Cozef Bayden İlham Əliyevi təbrik edibAmerika Birləşmiş Ştatlarının (ABŞ) Prezidenti Cozef R.Bayden Azərbaycan Respublikasının Prezidenti İlham Əliyevə təbrik məktubu ünvanlayıb.

Avrasiya.net xəbər verir ki, mətndə deyilir:

"Hörmətli cənab Prezident.

Sizi və Azərbaycan xalqını Müstəqillik Günü münasibətilə Amerika xalqı adından təbrik edirəm.

Biz bu il Amerika Birləşmiş Ştatları ilə Azərbaycan Respublikası arasında diplomatik münasibətlərin qurulmasının 30 illiyini qeyd edirik. Ötən 30 il ərzində enerji mənbələrinin şaxələndirilməsi və beynəlxalq təhlükəsizlik sahələrində əməkdaşlığımız tarixin mühüm anında öz bəhrəsini verir, Azərbaycan Avropa və dünya bazarlarının təhlükəsizliyinin təmin olunması və sabitləşdirilməsində önəmli rol oynayır. Azərbaycanın Ukraynanın suverenliyinə dəstəyi, habelə Ukraynaya göstərdiyi humanitar və enerji sahəsində yardımı vacib ismarış verir. Biz, həmçinin Sizin terrorizmə qarşı qlobal mübarizəyə verdiyiniz əhəmiyyətli töhfələrinizi təqdir edirik.

İndi Cənubi Qafqazda davamlı sülhə nail olmaq üçün mühüm imkana bəslənən ümid zamanıdır. Amerika Birləşmiş Ştatları bütün Qafqaz və Trans-Xəzər regionunun çiçəklənməsinə imkan verəcək Azərbaycan ilə Ermənistan arasında diplomatik təmasların intensivləşdirilməsinə və Azərbaycanın iqtisadi, nəqliyyat və insanlararası əlaqələrinin qurulmasına kömək etməyə hazırdır. Biz Azərbaycanı bütün azərbaycanlıların hüquq və fundamental azadlıqlarını qoruyan demokratik idarəetmə və islahatlar istiqamətində məqsədyönlü addımlar atmağa dəvət edirik.

Rusiyanın Ukraynaya qarşı müharibə ilə beynəlxalq təhlükəsizliyin əsas sütunlarını sıradan çıxarmağa çalışdığı bu qlobal qeyri-sabitlik dönəmində Amerika Birləşmiş Ştatları Azərbaycanın müstəqilliyi və suverenliyinə öz dəstəyini bir daha təsdiq edir. Biz qarşıdan gələn illər və onilliklərdə münasibətlərimizi daha da genişləndirmək arzusundayıq.

Müstəqillik Günündə Azərbaycan xalqına ən xoş arzularımı ifadə edirəm".
"Azərbaycan artıq donor ölkəyə çevrilib"Təməli ümummilli lider Heydər Əliyev tərəfindən qoyulan və Azərbaycan Respublikasının Prezidenti İlham Əliyevin rəhbərliyi ilə uğurla davam etdirilən inkişaf strategiyasının reallaşması nəticəsində bu gün Azərbaycanda sosial-iqtisadi inkişafın bütün istiqamətlərində tarixi nailiyyətlər əldə olunub. Son illər ölkəmizin sürətli inkişafı nəticəsində əvvəllər beynəlxalq yardımların ünvanı olmuş Azərbaycan artıq donor ölkəyə çevrilib. Bu status ölkəmiz qarşısında beynəlxalq arenada yeni perspektivlər və imkanlar açır. Eyni zamanda biz uzun illər müharibə şəraitində yaşayan ölkə olaraq humanitar yardımın nə demək olduğunu, nə qədər mühüm vəzifə daşıdığını çoxlarından daha yaxşı dərk edirik.

Belə ki, müstəqillik dövrünə müharibənin dəhşətlərini yaşayaraq qədəm qoyan, ərazisinin böyük hissəsi işğal edilən, bir milyon qaçqın və məcburi köçkünün problemləri ilə üz-üzə qalan gənc dövlətimiz təbii ki, kənar yardımlara möhtac vəziyyətə düşmüşdü. Ölkənin müxtəlif bölgələrində tələm-tələsik qurulan qaçqın düşərgələrini həmin çətin dövrdə yerli imkanlarımızla saxlamaq qeyri-mümkün idi. Bir sıra ölkələrdən humanitar yardımlar gəlirdi. O keşməkeşli illərə nəzər saldıqda həmin mürəkkəb dövrün bizə çox qiymətli təcrübə qazandırdığını cəsarətlə söyləyə bilərik. Müstəqilliyi bərpa olunandan ilk illərdə bir çox çətinliklərlə qarşılaşan Azərbaycan bu gün artıq firavan, müasir ölkəyə çevrilib. Dünənədək başqalarından humanitar yardımlar qəbul etmiş Azərbaycan özü möhtac ölkələrə humanitar yardımlar göstərən, əl tutan donor ölkədir. Belə ki, hazırda Azərbaycan böhranlı vəziyyətlərlə üzləşən ölkələrə mütəmadi olaraq yardım əlini uzadır. Asiya, Afrika, Latın Amerikası ölkələrinin bir çoxuna göstərilib.

