Əkrəm Bəydəmirli

Sivil qonşuluq prinsiplərindən uzaq olan bu toplum daha bir sıra saxtakarlıqlara əl atır. Bir sıra xarici internet resurslarının və həmçinin erməni mediasının yazdığına görə, hayların qondarma tarixçiləri 27 sentyabrı Artsax xalqına qarşı təcavüz günü kimi qeyd olunması təxribatını ortalığa atıblar. Təbii ki, onlar bu saxta və gülünc fikirlərini tirajlayıb və bunun üzərində qondarma siyasi ssenarilər quraraq dünyada davamlı yaymaq istəyirlər. Necəki 1915-ci il qondarma erməni soyqırımını 100 ildən artıqdır ki, dünyaya sırıyıblar.

Əslində bütün bunlara əhəmiyyət verməmək olardı. Ancaq burada bir vacib məqam var. Bu da ondan ibarətdir ki, 1915-ci il qondarma erməni soyqırımının dünyada yaratdığı çaşqınlıq bunu deməyə əsas verir ki, belə təxribatların qarşısı zamanında alınmalıdır. Qara siyasətlərini kilsələrdə formalaşdıran, mediada internet resurslarında düşmənçilik püskürən erməni toplumun hədəfi sülhə, sabitliyə deyil, sonu görünməyən münaqişələrə hesablanıb.

Bu gün Ermənistanda yaşanan təlatümlərin səbəbi tarixi və mövcud gerçəyi həmçinin öz layiq olduqları məğlubiyyətlərini həzm edə bilməmələridir.
Xarici qüvvələrin köməyi ilə son iki əsrdə hər zaman bizim tarixi torpaqlarımızı işğal edərək özlərinə dövlət quran və bu işğaldan daha da iştaha gələn bir xəstə toplum indi işğal etdikləri Azərbaycan ərazilərinin müəyyən hissəsini itirən zaman psixoloji böhrana düşüb. Bu məğlubiyyəti həzm edə bilməyən erməni toplumu və onun cinayətkar liderləri bu vaxta qədər dərk eləmir ki, bu, torpaqlar öz sahiblərinə qayıdıb.

Ermənistanda istər revanşist qüvvə olsun, istərsə də qeyri revanşist və yaxud liberal düşüncəli olsun bunların Azərbaycana və türk dünyasına qarşı mövqeyi çox vaxt eyni olur. Təəssüf ki, bütün bunlar erməni xəstəliyinin metastaz vermiş formasını xatırladır. Regionda bu düşüncə ilə necə sülhü bərqərar etmək olar, birgə sivil qonşuluq prinsipləri ilə yaşamaq olar? Dünyada gedən proseslər, mövcud reallıq onu diktə edir ki, biz bu toplumla birgə yaşamalıyıq, məqamı gələndə bunları əhliləşdirməliyik. Onu da unutmaq olmaz ki, silahı yerə qoymamaq şərtilə təbliğat sahəsində işimizi ən yüksək səviyyədə qurmalıyıq.

Nəhayət dünyada separatizmə yox deyilməsi, möhkəm sülhə sadiqlik üçün bu, qazandığımız möhtəşəm Zəfər masa üzərində təsdiqini tapmalıdır. Necəki faşızmin nə qədər təhlükəli olduğunu beynəlxalq aləm birmənalı qəbul etdi. Təəssüf ki, hazırda faşizmin yeni bir forması olan erməni separatizminə münasibət adekvat deyil. Bu isə ondan xəbər verir ki, erməni separatizmini dirçəltməyə hazır olan qüvvələr çox konfiqurasiyalı siyasətlərini davam etdirirlər. Bütün bu amillər regionda sülh və sabitlik üçün ciddi təhdid olaraq qalır.

