Yunan mediasının Azərbaycan Ordusu haqda yalanı“Efes” təlimi Türkiyə Silahlı Qüvvələrinin həyata keçirdiyi təlimlərin ən üst səviyyəsidir. Hərəkat iki ildə bir, müştərək və birgə fəaliyyət şəklində gerçəkləşdirilir. Təlimdə həqiqi döyüş sursatlarından, mərmi və güllələrdən istifadə olunur.

Bu sözləri Axar.az-a Azərbaycan Ordusunun "Efes-2022" təlimlərində iştirakı və Yunanıstan mediasının qarayaxma kampaniyası haqqında haqda danışan Türkiyənin ölkəmizdəki keçmiş hərbi attaşesi, general Yücel Karauz deyib.

Generalın sözlərinə görə, Şuşa Bəyannaməsi çərçivəsində başqa sahələrdə olduğu kimi, hərbi sahədə də qarşıya qoyulan hədəflərə çatmaq üçün ölkələrimiz birgə fəaliyyəti dayanmadan davam etdirir:

“Ölkələrimiz arasında əlaqələr Şuşa Bəyannaməsi imzalandıqdan sonra tarixinin zirvə nöqtəsindədir. Bütün sahələrdə olduğu kimi, hərbi sahədə də əməkdaşlıq inkişaf etməkdə və daha da yaxınlaşmaqdadır. Dolayısı ilə sənəddə göstərildiyi kimi, hərbi birləşmələrin qarşılıqlı göndərilməsi, ortaq təlim və tədris kimi məsələlər hazırki təlimdə də öz əksini tapıb. Bu il içərisində Türkiyə və Azərbaycanda, eyni zamanda, işğaldan azad edilmiş ərazilərdə iyirmiyə yaxın təlim keçirilib. “Efes-2022” təlimi 20 mayda başlayıb və 9 iyunadək davam edəcək. Təlimə 37 ölkə qatılıb, bunlardan 13-ü isə birbaşa təlimdə iştirak edir. Ümumilikdə təlimdəki şəxsi heyətin sayı 10 min nəfərə qədərdir.

Burada Türkiyə müdafiə sənayesinin istehsalı olan modern sistemlər sınaqdan keçirilməkdə və inkişaf etdirilməkdədir. Təlimdə ölkəmizin 43 müdafiə sənayesi şirkətinin məhsulları əyani şəkildə meydanda və tədris prosesində ölkəmizə gələn xarici ölkə nümayəndələrinə göstərilir. Azərbaycan müdafiə naziri Zakir Həsənov da həmkarı Hulusi Akarın dəvəti ilə təlimləri izləyənlər arasındadır”.

Yücel Karauz təlimdə iştirak edən Azərbaycan hərbçiləri haqqında Yunanıstan mediasının yaydığı yalanlara da toxunub:

“Yunanıstan mediasının təlimə qatılan Azərbaycan və Türkiyə xüsusi təyinatlarının, komandolarının yunan adalarını işğal edəcəyi haqqında xəbərləri isə xəyal məhsulundan, boşboğazlıqdan, cəfəngiyyatdan başqa bir şey deyil. Bu yalan iddialar heç bir məntiqə sığmır. Çünki “Efes” yeni keçirilən və hansısa bir hadisəyə reaksiya xarakterli təlim deyil. Yunanıstan mediasının yalanları daxildə yaşadıqları qorxunun təzahürüdür. Şuşa Bəyannaməsində də göstərildiyi kimi, Türkiyə və Azərbaycan əlaqələri hansısa bir üçüncü ölkəyə qarşı deyil, müstəqilliyimizin, ərazi bütövlüyümüzün qorunması və bölgədə əməkdaşlığın inkişafı, sülhün möhkəmləndirilməsi üçündür. Bayaq da qeyd etdiyim kimi, bu təlimdə Azərbaycan və Türkiyə Ordusu birgə döyüş, ortaq hərəkat, hərəkatın koordinasiyası, hərbi texnikanın və silah sistemlərinin bir-birinə inteqrasiyası, dostluq və qardaşlığımızın möhkəmləndirilməsi istiqamətində bir üst səviyyəyə keçməkdədirlər. Allah hər zaman Ordularımızı müzəffər etsin”.
"TEKNOFEST Azərbaycan” Azərbaycan və Türkiyə arasındakı qardaşlıq münasibətlərinin parlaq təzahürüdürAzərbaycan və Türkiyə münasibətiləri qədim tarixi köklərə malikdir. Tarixə nəzər salsaq aydın görərik ki, bütün dövrlərdə iki qardaş ölkə daim bir-birinə dayaq olub, keşməkeşli günlərimizdə, ciddi sınaqlarla üz-üzə qaldığımız vaxtlarda, eləcə də sevincli günlərimizdə qardaş dəstəyi hər zaman bir-birinin köməyinə yetişib. Sevindirici və qürurlandırıcı haldır ki, bu qardaşlıq və dostluq illərlə öz möhkəmliyini və sadiqliyini qoruyub, saxlayıb və gələcək nəsillərə ən böyük və əvəzsiz miras kimi ötürülür. Azərbaycanla Türkiyə arasındakı münasibətlər bütün sferalarda uğurla və xalqımızın maraqlarına cavab verəcək bir şəkildə davam edir. Bu münasibətlər isə öz növbəsində dövlətlərimiz və xalqımızı daha da qətiyyətli və güclü edir.

Ulu öndərlərimiz, görkəmli dövlət xadimləri, dahi şəxsiyyətlər Heydər Əliyev və Mustafa Kamal Atatürk Azərbaycan-Türkiyə qardaşlığını və dostluğunu çox gözəl və dəqiq ifadə edib. Azərbaycan xalqının ümummilli lideri Heydər Əliyev deyirdi ki, “Biz bir millət, iki dövlətik”, ulu öndər Mustafa Kamal Atartürk isə “Azərbaycanın sevinci sevincimiz, kədəri isə kədərimizdir” fikirləri ilə bu həmrəyliyimizi və birliyimizi ən yüksək səviyyədə göstərmişdir.