Bu gün elə bir inkişaf səviyyəsinə çatmışıq ki, artıq nəinki irimiqyaslı regional investisiya layihələri hazırlayıb həyata keçirmək, həm də kasıb, inkişafdan geri qalmış ölkələrə yardım da göstərə bilərik. Bu da hazırda ölkəmizin xarici siyasətində mühüm istiqamətlərdən biridir. Xarici ölkələrə yardımların məqsədi də bütün sahələrdə beynəlxalq əməkdaşlığı daha da genişləndirməkdir. Yəni Azərbaycan bu gün beynəlxalq humantiar aksiyalara həvəskar şəkildə deyil, özünün Xarici siyasətinin əsas, davamlı istiqamətlərindən biri kimi baxır.

2011-ci ildən etibarən Asiya, Afrika, Latın Amerikasının 100-dən çox ölkəsinə ərzaq, dərman, təhsil yönümlü və digər humnitar sahələrdə yardımlar göstərilib. Məsələn, bəzi ölkələrdə xüsusi proqram çərçivəsində akademik Zərifə Əliyeva adına Milli Oftalmologiya Mərkəzinin həkimlərinin pulsuz müayinələr aparmalarına, zəruri hallarda katarakta və qlaukomaya qarşı pulsuz əməliyyatlar aparmalarına dəstək verildi.

Eyni zamanda qürurla deyə bilərik ki, dünyanı cənginə alan COVID-19 pandemiyasına qarşı mübarizə zamanı nəinki COVID-19 pandemiyasının yayılmasının qarşısının alınmasında, ümumiyyətlə, bu sahədə Azərbaycan dünyaya örnək göstərilən dövlətlərdən birinə çevrildi, hansı səbəbdən olursa-olsun humanitar yardıma ehtiyac duyan ölkələrə dərhal təmənnasız kömək əlini uzatdı. Pandemiya dövründə dövlətimiz 29-dan çox ölkəyə 100 tonlarla humanitar yardım göndərib. Bu yardımlar öz növbəsində çoxlu sayda insanın həyatının xilasına yönəlib. Beləliklə Azərbaycan beynəlxalq donor statusunun öhdəsindən layiqincə gəlir və etibarlı siyasi, iqtisadi tərəfdaş olmaqla yanaşı, çətin günün dostu olduğunu da uğurla nümayiş etdirir.

Azərbaycan bu mövqeyə gəlib çıxmaq üçün uzunmüddətli iqtisadi quruculuq yolu keçmiş və bütün bu işləri mütərəqqi beynəlxalq təcrübə əsasında həyata keçirmək üçün beynəlxalq maliyyə-kredit institutları, xüsusilə, Dünya Bankı (DB) ilə sıx əməkdaşlıq etmişdir. Struktur islahatlarının dərinləşdirilməsi, sosial-iqtisadi infrastrukturun bərpası və inkişafı, yoxsulluğun azaldılması, məcburi köçkünlərin yaşayış şəraitinin yaxşılaşdırılması bu dövrdə Azərbaycanla DB arasında əməkdaşlığın başlıca istiqamətləri olmuşdur.

Fəridə Ağayeva
Siyəzən şəhər M.Müşfiq adına 2 №-li tam orta məktəbin tərbiyə işləri üzrə direktor müavini
Azərbaycan Cənubi Qafqazı sülh əməkdaşlıq və qarşılıqlı fəaliyyət bölgəsi kimi görmək istəyirAzərbaycan Respublikasının Prezidenti Ilham Əliyevin 18 may 2022 ci ildə Litva Respublikasının Prezidenti Gitanas Nanseda ilə geniş tərkibdə görüşü olmuşdur. Azərbaycan Respublikasının Prezidenti çıxışında bir çox məqamlara toxunub. Litva Azərbaycanın uzun illərdir ki,strateji tərəfdaşıdır. Müzakirələrdə Azərbaycan-Ermənistan arasındakı münasibətlərdən , eyni zamanda işğaldan azad olunmuş ərazilərdə başlatdığımız geniş quruculuq işlərindən bəhs edilmişdir.