Biz millət, dövlət olaraq postmüharibə dövründə informasiya siyasətini çox qüsursuz, peşəkar həyata keçirməliyik. Növbətçi tarixçilərdən, yerlibazlığdan, dostbazlığdan və nəhayət etinasızlıqdan qurtulmaq lazımdır. Elmli, imanlı insanlara, tədqiqatçı alimlərə, intellektual potensialı olan Vətəndaş Cəmiyyəti İnstitutlarına, dürüst media quruluşlarına və digər şəxslərə isti münasibət artmalıdır. Bu istiqamətdə işlər görən media quruluşlarının, QHT sektorunun maliyyə problemi aradan qalxmalıdır. Bu sahədə müəyyən çatışmazlıq var. Düşünürəm ki, onu aradan qaldırmaq gec deyil.

44 günlük Vətən müharibəsində Azərbaycan böyük Zəfər tarixini yazdı. Şablon səslənsə də bunları qeyd etməliyik. Biz Şəhidlərimizin, qazilərimizin qəhrəmanlığını dərindən öyrənməliyik. Onların bu fədakarlığı ədəbiyyat nümunələrində, kinofilmlərdə əksini tapmalıdır. Bu işlər ura halında deyil, kampaniyaçılıqdan uzaq, yalnız peşəkarların iştirakı ilə həyata keçirilməlidir. Bütün bunlar yetişən gənc nəslin məsuliyyətli vətənpərvərlik ruhunda dərin iz buraxar, digər tərəfdən gözlənilən təhlükələrin qarşısını ala bilər.

Əlisahib Hüseynov
Milli Həmrəylik Partiyasının sədri

İlin sonuna doğru yaxınlaşsaq da, lakin ölkə gündəmində və siyasi proseslərdə müşahidə olunan məqamlar birilərinin gündəmi daim “qaynar” vəziyyətdə saxlamaq istəyindən xəbər verir. Noyabrın 30-da Dövlət Sərhəd Xidmətinə məxsus Mi-17 tipli hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğraması nəticəsində 14 zabitimizin şəhid olması, bunun səhərisi günü isə şəhidlərin dəfn mərasimi ilə eyni vaxta salınan icazəsiz aksiya zamanı “Milli Şura”nın üzvü Tofiq Yaqublunun döyülməsi hadisəsinə verilən reaksiya və yanaşmaların mahiyyəti də onu göstərdi ki, bu gün Azərbaycanda sabitliyin pozulması üçün hər fürsətdən istifadə etməyə, yararlanmağa çalışan qüvvələr var.

Özü də bu hadisələrin məhz Brüssel görüşü və “Demokratiya samit”i ərəfəsində baş verməsi heç də təsadüfi deyil. Bu ölaylar həqiqətən də hansısa təxribat planlarının mövcudluğundan xəbər verir. Bütün bunlar heç şübhəsiz ki, Azərbaycanın maraqlarına zərbə vurmağa, 44 günlük Vətən müharibəsindən sonra Azərbaycanın dünyada güclənmiş mövqelərini zədələməyə, sarsıtmağa xidmət edir. Ancaq unutmamalıyıq ki, Qarabağı, Şərqi Zəngəzuru işğaldan azad etməyimizlə üzərimizə düşən vəzifələr, milli hədəflər hələ tam icra olunmayıb. İndi qarşımızda daha böyük hədəflər dayanır. Bir tərəfdən işğaldan azad edilmiş ərazilərimizi bərpa etməli və iqtisadi dirçəlişinə çalışmalıyıq. Digər tərəfdən isə düşmən ölkə ilə sərhədlərimizin demarkasiyasına nail olmalı, işğaldan azad edilmiş ərazilərə Böyük Qayıdışı təmin etməli, Xankəndi, Xocalı, Xocavənd kimi yaşayış məntəqələrimizdə suverenliyimizi möhkəmləndirməliyik.

Bütün bunların yükü, məsuliyyəti əlbəttə, ilk növbədə dövlətin üzərinə düşür. Amma biz də dövlətimizin yanında olmalıyıq. Eynilə 44 günlük müharibədə olduğu kimi indi də eyni ruh və qətiyyətlə milli birlik və həmrəylik nümayiş etdirməliyik. Çünki indi dövlətlə xalqın birliyi həmişəkindən də çox vacibdir. Cəmiyyətimizlə bərabər, həmçinin siyasi qüvvələr də milli birlik yolunu davam etdirməlidirlər. Biz həqiqətən də məhz birlikdə çox güclü oluruq.

