Azərbaycanlı model İstanbulda vəhşicəsinə döyüldü - FotoAzərbaycanlı model V.N. (adı açıqlanmır – red.) İstanbulda fələstinli sevgilisi tərəfindən vəhşicəsinə döyülüb.

Kult.az xəbər verir ki, bu barədə Türkiyə mediası məlumat yayıb.

Bildirilib ki, fələstinli iş adamı ilə sevgili olan azərbaycanlı model dəfələrlə onun tərəfindən döyülüb. Sözügedən anlar evə quraşdırılmış kameralara da düşüb.

Artıq modelin vəkili Güzidə Şəniz Pekkan məsələ ilə bağlı prokurorluğa şikayət edib.

“Qadın qorxu içində yaşayır. Özünün və övladının həyatına təhlükə var. Zorakılıqla bağlı görüntülər adamın qanını dondurur”, - vəkil bildirib.

Qeyd edək ki, azərbaycanlı modelin burnunun sındığı, bədənində ciddi zədələr olduğu deyilib.

Ermənistan hökuməti yeni kadrlar axtarır Ermənistanın hazırkı hökumətinin tərkibi 80% dəyişdiriləcək.

Bu iddia "Joxovurd" qəzetinə məxsusdur.

Nəşr öz mənbələrinə istinadən bildirir ki, baş nazir Nikol Paşinyan hökumət üzvlərinin demək olar ki, 80 faizini istefaya göndərmək niyyətindədir.

Qəzetin yazdığına görə, hakim partiya bu günlərdə vəzifələrini tərk edənlərin yerinə yeni kadrlar axtarır.

Qəzet, xüsusilə, əmək və sosial işlər naziri Zaruxi Batoyan, təhsil, elm, mədəniyyət və idman naziri Araik Arutyunyan, səhiyyə naziri Arsen Torosyan, iqtisadiyyat naziri Tiqran Xaçatryan, müdafiə naziri David Tonoyan və müavinlərinin vəzifələrindən azad ediləcəyini qeyd edir.

Ölkənin ali rəhbərliyi hesab edir ki, nazirlər kabineti üzvləri Qarabağdakı müharibə günlərində fəaliyyətsiz olublar və buna görə də getməlidirlər.

Qeyd edək ki, bundan əvvəl xarici işlər naziri Zohrab Mnatsakanyan, onun müavini Şavarş Köçəryan və fövqəladə hallar naziri Feliks Tsolakyan vəzifələrindən azad edilib.

Paşinyan xalqından 6 ay vaxt istədiErmənistan baş naziri Nikol Paşinyan məğlubiyyəti topluma həzm etdirmək üçün yenidən vədlər verməyə başlayıb.

Avrasiya.net xəbər verir ki, Nikol Paşinyan "Facebook" səhifəsində "yaranmış vəziyyətdən çıxış yolu" kimi 15 maddəlik yol xəritəsi açıqlayıb. Utopik tezislərin yer aldığı bu maddələrdə Ermənistanın inkişafı və s. kimi şeylər vəd olunur. Səhiyyə, müdafiə, iqtisadiyyat və sosial sferalarda və demokratikləşmə prosesində yeniliklərin olacağını yazan Paşinyan bunun üçün 6 ay vaxt lazım olduğunu və komandada dəyişikliklər lazım olduğunu qeyd edib.


İsrail İran qüvvələrinə zərbələr endirdiİsrail ordusu Suriya ərazisindəki İran qüvvələrinə, həmçinin Suriya hərbçilərinə zərbələr endirib.

Axar.az xəbər verir ki, bu barədə “İnterfaks” agentliyi məlumat yayıb.

İsrail ordusunun Tvitter hesabında Qüds briqadasının Dəməşqdə yerləşən birləşməsinə zərbələr endirildiyi bildirilib.

Suriyanın SANA dövlət agentliyi hərbi mənbəyə istinadən İsrailin Suriya ərazisinə raket hücumları nəticəsində üç nəfərin öldüyünü yazıb.
"Yunanıstan F-35-ləri alarsa, Türkiyə qarşılarına S-400-ləri qoyar"Yunanıstan F-35-lərin alınması məsələsi ilə bağlı tələsik addımlar atır.

Axar.az xəbər verir ki, bu sözləri türkiyəli general Nejat Eslen deyib.

“Türkiyə həm geosiyasi mövqeyi, həm də imkanları baxımından ABŞ və NATO üçün olduqca önəmli ölkədir. ABŞ-ın regionda Yunanıstana verdiyi dəstək öz mənafeyinə uyğun deyil. ABŞ strateji durumu nəzərə almalıdır”, - deyə general bildirib.

