İranda etiraz aksiyalarında hərbi-polis qüvvələri 182 nəfəri qətlə yetiribİranda hicab qaydalarını pozduğuna görə 22 yaşlı Məhsa Əmininin qətlə yetirilməsinə qarşı keçirilən etiraz aksiyalarında hərbi-polis qüvvələri 17 əyalət üzrə 182 nəfəri öldürüb.

Avrasiya.net GunAzTV-yə istinadən xəbər verir ki, məlumatı İran İnsan Haqları Mərkəzi yayıb.

Məlumata görə, hazırda İranın onlarla şəhərində etiraz aksiyaları davam edir. Ən çox itki Sistan-Bəlucistanda olub. İlkin məlumata görə, bu əyalətdə 88 etirazçı qətlə yetirilib.

Mərkəz yüzlərlə insanın yaralandığını, onlardan bir çoxunun vəziyyətinin ağır olduğunu bildirib.

Qurum aksiyaçılara qarşı sərt davrandığına görə qətlə yetirilənlərin sayının artacağı ehtimalının yüksək olduğunu vurğulayıb.
Rusiyanın daha 330 hərbçisi məhv edilibUkrayna ordusu müharibə başlayandan bəri Rusiyanın 61 330 hərbçisini məhv edib.

Bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, son sutka ərzində 330 rusiyalı hərbçi zərərsizləşdirilib.

Bundan əlavə, Rusiyanın digər döyüş itkiləri 2449 tank, 5064 zirehli maşın, 1424 artilleriya sistemi, 344 reaktiv yaylım atəşi sistemi, 177 hava hücumundan müdafiə sistemi, 266 təyyarə, 232 helikopter, 1047 operativ-taktiki PUA, 246 qanadlı raket, 15 gəmi/qayıq, 3 854 avtomobil və avtoçən, 134 xüsusi texnikadan ibarətdir.

Qeyd edək ki, Rusiya bu ilin fevralın 24-də Ukraynaya qarşı hərbi əməliyyatlara başlayıb.
Ukrayna yüzlərlə texnikanı qənimət götürdüUkraynanın bir ay əvvəl Xarkov vilayətində sürətli irəliləyişi Rusiya ordusunun ağır silahlarını və təchizat anbarlarını nizamsız bir şəkildə tərk etməsi ilə nəticələnib. Bununla yüzlərlə rus zirehli texnikası Ukrayna əsgərlərinin əlinə keçib.

Bu barədə “Voll Strit” nəşri məlumat yayıb.

Xarkov cəbhəsindəki Ukrayna artilleriya batalyonunun qərargah rəisi jurnalistlərə bildirib ki, hazırda onun bölməsində bu yaxınlarda qənimət kimi götürülmüş dörd Rusiya “2S19 Msta" 152 mm özüyeriyən haubitsa, eləcə də çoxlu sovet silahları var:

“Rusların artıq atəş gücündə üstünlüyü yoxdur. Hücuma başlamazdan əvvəl onların bütün artilleriya hissələrini darmadağın etdik, sonra o qədər sürətlə irəliləməyə başladıq ki, onların yanacaq doldurmağa və tanklarını aparmağa belə vaxtları yox idi. Onlar sadəcə hər şeyi atıb qaçdılar”.
İran ordusunun şəxsi heyətindən aksiyalara dəstəkİran ordusunun şəxsi heyəti hökumət əleyhinə keçirilən ümumxalq etirazlarına dəstək verir.

Bu barədə “Azad İran” Teleqram kanalında məlumat verilib.

Qeyd olunub ki, İran xalqının ümummilli qiyamının davamında ölkənin bir neçə ordu zabiti etirazçılara dəstək verdiklərini açıqlayıb və polis qüvvələri, xüsusi təyinatlılar, Bəsic və SEPAH tərəfindən xalqa qarşı repressiyaları tənqid ediblər.

İran ordusunun zabiti, “təyyarələrə texniki xidmət” üzrə mütəxəssis olan kapitan Səccad Əskəri videomüraciət yayımlayıb və İran İslam Respublikasının polis qüvvələrinin komandanı Hüseyn Əştəriyə müraciət edərək bildirib ki, o, və döyüş yoldaşları haqlarını tələb etmək üçün son nəfəsinə qədər xalqın yanında olacaqlar.
Ukrayna elan etdi: Luqanska hücum başladıLuqansk vilayətinin işğaldan azad edilməsi əməliyyatı başladı.

Bu sözləri Luqansk vilayətinin hərbi administrasiyasının rəhbəri Sergey Qayday deyib.

