Bidzina İvanişvilini əvəz edəcək şəxsin adı açıqlanıbİrakli Kobaxidzenin Gürcüstanın hakim Gürcü Arzusu Partiyasına sədr seçiləcəyi gözlənilir.

“Report”un Gürcüstan bürosu xəbər verir ki, bunu yerli mətbuat yazıb.

Qeyri-rəsmi məlumatlara əsasən, partiya rəhbərliyində sədrliyin icraçı katib olan İ.Kobaxidzeyə verilməsi barədə qərar artıq qəbul edilib.

Yeni sədrin yaxın günlərdə seçiləcəyi gözlənilir.

Xatırladaq ki, partiyanın sədri Bidzina İvanişvili bu gün vəzifəsindən və siyasətdən getdiyini açıqlayıb.
İvanişvili siyasətdən gedirGürcüstanda hakim partiyanın sədri, milyarder Bidzina İvanişvili siyasətdən getdiyini açıqlayıb.

Avrasiya.net-in məlumatına görə, bu barədə siyasətçinin yayımladığı məktubda deyilir.

O, öz məktubunda siyasi missiyasının başa çatdığını bildirib.

Qeyd edək ki, B.İvanişvili 2012-ci ildə Gürcüstanın baş naziri seçilmişdi, bir il sonra isə vəzifədən istefa verərək, hakim partiya sədri qismində fəaliyyətini davam etdirirdi.
Ermənistanın müharibədəki itkilərinin sayı artırErmənilərin Zəngilan rayonu istiqamətində apardıqları axtarışlar zamanı bu ölkənin daha 14 hərbi qulluqçusunun meyiti tapılıb.

Bu barədə “Report” “News.am”a istinadən xəbər verir.

Qeyd edilir ki, itkin erməni əsgərlərinin axtarışları bu gün Hadrut, Cəbrayıl, Qubadlı və Zəngilan rayonları istiqamətində davam etdiriləcək. Xüsusən Hadrutda iki axtarış qrupu fəaliyyət göstərəcək. Qruplardan biri meyitləri, digəri gizlənən erməniləri axtaracaq.

Bununla da Qarabağda meyitləri aşkarlanan ermənilərin sayı 1 211 nəfərə çatıb.

Ermənistanın Səhiyyə Nazirliyinin son məlumatına görə, müharibədə həlak olmuş 3 300-dən çox erməni hərbçisinin meyiti ekspertizadan keçirilib.

Daha əvvəl Cəbrayılda aparılan axtarışlar zamanı daha 3 erməni hərbçinin meyiti tapılıb.

Müxalifət Paşinyanın Moskva səfərinə görə yolları BAĞLAYIRErmənistan müxalifətinin bəzi fəalları bu gün baş nazir Nikol Paşinyanın Moksvaya səfərinə mane olmağa çalışacaq.

Publika.az xəbər verir ki, bu barədə “Vətən” Partiyasının üzvü Arsen Babayan özünün "Facebook" hesabında bildirib.

“Satqının (Nikol Paşinyanın-red) təyyarə ilə Moskvaya uçmasına yol verməmək üçün saat 8:00-da “Zvartnoç” hava limanının yaxınlığında olacam. Vətənimizin itirilməməsi üçün mənə qoşulun”, - Arsen Babayan sosial şəbəkədə yazıb.

O, qeyd edib ki, Nikol Paşinyanın Ermənistanın maraqlarına zidd olan istənilən qərarı erməni xalqı tərəfindən rədd ediləcək, ratifikasiya olunmayacaq və hakimiyyətin dəyişilməsindən sonra ləğv ediləcək.

“Bu görüşün nəticəsi 9 noyabr kapitulyasiyasının davamı ola bilər”, - deyə müxalifətçi bildirib. O, iddia edib ki, Paşinyan Ermənistanı təmsil etmir və baş nazirin buna səlahiyyəti yoxdur.

“Vətəndaşları ölkənin müdafiəsinə qalxmağa və satqınlığa yol verməməyə çağırıram. Faciəli prosesi dayandırmağın yeganə üsulu satqını hakimiyyətdən kənarlaşdırmaqdır və biz bu istiqamətdə var qüvvəmizlə çalışacağıq”, - o əlavə edib.
İrəvandan Qarabağa daha 225 erməni gətirildiSon sutkada İrəvandan Qarabağa daha 225 erməni gətirilib.