Dünyanın ən böyük aerokosmik və texnologiya festivalı olan “TEKNOFEST Azərbaycan”ın Türkiyədən sonra ilk dəfə olaraq Azərbaycanda keçirilməsi həmrəyliyimizin daha bariz bir nümunəsidir, ölkəmizə və xalqımıza olan sevginin göstəricisidir. Bu festivalın ölkəmizdə ən yüksək səviyyədə təşkil edilməsi ölkələrimiz arasında digər sahələrlə yanaşı, texnologiya və aerokosmik sahələrdə də uğurlu iş birliyinin olmasını və olacağını göstərir. Burada gənc tədqiqatçıların və ixtiraçıların layihələrinin təqdimatı və dəstəklənməsi isə gələcəyimizə və dövlətlərimizin gələcək inkişafına olan ümidlərimizin özünü doğrultduğunu və davamlı olacağını ifadə edir. Yeniyetmə və gənclərimizin festivalda xüsusilə fəal iştirak etməsi və uğurlu təmsilçiliyi, müxtəlif istiqamətlər üzrə təqdim etdikləri layihələr bu sahələrin inkişafına mühüm töhfədir. İnanırıq ki, öz savadı, potensialı və istedadı ilə daim seçilən türk gəncliyi aerokosmik və texnologiya sahələrində də uğurlarını əzmlə davam etdirəcək və dünyadakı gücünü bir daha sübut edəcək.

Sözsüz ki, bu sahələrin inkişafı və gənclərimizin marağının olması dövlət başçıları İlham Əliyevin və Rəcəb Tayyib Ərdoğanın rəhbərliyi ilə bu sahələrdə həyata keçirilən uğurlu və məqsədyönlü islahatlarla sıx bağlıdır.

Azərbaycan Respublikasının Prezidenti İlham Əliyev cari ilin 28 may tarixində Bakıda keçirilən festivalda çıxışı zamanı bir sıra tarixi, siyasi əhəmiyyətli məsələlərə toxundu. Dövlət başçısı 28 May Müstəqillik Günündə, məhz Azərbaycan Xalq Cümhuriyyətinin yaradılmasının 104-cü ildönümündə təşkil edilən festivalın əhəmiyyətini yüksək qiymətləndirərək, bu tarixi hadisənin birliyimizin və inkişafımızın təntənəsi olduğunu diqqətə çatdırdı. Azərbaycanla Türkiyə arasındakı əlaqələrin ən yüksək səviyyədə olduğunu, qardaş Türkiyənin Vətən müharibəsi zamanı, eləcə də bütün zamanlarda ölkəmizə və xalqımıza olan inamlı dəstəyindən bəhs etməsi isə millətimizin hər bir nümayəndəsinin ürəyindəki iftixarın və qürurun ifadəsi idi.

Azərbaycanın haqq uğrunda mübarizə apardığı bütün tarixi dövrlərdə, xüsusilə Vətən müharibəsində Türkiyənin Azərbaycana siyasi, diplomatik və mənəvi dəstəyi əvəzsiz oldu. Dünyada aparılan bütün savaşlarda barışdırıcı missiyadan çıxış edən, özünün haqq səsini ucaldan Türkiyə bu dəfə də Azərbaycanın yanında oldu, ona dəstəyini əsirgəmədi. Bu həmrəylik və birlik dövlətimiz və xalqımız üçün olduqca böyük stimul idi. Dünyada bəzi ölkələr və beynəlxalq təşkilatlar tərəfindən aparılan ikilistandartlara qarşı mübarizədə haqlının yanında olmaq cəsarət tələb edir. Qardaş Türkiyə bu cəsarəti göstərərək bütün dünyaya Azərbaycanın yanında olduğunu sübut etdi. Bu birlik sözdə deyildi, əməldə idi və bütün dünya Azərbaycan-Türkiyə münasibətlərinin fonunda əsl qardaşlığın nə demək olduğunu gördü. Dünyada elə bir ikinci dövlət və xalq yoxdur ki, Azərbaycan və Türkiyə qədər bir-birinə yaxın olsun.

Bir sözlə, demək olar ki, Azərbaycanla Türkiyə arasında qardaşlıq, dostluq, müttəffiqlik, strateji tərəfdaşlıq əlaqələri dünya üçün əsl örnək nümunədir. Bu nümunə tarixən mövcud olub, bu gün də uğurla davam etdirilir. Sözsüz ki, bu əlaqələrin rəsmi müstəvidə daha da yaxınlaşdırılması, ən yüksək səviyyəyə çatdırılması dövlət başçıları İlham Əliyevin və Rəcəb Tayyib Ərdoğanın uzagörən siyasətinin nəticəsidir.

Bu gün bu əlaqələrimiz sürətlə inkişaf edir və bütün sahələri əhatə edir. Artıq Azərbaycan və Türkiyə əlaqələri təkcə siyasi, diplomatik müstəvidə deyil, bütün sahələr üzrə - hərbi, iqtisadi, sosial, mədəni və digər sahələrdə də qarşılıqlı maraq doğuran və dövlətlərimizin, xalqlarımızın inkişafına, milli maraqlarımızın, hədəflərimizin reallaşmasına yönəlik istiqamətində uğurla icra olunur.

Xüsusilə vurğulamaq lazımdır ki, işğaldan azad edilmiş ərazilərimizin yenidən qurulması və dirçəldilməsi işində Azərbaycanla çiyin-çiyinə çalşan qardaş Türkiyə şirkətləridir. Türkiyə dövlətinin və xalqının, eləcə də Türkiyənin bir çox şirkətinin Qarabağımızın abadlaşdırılması istiqamətində səylə çalışması bizləri daha da ruhlandırır.