O bildirib ki, Luqanskda artıq bir neçə yaşayış məntəqəsi işğaldan azad edilib:

“İşğalçılar başa düşür ki, ondar “sındırılıb”, buna görə də yolları maksimum minalamağa çalışırlar”.
Putin ilhaq edilmiş vilayətlərə rəhbərlər təyin etdiPutin “dxr” və “lxr”ə, eləcə də Xerson və Zaporojye vilayətlərinə müvəqqəti rəhbərlər və qubernatorlar təyin edib.

Sözügedən sənəd hüquqi məlumatlar portalında yerləşdirilib.

Putinin imzaladığı fərmana əsasən, Denis Puşilin “dxr”in, Leonid Paseçnik “lxr”in müvəqqəti rəhbərləri, Yevgeni Balitski Zaporojye vilayətinin, Vladimir Saldo isə Xerson vilayətinin müvəqqəti qubernatorları təyin ediliblər.
“Ukraynanın NATO-ya üzv olması prosesi artıq başlayıb"“Ukraynanın NATO-ya daxil olması prosesi artıq başlayıb və bu proses mütləq uğurla başa çatacaq”.

“Report” “Ukrinform”a istinadən xəbər verir ki, bunu Ukraynanın hakim “Xalqın xidmətçisi” Partiyasından olan depuat David Araxamia teleqramda yazıb.

O bildirib ki, artıq 11 ölkə Kiyevin bu təşəbbüsünü dəstəkləyib: “Bizim rəsmi müraciətimiz artıq NATO-nun Brüsseldəki mənzil-qərargahındadır. Proses başlayıb, geriyə dönüş yoxdur”.

D.Araxamia Ukraynanı dəstəkləyən ölkələrin adlarını da açıqlayıb: “Artıq tək deyilik. Bizi 11 ölkə, o cümlədən Kanada, Polşa, Slovakiya, Çexiya, Rumıniya, Litva, Estoniya, Latviya, Xorvatiya, Monteneqro, Şimali Makedoniya açıq şəkildə dəstəkləyib. Məqsədimizə mütləq çatacağıq. Məqsədlərimiz kiməsə qeyri-real və ya çox iddialı görünsə belə. Dünya dəyişib. Biz onu dəyişmişik və yeni dünyada ölkəmiz öz layiqli yerini tutacaq”.

Qeyd edək ki, Ukrayna Prezidenti Volodimir Zelenski sentyabrın 30-da ölkəsinin sürətləndirilmiş əsaslarla NATO-ya üzvlük ərizəsini imzalayıb.

Ukraynanın Alyansdakı səfiri Nataliya Qalibarenko deyib ki, Kiyevin NATO-ya üzvlüyü ilə bağlı müzakirələr oktyabrın ortalarından başlayacaq.
Qərbi Azərbaycan əyalətinin Urmiya şəhərində çörək qıtlığı yaşanırİranın Qərbi Azərbaycan əyalətinin Urmiya şəhərində çörək qıtlığı yaşanır.

Məlumatı GünAzTV yayıb.

Bildirilib ki, Urmiya şəhərində yaşanan çörək qıtlığı ilə bağlı dükanların qarşısında uzun növbələr var. Alıcılara çörək məhdud sayda satılır, bunun un çatışmazlığı ilə əlaqəli olduğu deyilir.

Məlumata görə, yerli sosial media fəalları və istifadəçilər bir neçə gündür yaranan çörək qıtlığını hökumətin bilərəkdən etdiyini yazıblar: “Etiraz aksiyalarının davam etdiyi bir vaxtda hökumət vətəndaşları gündəlik məişət problemləri ilə məşğul etməyə, bununla da onları etirazlardan yayındırmağa çalışır.

İranda hicabla bağlı qayadaları pozduğu üçün 22 yaşlı Məhsa Əminin qətlinə etirazlar başqa hadisələrin də cəmiyyətə çatdırlmasına səbəb olub. İran parlamentinin Firuzə və Nişapur şəhərlərindən olan deputatı Hacər Çinarani İslam Respublikasının yüksək rütbəli 5400 dövlət məmurunun övladlarının Avropa ölkələri, ABŞ və Kanadada yaşadıqları barədə açıqlama verib: “Əgər ABŞ və Kanada da düşmən, təcavüzkar ölkələrdirsə, məmurlar övladlarını niyə oralara göndərirlər?”

Qeyd edək ki, bir müddət əvvəl İran Prezidenti İbrahim Rəisi övladları Qərb ölkələrinin vətəndaşı olan istənilən dövlət məmurunun da İrandan getməli olduğunu bildirmişdi. Deputat hökumət başçısının bu açıqlamasına işarə edərək bu göstərişin yerinə yetirilməsini gözlədiklərini vurğulayıb.

