SEPAH-dan Bakıya qarşı təxribat anonsu? – Şok açıqlamaİrana sığınan, bu ölkənin kəşfiyyatı və Qumda yerləşən ideoloji mərkəzləri tərəfindən dəstəklənən və tərkibində azərbaycanlıların fəaliyyət göstərdiyi “Hüseyniyyun” qrupu (İslami Müqavimət Hərəkatı) Azərbaycan Respublikasında yeni təxribatlar törədə biləcəkləri ilə bağlı ipucları veriblər. Belə ki, onlar özlərinə məxsus Teleqram kanalında “İsrail kəşfiyyatının Azərbaycanda əhalinin sıx olduğu yerlərdə partlayışlar törədərək bunu İranın üzərinə atmağa hazırlaşdığını” iddia ediblər.

Bununla bağlı Güney Azərbaycan Televizyasının rəhbəri Əhməd Obalı Axar.az-a açıqlamasında deyib.

O, bu iddianın əslində İran hakimiyyəti tərəfindən ortaya atıldığını, bununla da Tehranın Azərbaycan hökumətinə təhdid mesajı verdiyini bildirib:

“Adı çəkilən qurumun İran Təhlükəsizlik Nazirliyi və SEPAH-ın nəzarəti altında fəaliyyət göstərdiyini nəzərə alaraq, SEPAH və ETTELAAT-ın onlar vasitəsilə Azərbaycanı yeni terror hücumları ilə hədələmək niyyətində olduğunu ehtimal etmək olar. İrana sığınan və Azərbaycanda axtarışda olan şəxslərin özbaşına belə açıqlamalar verməsi mümkün deyil. İran hökuməti Azərbaycana qarşı təxribat təhdidlərini onların vasitəsi ilə çatdırır”.
Səfirliyimizə hücum məqsədli şəkildə həyata keçirilibƏlbəttə, İranda ölkəmizin səfirliyinə qarşı terror aktı məqsədli şəkildə həyata keçirilib. Fikrimcə, törədilən terror İranın daxilində, hətta hakimiyyət içində gedən anormal proseslərin göstəricisidir.

Bu sözləri Axar.az-a 27 yanvar tarixində Azərbaycanın İrandakı səfirliyində törədilən terror aktının səbəb və hədəfləri haqqında danışan siyasi şərhçi Fərhad Məmmədov deyib.

Politoloq İran daxilində hakimiyyətlə güc strukturları arasında ziddiyət və qarşıdurmanın gücləndiyini vurğulayıb:

“Anormallıq isə odur ki, uzun illər nisbətən balanslı siyasət yürüdən İranın daxilində artıq müəyyən qruplar qonşu və digər dövlətlərin siyasətinə təsir göstərmək üçün qanlı metodlara əl atırlar. Son dövrdə SEPAH-ın güc və resurslarının artırılması məsələsi heç kimə sirr deyil. SEPAH da hazırda İranın xarici siyasət istiqamətlərinin müəyyən olunmasında iştirak edir. Ziddiyətli məqamlar çoxdur. Azərbaycan xarici işlər nazirinin müavini Xələf Xələfovun da dediyi kimi, nazirlər, spikerlər və digər yüksək vəzifəli şəxslər görüşür, İranın xarici siyasətinə cavabdeh olan qurum normallaşma haqqında mesajlar verir, amma sonradan belə qanlı terror aktı törədilir. Bu, İranın daxilində parçalanma və qarşıdurmanın yüksək səviyyədə olduğunu, hətta SEPAH kimi qurumların Azərbaycanla bağlı gündəliyini reallaşdıra bilmək üçün dövləti fakt qarşısında qoyduğunu göstərir. Fikrimcə, əsas hədəf də budur. Çünki gərginlik olmasa, SEPAH lazımsız bir quruma çevriləcək və nəticə etibarilə onun gücü, siyasi hakimiyyətə təsir imkanları zəifləyəcək”.
İranın Azərbaycana qarşı düşmənçiliyinin sensasion səbəbləri açıqlanıb"İstənilən kriminal və ya siyasi hadisənin pərdəarxası “liderləri”ni və icraçılarını bilmək üçün lazım olan ümumi qayda həmin hadisəni dərindən araşdırmaq və ondan kimin və ya hansı hərəkatların faydalandığını görməkdir. Bu il yanvar ayının 27-də Tehranda Azərbaycan səfirliyinə silahlı hücumun, cinayət aktının hansı qüvvə tərəfindən həyata keçirildiyi araşdırılmalıdır".