Əminik ki, aparılan uğurlu və məqsədyönlü siyasət nəticəsində dövlətlərimiz və xalqlarımız arasında əlaqələr daha da inkişaf edəcək, yeni-yeni regional və dünya miqyaslı layihələrin icrasında ölkələrimiz bundan sonra da əzmlə çalışacaq. Bu həmrəylimiz bizi daha da gücləndirəcək, əlaqələrimizi möhkəmləndirəcək, ölkələrimizin gələcək inkişafı üçün əsl lokomativ rolunu oynayacaq. Güc birlikədir deyib atalarımız. Bu birlik bizi daha da güclü edəcək, dostlarımıza xoşbəxtlik, düşmənlərimizə əsl göz dağı olacaq.

Vüsar İsmayılov
Yeni Azərbaycan Partiyası Binəqədi rayon təşkilatının sədri
İyun qiyamından 29 il ötürBu gün Əbülfəz Elçibəy hakimiyyətinə qarşı Gəncədə başlanan hərbi qiyamdan 29 il keçir. 1993-cü il 4 iyunda Gəncədə Azərbaycan Ordusunun keçmiş korpus komandiri Surət Hüseynovun başçılıq etdiyi silahlı qüvvələr həmin gün hakimiyyətə qarşı qiyama qalxıblar, hakimiyyətin istefası tələbi qoyulub.

Nəticədə hökumət qüvvələri ilə qiyamçılar arasında silahlı toqquşma baş verib. S.Hüseynovun nəzarətində olan 709 saylı hərbi hissənin tərk-silah edilməsi ilə bağlı həyata keçirilən əməliyyat uğursuz olub, Prezident Qvardiyasının komandiri Tahir Məmmədov başda olmaqla, bir neçə qvardiya əsgəri qiyamçılar tərəfindən qətlə yetirilib. Həmçinin baş prokuror daxil, Gəncəyə göndərilmiş hökumət rəsmiləri S.Hüseynovun dəstəsi tərəfindən girov götürülüb. Bu hadisə Azərbaycanda dərinləşməkdə olan hərbi-siyasi böhranı kritik həddə çatdırıb, ölkə vətəndaş müharibəsi astanasına gəlib.

Avrasiya.net Teleqraf.com-a istinadla xəbər verir ki, hərbi qiyama Milli Məclisdə də bir sıra deputatlar, siyasi partiyalar tərəfindən faktiki dəstək verilib.

8 iyun 1993-cü ildə Gəncə hadisələri ilə bağlı ölkədə böhran dərinləşib. Surət Hüseynovun tabeçiliyindəki silahlı birləşmələr Gəncəbasar bölgəsində yerli hakimiyyət strukturlarını devirərək Bakıya doğru hərəkət etməyə başlayıblar. Bu arada respublika rəhbərliyi vəziyyətdən çıxış yolu axtarmaq üçün Naxçıvan Ali Məclisinin sədri Heydər Əliyevi dəvət edib.

9 iyun 1993-cü ildə Naxçıvan Ali Məclisinin sədri Heydər Əliyev Prezident Əbülfəz Elçibəyin dəvəti ilə Bakıya gəlib. Həmin gün Milli Məclis Gəncədəki qiyamda iştirak etmiş şəxslərə amnistiya verilməsi və Gəncə olaylarının araşdırılması üçün deputat-istintaq komissiyasının yaradılması haqqında qərarlar qəbul edib.

13 iyun 1993-cü ildə Milli Məclisdə Gəncə hadisələri ilə bağlı gərgin müzakirələr başlayıb. Gəncədəki hərbi qiyamı yatırtmaq üçün həyata keçirilən uğursuz əməliyyata görə məsuliyyət daşıyan AXC iqtidarının ikinci şəxsi, parlamentin sədri İsa Qəmbər istefa verib.

Onun istefasını Surət Hüseynovun başçılıq etdiyi qiyamçılar dəstəsi tələb edirdi. Prezident Elçibəy və digər hakimiyyət mənsubları parlament sədri postunu Naxçıvan Ali Məclisinin sədri Heydər Əliyevə təklif etsələr də, o, mövcud vəziyyəti bilavasitə öyrənmək üçün Gəncəyə gedəcəyini və yalnız bundan sonra təklifə cavab verəcəyini bildirib. Heydər Əliyev bir qrup jurnalistin müşayiəti ilə həmin gün Gəncəyə yola düşüb.

15 iyun 1993-cü ildə Milli Məclisin iclasında təşkilati məsələyə baxılıb. İclasda iştirak edən Prezident Əbülfəz Elçibəyin təklifi ilə deputat, Naxçıvan Ali Məclisinin sədri Heydər Əliyev Azərbaycan parlamentinin sədri seçilib.

17 iyun 1993-cü ildə Prezident Əbülfəz Elçibəy respublika rəhbərliyindən heç kimi xəbərdar etmədən gecə ikən bir qrup AXC fəalı ilə Bakını tərk edərək Naxçıvanın Ordubad rayonunun Kələki kəndinə gedib. Bu hərəkət ölkədə hakimiyyət böhranını daha da ağırlaşdırıb. İyunun 18-də televiziya ilə ölkə əhalisinə müraciət edən Ali Sovetin sədri Heydər Əliyev respublikaya rəhbərliyi öz üzərinə götürməyə məcbur olub.

24 iyun 1993-cü ildə Milli Məclisdə ölkədəki ağır siyasi böhran geniş müzakirə olunub. Prezident Ə.Elçibəylə danışıqlar aparmaq üçün Kələkiyə getmiş bir qrup ziyalının nəticəsiz geri dönməsindən sonra parlament prezident səlahiyyətlərinin Ali Sovet sədrinə verilməsi barədə qərar qəbul edib. Parlamentin qərarı ilə Ali Sovetin sədri Heydər Əliyev prezident səlahiyyətlərini icra etməyə başlayıb.