Avrasiya.net Axar.az-a istinadla xəbər verir ki, bu barədə Rusiya Müdafiə Nazirliyi açıqlama yayıb.

Bununla da Qarabağa qaytarılan ermənilərin sayı 48.059 nəfərə çatıb.

Qeyd edək ki, Rusiya sülhməramlıları ermənilərin Qarabağa gətirilməsini, yerləşməsini, evlə və kommunal xidmətlərlə, qida ilə təmin olunmasını həyata keçirir. Məktəblərin açılmasından, evlərin və infrastrukturun təmirindən tutmuş tibbi müayinələrinə qədər, ermənilərin Qarabağdakı bütün qayğıları Rusiya sülhməramlılarının, FHN və səhiyyə işçilərinin üzərindədir.

Rus sülhməramlıları həm də ərazilərin minalardan təmizlənməsini həyata keçirir.
Niyə 18-20 yaşlı uşaqlarımızı ölümə verdiniz?Torpaqların tezliklə veriləcəyini bildiyiniz halda, niyə bizim övladlarımızı öldürdünüz? Nə üçün 18-20 yaşlı uşaqlarımızı ölümə verdiniz?

Avrasiya.net Azvision.az-a istinadən xəbər verir ki, bunu dünən Eçmiədzindəki hərbi hissənin qarşısında oturaq aksiya keçirən əsgər valideynlərindən biri deyib.

İtkin düşmüş övladını hələ də tapa bilməyən əsgər atası baş nazir Nikol Paşinyanı tənqid edib. Onun sözlərinə görə, oğlunun döyüşmək üçün aparıldığı Azərbaycan ərazisinə əvvəlcə kəşfiyyatçılar, sonra ordu göndərilməli idi:

“Lap əvvəldən ərazinin təmiz olub-olmadığını bilmək üçün ora kəşfiyyatçılar göndərilməli idi. Ərazi yoxlanılmalıydı. Həmçinin uşaqları ora ardıcıl olaraq üç avtobusla heç nələri olmadan daşımaq lazım deyildi. Onlar əsgərləri yarıyuxulu vəziyyətdə belə daşıdılar”.

Xatırladaq ki, Ermənistanın Eçmiədzin şəhərində yerləşən hərbi hissənin döyüş təcrübəsi olmamış bir bölüyü müharibə vaxtı Zəngilana aparılıb. Döyüş meydanına girən kimi hamısının mühasirəyə düşərək məhv edildiyi bildirilir. Onlardan hələ də xəbər yoxdur və itkin düşən hərbçilərin yaxınları mütəmadi olaraq sözügedən hərbi hissənin, hökumət binası və Müdafiə Nazirliyinin qarşısında aksiyalar keçirirlər. Əsgər yaxınları Azərbaycanın Zəngilan rayonu ərazisində axtarış tədbirlərinin görülməsini tələb edirlər. Valideynlərin sözlərinə görə, övladları məhz bu ərazidə itkin düşüblər.
"Metsamor"un təhlükəsiz fəaliyyətinə heç kim təminat vermir"Region üçün böyük fəlakət mənbəyi olan Metsamor Atom Elektrik Stansiyası (AES) fəaliyyətini davam etdirir və təəssüf ki, region ölkələri və beynəlxalq ictimaiyyət bu məsələyə adekvat münasibət göstərmir. Necə ki, uzun illər Azərbaycan torpaqlarının Ermənistan tərəfindən işğal olunmasına göz yumublar, eləcə də Metsomor AES-in bağlanmasını istəmirlər. Halbuki, hər an baş verməsi mümkün olan qəza regionun radioaktiv çirkələnməsinə səbəb olacaq".

Avrasiya.net xəbər verir ki, bu sözləri Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov "AzPolitika.info"-ya açıqlamasında bildirib.

Millət vəkili əvvəlcə AES-in yerləşdiyi coğrafiyaya diqqət çəkir. Qeyd edir ki, stansiya Türkiyə sərhədindən 16 km, İran Sərhədindən 60 km, Azərbaycan sərhədindən 120 km, Gürcüstan sərhədindən 110 km, İqdır şəhərindən 28 km, Tarixi İrəvan şəhərindən isə 25 km məsafədə yerləşir. 1976-cı ildə istismara verilən, 2 blokdan ibarət olan AES-in hər blokunda 1 ədəd VVER-440 tipli reaktordan istifadə olunur. Bu reaktorlar isə köhnə nəsil və qoruyucu örtüyü olmayan reaktorlardır.