Bu sözləri "Report"a açıqlamasında Güney Azərbaycan milli hərəkatı üzrə ekspert, "Ərk" insan hüquqlarının müdafiəsi təşkilatının həmtəsisçisi Maşallah Rəzmi deyib.

Onun sözlərinə görə, İranın rəsmi orqanlarından bu hadisə ilə bağlı sızdırılan və yayılan məlumatlarla hökumətin rəsmi məlumatının arasında ziddiyyət müşahidə olunur. Bu da rəsmi məlumatların doğru olmadığını sübut edir. Bu yalanlar həqiqəti ört-basdır etmək və İran hökumətini məsuliyyətdən azad etmək üçündür.

Hazırda Fransada yaşayan M.Rəzmi bildirib ki, İranda mövcud olan dini rejim normal və vahid bir rejimə bənzəmir: "Bu rejimin daxilində çoxlu qruplaşmalar və çoxlu güc dəstələri var. Hazırda İranın ali rəhbəri ayətullah Əli Xamenei ətrafına toplaşan bu güc dəstələri hakimiyyət uğrunda mübarizə aparır və bu yolda heç bir güzəştə getmirlər. Dəstələrdən biri hər hansı bir layihə ilə bağlı uğur qazanırsa, digər rəqib dəstələr onun layihəsinin iflasa uğraması üçün əllərindən gələni edirlər. Ona görə də bu hökumət siyasətini dəyişmək və özünü islah etmək iqtidarında deyil. Çünki istənilən dəyişiklik cəhdi güc dəstələrinin maraqlarının toqquşması ilə qarşı-qarşıya qalır.

Biz son 44 ildə dəfələrlə bu mühüm “yarışların” və qarşıdurmaların şahidi olmuşuq. Nümunə üçün deyə bilərik ki, Məhəmməd Xatəmi ziyalılara söz azadlığı vermək istəyəndə rəqib dəstə silsilə qətllərə başladı, 7 yazıçı və ziyalını “aradan götürdülər”. Qasım Süleymani və İsmayıl Qaani də daxil olmaqla İslam İnqilab Keşikçiləri Korpusunun (SEPAH) 22 komandiri Əli Xameneiyə məktub yazaraq bildirdilər ki, artıq onların səbr kasası dolmuşdur. Onlar hətta Xatəminin özünü də çevrilişlə hədələdilər. Yaxud 2015-ci ildə Həsən Ruhani böyük dövlətlərlə nüvə sazişi imzalayanda rəqib dəstələr güclü bir raketin üzərinə ivrit dilində İsrailin məhv edilməli olduğunu yazmışdılar. Onlar Həsən Ruhani hökumətinin nüvə sazişini bağlamaması üçün əllərindən gələni etdilər. Hətta Həsən Ruhaninin xarici işlər nazirini də praktiki olaraq kənarda qoydular və nüfuzdan saldılar. Yəni İran hökumətindəki rusiyapərəst qrup öz maraqlarını azad dünya ilə düşmənçilikdə görür və sülh istəmir".

Güneyli soydaşımız vurğulayıb ki, İran İslam Respublikasının iqtisadiyyatı iflasa uğradığından, hətta işçilərinin maaşlarını ödəmək üçün belə Prezident İbrahim Rəisi hökumətinin qonşu ölkələrlə ticarətə ehtiyacı var: "İbrahim Rəisinin Azərbaycan Respublikası ilə dostluq bəyannaməsi, İran və Azərbaycan parlament rəhbərlərinin görüşü, eləcə də iki ölkənin xarici işlər nazirlərinin telefon danışığı son həftələrdə ortaya qoyulmuş müsbət hadisələr idi. Amma göründüyü kimi böhranlardan və müharibələrdən qidalanan fürsətçi rəqib qruplar İranın qonşuları ilə münasibətlərini yaxşılaşdırmasını istəmir. Bu cinah Azərbaycan Respublikasının varlığını inkar edən Ermənistanın və Azərbaycanın qələbələrini həzm edə bilməyən irqçi paniranistlərin köməyi ilə Azərbaycanın Tehrandakı səfirliyinə hücum planlaşdıraraq rəqib cinahı vurmuşdur. Düşünürəm ki, onlar bununla kifayətlənməyəcəklər və daha çox təxribatlar edəcəklər".