30 iyun 1993-cü ildə Milli Məclis Surət Hüseynovun baş nazir təyin olunmasını təsdiqləyib. Beləliklə, Əbülfəz Elçibəyin rəhbərlik etdiyi AXC iqtidarı Surət Hüseynovun başlatdığı qiyamın yekunu olaraq tamamilə süqut edib.

Əbülfəz Elçibəy daxil, o dövrkü hakimiyyətin əksər yüksək vəzifələr tutan şəxsləri dəfələrlə bəyan ediblər ki, 4 iyun qiyamı milli hakimiyyətin devrilməsi məqsədilə Rusiya tərəfindən Surət Hüseynovun əli ilə təşkil edilib.
Enerji layihələri daxili inkişafımız üçün də çox əhəmiyyətlidirAzərbaycan Respublikasının Prezidenti İlham Əliyevin iştirakı ilə Bakı Ekspo Mərkəzində Bakı Enerji Həftəsi çərçivəsində 27-ci Beynəlxalq Xəzər Neft və Qaz Sərgisinin rəsmi açılış mərasimi keçirildi.

2020-ci il ölkəmiz üçün tarixi il olub, uzun illər işğal altında olan torpaqları güclü lider İlham Əliyevin rəhbərliyi ilə artıq dünyada öz peşəkarlığı və şücaəti ilə məhşurlaşan ordumuzun azad etməsi qürurverici haldır. Gələcəkdə işğaldan azad edilmiş ərazilər “yaşıl enerji” ilə təmin olunacaq, bununla da bərpa olunan enerji mənbələri üzrə investisiyalar və birgə layihələr sahəsində əməkdaşlıq imkanları genişlənəcəkdir.

Xəzər regionunda neft-qaz sahəsinin və enerji sektorunun ən mötəbər tədbiri olan “Bakı Enerji Həftəsi” 27-ci Beynəlxalq “Xəzər Neft və Qaz” sərgisini, 10-cu Yubiley Xəzər Beynəlxalq Energetika və Alternativ Enerji” sərgisini və Xəzər Neft və Qaz Konfransının xələfi olan “Bakı Enerji Forumu”nu özündə birləşdirir.

Xəzər Neft və Qaz Sərgisi təşkilatçılarının rolu həqiqətən çox vacib idi ki, diqqəti və sərmayələri cəlb etmək mümkün olsun. Bu konfransın keçirildiyi ilk ildən etibarən Azərbaycan özünün dünyaya açıq olduğunu elan etdi.

27-ci Beynəlxalq “Xəzər Neft və Qaz” sərgisində Bakının yeni hədəfləri

İlk sərgidən keçən dövr ərzində neçə-neçə qlobal layihələr reallaşıb. Lakin dünyada Azərbaycana maraq azalmayıb. Bu isə onu göstərir ki, ölkəmiz neft aləmində öz mövqelərini əldən vermir. İndi Azərbaycan 27-ci beynəlxalq neft-qaz sərgisinə ev sahibliyi edir. Bu da onun gərəkli tədbir olduğunu, ümumiyyətlə isə Azərbaycanın neft strategiyasının düzgün seçildiyini təsdiqləyən faktdır.

Avropa qitəsində təbii sərvətlərimizlə bağlı fəaliyyətimizin genişləndirilməsi həm bizim, həm tərəfdaşlarımız üçün zəruridir -. Cənub Qaz Dəhlizi fərəhlənə biləcəyimiz layihədir. Layihə “Şahdəniz” qaz-kondensat yatağında hasilatı artırmağa imkan yaradır. Cəmi bir il beş aydır ki, Azərbaycan həmin tamamilə yeni müasir infrastrukturdan öz qaz ehtiyatlarının nəqlində istifadə edir. Ötən il Azərbaycan 22 milyard kubmetr təbii qaz ixrac etmişdir. Bu il gözlənilir ki, bu rəqəm 24 milyard kubmetr olacaq.

Potensial istehlakçılar anlamalıdırlar ki, bir il ərzində qazı böyük həcmdə hasil etmək mümkün deyil. Bunun üçün bizə müqavilələr lazımdır. Biz danışıqlara başlamalı və onları sürətləndirməliyik. Biz ənənəvi tərəfdaşlar və sərmayədarla, eləcə də enerji şirkətləri ilə çalışmalıyıq ki, hasilat artsın. Həmçinin biz mövcud qurğuları genişləndirməliyik.

Dəniz limanı, bütün istiqamətlərlə bizi birləşdirən dəmir yolu, avtomobil yolları və hava limanları mövcuddur. Azad olunmuş ərazilərdə üç yeni hava limanı olacaq. Onlardan biri artıq istifadə verilib. Azərbaycan 9 beynəlxalq hava limanına sahib olacaq.
Azərbaycan üçün neft və qaz sahəsində BP strateji tərəfdaş və aparıcı investordur. Hazırda SOCAR və BP azad olunmuş Cəbrayıl rayonunda 200 meqavatdan artıq gücə malik elektrik enerjisi stansiyasının inşasını müzakirə edir.

Enerji amili, enerji diplomatiyası və bütün layihələr bizim iqtisadi potensialımızı gücləndirir, bizə imkan yaradır ki, cəsarətli islahatlarla yanaşı, neft-qaz sektorundan əldə etdiyimiz gəlirlər iqtisadiyyatımızın qeyri-neft sektoruna yönəldilsin.

