İranlı general: Etirazlarda 300 nəfər ölübİranda etirazçılarla hökumət qüvvələri arasında baş vermiş qarşıdurmalar nəticəsində 300-dən çox adam ölüb.

Avrasiya.net xəbər verir ki, bunu İran ordusunun generalı Əli Hacızadə "Associated Press"ə açıqlamasında bildirib.

Qeyd edilib ki, iki aydan çoxdur davam edən etirazlarda həlak olanlarla bağlı rəsmi statistika yoxdur.

Bununla belə, İranın insan haqları təşkilatı NRAHA 450 etirazçı və 60 təhlükəsizlik əməkdaşının öldüyünü bildirib. Hüquq müdafiəçilərinin məlumatına görə, iğtişaşlar səbəbindən 18 mindən çox şəxs saxlanılıb.
Rusiyada ciddi problemlər yaşanır - MixeyevHazırda Rusiyanın bir çox bölgəsində çox ciddi problemlər yaşanır. Bu problemlər də güclü informasiya müharibəsi ilə bağlıdır. İnsanlarımızın Xerson məsələsindən sonra şayiələrə inamı bir az da artıb. Bu tendensiyanı isə Qərbdə hiss ediblər və hər gün yeni bir şayiə ictimaiyyətin içinə buraxılır.

Bu barədə “Vladimir Solovyovla axşam” proqramının efirində rusiyalı politoloq Sergey Mixeyev bildirib.

“İndi dostlarımdan eşidirəm ki, Donbasda ciddi-ciddi hamı dekabr ayının beşində Rusiya ordusunun Zaporojyedən geri çəkiləcəyini, AES də daxil olmaqla, ərazinin Ukraynaya təhvil veriləcəyini gözləyir. Guya bununla bağlı tərəflər arasında detallar da razılaşdırılıb. Bu, açıq-aydın şayiədir. Zaporojye AES artıq Rusiyanın “Rosatom”na daxil olub, belə şey mümkün deyil. Amma görürük ki, bu tip feyklər çox gözəl işləyir. Bir çox insan buna inanır.

Mənim yadıma Ukraynadakı Maydan hadisələri düşdü. O zaman orada idim. İnsanlar ciddi-ciddi inanırdı ki, Zelenski hakimiyyətə gələn kimi pensiyalar 3 min dollar olacaq. Mən soruşurdum ki, bunu hardan eşitmisiz? Cavab məni şoka salırdı – qonşumun oğlu polisdi, o deyib...” - o qeyd edib.
Güneyli yeniyetmə həbsdən buraxıldı, intihar etdiŞərqi Azərbaycan əyalətinin Culfa şəhərindən olan 16 yaşlı yeniyetmə Arşiya İmamquluzadə həbsdən buraxıldıqdan sonra intihar edib.

Axar.az xəbər verir ki, yeniyetmənin ailəsinin məsələni ictimailəşdirməməsi üçün təhlükəsizlik məmurları tərəfindən təhdid edildiyi bildirilir.

İnsan haqları təşkilatlarının açıqlamasına görə, Arşiya İmamquluzadəyə həbsxanada təzyiq göstərildiyi üçün o, sarsıntı keçirərək intihara əl atıb.

Qeyd edək ki, mollanın əmmaməsini başından götürdüyünə görə həbs edilən azərbaycanlı yeniyetmə 10 gün həbsxanada saxlanıldıqdan sonra girov qarşılığında müvəqqəti azadlığa buraxılmışdı.
Tehranda Azərbaycan əleyhinə konfrans keçiriləcəkNoyabrın 30-u Tehran Ali Milli Müdafiə Universitetinin Milli Təhlükəsizlik Araşdırmaları Mərkəzi və Tehran Müasir Əbrar Araşdırmalar Müəssisəsinin birgə təşkilatçılığı ilə “Qafqazın gəlşəcəyinə baxış” adlı konfrans keçiriləcək.

Axar.az xəbər verir ki, “Ermənistanın Qafqazın gələcəyində rolu, beynəlxalq və bölgədəki güclərin regionun gələcəyinə təsiri” mövzusunda keçirilən konfransa Ermənistanın Tehrandaki səfiri Arsen Avakiyan xüsusi qonaq kimi dəvət edilib.

Konfransın çıxışçıları əsasən illərdir Azərbaycan və Türkiyə əleyhinə məqalələr dərc edən ekspertlərdən ibarətdir. Həmçinin, Əmin Movəhdian, Məcid Kərimi, Əhməd Kazımi, Şüeyb Bəhmən və Siyamək Kakai bu konfransın çıxışçılarındandır.

Tədbirin müasir Əbrar Araşdırmalar Müəssisəsində saat 14:00-da baş tutması gözlənilir.
Rusiyalı biznesmen helikopter qəzasında öldüİsveçrədən Monakoya uçan helikopter qəzaya uğrayıb, 2 nəfər ölüb.

Axar.az xəbər verir ki, ölənlərdən biri “Forex Club”ın təsisçisi, rusiyalı biznesmen Vyaçeslav Taran, digəri isə 35 yaşlı pilotdur.

Helikopterin məxsus olduğu şirkət “Monacair” istintaqın təfərrüatını şərh etməyib.

Xatırladaq ki, V.Taran Rusiyanın “Forex” bazarında 3 aparıcı iştirakçıdan biri olan şirkətlər qrupunu – “Forex Club”ı təsis edib. Rusiyalı iş adamı son 10 ildə Monakoda yaşayıb.
İranda etirazlar zamanı daha iki yeniyetmə öldürüldüİranda etirazlar zamanı 16 yaşlı Rza Kazımi və Mahək Haşimi adlı yeniyetmələr öldürülüb.