Bizim birliyimiz şübhəsiz ki, anti-Azərbaycan qüvvələri narahat edir. Onlar ölkəmizdə sabitliyi pozmaq üçün daim fürsət, məqam gözləyirlər. Düşmənlərimiz kifayət qədər çoxdur və həm də məkrlidir. Lakin biz onlara zərrə qədər də fürsət verməməliyik. Milli birliyimizi qoruyub saxlamaq indi ən ümdə vəzifəmiz olmalıdır. Məğlub ermənilərdən ən böyük fərqimiz də elə milli birliyin vacibliyini dərk etməyimizdədir. Biz məhz buna görə qalibik!

ATƏT-in Minsk Qrupunun həmsədr ölkələrinin - Rusiya, ABŞ və Fransanın xarici işlər nazirləri Qarabağ nizamlanması ilə bağlı bəyanat qəbul ediblər.

Avrasiya.net TASS-a istinadən xəbər verir ki, bunu Rusiyanın xarici işlər naziri Sergey Lavrov ATƏT Xarici İşlər Nazirləri Şurasının (XİNŞ) iclası çərçivəsində jurnalistlərə açıqlamasında deyib. Onun sözlərinə görə, Rusiyanın Qarabağ münaqişəsinin həllindəki vasitəçiliyi ATƏT-in Minsk qrupunun həmsədrləri olan ölkələr tərəfindən müsbət qarşılanır.

“ATƏT-in Minsk Qrupunun həmsədrləri olan ölkələr kimi Rusiya, ABŞ və Fransanın nazirləri Qarabağ nizamlanmasına dair bəyanat qəbul ediblər”.

Nazir əlavə edib ki, Rusiya ATƏT Nazirlər Şurasının cari sessiyasının daha zəngin nəticələrini, o cümlədən 10 ildən artıqdır qəbul olunmayan siyasi bəyannaməni görmək istərdi.

...Bir neçə gün öncə ölkədəki və ölkə xaricindəki təxribat şəbəkəsinin fəallaşdığını, sifarişçilərindən Brüssel görüşü öncəsi aldıqları təlimatlar əsasında, ən müxtəlif bəhanələrlə üzərimizə yürüdüklərini və prosesin qarşıdurma müstəvisində keçirilməsi üçün daha aqressiv üsullara əl atacaqlarını yazmışdım. Çox gecikmədi və Paşinyanın timsalında erməniliyin edam kötüyündəki alt niyyətlərini ipdən açmaq üçün ən müxtəlif yollara əl atan qlobal maliyyə şəbəkəsinin tör-töküntüləri öncə sosial platformalar, daha sonra isə lokal provakasiyalar üzərindən hərəkətə gətirildilər...

...Əslində bütün bunlar məni təəccübləndirmir. Son 30 ildə dabbaqda gönünə bələd olduqlarımın “çiyərlərinə” çəkdikləri havanan tərkib hissəsini belə mikroelementlərinə kimi bilirəm. Məni təəccübləndirən, siyasi proseslərin dolanbaclarında illərin təcrübəsini qazanmış insanların məqsədyönlü şəkildə yaradılmış emosional mühitin təsiri altına düşmələridir.

Heç kim mələk deyil, bunu yaxşı başa düşürəm. Həmçinin onu da başa düşürəm ki, insan psixologiyası mürəkkəbdir və mühit şəraitin diqtə etdiyi şərtlər altında cinayətkarı qəhrəmana, qəhrəmanı isə ən qatı, ən amansız cinayətkara çevirə bilər. Məhz bu baxımdan, qiymətləndirmələrin konkret əmələ görə özünü bürizə verməsini daha doğru və həm də faydalı hesab edirəm.

