Ukrayna Rusiyanı belə ələ keçirəcək - ProzorovUkrayna bütün nasistlər üçün baza halına gəlib və onlar Rusiya da daxil olmaqla, bir çox ölkədə təxribat üçün döyüş təcrübəsi qazanıblar.

Bunu Ukrayna Təhlükəsizlik Xidmətinin antiterror mərkəzinin keçmiş zabiti Vasili Prozorov deyib.

Prozorov bildirib ki, Azov alayında xidmət edən, orada təlim keçən bir çox xarici vətəndaşı görüb: "Onların hamısı açıq şəkildə millətçi və hətta nasist baxışları ilə seçilirdi".

Onun sözlərinə görə, söhbət beynəlxalq ultrasağ hərəkatından gedir: "Ukrayna Milli Qvardiyasının Azov alayı vətənlərinə dönərək etiraz hərəkatlarının və ya silahlı müqavimətin "nüvəsinə" çevriləcək insanları hazırlayır".

Prozorov Sağ sektor yaraqlılarının Rusiyada "işləmək" üçün təlim aldığını da etiraf edib:

"Rusları və ukraynalıları xarici görünüşünə görə ayırmaq çox çətindir və bu da şübhə doğurmadan təxribatçıların gətirilməsini asanlaşdırır. Ukrayna Müdafiə Nazirliyi, Baş Kəşfiyyat İdarəsi də bununla məşğuldur. Xüsusi Əməliyyat Qüvvələri bunun üçün döyüşçü qrupları hazırlayır və özəlliklə rus dilini yaxşı bilənləri Rusiyanın bölgələrinə göndərirlər".
Hadrutda 8 erməni hərbçinin cəsədi tapıldıBu gün Qarabağda aparılan axtarışlar nəticəsində daha 8 erməni hərbçinin cəsədi tapılıb.

Erməni KİV-lərinə istinadən xəbər verir kiŞ cəsədlərin qalıqları Hadrutda aşkar edilib. Onların kimliyinin müəyyən edilməsi üçün məhkəmə-tibbi ekspertizası keçiriləcək.

Xatırladaq ki, ikinci Qarabağ müharibəsindən sonrakı dövr ərzində - 13 noyabrdan bəri 1576 erməni hərbçinin cəsədi və ya cəsədinin qalıqları tapılaraq qarşı tərəfə təhvil verilib.
İran borcunu ödədi, səsvermə haqqını geri aldıİran BMT-yə olan borcunu ödəyərək, səsvermə haqqını təkrar geri alıb.

Axar.az xəbər verir ki, bu barədə İranın BMT-dəki daimi nümayəndəsi Məcid Taxt Ravançi məlumat verib.

Ravançi ABŞ-ın qanunsuz sanksiyaları üzündən ölkəsinin BMT-yə olan borcunu vaxtında ödəyə bilmədiyini deyib.

Qeyd olunub ki, 65 milyon dollardan çox borcu olan İran minimum ödənişini - 16 milyon dolları BMT-nin hesabına yatırıb.
Türkiyə donanması yunanları təşvişə saldıTürkiyə donanmasının sürətlə inkişaf etməsi Yunanıstanda narahatlıq yaradıb.

Axar.az xəbər verir ki, bu barədə Yunanıstanın “SL Press” saytı məlumat yayıb.

Saty yazır ki, yunanlar türk gəmilərinin imkan, qabiliyyət və texnoloji yeniliklərindən narahatdır.

“Yunanıstandan fərqli olaraq, Türkiyə gəmi sektorunda əhəmiyyətli dərəcədə irəliləyiş əldə edib. Rəsmi Ankara müasir və güclü donanma ilə Şərqi Aralıqdakı silahlı qüvvələrinə güc qatacaq”, – deyə məqalədə bildirilir.
Paşinyan seçkidən sonra onu prezident seçdirəcəkNikol Paşinyan Ermənistan Xalq Partiyasının sədri Stepan Dəmirçiyana prezident vəzifəsini verəcəyini vəd edib.