S.Qurbanov xatırladır ki, 1982-ci ildə Metsamor AES-in maşın zalında böyük yangın baş verib. 1983-cü ildə 3-cü və 4-cü blokların tikintisi başlanıb, lakin 1986-cı ildə Çernobıl qəzasından sönra tikinti tamam dayandırılıb: "1988-ci ildə baş vermiş Spitak zəlzələsindən sonra keçmiş SSRİ rəhbərliyi həm Çernobıl qəzasının, həm də Spitak zəlzələsinin fəsadlarından qorxaraq 1989-cu ilin yanvarında Metsamor AES-in fəaliyyətinin tam dayandırılmasına qərar verib. 1-ci blok sıradan çıxıb, 2-ci blok isə konservasiya olunaraq dayandırılıb. Zəlzələnin episentri Metsamordan 75 km məsafədə olub və 7 bal gücündə olan zəlzələ Spitak şəhərini dağıdaraq 25 min insanın ölümünə səbəb olub".

Komitə sədri bildirib ki, 1995-ci ildə Ermənistan hökuməti enerji böhranına görə beynəlxalq təşkilatların etirazlarına baxmayaraq Metsamor AES-in fəaliyyətini bərpa edib: "2014-cü ildə Ermənistan hökuməti AES-in istismarının 2026-ci ilədək uzadılması haqqında qərar qəbul edib. Bu məqsədlə Rusiya hökuməti Ermənistana 270 milyon dollar kredit və 30 milyon dollar qrant ayırıb. Amma bu vəsaitlər AES-in tam təhlükəsiz şəkildə fəaliyyətinə heç bir halda təminat vermir. Çünki stansiyada istifadə edilən VVER-440 tipli reaktor 1-ci nəsildir və 8 bal gücündə zəlzələyə hesablanıb. AES “Rosatom” tərəfindən nə qədər rekonstruksiya olunsa belə öz ömürünü başa vurub və regionda yalnız orada istifadə edilir".

Millət vəkili beynəlxalq təşkilatların, o cümlədən Avropa Parlamentinin, Avropa İttifaqının Şərq Tərəfdaşlığı Təşkilatının Metsamor AES-in tam bağlanmasının tərəfdarı olduğunu qeyd edib: "Onlar bəyanatlarında AES-in istismar müddətini başa vurmasını və AES-in seysmik aktiv zonada yerləşməsini əsas götürürlər".

Millət vəkili vurğulayıb ki, AES-də baş verə biləcək hər hansı qəza əvvəlcə Ermənistanın, sonra region ölkələrinin ərazilərinin radioaktiv çirklənməsinə, nəticədə ekoloji fəlakətə səbəb ola bilər: "Bundan əlavə Metsamor AES-in radioaktiv tullantılarının emalı, utilizasiyası üçün Ermənistanın heç bir potensialı, maliyyə mənbəyi və başqa imkanları yoxdur. Hər il AES-də min tonlarla bərk və maye halında radioaktiv tullantı əmələ gəlir. Bu tullantıların utilizasiyası necə həyata keçirilir? Hətta ən sadə metodla onların basdırılması ərazi baxımından Ermənistanda mümkün deyil. Maye halında olan radioaktiv tullantılar isə Araz çayına axıdılır. Bu isə çayın suyunun zəhərlənməsinə və nəticədə Azərbaycan ərazisinin radioaktiv çirklənməyə məruz qalmasına səbəb olur".

Komitə sədri aidiyyatı beynəlxalq təşkilatların, region ölkələrinin bu məsələyə biganə yanaşmamalı olduğunu qeyd edir: "Təəssüf ki, aidiyyatı beynəlxalq qurumlar təhlükə mənbəyi olan AES-in bağlanmasında israrlı mövqedə dayanmırlar. Hesabatlarla, bəyanatlarla kifayətlənirlər. Amma yaxın tarixdə baş vermiş AES qəzaları sübut edir ki, istismar müddətini başa vurmuş stansiya on milyonlarla insanın yaşadığı region üçün nə qədər böyük təhlükə mənbəyidir. Ona görə, bu məsələdə region ölkələri gərək fəaliyyətlərini əlaqələndirib, beynəlxalq ictimaiyyətin diqqətini yendən bu məsələyə yönəltməklə, Metsamor AES-in qapadılmasına nail olsunlar".