Həm birinci, həm də ikinci Qarabağ savaşında ölümün gözünə dik baxan, insan xarakterinin və potensialının ən son və bəlkə də ağlasığmaz imkanlarını nümayiş etdirməyi bacaran, dişiylə, dırnağıyla düşmənə dirəniş göstərən onlarla insan tanıyıram ki, bu gün sıradan bir Azərbaycan vətəndaşı kimi həyatlarına davam edir, qürur duyulası keçmişlərindən sui-istifadə etmələrinə imkan yaratmırlar. Mənə görə, gerçək qəhrəmanlıq gerçək təvəzökarlığın sinonimidir. Daha öncə qeyd etmişdim insan psixologiyasının mürəkkəbliyini... Bax, məhz bu müstəvidən dəyərləndiriləndə ağlıyla, düşüncəsiylə, vücuduyla, hissləriylə tam, bütöv, şəraitdən asılı olmayaraq qəhrəmanlıq nümayiş etdirməyə hazır olan insanlarla, şəraitdən asılı olaraq, özünüqoruma instiktindən, yaxud emosional təsir vasitələrinin basqısı altında, təhtəlşüur olaraq, hansısa prosesin tərkib hissəsinə çevrilənlərin fərqləndirilməsinin tərəfdarıyam.

Elə indi, bu sətirləri yazarkən, təkcə “fit”lə hərəkətə gətirilənlərin deyil, emosional təsir vasitələrinin yükü altında əzilərək, sosial şəbəkələrin kin və aqressiya axını ilə “üzənlərin” əks istiqamətində hərəkət etdiyimi də yaxşı başa düşürəm.

Belə...

Nə olub? Nə özünüzə əl qatmısınız? Hanı sizin jurnalist kimi tərəfsizliyiniz? Hər gün yazılarınızda Qərbdən vutub Şərqdən çıxırsınız, dünyanın nəhəng siyasət adamlarına, texnoloqlarına “dərs” keçirsiniz, amma gözünüzün önündə baş verənlərə gələndə, uzun illərdən bəri faydalandığınız çevrənin maraqları bir yana qalsın, ölkənin mənafeyini də gözünüzün önündə cərəyan edən və kütləviləşməyən tamaşanın müəlliflərinin və oyunçularının pis niyyətlərinə qurban verirsiniz. Budur sizin cəsarətiniz?

Açiq danışacağam: Dünən, Vətənini sevən hər kəsin helikopter qəzasında həlak olan qardaşlarımıza yas saxladığı, gözümüzün içinə kimi yandığımız bir vaxtda paytaxtın mərkəzində təxribata cəhd göstərilməsi, üzərimizə yerimək üçüb marığda dayananlara xidmət, Azərbaycan dövlətinə və xalqına xəyanətdir. Bu xəyanətin başında kimin dayandığından və kimlərin, hansı səbəblərdən və hansı motivlə bu prosesin tərkib hissəsinə çevrildiyindən asılı olmayaraq! Daha öncə də qeyd etmişdim: Qiymətləndirmə konkret əmələ görə aparılmalıdır. Kimlərinsə nə vaxtsa etdiyi xidməti bu gün hadisələri təhlil edərək düzgün nəticə çıxaran, Millətin və Dövlətin mənafeyinə uyğun davranış sərgiləyən insanların başı üzərində “Domokl qılıncı”na çevirmək lazım deyil. Bu gün sərgilənən kütləvi psixoz məntiqindən belə anlaşılır ki, əgər kimsə nə zamansa Azərbaycanın ərazi bütövlüyünün təmin olunması uğrunda döyüşlərdə içtirak edibsə, yaxud əlinə silah alıb şəkil çəkdiribsə, cəbhə bölgəsində ezamiyyətdə olubsa, deməli dövlətə silah qaldıra, kütləvi qətliam törədə, soyğunçuluq edə, milli maraqları emosiyalarına, şəxsi qəzəbinə, aqressiyasına qurban verə bilər... Bu nə düşüncədir?

Ola bilsin ki, kütləvi aqressiya dalğasına qoşulanların bir hissəsi, xüsusilə də gənclər 1992-94-cü illərdə baş verənləri unudublar. Amma mən unutmamışam. Qarabağdan əlisilahlı Bakıya gəlib bazarlarda “rajon” kəsənləri, qızların, gəlinlərin namusuna göz dikənləri, günün günorta çağında soyğunçuluq edənləri yaxşı xatırlayıram. İndi nə edək, ölkəni yenidən həmin dövrə qaytaraq? Dərəbəyliyə, özbaşınalığa, xaosa rəvac verək? Azərbaycan Ordusunun darmadağın etdiyi ermənilər və onların himayədarları bunu istəyirlər. Daha kim istəyir, əlini qaldırsın... Kimin kim olduğundaha aydın görünsün. İt qurddan seçilsin yəni...

