Almaniya Ukraynaya hərbi yardım ayırdıAlmaniya Ukrayna Silahlı Qüvvələrinə yeni yardım paketi təqdim edib. Buraya yeddi “Gepard” zenit qurğusu da daxildir.

Avrasiya.net xəbər verir ki, bu barədə Almaniya hökumətinin mətbuat xidməti məlumat yayıb.

Hərbi yardım paketinə 3 ədəd zirehli körpü salan maşın BIBER, 8 yerüstü dron, 12 sərhəd avtomobili, 4 min yataq çantası, 30 təcili yardım maşını da əlavə edilib.

Bundan əlavə, Ukrayna “Mi-24” helikopterlərinin təmiri üçün lazım olan ehtiyat hissələri alacaq. Avadanlığın bir hissəsi Bundesverin anbarlarından, digər hissəsi isə hökumətin modernləşdirmə təşəbbüsü ilə maliyyələşdirilən sənayedən tədarük ediləcək.

Almaniya hökuməti təhlükəsizlik baxımından silahların çatdırılma üsulları və vaxtı barədə məlumat verməyib.
İranda etirazlarda ölənlərin sayı 462-yə yüksəlibİranda etirazlarda 462 nəfər həlak olub.

“Report” xəbər verir ki, bu barədə ABŞ mərkəzli İranda Hüquq Müdafiəçiləri təşkilatı teleqramda məlumat yayıb.

Bildirilib ki, ölənlərin 64-nün yaşı 18-dən az olan şəxslərdir.

Qeyd olunub ki, 26 şəhrivər (17 sentyabr) tarixindən aparılan hesablamaya görə, 18 206 nəfər həbs olunub. Onlardan 3 492 nəfərin kimliyi və saxlanılma yeri bəlli deyil. Eyni zamanda, həbs olunan 583 nəfər tələbədir. Nümayişlərə 143 universitetin öyrənciləri qoşulub.

Məlumata görə, ölkənin 157 şəhərini əhatə edən aksiyalarda güc strukturlarının 61 nümayəndəsi öldürülüb.

Qeyd edək ki, İranda Hüquq Müdafiəçiləri təşkilatı (həmçinin HRAI və HRA kimi tanınır) İranda insan haqlarını müdafiə edən vəkillərdən ibarət qeyri-siyasi və qeyri-hökumət təşkilatıdır. HRAI 2006-cı ildə yaradılıb. Qərargahı ABŞ-ın Virciniya ştatının Ferfaks şəhərində yerləşir.
Saakaşvilinin ölümü qaçılmazdır - Şok hesabat“Empatiya” Tibb Mərkəzi Gürcüstanın eks-prezideni Mixail Saakaşvilinin səhhəti ilə bağlı hazırlanmış hesabatı ictimaiyyətə təqdim edib.

Avrasiya.net xəbər verir ki, hesabatda zəhərli, o cümlədən kimyəvi birləşmələrin və radioaktiv maddələrin vaxtında diaqnostikasının aparılmasının zəruri olduğu bildirilib.

Qeyd olunub ki, proses gecikdirilərsə, bu zaman intoksikasiya ehtimalını nəzərə alaraq, Saakaşvilinin komaya düşməsi və ölümü qaçılmazdır.

Hesabatda 20-dən çox diaqnoz və ya simptom-kompleks olduğu bildirilib.

Qeyd edilib ki, onlardan 10-u ciddi diaqnozdur və bu da Saakaşvilinin mövcud vəziyyətdə həbsdə saxlanmasının yolverilməz olduğunu ortaya qoyur.
Kərəcdə iki etirazçı haqda edam hökmü çıxarıldıİran İnsan Haqları Təşkilatları Kərəcdə daha iki məhkumun edam ediləcəyi barədə məlumat yayıb.

Axar.az xəbər verir ki, noyabrın 30-da təkadamlıq kameralara köçürülən məhkumların kimliyi və nədə ittiham olunduqları barədə açıqlama verilməsə də, onların son etiraz aksiyalarında həbs olunduqları ehtimal edilir.