Çıxış zamanı ikitərəfli əməkdaşlığın mühüm məsələləri müzakirə edildi ,Avropa Ittifaqı Azərbaycan əməkdaşlığı ilə bağlı geniş müzakirələr ,iqtisadi sektorda ümidverici sahələr haqqında danışıq lar aparıldı.İkitərəfli əlaqələrin inkişafı məsələsi ümidvericidir. Burada informasiya texnologiyalarından tutmuş ,kənd təsərrüfatı ,enerji mənbələri ,nəqliyyat və bir çox sahələr haqqında fikir mübadiləsi aparılmışdır. Azərbaycan_Litva münasibətlərinin çox yaxşı siyasi təməli olduğu vurğulanmışdır.Litva Prezidentinin rəsmi səfəri ikitərəfli əlaqələrdə mühüm rol oynayır.Avropa Ittifaqı ilə sıx əlaqələrdə Litva dövlətinin bizi dəstəkləməsindən söhbət açılmışdır. Bu səfər zamanı Ermənistan la münasibət məsələləri də müzakirə edilmişdir. Azərbaycan dəfələrlə sülh sazişi imzalamaq istədiyini dilə gətirmişdir. Biz münasibətlərin normallaşması üçün hər şeyi edirik.

Litva Prezidenti də öz çıxışında bildirdi ki,regionda təhlükəsizliklə bağlı vəziyyət ,bir çox sahələrdə əməkdaşlıqla əlaqədar məsələlər mühüm əhəmiyyət kəsb edir. Hər iki ölkə arasında ticarət dövriyyəsinin artmasına nail olmağa çalışacayıq.

Azərbaycan Cənubi Qafqazda sülhün bərqərar olmasını , iqtisadi əməkdaşlığın inkişafını istəyir.Lakin təəssüf ki ,Ermənistan indiyə qədər Cənubi Qafqazda qarşılıqlı fəaliyyət formasının ilkin olaraq başlanmasına həvəs göstərmir. Azərbaycan Cənubi Qafqazda sülhün ,sabitliyin nümayiş etdirilməsində maraqlıdır.Bunun üçün əlindən gələni edir. Ikinci Qarabağ müharibəsindən sonra Azərbaycan sülh müqaviləsinin bağlanmasını və sərhədlərin müəyyənləşdirilməsini istəsə də ,bu məsələ Ermənistan tərəfindən müsbət qarşılanmışdır. Biz mövqeyimizi ,beş prinsipi dəqiqləşdirdik.Emənistanı da dəfələrlə sülhə dəvət etdik. Ərazilərimiz 30 il ərzində Ermənistan işğalı altında qalmış və sərhədlərimizi pozmuşdur. Aprelin 6 da Brüsseldə görüş zamanı razılıq əldə olunmuşvə işçi qrupu yaradılmışdı. Azərbaycan işçi qrupu yaratsa da ,aprelin 29 u Ermənistan tərəfi bunu ləğv etmişdi.7_11 may tarixlərində sərhəddə yeni görüşün keçirilməsi təklifimizi də Ermənistanın imtina etməsi məsuliyyətsiz mövqe tutduğunu göstərir və narahatlıq doğurur.

Hal-hazırda Azərbaycan əraziləri yenidən qurulur.Işğal nəticəsində hər şey dağılmış ,yerlə-yeksan olmuşdur .
Avropa Ittifaqı Azərbaycanın əsas ticarət tərəfdaşıdır.Azərbaycan donor ölkəsinə çevrilmiş,şərq qərb və şimal cənub nəqliyyat dəhlizlərinin üzərində yerləşir. Azərbaycan önəmli nəqliyyat mərkəzinə çevrilmişdir. Azərbaycan Avropa Ittifaqı tərəfindən töhfə verən tərəf kimi qəbul edilir.

Rəşad Rəhmanov
Siyəzən şəhər M.Müşfiq adına 2 saylı tam orta məktəbin direktoru
Azərbaycan BMT-nin Təhlükəsizlik Şurasının qətnamələrini icra etdiBeynəlxalq təşkilatlar Azərbaycanla qarşılıqlı əlaqələrdə daim ikili standart tətbiq ediblər. İstər BMT, istərsə də ATƏT-in 30 ilə yaxındır həyata keçirdiyi fəaliyyət göz qabağındadır. İndi isə reallıq dəyişib.

BMT-nin Təhlükəsizlik Şurasının Azərbaycanla bağlı qəbul etdiyi qətnamələrə əməl olunmaması bir sıra suallar yaradır. Qurumun qəbul etdiyi bəzi qətnamələr qısa müddət ərzində icra olunur, lakin Ermənistanın işğalçılıq siyasəti ilə bağlı qəbul olunan qətnamələr 30 ilə yaxındır ki, ümumiyyətlə, icra olunmadı, yalnız kağız üzərində qaldı. Ermənistan beynəlxalq hüququ və TŞ qətnamələrini ayaq altına ataraq öz qoşunlarını nəinki Azərbaycan ərazisindən çıxardı, əksinə, işğalı möhkəmləndirmək və Azərbaycan torpaqlarını ilhaq etmək xəttini tutdu. ATƏT-in Minsk qrupunun həmsədr ölkələri başda olmaqla, BMT və beynəlxalq ictimaiyyət tərəfindən işğalçı Ermənistana heç bir təzyiq göstərilmədi. Azərbaycan Respublikasının Prezidenti İlham Əliyev dəfələrlə Ermənistana sanksiyaların tətbiq olunmasının vacibliyini vurğulamışdı. Ancaq Ermənistana qarşı təzyiqlərin olmaması bu ölkənin özünü cəzasızlıq mühitində hiss etməsinə gətirib çıxardı.