O, Türkiyənin S-400-lərinin Yunanıstanı narahat etdiyini vurğulayıb:

“Yunanıstan F-35-ləri alarsa, Türkiyə qarşılarına S-400-ləri qoyar. Bütün dünya bilir ki, S-400-lərin qarşısında F-35-lərin “xəyalət təyyarəsi” imkanları yoxdur. Təbii ki, ABŞ da bundan narahat olar. S-400-ləri Egey və Şərqi Aralıqda yerləşdirərsək, həm Yunanıstan, həm də burada macəra axtaran digər ölkələr qarşısında strateji üstünlük əldə edərik”.
Andranik Koçaryan: Ermənistanın ordusu yoxdur, onlar silahlı şəxslərdirErmənistan parlamentinin Müdafiə və Təhlükəsizlik üzrə Daimi Komissiyasının sədri Andranik Koçaryan qanunverici orqanın tribunasında ölkənin Müdafiə Nazirliyinin Qarabağ müharibəsindəki əməliyyatları haqqında növbəti dəfə aşağılayıcı fikirlər səsləndirib.

Bu barədə "Report" Ermənistan mətbuatına istinadən xəbər verir.

Parlamentin komissiya sədri bildirib ki, Ermənistan ordusu mövcud deyil. "Ordu praktik olaraq yoxdur, onlar ancaq silahlı şəxslərdir", - deyə Andranik Koçaryan qeyd edib.

Ermənistanın Müdafiə Nazirliyinin mətbuat xidməti isə öz növbəsində deputatın fikirlərinə qəti etiraz edib: "Biz müharibə dövründə ordunun rolunu bu qədər çox kiçiltməyə çalışmasını Koçaryanın vicdanının öhdəsinə buraxırıq". Nazirlik bildirib ki, bu açıqlama minlərlə erməni hərbçi üçün təhqirdir.

"Əgər Koçaryan həqiqətən belə düşünürsə, onda Müdafiə Nazirliyi əsgərdən zabitədək hərbçilərin qarşısında üzr istəməsi şərtilə onu Ermənistan ordusunda məmnuniyyətlə müşayiət edəcək. Hər kəs qarşısında", - nazirliyin bəyanatında deyilir.
Rusiyalı politoloq:“Paşinyanın devrilməsi qaçılmazdır”“Paşinyanın çiyinlərinə yüklənən tam məğlubiyyət əlamətləri Ermənistan tərəfini razılaşmaları yerinə yetirməyə məcbur edəcək, hərçənd, düzünü desək, bu, onların üslubunda deyil. Konkret olaraq Paşinyan komandasının çoxvektorlu, hiyləgər və çoxgedişli kombinasiyasından danışıram. Onların oyunu Ermənistan xalqına baha başa gəldi. Razılaşmanın həyata keçiriləcəyini düşünürəm. Bölgədə sülh qurulur və müharibə bitib”.

Bunu Yeni Cəmiyyət İnstitutunun Siyasi-İqtisadi Tədqiqatlar Mərkəzinin rəhbəri Vasili Koltaşov deyib.

“Bundan sonra hər şey bölgədə iqtisadi əməkdaşlıq qurmağın mümkün olub-olmamasından asılı olacaq. Bu, ilk növbədə, Rusiya ilə Azərbaycan arasındakı münasibətlərə aiddir. Düşünürəm ki, burada da hər şey alınmalıdır” – o bildirib.

Ermənistanın baş nazirinin gələcəyindən danışan ekspert qeyd edib ki, onun devrilməsi qaçılmazdır: “Ermənistan cəmiyyətində qavrayış ​​dəyişikliyi baş verib. Bu 44 günlük müharibənin təsiri ilə ictimai qavrayış ​​dəyişib. Münaqişənin başlanğıcında onlar dünyanın Ermənistan ətrafında qurulduğunu, Ermənistanın 90-cı illərdə Azərbaycanla müharibədə böyük uğurlar qazandığını, hazırda yüksəlişdə olduğunu düşünürdü. Erməni xalqı reallıqla heç bir əlaqəsi olmayan “Böyük Ermənistan” illüziyalarının əsiridir. Buna görə də fəlakət qaçınılmaz idi. Ermənistan cəmiyyətinin xəyallarında uçurum yarandı”.