Xatırladaq ki, bir müddət əvvəl İran parlamentinin 227 nümayəndəsi etirazçılar barədə ağır, o cümlədən edam cəzasının verilməsini tələb etmişdi.
Ermənistanda təyyarə qəzası: ölənlər varErmənisttanda B55 tipli (yüngül, ikimatorlu) təyyarə Kotayk vilayətinin Craber kəndi ərazisində qəzaya uğrayıb.

Avrasiya.net xəbər verir ki, bu barədə dekabrın 1-i saat 14:20-də Ermənistanın Milli Böhran Vəziyyətlərində İdarəetmə Mərkəzinə məlumat daxil olub.

Hadisə yerinə yanğın-xilasetmə dəstələrinin iki bölməsi, xilasetmə qüvvələrinin xüsusi təyinatlı xilasetmə əməliyyatları mərkəzinin üç xilasetmə qrupu və Tibbi Təminat İdarəsinin növbətçi dəstəsi hadisə yerinə yollanıb.

Hadisə yerində 2 yanmış meyit aşkar edilib.

Yanğın saat 14:41-də söndürülüb.
Rusiya ordusu bu şəhərdən çıxırRusiya hərbçiləri Zaporojye vilayətinin Poloqi şəhərindən çıxmağa başlayıb.

Bunu ukraynalı hərbi ekspert Roman Svitan deyib.

Onun sözlərinə görə, ruslar hospital və administrasiyanı Mariupola köçürürlər.

“Yaxın vaxtlarda bu cəbhədən Ukrayna qoşunlarının hücumlarının olacağını dərk edərək, ruslar qaçmağa başlayırlar. Hərəkət istiqaməti kifayət qədər konkretdir - hamı Mariupola doğru gedir”, - Svitan bildirib.

Rusiya böyük hücuma hazırlaşır - Peykdən təsdiqRusiya Ukraynaya kifayət qədər böyük hava hücumu planlaşdırır.

Bu barədə Kral Müdafiə Araşdırma İnstitutunun britaniyalı analitiki Maykl Klark danışıb.

Klark qeyd edib ki, son günlər Rusiya aerodromlarında hava aktivliyi artıq sosial şəbəkələrdə yayılır və bu, peyk məlumatları ilə təsdiqlənir.

Analitikin fikrincə, Rusiya qoşunları Xerson vilayətində müdafiə qurub, qışda döyüşlərə hazırlaşırlar.

Baxmut istiqamətində də gərgin döyüşlərin getdiyini söyləyən Klark əlavə edib ki, bu, cəbhə xəttində rusların minimal irəliləyiş əldə edə biləcəyi yeganə sektordur.
İranın məğlubiyyətinə sevinən gənc BAŞINDAN GÜLLƏLƏNDİNoyabrın 29-da dünya çempionatında İran və ABŞ arasında baş tutan futbol oyununda İran millisi məğlub olub.

Avrasiya.net azmefia.az-a istinadən xəbər verir ki, İranın molla rejimi futbol məğlubiyyətinin qisasını xalqdan alıb.

Ötən gecə küçələrə axışan xalqa molla rejimi atəş açıb. Açılan atəş nəticəsində gənc oğlan Mehran Sumak başından aldığı güllə yarasından ölüb.
Zahidanda 24 yaşlı gənc edama məhkum edildiİran məhkəməsi daha bir sünni məzhəbli etnik bəlucu edama məhkum edib.

Avrasiya.net xəbər verir ki, 24 yaşlı gənc həkim İbrahim Rigi müharibə və yer üzündə fəsad yaymaqda ittiham olunub.

Rigi haqqında irəli sürülən ittihamları qəbul etməyib. Məhkum hökmün icrasına qədər Zahidan həbsxanasına köçürülüb.

Qeyd edək ki, İran İnsan Hüquqları Təşkilatı 2021-ci ilin oktyabrından 2022-ci ilin oktyabrınadək ölkədə 528 nəfərin edam olunduğunu açıqlayıb.