Bugün Azərbaycanın Avropanın enerji təhlükəsizliyində oynadığı rol böyük əhəmiyyət kəsb edir. Bütün bunlar əsası Ulu öndər Heydər Əliyev tərəfindən qoyulmuş və cənab Prezident İlham Əliyev tərəfindən uğurla davam etdirilən enerji siyasətinin uğurlu nəticəsidir.

Allahverdi Həsənli
Xətai rayon, Əhmədli bələdiyyəsini sədri

İşçi qrupu bu gün Moskvada görüşür - İrəvandan açıqlamaBu gün – iyunun 3-də regional kommunikasiyaların açılması üzrə üçtərəfli Azərbaycan-Ermənistan-Rusiya işçi qrupu Moskvada görüşəcək. Bu haqda erməni mediasına Ermənistanın Baş nazirin müavini Mqer Qriqoryanın ofisindən məlumat verilib.

Xatırladaq ki, İşçi qrupun ilk iclası ötən ilin yanvarında, sonuncusu isə dekabrında Moskvada keçirilib. Qrupa baş nazir müavinləri - Azərbaycandan Şahin Mustafayev, Rusiyadan Aleksey Overçuk, Ermənistandan Mqer Qriqoryan sədrlik edirlər.

Baş nazir müavinləri Mqer Qriqoryan və Şahin Mustafayev sərhədlərin delimitasiyası və sərhəd təhlükəsizliyi üzrə ikitərəfli komissiyaya da başçılıq edirlər. Onlar ötən Azərbaycan-Ermənistan sərhədində bir dəfə görüşüblər. İkinci görüşün bu həftə keçiriləcəyi deyilsə də, hələlik, bu haqda informasiya yoxdur.
"Türkiyə və Azərbaycan ancaq yüksələn xətlə irəliyə gedəcək" May ayının 28-də Azərbaycanın paytaxtı olan Bakı şəhərində ilk dəfə keçirilən və Türkiyə Respublikasının Prezidenti Rəcəb Tayyib Ərdoğanın da iştirak etdiyi “TEKNOFEST Azərbaycan” Aerokosmik və texnologiya festivalında çıxış edən Azərbaycan Respublikasının Prezidenti İlham Əliyev cənabları çıxışı zamanı Azərbaycan-Türkiyə münasibətlərinə yüksək qiymət vermiş və xalqlarımız arasında mövcud olan qardaşlıq əlaqələrindən geniş bəhs etmişdir.

Qeyd etməliyik ki, Azərbaycanla Türkiyə arasındakı əlaqələrin böyük tarixi vardır. Dilimizin, dinimizin və adət-ənənələrimizin bir olması ikili əlaqələrin möhkəmlənməsini şərtləndirən ən vacib amillərdən biridir. Xüsusilə qeyd etməliyik ki, tarixin müxtəlif dövrlərində ən mürəkkəb vaxtlarda hər iki xalq bir-birinə hər zaman dəstək nümayiş etdirmişdir.

Ötən əsrin əvvəllərində mənfur düşmənlərimizin xalqımıza qarşı həyata keçirdiyi qırğınların qarşısının alınmasında və Bakının daşnak işğalından azad edilməsində türk qardaşlarımızın hərtərəfli yardımı olmuşdur. Bundan əlavə türk xalqının qəhrəmanlıq salnaməsi olan Çanaqqala zəfərinin əldə edilməsində könüllü şəkildə qardaşlarımıza yardıma gedən soydaşlarımızın da böyü rolu olmuşdur.

Bundan əlavə xalqımızın ötən əsrdə əldə etdiyi hər iki müstəqilliyi tanıyan ilk dövlət də məhz Türkiyə olmuşdur. Sovet İmperiyasının dağılması və Azərbaycanın öz müstəqilliyini yenidən bərpa etməsi bütün sahələrdə olduğu kimi Azərbaycanla Türkiyə münasibətlərində də yeni bir mərhələnin başlanğıcını qoydu. Ulu Öndər Heydər Əliyevin Azərbaycanda ikinci dəfə hakimiyyətə qayıdışı bu münasibətlərin daha da möhkəmləndirilməsi istiqamətində önəmli oldu. Ümummilli Liderimizin “Bir millət, iki dövlət” sözləri xalqlarımız arasındakı əlaqələrin hansı səviyyədə olduğunu tərənnüm edir.

Sevindirici haldır ki, əsası Ulu Öndər tərəfindən qoyulmuş bu müdrik siyasət hal-hazırda cənab Prezidentimiz tərəfindən uğurla davam etdirilməkdədir. Türkiyə ilə Azərbaycan arasındakı qardaşlıq münasibətlər hazırda Cənab Prezidentimiz İlham Əliyev və Türkiyə Respublikasının Prezidenti Rəcəb Tayyib Ərdoğanın rəhbərlikləri altında ən yüksək səviyyədə davam etməkdədir. Ölkə rəhbərlərinin qarşılıqlı rəsmi səfərləri hər iki ölkədə böyük təntənə ilə qarşılanır və bu səfərlərinin hər birində iki dost-qardaş ölkə arasında bütün sahələr üzrə sıx əməkdaşlıq daha da möhkəmlənir. Hazırda Türkiyə iqtisadi, siyasi, hərbi və digər sahələr üzrə dünyada lider dövlətlərdən birinə çevrilmişdir. Türkiyə bu gün dünya miqyasında güc mərkəzi kimi, bütün bölgələrdə, o cümlədən bölgəmizdə də çox müsbət rol oynayır və bu, bölgənin sabitliyi üçün çox önəmlidir.

Xüsusilə 44 günlük Vətən müharibəsi dövründə qardaş Türkiyə Respublikasının Azərbaycana göstərdiyi hərtərəfli dəstək heç bir zaman unudulmayacaqdır. Əldə edilmiş tarixi qələbə və işğal altındakı əzəli torpaqlarımızın düşməndən azad edilməsi Müzəffər Ali Baş Komandanımızın rəhbərlik etdiyi rəşadətli ordumuzun qəhrəmanlığı ilə yanaşı, bu qardaş dəstəyinin sayəsində əldə edilmiş oldu. Postmüharibə dövründə də ölkələrimiz arasındakı qardaşlıq münasibətləri daha da möhkəmlənərək davam etməkdədir.