Lakin Azərbaycan heç vaxt torpaqlarının işğaldan qalması ilə razılaşmadı, BMT-nin Nizamnaməsini rəhbər tutaraq beynəlxalq hüququ özü təmin etdi. Dövlət başçısının da vurğuladığı kimi 51-ci maddə hər bir ölkənin özünümüdafiə hüququnu tanıyır. İndi isə BMT-nin ölkəmizlə qarşılıqlı münasibətdə yeni yanaşması dəyişən reallığa uyğun həyata keçiriləcək.

Zərbalı Yusifov
Siyəzən şəhər M.Müşfiq adına 2 saylı tam orta məktəbin Azərbaycan dili və ədəbiyyatı müəllimi
İlham ƏIiyev İrana səfərə dəvət olunduAzərbaycan Prezidenti İlham Əliyev İrana səfərə dəvət olunub.

Səfirlikdən verilən məlumata görə, bu fikir Tehranda İran Prezidenti İbrahim Rəisi ilə Azərbaycan Baş nazirinin müavini Şahin Mustafayev arasında keçirilən görüşdə səsləndirilib.

Belə ki, İbrahim Rəisi İranın Azərbaycanla əlaqələrinin inkişafına xüsusi önəm verdiyini qeyd edərək səmimi salamlarının və İrana dəvətinin Azərbaycan Prezidentinə çatdırılmasını xahiş edib.
Əfv Komissiyasında 500-dən çox müraciətə baxılıbBu gün Azərbaycan Respublikasının Prezidenti yanında Əfv Məsələləri Komissiyasının növbəti iclası keçirilib.

Avrasiya.net xəbər verir ki, iclasda komissiyaya daxil olan 100-dən çox müraciətə baxılıb. Bununla da Əfv Məsələləri Komissiyasında baxılan müraciətlərindən sayı 500-ü keçib.

Qeyd edək ki, 28 May Müstəqillik günü münasibəti ilə Azərbaycanda əfv sərəncamının imzalanması gözlənilir.

Xatırladaq ki, Azərbaycanda sonuncu əfv sərəncamı ötən il martın 18-də imzalanıb. Sərəncama əsasən, azadlıqdan məhrum edilmiş 475 nəfər cəzasının çəkilməmiş hissəsindən azad edilib, 98 nəfərin cəzasının çəkilməmiş hissəsi yarıyadək azaldılıb.
Davam edən iqtidar-müxalifət dialoqu və siyasi etimadİqtidar-müxalifət dialoqu davam edir.

Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev son günlər artıq 7 siyasi partiya rəhbəri ilə görüşüb və bu görüşlər davam etməkdədir.

Fakt odur ki, siyasi sistemdə tətbiq olunan yeni siyasi konfiqurasiya iqtidar-müxalifət, o cümlədən bütün partiyalar arasında dayanıqlı, sivil münasibətlər sistemi formalaşdırdı. Prezident İlham Əliyevin elan etdiyi islahatlar paketinin tərkib hissəsi olan, 2019-cu ildə həyata keçirilən kadr və sturuktur dəyişiklikləri çox keçmədən öz bəhrəsini verdi. Bu islahatların nəticəsində cəmiyyət 2020-ci ildən ölkənin siyasi sistemində yeni münasibətlərin şahidi oldu. Ali siyasi rəhbərliyin iradəsi ilə başlanan iqtidar-müxalifət dialoqu ölkədə siyasi qüvvələr arasındakı münasibətləri dünya standartlarına uyğunlaşdırdı.

Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin 2020-ci ilin əvvəlindən siyasi partiyalarla apardığı dialoq iqtidarla müxalifət arasında əməkdaşlıq formatının təməl prinsiplərini və siyasi partiyalar arasında etimad mühitinin yaranmasına səbəb oldu. Yeni və sivil münasibətlərə əsaslanan bu model 2020-ci ilin ilk yarısında siyasi partiyalarla iqtidar arasında çoxillik problemləri və soyuq münasibətləri tamamilə aradan qaldırdı. Dövlətçilik prinsiplərinin qorunmasına xidmət edən yeni etimad mühiti 44 günlük Vətən müharibəsi zaman özünü bir daha təsdiqlədi. Bütün siyasi partiyalar Ali Baş Komandanın ətrafında birləşərək, Vətən müharibəsində hərbi və siyasi qələbənin qazanılmasında iştirak etdi.