Axar.az xəbər verir ki, bu məlumatı “Qraparak” qəzeti yayıb.

Paşinyanın Dəmirçiyanın qarşısına yalnız onun opponentlərinə qoşulmamaq şərtini qoyduğu bildirilib.

Paşinyanın Dəmirçiyanı Mülki Müqavilə Partiyasının seçki siyahısına daxil etmək üçün razı sala bilmədiyi də iddia edilib:

“O, Dəmirçiyandan radikal müxalifəti, xüsusilə Robert Köçəryanı tənqid etməsini xahiş edib. Şayiələr gəzir ki, Dəmirçiyan, əvvəlki seçkilərdə olduğu kimi, Ermənistan Milli Konqresi Partiyasının siyahısında yer almayacaq. Görünən odur ki, Dəmirçiyan Ter-Petrosyanın yerinə Paşinyanın vədinə ciddi yanaşıb və prezident olmaq təklifini qəbul edib”.
Ermənistan əhalisi yarım milyon nəfər azalıb - RƏSMİ STATİSTİKAErmənistanda növbədənkənar parlament seçkiləri kampaniyası dövründən əsas mövzulardan biri də emiqrasiyadır.

“Report” Ermənistan mətbuatına istinadən xəbər verir ki, rəsmi statistikaya əsasən, müstəqilliyin əldə edilməsindən sonra ölkənin əhalisi yarım milyon – rəsmi olara 553 000 nəfər azalıb. Qeyd edilir ki, hazırda ölkə əhalisi 2,9 milyon nəfər təşkil edir. Təbii, bu say yalnız miqrasiyanın həcmini əks etdirmir, həm də əhalinin mənfi təbii artımının göstəricisidir.

Ermənistanın baş naziri vəzifəsinin icra edən Nikol Paşinyanın sözlərinə görə, ikinci Qarabağ müharibəsinin gedişatında ölənlərin sayı təxminən 3 700 nəfər təşkil edib.

2020-ci il ərzində emiqrasiya haqqında məlumatlara gəlincə, sərhədlərin bağlı olması səbəbindən bu göstərici praktik olaraq sıfır idi.

Amma rəsmi məlumata görə, cari ilin yanvar-mart aylarında Ermənistanı 127 338 vətəndaş tərk edib, ölkəyə 63 625 nəfər gəlib. Beləliklə, üç ay ərzində ölkədən 63 713 nəfər həmişəlik gedib.
Şeyxin mühafizəçisi Mənsimovla görüşdü - FotoQafqaz Müsəlmanları İdarəsinin sədri, Şeyxülislam Allahşükür Paşazadənin mühafizəçisi Hacı Səxavət həbsdən buraxılan azərbaycanlı iş adamı Mübariz Mənsimovla görüşüb.

Bu barədə M.Mənsimov Feysbuk hesabında məlumat verib:

“Vəfalı qardaşlarım, dəyərli dostum Hacı Səxavət və Eldost. Bakıdan gəlib məni ziyarət edərək sevindirdiz. Çətin günün ömrü az olur. Amma bu günlərdə insanları tanımaq da özü böyük bir sınağdı. Pis günlərin dostları heç vaxt unudulmur. Siz o çətin günlərin dostu oldunuz”.
İSBAM sədri Xarkov vilayətinin rəsmiləri ilə görüşübAktivliyi ilə xüsusi seçilən İctimai-Siyasi Proseslər Beynəlxalq Araşdırmalar Mərkəzi (İSBAM) pandemiyaya baxmayaraq, layihələr gerçəkləşdirir, respublika daxilində və xaricində görüşlər keçirir, Qarabağ zəfərini təbliğ etmək istiqamətində işlər görür.

