Ermənistanda "Metsamor" AES-in fəaliyyəti təmir məqsədi ilə 141 gün müddətinə dayandırılıb.

Avrasiya.net Axar.az-a istinadla xəbər verir ki, bu barədə Ermənistan AES-in rəsmisi Artur Qriqoryan məlumat verib.

O qeyd edib ki, AES-in ikinci enerji blokunun modernləşdirilməsi istiqamətində son vacib işlər görüləcək və proses artıq bu gündən etibarən başlayıb.

AES-in modernləşdirilməsi istiqamətində işləri Dövlət Atom Enerji Korporasiyasının "Rosatom" bölməsi həyata keçirəcək.

Artıq olmayan ümmətin bizdən gözləyəcəyi hər hansı addım yoxdur. Türkiyə Fələstin üçün daha nə edə bilər?! Ordunu İsrailə göndərməlidir?!

Axar.az xəbər verir ki, bu sözləri “Hüriyyət” qəzetinin yazarı Ərtoğrul Özkök Türkiyə xarici işlər naziri Mövlud Çavuşoğlunun “Həmişə qınayırıq, amma ümmət bizdən addım atmağımızı gözləyir” sözləri ilə bağlı qələmə aldığı məqaləsində yazıb.

“Suriyada bir-birini kəsən ümmətmi addım atmağımızı istəyir? Əfqanıstanda müsəlmanlıq “naminə” məktəbə bomba atan və yüzlərlə qız şagirdi öldürən Taliban ümməti istəyir? Yəməndə müsəlman husilərin başına bomba yağdıran Səudiyyə ümməti istəyir?! Yoxsa, Səudiyyə və BƏƏ ilə qarşı-qarşıya gəlmiş İran ümməti? Uzun mübarizədən sonra barışdığımız Misir ümməti? Ya da İraq və Suriyada baş kəsən İŞİD ümməti?..” - deyə yazar məqaləsində bildirib.

Yazar qeyd edib ki, Çavuşoğlunun adlandırdığı ümmət onminlərlə türk əsgərinin şəhid olduğu Yaxın Şərq çöllərində yox olub getdi:

“Realist olaq. Bu gün müsəlman dünyasında ümmət yoxdur. Türkiyənin atacağı bir addım var, o da vasitəçilikdir: İsrailə “Dayandır bu vəhşiliyi!”, ardınca da Fələstinə “Sən də İsrail şəhərlərinə raket atmağa son ver!” deməliyik... Biz millət olaraq sülh xidmətini yerinə yetirə bilərik”.

Ermənistan baş nazirinin səlahiyyətlərini icra edən Nikol Paşinyan Rusiya Prezidenti Vladimir Putinə məktub ünvanlayıb.

Avrasiya.net xəbər verir ki, bu barədə N. Paşinyan parlamentin iclasında deyib.

O bildirib ki, məktubunda Azərbaycanla həmsərhəd olan Zəngəzur (Sünik) vilayətindəki vəziyyətlə əlaqədar Rusiya dövlət başçısından hərbi yardım istəyib.

Bu gün səhər saatlarında Ermənistan baş naziri səlahiyyətlərini icra edən Nikol Paşinyanla Rusiya lideri Vladimir Putin arasında baş tutan telefon danışığı ilə bağlı hər iki tərəfin yaydığı məlumat arasında fərqlər var.

Avrasiya.net Axar.az-a istinadla xəbər verir ki, Ermənistan Baş nazirliyi N.Paşinyanın Putini Qaragöl ətrafındakı vəziyyət, İrəvanın KTMT-yə məsləhətləşmələr üçün müraciəti və s. barədə məlumatlandırıb. Paşinyan Azərbaycan Ordusunun bu addımını “Ermənistanın dövlət sərhədlərinə müdaxilə” kimi qiymətləndirdiyini də bildirib.

Bunun ardınca isə ən ciddi məqam gəlib. Belə ki, Ermənistan Başnazirliyindən yayılan açıqlamada qeyd edilib: “Ermənistan və Rusiya liderləri Azərbaycan silahlı birliklərinin bəlli mövqedən geri çəkilməli olduğu fikrini bölüşüblər”.

Bu məlumatdan bir neçə dəqiqə sonra Kremlin yaydığı rəsmi açıqlamada isə telefon danışığına aid bu hissə və Putinin Azərbaycan Ordusunun mövqelərdən geri çəkilmə məsələsində “həmfikirliyi” barədə heç bir söz yoxdur.