Bu birlik, bu qardaşlıq münasibətləri nəticəsində həll edə bilməyəcəyimiz problem və əldə edə bilməyəcəyimiz uğur qalmayacaqdır. İnanırıq ki, Azərbaycan-Türkiyə birliyi dönməz, sarsılmaz və əbədi olacaqdır. Cənab Prezidentimizin də qeyd etdiyi kimi “Ölkələrimiz arasındakı münasibətlərin nəticəsi olaraq Azərbaycan və Türkiyə yüksələn xətlə ancaq və ancaq irəli gedəcəkdir”.

Balabəy Balabəyov
Siyəzən Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini
"Qərb Azərbaycanın sərgilədiyi etibarlı ölkə, ciddi tərəfdaş səylərini yüksək qiymətləndirir"ABŞ Prezidenti Co Baydenin son 10 gündə Azərbaycan Prezidenti İlham Əliyevə ard-arda ikinci dəfə məktub göndərməsi və həmin məktublarında həm xalqımızı, həm də dövlət başçımızı təbrik etməsi Birləşmiş Ştatların Azərbaycanı etibarlı tərəfdaş kimi qəbul etməsindən və bu ölkənin ikitərəfli əlaqələrin daha geniş formatda inkişaf etdirilməsində maraqlı olmasından xəbər verir.

Bunu Milli Həmrəylik Partiyasının sədri Əlisahib Hüseynov deyib.

Partiya sədri qeyd edib ki, Birləşmiş Ştatların Prezidenti birinci təbrik məktubunu 28 May - Müstəqillik Günümüzə həsr etmişdi. Co Bayden İlham Əliyevə ünvanladığı ikinci məktubu isə Bakı Enerji Həftəsi çərçivəsində 27-ci Beynəlxalq Xəzər Neft və Qaz sərgisinin açılışı münasibətilə göndərib:

"Ağ Ev rəhbəri hər iki məktubda ABŞ və Azərbaycan arasında diplomatik münasibətlərin qurulmasının 30 illiyinin tamam olduğunu qeyd edib. Bayden buna xüsusi önəm verərək vurğulayıb ki, ötən müddət ərzində transmilli təhdidlərlə mübarizə, enerji təhlükəsizliyinin gücləndirilməsi, ikitərəfli ticarət və sərmayələrin təşviqi məsələlərində güclü tərəfdaş olmuşuq".

ABŞ Prezidenti ikinci məktubunda onu da bildirib ki, hazırda bütün dünyada enerji təhlükəsizliyinin təmin olunmasında mühüm dönüş nöqtəsini yaşadığımız bir dövrdə ABŞ həm də təmiz enerjiyə keçidlə bağlı zəruri tədbirlər həyata keçirir və bu gün enerji təhlükəsizliyi ilə bağlı məqsədlərə çatmaqda şaxələndirmə heç vaxt olmadığı qədər əhəmiyyətlidir: "O, bu məqsədə nail olmaq üçün Azərbaycanın regional səylərdə mühüm rol oynadığını qeyd edib.

C.Bayden onu da bildirib ki, Azərbaycan həm də regional və qlobal bazarların sabitləşdirilməsi baxımından trans-Xəzər əməkdaşlığının nəhəng potensialının reallaşdırılmasında olduqca əhəmiyyətli ölkədir. Həmçinin ölkəmizin Ukrayna üçün mühüm olan yanacağı təmin etməklə də Avropanın enerji təhlükəsizliyinin sabitləşdirilməsinə kömək etməkdə həlledici rol oynadığı göz qabağındadır".

İstər ABŞ Prezidenti, istərsə də bir sıra digər Qərb liderləri heç şübhəsiz ki, Azərbaycanın sərgilədiyi etibarlı ölkə, ciddi tərəfdaş səylərini yüksək qiymətləndirirlər: "Çünki Azərbaycan öz öhdəliklərinə hörmətlə yanaşdığını dəfələrlə təsdiqləyib, etibarlı ölkə imicini formalaşdıra bilib. Bu da müasir beynəlxalq münasibətlər sistemində çox önəmli məqamdır".
Bütün dünyaya verilən aydın mesaj “TEKNOFEST” Türkiyənin ən böyük aviasiya, kosmos və texnologiya festivalıdır. 2018-ci ildən hər il təşkil olunan "TEKNOFEST” festivalında Azərbaycan2021ci ildən iştirak edir. Festivalın sərgi hissəsində qurulmuş Azərbaycan Milli Pavilyonunda 11 yerli şirkət və startapın məhsulları, həmçinin ölkəmizin yerli istehsalı olan pilotsuz uçuş aparatları sərgilənib.

"TEKNOFEST” festivalının Türkiyədən kənarda ilk dəfə Azərbaycanda keçirilməsi iki ölkə arasındakı dostluq, qardaşlıq və strateji müttəfiqlik əlaqələrinin növbəti təzahürüdür.

Azərbaycan və Türkiyə daim bir-birinə dəstək göstərir. Bizim ölkələr yaxşı günlərdə də, çətin günlərdə də hər zaman bir-birinin yanındadır. Nə qədər Türkiyə və Azərbaycan bir yerdə inamla addımlasa, bölgəmizdə sülh və barış o qədər də möhkəm olacaqdır.

İkinci Qarabağ müharibəsi zamanı Türkiyə Prezident Rəcəb Tayyib Ərdoğanın müharibənin ilk saatlarında “Azərbaycan tək deyil, Türkiyə onun yanındadır” deməsi Azərbaycana əlavə güc verdi, ruh verdi, inam verdi. Azərbaycan xalqı bunu heç vaxt unutmayacaq.