Güney azərbaycanlı ekspert SEPAH-ın bugünkü müxalifliyinin əsas səbəbini Azərbaycan Ordusunun 2020-ci ildə Vətən müharibəsindəki böyük qələbəsində gördüyünü söyləyib: "Heç kimə sirr deyil ki, SEPAH Cəbrayılıda - işğal olunmuş Azərbaycan ərazisində narkotik maddələrin saxlanılması və tranziti məqsədilə anbar da yaratmışdı. İllərdir oraya beynəlxalq alverçilər tərəfindən narkotiklər gətirilirdi. Əvəzində beynəlxalq sanksiyalara görə İran İslam Respublikasının təmin edə bilmədiyi ehtiyacların bir hissəsini beynəlxalq qaçaqmalçılar vasitəsilə ödəmək istəyirdilər. Yaxud eyni qaçaqmalçılar tərəfindən başqa ölkələrdəki müvəkkilləri üçün, o cümlədən Yəmən husiləri üçün qaçaq silah hazırlayırdılar. 44 günlük Vətən müharibəsindən sonra bu qeyri-qanuni imkan SEPAH-ın əlindən çıxıb və deyilənə görə İran İslam Respublikası hazırda öz müvəkkillərinə maliyyə yardımı, eləcə də silah verməkdə çətinliklərlə üzləşib. İşğaldan azad olunmuş ərazilərdə SEPAH-ın qeyri-qanuni fəaliyyəti üçün imkanların aradan qalxması onun Azərbaycan Respublikası ilə düşmənçiliyinin əsas səbəblərindən biridir".

M.Rəzmi söyləyib ki, Azərbaycanın Tehrandakı səfirliyində törədilən cinayətə görə məsuliyyəti İran hökuməti daşıyır. O bildirib ki, əldə olan dəlillər də bu hadisədə İranın təhlükəsizlik təşkilatlarının iştirakının izlərini təsdiq edir: "Belə ki, İslam Respublikasının bəzi rəhbərləri bu cür tədbirləri təhlükəsizlik xidmətləri daxilindəki “ixtiyari ünsürlər”in işi hesab edirlər. İranlılar bilirlər ki, Əli Xamenei özü bütün avtokratik qüvvələrin lideridir. Bəsic və İslam İnqilab Keşikçiləri Korpusuna “özləri istədikləri halda” atəş açmaq əmri verən də o, özü idi. Hakimiyyətin hansısa bir qrupunun bu cinayəti törətməsi bütün hakimiyyətin məsuliyyətini azaltmır. Dünya tərəfindən pislənilən bu cinayət İran İslam Respublikasının terrorçu mahiyyətini bir daha göstərir. Dünya ictimaiyyəti İranın təkcə ərəb ölkələrini təhdid etdiyini deyil, eyni zamanda bu rejimin cinayətkar və terrorçu bir struktura malik olduğunu, həm də dünyada sülh və sabitlik üçün təhlükə yaratdığını dərk edir. Məncə, Tehranda azərbaycanlı diplomatın qətlinə görə məsuliyyət birbaşa İran İslam Respublikasının üzərinə düşür və o, dünya qarşısında cavab verməlidir".
İran Azərbaycandan ÜZR İSTƏYİB?!Tehrandakı səfirliyimizə xain hücumdan sonra Azərbaycan gözlənilən addımı ataraq, diplomatik nümayəndəliyin fəaliyyətini dayandırmaq qərarına gəldi.

Ötən gün səfirliyin əməkdaşları və ailə üzvləri İrandan təxliyə olundular. Bununla da rəsmi Bakı İrana rəsmi şəkildə öz etirazını bildirdi və terror dəstəkləyən ölkə ilə münasibətlərin bloklandığını elan etdi.

İran tərəfi isə terror aktına görə məsuliyyəti üzərinə götürüb, üzr istəmək əvəzinə, hadisənin şəxsi zəmində baş verdiyə dair nağıl uydurmaqla məşğuldur. Belə olan halda İranla bütün istiqamətlərdə təmasların davam edib-etməyəcəyi sual altına düşünür.