Putin yalnız eskalasiyanın yolverilməzliyini ifadə edib və 10 noyabr 2020-ci il bəyanatının tələblərinə əməl edilməsini istəyib, həmçinin qısa müddətdə situasiyanın stabilləşəcəyinə inandığını bildirib.

Göründüyü kimi, Ermənistan hər zaman olduğu kimi, bu dəfə də haqsız və ədalətsiz olsa da, şou yaradaraq, zəbt etdiyi ərazidən çıxmamaq üçün rəsmi səviyyədə informasiya manipulyasiyası edir.

Qeyd edək ki, Azərbaycan Ordusu 12 mayda sərhədlərin bərpası prosesi çərçivəsində xəritələrə uyğun olaraq Qaragöl istiqamətində irəliləyib. Bundan Ermənistan böyük bir şou düzəldib və saxtakarlıqla guya Azərbaycanın Ermənistanın sərhədlərinə müdaxilə etdiyi hay-küyünü qoparıb.

“Robert Köçəryan və Serj Sarkisyan Levon Ter-Petrosyanın üç eks-prezidentin blok tərkibində seçkilərdə iştirak etmək təklifini rədd etsə də, Ermənistanın birinci prezidentinin seçki kampaniyasında iştirakı onun maraqlarından irəli gəlir.

Beləliklə, Levon Ter-Petrosyan seçkilərdə hakimiyyətə və özündən əvvəlkilərə alternativ olur. Xüsusilə üçüncü qüvvə üçün çox sayda iddiaçı var. Levon Ter-Petrosyan seçkilərdə iştirak etməsə, bu yeri “Parlaq Ermənistan”, “Sasna Tsrer”, hətta Arman Babacanyan və Aram Sarkisyan tuta bilər”.

Cebhe.info-nun məlumatına görə, Ermənistanın “Hraparak” qəzeti belə yazıb.

“Nəticələri açıqlanmamış müstəqil rəy sorğuları ilə bağlı əldə etdiyimiz məlumata görə, Sünikdəki salamlaşmalardan sonra Nikol Paşinyanın reytinqi 4 pillə geriləyib.

Lakin bu, pis deyilənləri mexaniki şəkildə artırmayıb. Digər narazı vətəndaşlar ordusu bir qayda olaraq, seçkilərdə iştirak etmək niyyətində olmayan seçicilərə qoşulur.

İştirak payı nə qədər az olsa, hakimiyyətin seçkilərdə qazanma ehtimalı bir o qədər yüksək olur. Seçkilərə qatılmayanlar isə onsuz da 60 faizdən çoxdur” -adıçəkilən qəzet belə yazır.

Ermənistan Təhlükəsizlik Şurasının təcili iclası keçirilib.

Modern.az Ermənistan KİV-nə istinadən xəbər verir ki, iclas İşıqlı Qaragöllə bağlı keçirilir.

Baş nazir Nikol Paşinyanın başçılığı ilə keçirilən iclasda İşıqlı Qaragölə nəzarəti Azərbaycan Ordusunun tam bərpa etməsi müzakirə olunacaq.

Paralel olaraq, Ermənistan Ordusunun 1-ci və 5-ci ordu korpuslarının döyüşə hazır vəziyyətə gətirildiyi də xəbər verilir.

Qarabağdakı Rusiya sülhməramlı kontingentinin rəhbəri general-leytenant Rüstəm Muradov vəzifəsindən kənarlaşdırıla bilər.

Axar.az xəbər verir ki, belə bir iddia ilə Ermənistanın “Hraparak” qəzeti çıxış edib.

Nəşrin məlumatına görə, Muradovu bu vəzifədə Cənub Hərb Dairəsinin komandir müavini general-leytenant Aleksey Avdeyev əvəz edəcək.

Qəzet onu da qeyd edib ki, Avdeyev bu gün Xankədi şəhərinə gələcək və iki həftə ərzində təhvil-təslim işləri aparılacaq.

“Azərbaycan və Ermənistan da daxil olmaqla bölgə ölkələrində təhlükəsizlik İran üçün strateji əhəmiyyətə malikdir”.

Avrasiya.net xəbər verir ki, bu barədə İran İslam Respublikasının (İİR) prezidentliyə namizədi Ramin Mehmanparast mətbuata açıqlamasında deyib. O keçmiş sovet respublikaları, o cümlədən Rusiya Federasiyası ilə münasibətlərdən danışıb.

Həmçinin Qarabağ məsələsinə toxunaraq, qeyd edib ki, İran güclü regional oyunçudur.