Hazırda Ukrayna Respublikasında işgüzar səfərdə olan İSBAM sədri Samir Adıgözəlli “Bakı-Xəbər”ə açıqlamasında bildirib ki, o, Xarkov şəhərinin meri İqor Aleksandrovic Terexov, Xarkov Vilayəti Administrasiyasinin rəhbəri Skakun Aleksandr Evqeniyevic, “Ukrayna Bölgə və Regional Şuralar Birliyi” Ümumukrayna Yerli Özünüidarə Qurumları Birliyinin prezidenti Sergey İvanoviç Çernov ilə görüşlər keçirib.

“Ukraynanın Xarkov vilayətində rəsmi görüşlər keçirdim. Bizim Xarkov vilayətindəki diaspor rəhbərləri ilə birgə buradakı fəxri konsulluqda görüşümüz baş tutdu. Çox maraqlı müzakirələr apardıq. Bu görüş başa çatdıqdan sonra isə Ukraynanın Sumı vilayətində görüşlər keçirəcəyik” - deyə bildirən İSBAM rəhbəri qeyd etdi ki, Ukraynada keçirilən bu görüşlərdə Azərbaycanın 44 günlük Vətən müharibəsində qazandığı qələbəni, Qarabağ zəfərini təbliğ etməklə yanaşı, həm də terrorçu Ermənistanın bu gün də bizə qarşı davam etdirdiyi terror siyasətini də ifşa edir.
Türkiyədə hərbi hissəyə hücum: şəhid varPKK terrorçuları Türkiyənin Siirt şəhərinin Pərvari rayonunun Doğan kəndində yerləşən Jandarma Komandanlığının nəzarətindəki “Dəyirmandaşı” hərbi hissəsinə hücum edib.

Axar.az xəbər verir ki, bu barədə Siirt Valiliyi məlumat yayıb.

İri çaplı silahlarla edilən atəş zamanı hərbi hissənin təhlükəsizlik əməkdaşı şəhid olub, digəri isə yaralanıb.

Qeyd edək ki, bölgədə terrorçulara qarşı əməliyyat davam edir.
Ekozyans qədim erməni yalanını ifşa etdi - FaktlarMəşhur tarixçisi, erməni əsilli tədqiqatçı Filip Ekozyans Lord Corc Bayronun “erməni” uydurmasını darmadağın edib.

Axar.az xəbər verir ki, Ekozyans yaydığı videosüjetdə dünya şöhrətli britaniyalı lordun “erməni dili” qrammatikasının müəllifi olmadığı, həmçinin bu dili normal öyrənə bilmədiyi barədə sübutlar və foto-faktlar gətirib.

“Ermənilərə öyrədiblər ki, guya həmin lord “qədim erməni mədəniyyəti”nin vurğunu olub və guya erməni dilini mükəmməl öyrənərək, hətta bunların qrammatikalarının müəllifi də olubmuş. Qeyd edək ki, Bayron haqqında Vikipediyada da bu saxta məlumat yer aldıb.

Əslində o, cəmi 3 ay erməni dilini öyrənməyə cəhd edib və həmin vaxtlar yazdığı məktublarda bu işin onda heç də yaxşı alınmadığını qeyd edib.

Bayronun Tomas Mura yazdığı məktubdan (5 dekabr 1816-cı il):

“Mən erməni dilini əyləncə kimi oyrənmək istəyirdim...”

Lord üçün erməni dili çox çətin gəlirdi. Bayronun Con Hobhauza məktubundan (19 dekabr 1816):

“Bu müddət ərzində mən otuz səkkiz ilan-qurbağaya oxşayan erməni hərfindən 30-u ilə tanış oldum və bir hecadan ibarət bir neçə söz öyrəndim”.

İndi əziz erməni qardaşlarım, mənim bir sualıma cavab verin: Bayron erməni dilini bilə, erməni dilini tərcümə edə, erməni qrammatikasının müəllifi ola bilərmi? Mənim üçün cavab aydındır və bu cavab kəsinliklə YOX-dur”, - deyə Ekozyans bildirib.