Bu prosesin uğurla həyata keçirilməsində Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev və müvafiq şöbənin əməkdaşları Prezident İlham Əliyevin onların üzərinə qoyduğu vəzifəni uğurla tamamladılar.

2020-ci ildən bu günə qədər böyük bir yol keçilib. Davamlı xarakter alan iqtidar-müxalifət dialoqu hazırda geridönüşü olmayan və günbəgün inkişaf edən bir prosesdir. Bu dialoq indi yeni mərhələyə adlayıb. Artıq dialoqdan əməkdaşlıq modelinə keçid edilib. Ona görə də hazırda proses daha geniş spektrdə davam etdirilir.

Yeni siyasi münasibətlər sisteminin elə bir mərhələsindəyik ki, indi iqtidarla müxalifətin heç bir spektri arasında süni məsafə yoxdur. Münasibətlər və əlaqələr daimi və əlçatandır. Münasibətlərin yeni dövrün tələblərinə uyğun qurulması cəmiyyətin siyasi aktivliyinə də böyük mənada müsbət təsir edib. Əvvəlki illərdən fərqli olaraq, müxalifətə yönəlik strategiya tamamilə dəyişib. İqtidar müxalifətin, o cümlədən bütün siyasi partiyaların fəallaşmasında, cəmiyyətdə söz sahibinə çevrilməsində, siyasi təşkilatların siyasi diskussiya klubları və ya dərnəklər səviyyəsindən güclü siyasi institut formatına qədər güclənməsində maraqlıdır.

Siyasi partiyaların güclü bir siyasi institut kimi fəaliyyəti dövlətin möhkəmlənməsi və güclənməsi üçün iqtidarın həyata keçirdiyi strategiyanın tərkib hissəsidir.

Ölkədə stabilliyin dayanıqlı olmasının əsas bazasını təşkil edən subyektlərdən biri də siyasi partiyalardır. Ona görə də iqtidar mövcud siyasi partiyaların formal xarakterindən konseptual fəaliyyət modelinə malik siyasi institut modelinə keçidində siyasi təşklatlara mümkün qədər kömək etməyə çalışır. Davam edən dialoq və əməkdaşlığın da əsas məqsədi siyasi partiyaların fəaliyyət imkanlarının artırılması, güclü siyasi təsisata çevrilməsi üçün onlara maksimum imkanlar yaradılmasıdır. Siyasi fəaliyyət üçün partiyaların qərargahla təmini, müxtəlif siyasi tədbirlərin keçirilməsi, aktiv fəaliyyət imkanlarının genişləndirilməsi üçün dövlət tərəfindən müvafiq şərait yaradılması bunun bariz nümunəsidir.

Bu gün siyasi partiyalara mövqeyindən, siyasi baxışından, hakimiyyətə münasibətindən asılı olmayaraq, normal fəaliyyət üçün bütün imkanlar yaradılıb. Azərbaycan Respublikasının Milli Məclisinə keçirilən 2020-ci il seçkilərində 11 siyasi partiya təmsilçisi parlamentə seçildi. Hazırda Milli Məclisdə 11 siyasi partiya təmsil olunur. Son iki ildə 9 siyasi partiya dövlət qeydiyyatına alınıb.

İqtidar-müxalifət dialoqu başlayandan sonra müxalifət təmsilçilərinin cəmiyyətlə təmaslarında da ciddi aktivlik hiss olunur. Siyasi partiya təmsilçilərinin müxtəlif tribunalardan, efirlərdən partiya üzvləri və seçicilərlə ünsiyyət imkanları genişlənib. Bir zamanlar müxalifət nümayəndələrinin televiziya kanallarında çıxış etmək, öz fikir və təkliflərini dövlətə, cəmiyyətə çatdırmaq imkanları məhdud idi. İndi isə istənilən televiziya kanalında sərbəst çıxış etmək, dövlət siyasətinin formalaşmasında öz fikir və təklifləri ilə iştirak imkanları var. Bütün bu imkanlar siyasi partiyaların güclənməsinə təkan verir.

Azərbaycanda siyasi institutların inkişafı üçün yaradılan bütün imkanlar dövlət siyasətinin və Prezidentin elan etdiyi islahatlar paketinin tərkib hissəsidir. Ölkənin əsas və aparıcı siyasi partiyaları dialoqla başlayan və əməkdaşlıq modelinə keçidin yeni siyasi münasibətlər sistemində etdiyi dəyişiklikləri müsbət dəyərləndirir.