Bu barədə “Azad İran” Teleqram kanalı məlumat yayıb.

Məlumata görə, onlar hökumət qüvvələrinin açdığı atəş və dəyənək zərbələrindən ölüb.

Belə ki, noyabrın 21-də Rza Kazımi etiraz aksiyasında güllə yarası aldıqdan sonra xəstəxanaya köçürülüb və ağır yaralandığına görə ayın 27-də dünyasını dəyişib.

Mahək Haşimi isə noyabrın 25-də Şiraz şəhərindəki keçirilən etiraz aksiyasına qatıldığına görə döyülüb. Ağır bədən xəsarətləri ilə xəstəxanaya yerləşdirilən yeniyetmə qız noyabrın 27-də vəfat edib.

Qeyd edək ki, etiraz aksiyaları başlayandan İranda bu günə kimi 60-dan çox uşaq hökumət qüvvələri tərəfindən qətlə yetirilib.
Rusiya qorxur və ciddi müdafiəyə hazırlaşırRusiya başa düşür ki, Ukrayna əsgərləri Dneprdən keçib Xerson vilayətinin şərq hissəsində əks-hücum əməliyyatına başlaya, Krıma qədər bütün kritik quru kommunikasiyalarını təhdid edə bilər.

Bu barədə ABŞ-ın Müharibənin Öyrənilməsi İnstitutu məlumat yayıb.

Məlumata görə, ruslar müdafiə mövqeləri qurublar:

“Bu, Dnepr çayının sol sahilində müdafiəyə hazırlığın gücləndirilməsindən xəbər verir. Rusiya qoşunları ya ciddi müdafiəyə, ya da strateji əməliyyata hazırlaşır. Onlar açıq şəkildə Ukrayna qoşunlarının çaydan keçməsinin qarşısını ala bilməyəcəklərini anlayır, keçidi dayandırmaq üçün müdafiə mövqelərinə üstünlük vermirlər”.

Qeyd olunur ki, Rusiyanın müdafiə mövqeləri Kremlin Ukraynanın Dneprdən keçən əks-hücum əməliyyatı perspektivinə ciddi təhlükə kimi baxdığını deməyə əsas verir:.

“Çox güman ki, işğalçılar Ukrayna ordusunun Kinburnu işğal edəcəyini gözləyirlər. Lakin onlar Ukraynanın Xerson bölgəsinə doğru irəliləməsinin qarşısını almaq və amfibiya hücumundan qorunmaq niyyətindədirlər. Rusiya ordusunun müdafiə mövqeləri təchizat xətləri boyunca irəliləməyə çalışan Ukrayna qüvvələrinə qarşı qorunmaq üçün optimallaşdırılıb. Bu mövqelərin əksəriyyətində sahələrin ortasında yaradılan açıq cinahlar var. Həmin mövqelərin çoxu bir-birindən taktiki dəstək məsafəsində deyil. İşğalçılar daha çox qüvvə yerləşdirmək üçün Ukraynanın Dnepr çayının şərq sahilinə hücumunu dayandırmaq əvəzinə, gecikdirməyə çalışacaqlar”.
SEPAH-dan şok: İran böyük müharibə ilə qarşılaşıbİsrail məhv olacaq, islam inqilabı isə sarsılmadan qalacaq.

Axar.az xəbər verir ki, bu sözləri SEPAH komandanı, general Hüseyn Salami deyib.

O bildirib ki, İran düşmənlərin və bütün dünyadan bidətçilərin islam inqilabına qarşı nəhəng müharibəsi ilə üz-üzədir:

“Əmin ola bilərsiniz ki, sionist rejim yıxılacaq, ancaq islam inqilabı zərər görməyəcək. Düşmən hiylələri məqsədinə çatmayacaq”.

O, ABŞ, Böyük Britaniya, İsrail, Almaniya, Fransa və Səudiyyə Ərəbistanını İranda gərginlik yaratmaq üçün təfriqçi mediadan istifadə etməkdə ittiham edib və bildirib ki, İran xalqı ayıqdır, düşmənin planlarını pozur.

Onun sözlərinə görə, ABŞ, Böyük Britaniya, İsrail və Ərəbistan İrana qarşı maksimal güclə fəaliyyət göstərirlər:

“Bu “dünya müharibəsi” Amerika və İsrail rejimləri və onların müttəfiqləri üçün məzarlığa çevriləcək”.
Ukrayna hərbçiləri Latviyada qəzaya düşdü - 25 yaralıEstoniyanın paytaxtı Tallindən Latviyaya gedən yolda avtobus yük maşını ilə toqquşub.

Avrasiya.net xəbər verir ki, bu barədə Estoniyanın ERR nəşri məlumat yayıb.

Bildirilir ki, qəza nəticəsində Ukrayna ordusunun 25 hərbi qulluqçusu yaralanıb. Qəza zamanı bir eston hərbçinin də xəsarət aldığı bildirilir.

Ukrayna əsgərlərinin niyə Latviyada olması barədə məlumat verilməyib.
Rusiyada helikopter qəzaya uğradı: ölənlər varRusiyanın Tver vilayətində “Robinson 66” helikopterinin qəzaya uğraması nəticəsində iki nəfər həlak olub.

Avrasiya.net xəbər verir ki, bu barədə Rusiya Fövqəladə Hallar Nazirliyinin regional idarəsi məlumat yayıb.

Məlumata görə, qəza Kesovoqorski rayonunun Vyazoveç yaşayış məntəqəsində qəzaya uğrayıb.

Hadisə nəticəsində 2 nəfər ölüb.