Tariximizin ən önəmli anlarında biz bir yerdə idik. Bakının erməni işğalından azad edilməsinə həsr olunmuş hərbi paradda Türkiyə və Azərbaycan əsgərləri çiyin-çiyinə Azadlıq meydanına çıxmışdılar. Bunun təkrarını biz 2021-ci ildə Zəfər paradında gördük. Bu, birliyimizin təntənəsi idi. Biz bir yerdə olacağıq, gücümüz də gündən-günə artacaq.

Şuşa Bəyannaməsindən danışan Prezident İlham Əliyev "Tarixi Şuşa Bəyannaməsini imzalayaraq Türkiyə və Azərbaycan rəsmən müttəfiqlik zirvəsinə ucaldı” demiş və bu müttəfiqliyin özünü hər yerdə – siyasətdə, iqtisadi əlaqələrdə, enerji, nəqliyyat layihələrinin həyata keçirilməsində, mədəniyyətdə, təhsildə, ordu quruculuğu istiqamətində göstərməsini vurğulamışdır. Bundan sonra da Türkiyə və Azərbaycan yüksələn xətlə ancaq və ancaq irəliyə gedəcək.

Prezident İlham Əliyev qeyd edib ki, Selçuk Bayraktar nəinki “TEKNOFEST”in təşkilatçısı və təşəbbüskarıdır, eyni zamanda Selçuk bəy və Bayraktar ailəsi dünyada məşhur ailədir. İkinci Qarabağ savaşında məşhur “Bayraktar” silahlarının rolunu indi dünyada bilməyən yoxdur. Dünyaşöhrətli alim, Nobel mükafatı laureatı Əziz Səncər və “TEKNOFEST”in təşkilatçısı, İkinci Qarabağ savaşında öz sözünü demiş məşhur “Bayraktar” PUA-ların ixtiraçısı Selçuk Bayraktarın Azərbaycana bir arada təşrif buyurmaları əlamətdar hadisədir. Əziz Səncər kimi insanlar gənclər üçün örnəkdir, nümunədir - həm alim, həm vətəndaş, həm türkçü, həm vətənpərvər insan. Selçuk Bayraktar da gənclər üçün gözəl örnəkdir, nümunədir. Əminəm ki, bizim gənclərimiz Selçuk bəy kimi olmağa çalışacaqlar.

Azərbaycan və Türkiyə birliyi təzyiqlə, təhdidlə qorxudulanlardan olmayıb və əsla olmayacaq. İşğala və haqsızlığa qarşı hər şəraitdə doğru olanı söyləməkdən, haqlı mübarizəmizi müdafiə etməkdən geri durmadıq və durmayacağıq.

Göründüyü kimi, "TEKNOFEST” təkcə ən böyük aviasiya, kosmos və texnologiya festivalı deyil, eyni zamanda iki qardaş dövlətin səmimi münasibətlərinin və sarsılmaz türk birliyinin göstəricisidir. Prezident İlham Əliyevin dediyi kimi: "30 ildir Azərbaycan xalqı azad yaşayır, müstəqil siyasət aparır, siyasətinin əsasında isə qonşu dövlətlərlə səmimi qonşuluq və tərəfdaşlıq prinsiplərini əsas tutur”.

Bugün ölkəmizdə xalq-iqtidar birliyinin, xalqın dövlətə, dövlət başçısına inamının, etimadının fonunda praqmatik, uzaqgörən siyasi liderin gələcəkdə də möhtəşəm uğurlara imza atacağından xəbər verir. Müharibədə olduğu kimi, sülh dönəmində də Türkiyə qardaş Azərbaycanın yanındadır.

Cavid Əliyev
Xətai rayonu, 86 №li tam orta məktəbin direktoru
"Türkiyə Rusiya üçün böyük əhəmiyyətə malik dövlətə çevrilib"Ukrayna savaşının həm baş verməsi, həm də uzadılması Türkiyənin milli maraqlarına ziddir. Rəsmi Ankaranın həm Rusiya, həm də Ukrayna ilə münasibətləri normaldır və üstəlik, ortaq iqtisadi-ticari maraqları var. Ona görə də, Türkiyə Ukrayna və Rusiya arasında sülh sazişinin imzalanmasına yönəlik cəhdlər göstərir, vasitəçilik missiyasını öz üzərinə götürməyə çalışır.

Bunu Avrasiya.net-ə politoloq Elçin Xalidbəyli Türkiyə Prezidenti Ərdoğanın Ukrayna ilə Rusiya arasında vasitəçilik missiyası üzərindən Ukrayna Prezidenti Zelenski, ardınca rusiyalı həmkarı Putinlə telefon danışığına münasibətində deyib.

Politoloq bildirib ki, Prezident Rəcəb Tayyib Ərdoğan həm rəsmi Kiyevə, həm də Kremlə Türkiyənin vasitəçiliyi ilə Rusiya və Ukrayna prezidentlərinin BMT təmsilçilərinin iştirakıyla görüşünün təşkilini təklif edir. Əgər, bu təklif qəbul edilərsə, Ukrayna savaşının sülh sazişi ilə yekunlaşması istiqamətində müəyyən imkanlar açıla bilər. Halbuki, ABŞ və Böyük Britaniyanın rəsmi Kiyevə güclü təsir imkanlarının olduğunu nəzərə aldıqda, belə bir görüşün baş tutma ehtimalı o qədər də inandırıcı görünmür:

"Bütün bunlara baxmayaraq, hazırda Türkiyə Rusiya üçün olduqca böyük əhəmiyyətə malik dövlətə çevrilib. Çünki, rəsmi Ankara Qərbin Rusiyaya qarşı sanksiyalarına qoşulmayacağını açıq şəkildə bəyan edib. Üstəlik, həmin sanksiyaların Türkiyə üzərindən reallaşdırılmasına da imkan verməyəcəyini vurğulayıb. Və bu baxımdan, Kreml Türkiyə ilə strateji tərəfdaşlıqda maraqlıdır".