Son dəfə “küçəyə” çıxdığında sıradanbir təzyiq səbəbindən qorxudan gözü hədəqəyə çıxan, emosiyalarını ciovlaya bilməyənləri qabağa verib tülkü kimi “yurd”unda, yuvasında gizlənənləri başa düşdük, bu onların xislətidir. Bəs səhərdən axşama kimi “mənəm-mənəm” deyən, sanki dövlətin mənafeyini bunlardan başqa qoruyan yoxmuş kimi hikkəli bir davranış sərgiləyən, ağllı-ağıllı “poz” verib ağzından “dür” tökən modern, yeni, yaxud elə köhnə media, QHT baş, yaxud ayaqbilənləri hardadır? Onlar niyə tülkü kimi mısıblar? Gözləyirlər ki, hadisələr səngisin, yenidən ortalığa çıxıb “intellektul” potensiallarını, ultramədəni rəftarlarını sərgiləsinlər? Bir intellekt ki, dövlətin, xalqın mənafeyini müdafiə etmək cəsarətində və potensialında deyil, tüpürüm o intellektə!

Daha öncə də yazdığım kimi, heç kim mələk deyil. Vaxtilə Rusiya, Gürcüstan, Ukrayna üzərindən ölkəni qarışdırmaq üçün külli miqdarda pul daşıyanlardan bir neçəsi indi Azərbaycandan kənarda, mənbəyi erməni diasporuna gedib çıxan vəsaitlərlə “kanal”, yaxud kanallar açıb üstümüzə kin püskürürlər, qələbəmizi “məğlubiyyət” kimi qələmə vermək üçün dəridən-qabıqdan çıxırlar.

Məsuliyyətdən yayınmaq istəyən istənilən şəxs təzyiq vasitəsi kimi ən müxtəlif üsullara əl ata bilər. İndi kimsə aclıq aksiyası keçirirsə və bu aksiyanın təbliğatı ilk gündən, hətta başlamazdan öncə ayrı-ayrı “mərkəz”lərdən sosial şəbəkələr vasitəsilə total bir şəkildə aparılırsa, bu konkret şəxsin ittiham edildiyi əməli törətmədiyi anlamına gəlmir. Hər halda 450 min ABŞ dolları göydən düşməyib. Bu məğləğin hər senti ilə bağlı təkzibolunmaz sübutlar var... Təfərrüatına varmaq istəmirəm. Çünki bütün bunlara ən yaxın zamanlarda bir daha aydınlıq gətiriləcək!

Məlum şəbəkə və ya şəbəkələrin içərisində yer alanlara isə sözüm yoxdur. Amma bəzi “ağıl dəryaları”nı gerçək kimliklərini ortaya qoymağa çağırıram. Ya o yanlıq olun, ya da bu yanlıq. Haçapaça qalmayın!

Elçin Mirzəbəyli

Azərbaycan Ermənistan ilə sülh danışıqlarının başlanmasında və regionda dayanıqlı sülhün təmin edilməsində maraqlıdır".

Bunu Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "Mədəniyyət naminə sülh" Tərəfdaşlar Forumunda çıxışı zamanı deyib.

Onun sözlərinə görə, dayanıqlı sülh bütün region ölkələri üçün faydalı olacaq.

Prezidentin köməkçisi işğal edilmiş ərazilərdə Azərbaycanın mədəni abidələrinin sistemli şəkildə məhv edildiyini bildirib.

O, beynəlxalq ictimaiyyəti buna diqqət yetirməyə və Ermənistanın vandallığına qiymət verməyə, həmçinin beynəlxalq institutları işğaldan azad edilmiş ərazilərə qiymətləndirmə missiyası ilə səfər etməyə çağırıb.

Quzey Kıbrıs Türk Cümhuriyyətinin Prezidenti Ersin Tatar Dövlət Sərhəd Xidmətinin helikopterinin qəzaya uğraması nəticəsində hərbi qulluqçuların həlak olması ilə bağlı Azərbaycana başsağlığı verib.