Mövzu ilə bağlı Modern.az-a danışan Azərbaycanın sabiq xarici işlər naziri Tofiq Zülfüqarov bildirib ki, İrandakı bəzi dairələr Azərbayana qarşı təbliğat apardığından iki ölkə arasındakı münasibətlər pozulub. Ardınca terror olayının baş verməsi vəziyyəti daha da pisləşdirib:

“Vyana Konvensiyasına uyğun olaraq, İrandakı səfirliyimizin təhlükəsizliyi lazımı səviyyədə təmin olunmalı idi. Azərbaycan haqlı olaraq bunu tələb edir. Terror hadisəsi məsələni daha da qəlizləşdirdi. Beləliklə, Azərbaycan öz səfirliyini təxliyə etdi. Bu məqamda onu da nəzərə almaq lazımdır ki, İran faktiki olaraq müharibə şəraitindədir. Ölkədaxili qeyri-sabitlik, İran ərazisindəki hərbi münaqişələr bir sıra başqa ölkələrə də öz diplomatik təmsilçiliyinin səviyyəsini aşağı endirmək üçün əsaslar verib. İndi elə dövlətlər var ki, İrandakı səfirliyinin işini ya tamam dayandırıb, ya da onun səviyyəsini aşağı endirib”.

Eks-nazirin sözlərinə görə, Azərbaycan gələcəkdə əlaqələrin normallaşmasının tərəfdarıdır:

“Beynəlxalq səviyyədə böhranlar olur. Əslinə qalsa, böhranı yaradan səbəblər aradan qaldırılmalı idi. Yəni bu istiqamətdə addımlar atılmalı idi. Hadisənin baş verməsində biz birmənalı olaraq İranın səbəbkar olduğunu görürük. Hadisələr ciddi şəkildə araşdırılıb, öz layiqli qiymətini aldıqdan və günahkarlar cəzalandırıldıqdan sonra iki ölkə arasında əlaqələrin normallaşması istisna edilmir. Sözügedən işlərin həyata keçirilməsi prosesi daha da sürətləndirəcək”.

T.Zülfüqarov terrorçudan müsahibələrin alınmasına da münasibət bildirib:

“Beynəlxalq səviyyədə Azərbaycanın mövqeyi birmənalı olaraq dəstəkləndi. Ancaq hadisənin arxasında dayanan bəzi İran dairələri öz əməllərinin üzərini örtməyə çalışırlar. Hücumu həyata keçirən şəxs müsahibələr verdi. Ona siyasi bəyanatlar üçün tribuna verildi. Bütün bunlar həm də onu göstərdi ki, hadisənin arxasında duran siyasi dairələr geniş imkanlara malikdir. Həmin siyasi dairələrin ifşa olunması vacibdir, onlar öz cəzalarını çəkməlidirlər”.

Keçmiş nazirin fikrincə, ermənipərəst İran dairələrinin bu işin arxasında olduğu istisna deyil:

“Biz başa düşməliyik ki, İran böyük dövlətdir. Onun siyasi elitasında fərqli düşünən qruplaşmalar var. Mütəxəssislərin sözlərinə görə, indi hakimiyyət radikalların əlindədir. Bu, Azərbaycanla əlaqənin kəskinləşməsində əsas faktorlardandır. Biz görürük ki, digər istiqamətlərdə də gərginlik o səviyyəyə çatıb ki, artıq İranda hərbi əməliyyatlar mövcuddur. Ümumilikdə götürdükdə bu hadisənin arxasında ermənipərəst qüvvələrin dayanması istisna edilmir. Anna Akopyanın (Ermənistan baş nazirinin həyat yoldaşı-red) İranda qarşılanması, ermənilərin xeyrinə ictimai tədbirlərin keçirilməsi, bu tədbirlərə İranın rəsmi nümayəndələrinin iştirakı sözügedən fikri dəstəkləyir”.

İran üzr istəsə, nə dəyişəcək?