Putin il yarıma gedir, müharibə başlayır - Şok ssenariRusiya Prezidenti Vladimir Putinin ağır xəstə olması barədə deyilənlərin ciddi əsası var. Görünür, o, hakimiyyəti varisinə təhvil verməyə hazırlaşır.

Axar.az xəbər verir ki, bu sözləri ukraynalı siyasi ekspert Andrey Qolovaçev öz məqaləsində yazıb.

Ekspert iddia edir ki, il yarım ərzində Putin hakimiyyətdən gedəcək:

“Hazırda isə Rusiyada ÜDM uğrunda qruplaşmaların savaşı gedir. Putindən sonra Kremlin siyasəti necə ola bilər? Prinsip etibari ilə 2 variant var: Birincisi, ABŞ-a təzim etmək, hər şeydə Putini günahlandırmaq və aktivlərin toxunulmazlığı qarşılığında Rusiyanın Ukrayna, Suriya, Qafqaz, Belarus və Dnestryanından çəkilməsi... Şübhə yoxdur ki, məhz Bayden administrasiyası Rusiyadan bu münasibəti gözləyir. Bu ssenarinin mümkünlüyü 15 faizdir.

İkinci ssenariya görə isə Rusiyanın özünü təcrid etməsi, Qərb əleyhinə vətənpərvər isterikanın yüksəlişi, yeni lider ətrafında toplanma və Rusiyanın bir növ Şimali Koreyaya çevrilməsi... Bu ehtimalın inandırıcılığı isə 85 faizdir.

İkinci ehtimal Donbasda genişmiqyaslı müharibənin bərpası deməkdir. Belə olan halda ABŞ Ukraynaya yardım edəcək və nəticədə Ukrayna-Rusiya savaşı baş verəcək. Bu müharibə nəticəsində Ukrayna daha böyük ərazi itirəcək. Bu, Ukraynada ağır siyasi böhrana, ölkənin bütövlüyünə təsir göstərəcək iqtisadi çöküşə gətirəcək”.
Erməni deputat Nikol Paşinyanı təhqir etdi"​​​​​Erməni xalqı tarixində ən soyuqqanlı və abırsız satqın yenidən yalan danışır".

“Report” “News.am”a istinadən xəbər verir ki, bunu "Çiçəklənən Ermənistan" partiyası fraksiyasının deputatı Naira Zoqrabyan özünün feysbukdakı səhifəsində ölkənin baş naziri Nikol Paşinyanı nəzərdə tutaraq yazıb.

"Moskvaya səfərin nəticəsinə görə növbəti xain sənədi imzalamazdan əvvəl kimlər ki, noyabrın 9-da imzalanmış kapitulyasiya aktını oxumayıb, həmin şəxslərin fikirlərini azdırmağa çalışır.

Satqın bir daha əsirlərin və itkinlərin valideynlərini aldadır ki, onların övladlarının qayıdışının qiyməti hərbi əsirlərin xatirinə imzalayacaq başqa bir xain sənədin imzalanması ola bilər”, - deyə deputat qeyd edib.

Naira Zoqrabyan iddia edib ki, əsirlərin və itkin düşənlərin valideynlərinin ağrı-acısı sonradan xain missiyanın icra edilməsi üçün istifadə olunacaq.

Azərbaycan vətəndaşları Ermənistana GEDƏ BİLƏCƏK - FOTOAzərbaycan vətəndaşları Ermənistana vizasız səfər edə biləcək.

Publika.az xəbər verir ki, Ermənistan Xarici İşlər Nazirliyinin saytında bu ölkəyə vizasız gələcək ölkələrin siyahısına Azərbaycanın da adı əlavə olunub.

Dəyişikliyə görə, Azərbaycan vətəndaşları pasportla Ermənistana gedə biləcəklər.

Bu dəyişiklik sosial şəbəkələrdə ciddi müzakirə mövzusuna çevrilib.