Xüsusi qeyd edək ki, iqtidar-müxalifət və siyasi partiyalar arasında dialoq ilk başlayanda, yeni siyasi konfiqurasiyalar yarananda, bəzi radikal qüvvələr bunu iqtidarın maraqlarına xidmət edən ötəri siyasi aksiyalardan biri, mövsümi missiya kimi xarakterizə etmək və cəmiyyəti çaşdırmaq istəyirdilər. Lakin onların təbliğatları baş tutmadı. Əksinə, cəmiyyət bu dialoq və əməkdaşlığı ölkədə sabitlik, stabillik baxımından müsbət qiymətləndirdi. Aparılan dialoq cəmiyyətin müxtəlif təbəqələri tərəfindən alqışlandı.

Bu gün siyasi diskussiyalar, siyasi qüvvələr arasında münasibətlər sosial şəbəkələr üzərindən qarşılıqlı təhdidlərdən uzaqlaşıb və qarşılıqlı etimad şəraitində davam edən canlı ünsiyyət formasına keçib. Gerçək təmaslar, faydalı fikir mübadilələri, məsləhətləşmələr, dövlətin gələcəyinə yönəlik fikirlər, təkliflər müzakirə edilir. Bu isə qarşılıqlı etimad mühitinin dərinləşməsinə xidmət edir. Birmənalı demək olar ki, bu gün siyasi partiyalarla iqtidar arasında siyasi etimad mühiti formalaşıb.

Qeyd etdiyimiz kimi Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev son iki həftədə Azərbaycan Milli İstiqlal Partiyasının sədri Arzuxan Əlizadə, Böyük Azərbaycan Partiyasının sədri Elşad Musayev, Azərbaycan Demokratik Maarifçilik Partiyasının sədri Elşən Musayev, Azərbaycan Yüksəliş Partiyasının sədri Anar Əsədli, Milli Dirçəliş Hərəkatı Partiyasının sədri Fərəc Quliyev, Azərbaycan Naminə Alyans Partiyasının sədri Abutalıb Səmədov və Müstəqil Xalq Partiyasının sədri Əflan İbrahimovla görüşüb. Görüşlərdə ölkədə aparılan məqsədyönlü islahatlar, bu islahatların ölkəmizin güclənməsinə, insanlarımızın rifah halının yaxşılaşmasına müsbət təsirləri, genişmiqyaslı islahatların məntiqi davamının yeni siyasi konfiqurasiyanın formalaşmasında özünü göstərməsi və nəticədə iqtidar-müxalifət siyasi dialoqunun dərinləşməsi prosesinin davam etdirilməsi ətrafında geniş fikir mübadiləsi aparılıb.

Eyni zamanda, Qələbədən sonra işğaldan azad edilmiş torpaqların yenidən qurulması, əhalinin sosial təminatının yaxşılaşdırılması və dövlət idarəetməsinin təkmilləşdirilməsi istiqamətində atılan addımlar, o cümlədən ölkədə korrupsiyaya qarşı sərt mübarizə tədbirləri və bu çoxşaxəli proseslərdə siyasi dialoq çərçivəsində müxalifət partiyalarının iştirakı kimi müsbət qiymətləndirilən məsələlər müzakirə edilib. Rəsmi məlumatlarda prosesin bundan sonra da davam edəcəyi bildirilir.

Bütün bunlar Azərbaycan cəmiyyətinin inkişafının, yeni siyasi konfiqurasiyanın ölkədə yaratdığı yeni və dayanıqlı siyasi münasibətlər sisteminin davamlı olacağının göstəricisidir.
"İngiltərə səfirliyinin belə bir avantürist mövqe nümayiş etdirəcəyini heç kim gözləmirdi"Mayın 14-də bir qrup ictimai fəal və radikal müxalifət təmsilçilərinin Bakıda keçirilən növbəti icazəsiz aksiyası əslində bundan əvvəl keçirilmiş ənənəvi aksiyalardan heçnə ilə fərqlənmirdi. Adi, sıradan bir aksiya idi. Və bu aksiyanın insidentsiz keçdiyi, saxlanılanların olmadığı hər kəsə məlumdur. İcazəsiz olmasına baxmayaraq həmin gün polis tərəfindən aksiya iştirakçılarına tədbirin qətnaməsini oxumaq imkanı da verildi. Bütün bunları aksiyanın iştirakçı və təşkilatçıları özləri də təsdiqləyib. Onlar aksiya iştirakçılarına qarşı polis tərəfindən hər hansı bir zorakılığın olmadığını bildiriblər.