“Azərbaycan və Ermənistan daxil olmaqla bütün qonşu ölkələrdə təhlükəsizlik bizim üçün vacibdir və bu məsələ strateji xarakter daşıyır. İran mütləq regional mübahisələrin və münaqişələrin həllində iştirak etməlidir. Bundan sonra da inanırıq ki, əməkdaşlığımız davam edəcək”.

ABŞ-ın Rusiyadakı səfirliyinin mətbuat katibi Rebekka Ross arzuolunmaz şəxs elan edilib.

Axar.az xəbər verir ki, o, Rusiyanın ölkədən çıxarmaq istədiyi 10 ABŞ diplomatının siyahısına daxil edilib.

Buna səbəb isə Rusiyanın ABŞ-a adekvat cavab vermək istəyidir. Bildirilib ki, ABŞ uzun müddətdir Rusiyanın Vaşinqtondakı səfirliyinin yeni mətbuat katibinə ölkəyə gəlməyə izn vermir və bunun səbəbini də göstərmir.

“Amerikalılar özlərini qəribə aparırlar. Söhbət buna qədər Rusiyanın iki ölkədəki səfirliyində çalışan peşəkar diplomatdan gedir. ABŞ onun viza müraciətini geri qaytarıb və imtinanın səbəbini də açıqlamayıb. Rusiya yalnız cavab tədbiri görüb”, - Rusiya XİN-in açıqlamasında bildirilib.

Şimali Kipr Türk CümhuriyyətininPrezidenti Ersin Tatar 9 May - Avropa günü münasibətilə bir açıqlama verib.

Avrasiya.net-in txəbərinə görə, Ersin Tatar açıqlamasında Avropa Birliyini (AB) Kipr Türk xalqının suverenlik tələbini nəzərə almağa və Annan Planı referendumu zamanı Kipr Türk xalqına verdiyi vədləri yerinə yetirməyə çağırıb.

Prezident Tatar açıqlamasına davam edərək deyib:

“Hər il 9 May - Avropa günü'olaraq qeyd edilsə də, Avropa Birliyinin Kipr məsələsində öz təməl prinsiplərindən uzaqlaşdığını və onlara qarşı hərəkət etdiyini görəndə təəssüflənirik. AB-nin Kiprə qarşı qərəzli mövqeyi narahatlıq doğurur və həll yolundakı cəhdlərə zərər verir.

Təktərəfli və haqsız bir AB üzvü olan Cənubi Kipr, bu üzvlüyü təhdid və şantaj elementi olaraq istifadə edir və AB-dən aldığı güclə barışmaz münasibətini davam etdirir. Bu qəbuledilməz olub, AB-dən gözləntimiz və təmənnamız təməl prinsiplər arasında önəmli bir yer tutan xalqların suverenlik haqqına sayğı prinsipinə uyğun olaraq, Kiprdə ayrı bir xalq olan Kipr Türk xalqının suvernelik tələbini diqqətə alması və buna uyğun şəkildə hərəkət etməsidir.

Digər bir istək isə AB-nin 24 aprel 2004-cü ildə keçirilmiş Annan Plan referendumunda Kipr Türk xalqına verdiyi vədləri yerinə yetirməsidir. AB referendum prosesi əsnasında, "Kiprli Türklər "Bəli" desələr, təcrid və embarqolar götürüləcək və Kiprli Türklər açıq və soyuq vəziyyətdə qalmayacaq" vədini verərkən, "Kiprli Türklər desələr Bəli, Kipr məsələsi AB ilə danışıqlarında bir daha Türkiyənin önünə qoyulmayacaq", dedi.

Ancaq 17 il keçsə də, bu vədlərdən biri belə yerinə yetirilmir, Kipr Türk xalqı kiprli yunanların azlığı olmaq məcburiyyətində qalır. İnsan haqlarına zidd olan təcrid və embarqolar hələ də davam edir və Kipr məsələsi AB ilə danışıqlarında əngəl olaraq Türkiyənin qarşısında qoyulur. Bütün bunlar AB-nin etibarlılığını şübhə altına aldı və böyük bir xəyal qırıqlığı yaratdı.

Bu gün, 9 May - Avropa günündə Kipr Türk xalqı adından çağırışım budur ki, AB Kiprlə bağlı birtərəfli mövqeyinə son qoysun, suverenlik tələblərimizi nəzərə alsın və Annan planı referendumunda verdiyi vədləri yerinə yetirsin".