T.Zülfüqarov suala cavabında deyib: “Mən İran tərəfinin üzr istəndiyini istisna etmirəm. Biz xarici işlər nazirinin yaralı səfirlik işçisini ziyarət etməsinin, İran Prezidentinin başsağlığı verməsinin şahidi olduq. Əlbəttə, prezidentlərarası danışıqda üzr istənilibsə, bu da rəsmi mövqedir. Ancaq üzr bəyan edilibsə, o öz əksini mediada da tapmalıdır. Hələ ki, belə bir hadisə müşahidə edilməyib. Yeri gəlmişkən qeyd etmək lazımdır ki, səfirliyin bərpası üçün İran gərək çox ciddi zəmanətlər versin”.
BAXCP-dən Güney Azərbaycana yardım çağırışıBütöv Azərbaycan Xalq Cəbhəsi Partiyası (BAXCP) Güney Azərbaycanın Xoy şəhərində baş verən zəlzələdən zərər çəkən soydaşlarımıza yardım göstərilməsiylə bağlı Azərbaycan Respublikasının Prezidenti İlham Əliyevə müraciət edib. Müraciətdə qeyd olunur ki, Xoy şəhəri və ətrafında baş verən zəlzələlər nəticəsində yaşayış evlərinin əhəmiyyətli hissəsi dağılıb:

“Güney Azərbaycandan olan soydaşlarımızın açıqlamalarından və zəlzələ baş verən bölgədəki mənzərəni əks etdirən foto və video görüntülərdən belə anlaşılır ki, evləri uçulan insanların əhəmiyyətli hissəsi hələ də çadırlarla və yaşayış üçün gərəkli olan digər ləvazimatlarla təmin olunmayıblar, şaxtalı qış günlərində açıq hava şəraitində yaşamaq məcburiyyətindədirlər.

Azərbaycan, hətta özünün çətin günlərində belə hər zaman, təkcə Güney Azərbaycanda deyil, yaxın və uzaq ölkələrdə yaşayan, təbii fəlakətlərin doğurduğu məhrumiyyətlərlə qarşı-qarşıya qalan insanlara xüsusi həssaslıqla yanaşıb, onların dərdlərinə şərik olub, yardımını əsirgəməyib.

Bu çətin günlərdə yardımlarımızla zəlzələdən zərər çəkən soydaşlarımızın yanında olmaq hər bir azərbaycanlının mənəvi borcudur. BAXCP əmindir ki, Azərbaycan Prezidenti Güney Azərbaycanda və İran adlanan ölkənin hüdudlarından kənarda yaşayan soydaşlarımızın müraciətlərini nəzərə alacaq, Xoy və ətraf ərazilərdə baş verən zəlzələlərdən ziyan çəkən insanlara yardım edilməsi üçün müvafiq göstəriş verəcək.

Şübhə etmirik ki, ehtiyac duyulacağı təqdirdə Azərbaycan Respublikasının əksər vətəndaşları və dünya azərbaycanlıları da Güney Azərbaycandakı soydaşlarımıza dəstəklərini əsirgəməyəcəklər”.
İsrail prezidenti İlham Əliyevə zəng etdiYanvarın 28-də İsrail Dövlətinin Prezidenti İshaq Hersoq Azərbaycan Respublikasının Prezidenti İlham Əliyevə zəng edib.

Avrasiya.net xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Telefon danışığı əsnasında Prezident İshaq Hersoq Azərbaycan Respublikasının Tehrandakı səfirliyinə qarşı törədilmiş terror aktını qınadığını bildirib.

İsrail Prezidenti səfirliyin mühafizə xidmətinin rəhbəri Orxan Əsgərovun həlak olması ilə əlaqədar Prezident İlham Əliyevə, mərhumun yaxınlarına və Azərbaycan xalqına başsağlığı verib, yaralananların tezliklə şəfa tapmasını diləyib.

Prezident İlham Əliyev başsağlığına görə təşəkkürünü bildirib.

Dövlətimizin başçısı səfirliyin digər mühafizə əməkdaşının əliyalın şəkildə terrorçunun üzərinə atıldığını, qorxmaz və çevik hərəkətləri ilə onu tərk-silah etdiyini vurğulayıb. Azərbaycan Prezidenti avtomat silah və çoxlu sayda güllə daraqları ilə silahlanmış terrorçunun tərk-silah olunmadığı təqdirdə, səfirliyin digər əməkdaşlarını və onların səfirliyin binasının mənzillər bölməsində yaşayan ailə üzvlərini də hədəfə alacağının istisna edilmədiyini diqqətə çatdırıb.

Azərbaycan Prezidenti İsraildə törədilən terror aktı ilə əlaqədar Prezident İshaq Hersoqa və həlak olanların ailələrinə başsağlığı verib, yaralananların tezliklə şəfa tapmasını arzulayıb.