Əgər zorakılıq faktları baş versəydi, bunu gizlətmək, ört-basdır etmək qeyri-mümkün olardı. Lakin İngiltərənin Azərbaycandakı səfirliyi isə çağırılmamış qonaq libasına bürünərək mayın 14-də keçirilən aksiya zamanı guya, etirazçılara qarşı polislər tərəfindən kobud rəftar olunduğu iddiası ilə çıxış etdi. Səfirliyin sosial şəbəkə hesablarında sözügedən aksiya ilə bağlı paylaşımlarda “dinc etiraz aksiyasının dağıdılması” kimi əsassız ifadələr yer aldı.

Sözün açığı, İngiltərə səfirliyinin belə bir avantürist mövqe nümayiş etdirəcəyini heç kim gözləmirdi. Əgər İngiltərə səfirliyi 14 may aksiyasına münasibət bildirməsəydi, mən əminəm ki, bu aksiya sıradan bir aksiya kimi dərhal unudulub gündəmdən çıxacaqdı. Lakin Böyük Britaniyanın Bakıdakı diplomatik korpusu bu hərəkəti ilə sanki odun üstünə benzin tökdü və aksiyanın özündən heç bir nəticə əldə edə bilməyən təşkilatçılar bu dəfə fürsətdən istifadə edib səfirliyin yaratdığı süni ajiotajdan yararlanmağa başladılar. Onların imkanı olsa, hətta gedib ingilis səfirliyinə təşəkkür də edərlər ki, “sağolun ki, sayənizdə diqqət mərkəzinə düşməyi bacardıq”.

Çox güman ki, səfirliyin özü də indiki həssas məqamda belə bir ajiotaja rəvac verməyindən, “nəlbəkidə fırtına yaratmağından” olduqca məmnundur. Onların bu davranışı həm Azərbaycana qarşı ənənəvi qərəzli mövqedən, həm də konkret siyasi maraqlardan irəli gəlir. Böyük dövlətlər bu cür məqamlardan həmişə Azərbaycana qarşı təzyiq vasitəsi kimi istifadə etməyə çalışırlar. Onların dərdi heç də demokratiyanın inkişafına töhfə vermək, insan hüquqlarının qorunmasına təminat almaq deyil.

Çox güman ki, ingilislərin məqsədi sadəcə olaraq fürsətdən yararlanmaq, müəyyən dividendlər əldə etməkdir. İngilislər bunu çox yaxşı bacarırlar. Necə deyərlər, suyu bulandırmaq və bulanlıq suda balıq tutmaq ingilis diplomatiyasının köhnə xüsusiyyətidir. Ancaq göründüyü kimi bu taktika bu dəfə işləmədi. İngiltərə səfirliyinin Roma Papasından artıq katoliklik etmək cəhdi gözlənilən nəticəni vermədi.

Şübhəsiz ki, ingilis səfirliyinin bu addımı diplomatik avantüradır. Lakin bu avantüra onsuz da kifayət qədər müsbət məcrada inkişaf edən Azərbaycan-İngiltərə münasibətlərinə heç bir xələl gətirə bilməz. Zənnimcə, İngiltərə səfirliyi bundan sonra ölkəmizdə cərəyan edən siyasi proseslərə münasibət bildirməzdən əvvəl necə deyərlər, yüz ölçüb, bir biçəcək.

Yeri gəlmişkən, İngiltərənin Ermənistandakı səfirliyi isə İrəvanın “Fransa” meydanında keçirilən etiraz aksiyalarını görməzdən gəlir. Həmin aksiyalarda baş verən kütləvi zorakılıqlar səfirlik tərəfindən susqunluqla qarşılanır. Bunun özü də olduqca düşündürücüdür. İngilis diplomatlar Bakıdakı kiçik aksiyanı qara rəngdə, İrəvanda keçirilən davamlı aksiyaları isə ağ rəngdə görürlər. Heyrətamiz diplomatiyadır...

Əlisahib Hüseynov,
Milli Həmrəylik Partiyasının sədri
"Pandemiyadan sonrakı dövr kimi  yeni münasibətlərin qurrulması artıq başlanılıb"Avropa İttifaqı ilə Azərbaycan arasındakı münasibətlər 2016-cı ilə kimi bir qədər gərgin keçsə də son 6 ildə aparılan uğurlu xarici siyasət və əməkdaşlığa verilən düzgün qiymət nəticəsində əlaqələr artan qrafik üzrə inkişaf etdi.

Bunu "Xalq Cəbhəsi"nə politoloq Vasif Əfəndi deyib.