E.Xalidbəylinin fikrincə, onu da nəzərə almaq lazımdır ki, Kreml Rusiyanı tərk edən Qərb şirkətlərinin yerinin Türkiyə şirkətləri ilə doldurulmasını da təklif edir. Rusiyada işsizliyin qarşısını almaq və daxili bazarı tənzimləmək baxımından, bu, Kreml üçün olduqca önəmlidir:

"Digər tərəfdən, Türkiyə və Rusiyanın bəzi regionlarda ortaq maraqları var. Daha doğrusu, son vaxtlara qədər müəyyən ziddiyyətlər olsa da, indi bu maraqlar uzlaşmağa başlayıb. Xüsusilə də, Ukrayna savaşında uğursuzluq Rusiyanın Liviyada, Suriyada və Cənubi Qafqazdakı mövqelərini zəiflətməyə başlayıb. Bu sıraya yaxın gələcəkdə Orta Asiya da əlavə oluna bilər.
Maraqlıdır ki, Rusiya tədricən Liviya və Suriyadan öz hərbi kontingentini çıxartmaq qərarı verib. Artıq bu prosesə start verildiyi də məlumdur. Ancaq Rusiya tərk etdiyi bölgələrə nəzarətin ABŞ və Qərbin deyil, məhz Türkiyənin əlinə keçməsində maraqlıdır. Eyni prosesin yaxın gələcəkdə Cənubi Qafqaz və Orta Asiya regionlarında da başlayacağı gözlənilir. Kreml xüsusilə də, Cənubi Qafqazdan çıxacağı təqdirdə, öz mövqelərini Türkiyəyə təhvil verməkdə maraqlıdır. Çünki bu, Rusiyanın cənub sərhədlərinin ABŞ və Qərb tərəfindən nəzarətə götürülməsini əngəlləyə bilər".

Politoloq onu da qeyd edib ki, böyük ehtimalla Rusiya xarici işlər naziri Sergey Lavrovun Türkiyəyə gözlənilən səfəri zamanı bütün bu mövzular geniş şəkildə müzakirə edilə bilər. Yəqin ki, Rusiya xarici işlər naziri Kremlin bu məsələlər ilə bağlı prinsipial mövqeyini rəsmi Ankaranın diqqətinə çatdıracaq: "Ümunmiyyətlə, bu səfər çərçivəsində Rusiya və Türkiyənin ortaq maraqlarına bağlı məsələlər ərtafında prinsipial anlaşmaların ola biləcəyi qətiyyən istisna deyil".
""Teknofest" gələcək inkişafımıza yeni bir dinamika gətirdi"Sözün hər mənasında möhtəşəmliyi ilə diqqət çəkən və yaddaşlarda iz buraxan “TEKNOFEST Azərbaycan” festivalı artıq üç gündür başa çatsa da, lakin bu festival hələ də ölkə gündəminin əsas müzakirə mövzularından, təqdir edilən hadisələrindən biri olaraq qalmaqda davam edir. Bu da təbiidir. Çünki paytaxtımızda ilk dəfə keçirilən “TEKNOFEST” Aerokosmik və texnologiya festivalı iki qardaş ölkənin - Azərbaycan və Türkiyənin birgə əsəri, ortaq layihəsi kimi araya-ərsəyə gəldi.

İnsanlarımızın, xüsusən də gənclərimizin sözügedən sərgiyə bunca dərindən maraq göstərmələri də məhz bu amillə bağlıdır. Azərbaycan və Türkiyə iki dost qardaş ölkə olaraq bu festivalı gerçəkləşdirməklə sübut etdilər ki, gələcəkdə bundan da böyük ortaq layihələrə birgə imza atmaq gücünə malikdirlər. Bu layihə bir ilk idi. Amma bunun davamı mütləq gələcək. Türkiyə Prezidenti Rəcəb Tayyib Ərdoğan da bu faktı təsdiqlədi.

Qardaş ölkənin lideri festival törənindəki çıxışında qeyd etdi ki, Azərbaycan ilə birlikdə hələ neçə layihələrdə gənclərimizə yeni üfüqlər açmağı və milli texnoloji həmləmizi birlikdə reallaşdırmağı planlaşdırırıq. Qarşıda çox böyük hədəflərimiz var.

4-cü Sənaye inqilabının gətirdiyi böyük elmi-texniki dəyişikliklər prosesində biz də Azərbaycan və Türkiyə olaraq öz layiqli yerimizi tutmalıyıq. “TEKNOFEST Azərbaycan” festivalı bu istiqamətdə görülən işlərə böyük bir təkan sayıla bilər. Festival iki qardaş ölkənin münasibətlərinin gələcək inkişafına da yeni bir dinamika gətirdi.

Azərbaycan Prezidenti İlham Əliyevin də qeyd etdiyi kimi Azərbaycan və Türkiyə qarşıda duran istənilən vəzifəni icra etməyə hazırdır, buna qadirdir. Xalqlarımız fədakarcasına öz milli qürurunu müdafiə etmək üçün, təmin etmək üçün hər zaman hər bir addıma hazırdır. Festival çərçivəsində yarışlara qatılan gənclərimizin d'gələcəkdə öz böyük elmi kəşfləri və ixtiraları ilə ölkəmizi və bütün Türk dünyasını hər yerdə ləyaqətlə təmsil edəcəklərinə əminik.

Əlisahib Hüseynov,
Milli Həmrəylik Partiyasının sədri