sənayesi naziri olan M.Quliyevin göstərişi ilə mükafatlar barədə velosipedçilərin məşq etdiyi zalların girişinə məlumat lövhəsi yerləşdirilib.

Lövhədə Olimpiya, dünya və Avropa çempionu olan idmançıya “Mercedes-Benz A-Class” və ya "BMW" 7-ci seriya avtomobil, Bakı şəhərində 5 otaqlı mənzil, 100 min manat mükafat, ayda 3 min manat olmaqla illik 36 min manatlıq maddi yardım veriləcəyi qeyd olunub.

Adıçəkilən turnirlərdə gümüş medal qazanan idmançı isə “Mersedes E-Class” və ya "BMW "5-ci seriya avtomobil, Bakı şəhərində 4 otaqlı mənzil, 70 min manat mükafat və ayda 2 min olmaqla 24 min manatlıq maddi yardım alacaq.

3-cü yerin sahibi isə “Mersedes C-Class” və ya "BMW" 3-cü seriya avtomobilə, Bakıda 3 otaqlı mənzilə, 50 min manatlıq mükafata və ayda min manat olmaqla illik 12 min manat maddi yardıma sahib çıxacaq.

Qeyd edək ki, rəsmi olaraq Prezident sərəncamı ilə Olimpiya çempionlarına pul mükafatı təqdim edilir.(Qafqazinfo)
"Azəriqaz”ın əməkdaşı dünya çempionu olubDövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyev 12 ildir ki, qurumda çalışan Ruslan Tağıyevlə görüşüb.

Bu barədə “Azəriqaz”a istinadən xəbər veririk.

Məlumata görə, R.Tağıyev noyabrın 28-də Budo döyüş növləri üzrə Tunisdə keçirilmiş yarışda qalib gələrək dünya çempionu adına layiq görülüb.

Görüşdə R.Əliyev üç rəngli bayrağımızı zirvələrə ucaltdığı üçün R.Tağıyevə təşəkkür edib, onun əldə etdiyi uğurları yüksək qiymətləndirib. R.Tağıyev Budo döyüş növləri üzrə həm də dünya kubokunun sahibidir.

“Azəriqaz”ın baş direktoru Azərbaycanda idmanın inkişafına, gənclərə və idmançılara, eləcə də dünya çempionu R.Tağıyevə göstərdiyi diqqət və qayğıya görə Azərbaycan BUDO Döyüş Növləri Federasiyasının fəxri diplomu ilə təltif edilib.