Politoloqun fikrincə, 2016-cı ildə Aİ və Azərbaycan arasında ticarət dövriyyəsi qəflətən yarıbayarı azalaraq bir milyard dollara enmişdi: "Bu gün isə bu rəqəm 15 dəfə artaraq 15 milyard dollara çatıb. Azərbaycan Qarabağ siyasəti və müharibənin uğurlu nəticəsi Avropa İttifaqı ölkələrini cəsarətləndirərək ölkəmizə sərmaya yatırmağa sövq etdi. Hazırda Avropa İttifaqı üzv dövlətlərindən 1700 şirkət ölkəmizdə fəaliyyət göstərir. Bunun qarşılığında da Azərbaycan Aİ ilə etibarlılıq əsasında enerji ehtiyatlarının ixracını artırmaq niyyətindədir. Ukraynada gedən müharibənin nəticəsi olaraq Avropa ölkələri ciddi enerji qıtlığı ilə üzləşə biləcəklərinin fərqindədirlər. Aİ Şurasının prezidenti Şarl Mişel mütəmadi olaraq Azərbaycanla sıx əlaqə saxlamaqla münasibətlərin səviyyəsinin düşməməsinə çalışır. Azərbaycan Aİ ilə münasibətləri başlayan zamandan üzərinə götürdüyü enerji təhlükəsizliyi öhdəliyinə sadiqdir. Bu səbədən də Trans-Anadolu və Trans- Adriatik qaz boru kəmərləri Avropaya təhlükəsiz qaz ixracını həyata keçirir.

Dünya bazarında neft və qazın qiymətlərinin bahalaşması davam edəcək. Bu vəziyyətdə əldə olan resusların düzgün istiqamətlənməsi bizim həm xarici, həm də daxili siyasətimizin ana xəttini təşkil etməlidir. Hesab edirəm ki, pandemiyadan sonrakı dövr kimi yeni münasibətlərin qurrulması artıq başlanılıb. Növbəti mərhələ isə Rusiya Ukrayna müharibəsinin bitməsindən sonra başlayacaq və dünyada tam fərqli iqtisadi və siyasi münasibətlər qurulacaq. Biz gələcəyə hesablanmış strategiya quraraq yeni dünyada yerimizi tutmalıyıq".
"Kreml Paşinyanın ipini əldən verməyir"İlk öncə qeyd edim ki, Qafqazlarda söz sahibi Rusiyadır. Avropa İttifaqı iki konflikt tərəfi arasında vasitəçilik missiyası yaratmaq istəsə də bu konstruktiv olmadı. Səbəbi aydındır. Ermənistan Rusiyanın kaloniyasıdır və Rusiyanın rəqiblərinin təhrikinə gedərək yanlış addım atmaqdan qorxur.

Bunu "Xalq Cəbhəsi"nə politoloq Elman Vəliyev deyib.

O, qeyd edib ki, Azərbaycanla Ermənistan arasında sülh müqaviləsi, delimitasiya və demarkasiya məsələləri Kremlin əli ilə mümkündür:
"Brüssel görüşündən sonra üç tərəfin xarici işlər nazirləri görüş keçirdi. Bu görüşdə delimitasiya və demarkasiyanın həll edilməsi üçün işçi qrupunun yaradılması qərarı verildi. Azərbaycan tərəfinin işçi qrupu hazır vəziyyətdədir. Ermənistan tərəfi də öz işçi qrupunun yaradılmasına başlayıb və ayın axrına kimi bu prosesdə irəliləyiş əldə olunacaq.

Brüssel görüşündə Şarl Mişel hər iki tərəfdən razılıq əldə etmişdi ki, aprelin 29-da yenidən görüş keçirilsin və sülh üçün mühüm qərar versin. Lakin Ermənistan tərəfi bunu ləğv elədi. Ləğvdən əvvəl Paşinyanla Putinin danışığı olmuşdur. Əminəm ki, bu ləğvin səbəbkarı Kreml idi. Sonra Paşinyan Moskvaya Putinlə görüşə getdi. Yəni, Kreml Paşinyanın ipini əldən verməyir".

Politoloq deyib ki, son zamanlar İrəvanda Paşinyana qarşı etiraz aksiyaları intensivləşib. Bu aksiyalara Kremldə əlaltından dəstək verməkdədir: "Kreml Paşinyanın qələmini mütləq qıracaq, amma indi xarici siyasət oriyentasiyasında bir xeyli boşluqlar yaranıb. Qərbin Ermənistana dəstəyi həm onun lobbiçilik fəaliyyəti ilə bağlıdır, həm də Ermənistanı Rusiyanın pəncəsindən xilas etmək səylərindən qaynaqlanır. Lakin Qərbin bu mövqedə uğurlu olacağı fikri qeyri-realdır.

Əvvəl, axır Ermənistan sülh müqaviləsini imzalayacaq. Ermənistanla Türkiyə əlaqələri də müsbət kontekstdə irəliləməkdədir. Ola bilməz ki, Ermənistan Türkiyə ilə münasibətləri nizamlasın, ancaq Azərbaycanla yenidən intriqaya girsin. Paşinyanla İlham Əliyevin yeni bir görüşünü də istisna etmirəm. Bu görüş həlledici görüşlərdən biri ola bilər və vasitəçi tərəf Kremlə məxsus olacaq".