Etiraz aksiylarında Azərbaycan Respublikasına qarşı olan qüvvələr də açıqlamalar yayıb, ölkədəki vəziyyətin perspektivindən narahatlıqlarını gizlətməyiblər. İrana sığınan, axtarışda olan Azərbaycanın həmin vətəndaşları etirazçıların cəzalandırılmasının vacibliyini vurğulayaraq qorxuya düşdüklərini bildiriblər. İranın Qum şəhərində yerləşən siyasi-dini-ideoloji mərkəzlər tərəfindən dəstəklənən, barələrində axtarış elan olunan həmin şəxslər “Hüseyniyyun” (“İslami Müqavimət Hərəkatı”) adlı "təşkilat"da fəaliyyət göstərirlər. Narahatlıqlarını gizlətməyə və tərəfdarlarını sakitləşdirməyə çalışan qurum müxtəlif bəyanatlar yayaraq İran hökumətinin yıxılmayacağı, etirazların nəticə verməyəcəyi barədə fikirlər irəli sürüblər.

“Hüseyniyyun”çular milyonlarla narazını “təxribatçı, separatçı və xarici ölkələrin əlaltısı” adlandırırlar. Onlar İran hakimiyyətinə müraciət edərək aksiya iştirakçılarına qarşı daha sərt tədbirlərin görülməsini istəyiblər. Qrup üzvlərinin etiraz aksiyalarında iştirak edən qadın etirazçıları “əxlaqsız” adlandırmaları iranlıların nifrətinə səbəb olub.

Ölkənin sosial media istifadəçiləri bildiriblər ki, bu qrup Azərbaycan Respublikası kimi, İran xalqına da xəyanət edirlər.
Putin Ukraynanın 4 regionu ilə bağlı qanunu İMZALADIPrezident Vladimir Putin Rusiyaya yeni ərazilərin daxil olması ilə bağlı qanunları imzalayıb.

Ria Novosti xəbər verir ki, söhbət Ukraynadan qoparılan 4 regiondan gedir.

Vladimir Putin qondarma “Luqansk xalq respublikası”nın, qondarma “Donetsk xalq respublikası”nın, Xerson və Zaporojye vilayətlərinin Rusiyaya qəbulu haqqında müqaviləni ratifikasiya edən federal qanunu imzalayıb.

Beləliklə, Rusiya regionlarının sayı 85-dən 89-a, Rusiyanın ərazisi isə təxminən 113.000 kvadrat kilometr artacaq. Dörd yeni subyektin sakinləri Rusiya vətəndaşlığını alacaqlar: bunun üçün yeni vətəndaşlar and içməli olacaqlar, ondan yetkinlik yaşına çatmayanlar və fəaliyyət qabiliyyəti olmayanlar azad edilir.


İndi “LXR”, “DXR”, Xerson və Zaporojye vilayətləri 2026-cı ilə qədər davam edəcək keçid dövrünü gözləyəcək. Bu müddət ərzində orada prokurorlar, məhkəmələr, notariuslar, vəkillər palataları yaradılmalıdır. Dörd yeni region tədricən mövcud hüquq-mühafizə orqanlarını Rusiyaya inteqrasiya edəcək.

Yeni ərazilərdə Rusiya qaydaları qüvvəyə minənədək və keçid dövrünün sonuna qədər yerli hakimiyyət orqanları Rusiyaya qoşulmazdan əvvəl regionlarda qüvvədə olan qanunlara arxalana bilərlər.

Xatırladaq ki, sentyabrın 30-da Rusiya prezidenti Vladimir Putin adları çəkilən regionlarda keçirilən referendumun nəticələrinə görə Kremldə çıxış edib, bundan sonra onların rəhbərləri ilə regionların Rusiyanın tərkibinə daxil edilməsi haqqında sazişlər imzalayıb. Daha sonra Rusiya Konstitusiya Məhkəməsi bu müqavilələri Rusiya Federasiyasının Konstitusiyasına uyğun olaraq tanıyıb.
Səfərbərlikdən sonra 700 min nəfər Rusiyanı tərk edibRusiyada qismən səfərbərlik elan edildikdən sonra təxminən 700 min insan ölkəni tərk edib.

Avrasiya.net xəbər verir ki, bu barədə "Forbes" nəşri öz mənbələrinə istinadən məlumat yayıb.

Nəşrin məlumatına görə, başqa bir mənbə Rusiyanı tərk edən 600-700 min vətəndaşın 200 mininin Qazaxıstana köç etdiyini bildirib.

Səfərbərlik elan edilməmişdən əvvəl Rusiya ilin əvvəlindən 419 min nəfərin ölkəni tərk etdiyini bildirib ki, bu da ötən ilin eyni dövrü ilə müqayisədə iki dəfə çoxdur.