İsrail Prezidenti başsağlığına görə dövlətimizin başçısına minnətdarlığını ifadə edib.

Prezident İlham Əliyev bildirib ki, terrorizmdən əziyyət çəkən dövlət olaraq Azərbaycan motivlərindən asılı olmayaraq, terrorizmin bütün forma və təzahürlərini pisləyir.
İrandakı səfirliyin əməkdaşları sabah təxliyə ediləcəkAzərbaycanın İrandakı səfirliyinin heyətinin və onların ailə üzvlərinin təxliyəsi sabah üçün nəzərdə tutulur.

Avrasiya.net xəbər verir ki, bu barədə Xarici İşlər Nazirliyindən məlumat verilib.

Təxliyə hava yolu ilə həyata keçiriləcək.

Xatırladaq ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə terror hücumu oldu. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.
Azərbaycan-Misir sənədləri imzalandıYanvarın 28-də Azərbaycan Respublikasının Prezidenti İlham Əliyevin Misir Ərəb Respublikasının Prezidenti Əbdülfəttah Sisi ilə geniş tərkibdə görüşü başa çatdıqdan sonra sənədlərin imzalanması mərasimi olub.

Avrasiya.net xəbər verir ki, “Azərbaycan Respublikasının Ekologiya və Təbii Sərvətlər Nazirliyi ilə Misir Ərəb Respublikasının Su Ehtiyatları və Suvarma Nazirliyi arasında su ehtiyatlarının idarə edilməsi sahəsində əməkdaşlıq haqqında Anlaşma Memorandumu”nu Azərbaycanın xarici işlər naziri Ceyhun Bayramov və Misirin xarici işlər naziri Sameh Həssən Şukri imzaladılar.

“Azərbaycan Respublikasının Mədəniyyət Nazirliyi ilə Misir Ərəb Respublikasının Mədəniyyət Nazirliyi arasında mədəniyyət sahəsində əməkdaşlıq haqqında Anlaşma Memorandumu”nu Azərbaycanın xarici işlər naziri Ceyhun Bayramov və Misirin xarici işlər naziri Sameh Həssən Şukri imzaladılar.

“Azərbaycan Respublikasının İqtisadiyyat Nazirliyi ilə Misir Ərəb Respublikasının Ticarət və Sənaye Nazirliyi arasında əməkdaşlıq haqqında Anlaşma Memorandumu”nu Azərbaycanın iqtisadiyyat naziri Mikayıl Cabbarov və Misirin planlaşdırma və iqtisadi inkişaf naziri xanım Hala Helmi Elsaid imzaladılar.
İrandakı etirazçılar hücuma görə SEPAH-ı günahlandırırDünən, yanvarın 27-də Azərbaycanın İrandakı səfirliyinə hücumla bağlı müxtəlif versiyalar irəli sürülür. Daxildəki etirazçılar hadisə ilə bağlı İslam İnqilabı Keşikçiləri Korpusunu (SEPAH) günahlandırırlar.

Avrasiya.net Report-a istinadən xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.

“Etirazçılar beynəlxalq ictimaiyyəti SEPAH-ı terror təşkilatı kimi tanımağa çağırırlar. İranın Ali Milli Təhlükəsizlik Şurasına bağlı “Nour News” agentliyi bildirib ki, hücum Bakı ilə Tehran arasındakı əlaqələrə xələl gətirməməlidir”, - institutdan bildirilib.

Qərb analitiklərinin fikrincə, dünən Tehran əyalət polisinə yeni rəisin təyin olunması təsadüfi deyil: “İranın hüquq-mühafizə orqanlarının komandiri briqada generalı Əhməd Rza Radan Azərbaycan səfirliyinə hücumdan bir neçə saat sonra Tehran əyalət bölməsinin rəisi Hüseyn Rəhimini vəzifəsindən azad edib və yeni komandir gətirib. Sözügedən vəzifəyə Əlborz əyalətinin komandiri vəzifəsində çalışmış briqada generalı Abbas Əli Məhəmmədi təyin olunub. Bunun səfirliyə hücumla bağlı olub-olmadığı məlum deyil. Çünki Əhməd Rza Radan əsas vəzifələrə məhz etibarlı zabitlər təyin etməyə çalışır”.

Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.

Terroru törətmiş şəxs Azərbaycan səfirliyinin əməkdaşı tərəfindən saxlanılıb.