Avrasiya.net xəbər verir ki, başsağlığı mesajında deyilir:

“Qardaş ölkə Azərbaycanımızın Dövlət Sərhəd Xidmətinin hərbi helikopterinin Xızı rayonunun Qaraheybət Hərbi Hava Limanında təlim uçuşu zamanı qəzaya uğraması nəticəsində onlarla soydaşımızın həlak olması və yaralanması xəbərini böyük kədərlə öyrəndim. Allah bu faciəli qəzada həyatını itirən azərbaycanlı qardaşlarımıza rəhmət eləsin. Onların kədərli ailələrinə, əziz Azərbaycan xalqına və Azərbaycan hökumətinə öz adımdan və dövlətim adından başsağlığı verir, səbr diləyirəm”.

Türkiyə Prezidenti Rəcəb Tayyib Ərdoğanla Rusiya lideri Vladimir Putin arasında dekabrın 3-də telefon danışığının olacağı gözlənilir.

Axar.az xəbər verir ki, bu barədə Türkiyənin xarici işlər naziri Mövlud Çavuşoğlu NATO xarici işlər nazirlərinin toplantısında deyib.

O, liderlərin Ukrayna mövzusunu müzakirə edəcəklərini bildirib.

Qeyd edək ki, Türkiyə lideri Ukrayna ilə Rusiya arasında vasitəçiliyə hazır olduğunu bildirmiş, Ukrayna isə buna müsbət baxdığını açıqlamışdı.

Rusiyanın Azərbaycandakı səfirliyi Dövlət Sərhəd Xidmətinin helikopterinin qəzaya uğraması nəticəsində hərbi qulluqçuların həlak olması ilə bağlı Azərbaycana başsağlığı verib.

Avrasiya.net xəbər verir ki, bu barədə səfirliyin Tvitter səhifəsində yazılıb.

“Azərbaycan Dövlət Sərhəd Xidmətinin helikopterinin qəzaya uğraması nəticəsində həlak olanların ailələrinə və yaxınlarına başsağlığı verir, yaralananların tezliklə sağalmasını diləyirik! Allah rəhmət eləsin”, - başsağlığında vurğulanıb.

ABŞ-nin Azərbaycandakı səfirliyi Dövlət Sərhəd Xidmətinin helikopterinin qəzaya uğraması nəticəsində hərbi qulluqçuların həlak olması ilə bağlı Azərbaycana başsağlığı verib.

Avrasiya.net xəbər verir ki, bu barədə səfirliyin Tvitter səhifəsində yazılıb.

“Səfir Örl Litzenberqer helikopter qəzasında həlak olanlara görə başsağlığı verir”, - paylaşımda bildirilib.

Ermənistan və Azərbaycan arasında siyasi dialoq dayanıqlı nizamlanmaya gətirib çıxara bilər.

Modern.az xəbər verir ki, bunu Avropa İttifaqı Şurasının prezidenti Şarl Mişel Şərq Tərəfdaşlığı vətəndaş cəmiyyəti forumunda çıxışı zamanı deyib.

“Regionda uzanan münaqişələr əsas problem olaraq qalır. Onlar beynəlxalq hüququn prinsip və normalarına uyğun olaraq yeni səylər tələb edir. Avropa İttifaqı münaqişələrin qarşısının alınması və həllində öz rolunu oynamağa hazırdı. Bura etimadın yaradılması və davamlı və hərtərəfli nizamlanmanın təşviqi, o cümlədən münaqişədən sonra yenidənqurma tədbirlərinə dəstək daxildir.

Ermənistanla Azərbaycan arasındakı münasibətlər vəziyyətin kövrəkliyini göstərir. Mən tam əminəm ki, yalnız siyasi dialoq dayanıqlı nizamlanmaya gətirib çıxara bilər. Bu, həmçinin Ermənistan və Azərbaycanda vətəndaş cəmiyyətinin birləşməsini, körpülərin qurulmasını və barışıq səylərinə kömək etməyi tələb edəcək”.