“Odur ki, devrilmə qaçılmazdır. Ola bilsin, bu, seçki yox, qiyam şəklində olacaq. Cəbhədən qayıdan insanlar qəzəblidir. Onlar “Paşinyan bizə xəyanat etməsə belə, zərbə altında qoydu” deməkdə haqlıdır. Çünki bundan axmaq rəhbərlik təsəvür etmək belə çətindir. Paşinyandan sonra hakimiyyətə kim gəlsə, nə qədər millətçi olsa da, real siyasət sərhədləri içində qalmalı olacaq, çünki bütün xəyallar puç oldu. Məğlubiyyətlə barışmaq və Rusiyaya güvənərək Azərbaycanla əlaqə qurmağa çalışmaq lazımdır. Ermənistan sərhədlərin onların istədikləri kimi deyil, olduğu kimi göründüyü faktı ilə barışmalıdır”, - politoloq vurğulayıb.

“Azərbaycan bu müharibəni qazandı, bu faktdır. Onlar qələbəni təmin etmək üçün çox səy göstərdi. Azərbaycan cəmiyyəti Ermənistan cəmiyyətindən daha yaxşı səfərbər olmuşdu”, - politoloq fikrini yekunlaşdırıb/Report.
Deputat Ermənistan parlamentini alt-üst etdi - VİDEO10 noyabr gecə saatlarında Ermənistanın parlament binasını talan edənlər arasında "Çiçəklənən Ermənistan" partiyasının deputatı David Manukyan da olub.

Publika.az xəbər verir ki, bu barədə parlamentin vitse-spikeri, "Mənim Addımım" blokundan millət vəkili Lena Nazaryan bildirib.

O qeyd edib ki, parlamentə soxulanlar, nəinki, səlahiyyətli şəxslərin, hətta müavinlərin də ofislərini dağıdıb.

"Çiçəklənən Ermənistan" partiyası bu ittihamları qəbul etməyib.

Qeyd edək ki, baş nazirin mətbuat katibi Mane Qevorqyan hökumət binasına soxulanların arasında müxtəlif siyasi qüvvələrin nümayəndələrini əks etdirən video yayımlayıb.

Rusiyada son sutkada 442 nəfər koronavirusun qurbanı olubRusiyada son bir gündə daha 22 410 nəfərə COVID-19 diaqnozu qoyulub.

Bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 1 971 013 nəfərə çatıb. Ölkədə virusdan ölənlərin sayı isə daha 442 nəfər artaraq 33 931-ə yüksəlib.

Bundan başqa, Rusiyada indiyədək koronavirusa yoluxan 1 475 904 nəfər sağalıb.

Dodon getdi: Bu, Rusiyaya növbəti zərbədirMaya Sandu seçkinin ikinci turunda rusiyapərəst İqor Dodon üzərində qələbə qazandı. Bu, Rusiyaya növbəti zərbədir. Rusiya illərdir Dodon vasitəsilə Moldovada keçmişdə itirdiyi mövqeləri bərpa etməyə çalışırdı. Ancaq Dodon nə qədər çalışsa da, Rusiyanın ölkəsindəki maraqlarını təmin edə bilmirdi. Çünki Moldova parlamenti və hökuməti fərqli siyasi qüvvələrin nəzarətində idi və həmin qüvvələr ruspərəst Dodonun daxili və xarici siyasətdə manevr imkanlarını məhdudlaşdırırdılar. Buna baxmayaraq, Kremlə Dodonu təsir altında saxlaması da kifayət edirdi. İndi isə durum Kreml üçün yenə tərsinə döndü.

Avrasiya.net xəbər verir ki, bu fikirləri politoloq Elxan Şahinoğlu deyib.

Politoloq Moldovada baş verə biləcək prosesləri belə ehtimal edib:

1. Maya Sandu Ukraynanın yolu ilə getməyə çalışacaq. Yəni Moldovanın yeni prezidenti üçün əsas yol Avropanın təhlükəsizlik və iqtisadi institularına inteqrasiya olacaq.

2. Qonşu Ukrayna Moldova ilə əlaqələri gücləndirməyə çalışacaq. İqor Dodonun dövründə o, Rusiyanın təzyiqi ilə Ukraynadan uzaq dayanmağa çalışırdı. Maya Sandu isə əksinə, həm ölkəsi, həm də Avropanın daha çox dəstəyini qazanmaq üçün Ukrayna ilə münasibətlərdə yeni səhifə aça bilər.

3. Maya Sandunun prezident seçilməsi Azərbaycanın da xeyrinədir. Moldova GUAM-ın zəif halqası sayılırdı. Dodon GUAM-a maraq göstərmirdi. Əlbəttə, ədalət naminə demək lazımdır ki, təşkilatın özü də son illər passivləşib. Ancaq Moldovada qərbpərəst siyasətçinin prezident seçilməsiylə təşkilatda müxtəlif layihələrin icrasını genişləndirmək perspektivi açılır.