Ukraynada 9400 mülki şəxs həlak olubRusiya ordusunun atəşi nəticəsində indiyədək 9400-dən çox ukraynalı dinc sakin həlak olub.

Avrasiya.net xəbər verir ki, bu barədə Ukrayna daxili işlər nazirinin birinci müavini Yevgeni Yenin bildirib.

“Milli Polisin məlumatına görə, 9400-dən çox mülki şəxs həlak olub, 6800-ə yaxın insan yaralanıb. Onların arasında, təəssüf ki, uşaqlar da var - Rusiyanın Ukraynaya təcavüzü başlayandan bəri 461 uşaq ölüb”, - Yenin deyib.

Yeninin sözlərinə görə, Ukrayna qoşunlarının işğaldan azad etdiyi və düşmənin ən şiddətli atəşə tutduğu ərazilərdə polis yeni cinayətlər qeydə alır. Terror aktlarından mülki əhali əziyyət çəkir, ölənlərin sayı isə hər gün artır.

Qeyd edək ki, Rusiya Ukraynanın kritik infrastruktur obyektlərinə zərbələr endirməkdə davam edir.

Tiflisdə Saakaşvilinin tərəfdarları küçələrə axışdı - FotoGürcüstanın eks-prezidenti Mixail Saakaşvilinin müalicə üçün xaricə göndərilməsi tələbi ilə “Gürcü arzusu”nun ofisi qarşısında etiraz aksiyası başlayıb.

Aksiyada Vahid Milli Hərakat Partiyasının üzvləri, tərəftarları, liderləri və digər müxalifət üzvləri də iştirak edirlər.

Partiyanın liderlərindən olan Levan Xabeişvilinin sözlərinə görə, onların tələbi eks-prezident Mixail Saakaşvilinin həyat və sağlamlığının qorunmasıdır.

“Milli Hərəkat” liderlərinin dediyinə görə, Mixail Saakaşvilinin səhhəti çox ağırdır və bu, təcili addımlar atmağı tələb edir. Aksiya iştirakçıları həmçinin qeyd ediblər ki, bugünkü aksiyanın siyasi tələbi yoxdur və onların məqsədi yalnız eks-prezident Mixail Saakaşvilinin həyatını xilas etməkdir.

Qeyd edək ki, hadisə yerinə çox sayda hüquq-mühafizə orqanlarının əməkdaşları səfərbər olunub.
Yunanlar bu adalara qoşun yerləşdirdi - FotoYunanıstan Midilli və Rodos adalarında hərbi təlimlər keçirib.

Avrasiya.net Axar.az-a istinadən xəbər verir ki, bu barədə Türkiyə mediası məlumat yayıb.

Bildirilir ki, silahsızlandırılmış statusda olan hər iki adada təlimlər 2 gün davam edib.

Midillidə keçirilən təlimdə “Kiova”, “Apaçi” hücum helikopterləri, tank və artilleriya bölmələri iştirak edib.

Bundan əlavə, ABŞ-ın hədiyyə etdiyi 1200 ədəd M1117 zirehli texnikasının bir qismi təlimdə yer alıb.

Rodosda keçirilən təlimdə isə “RM 70” reaktiv yaylım atəş sistemindən istifadə edilib.
İran ASALA-nı Paşinyana qarşı qaldırır - ŞOK İDDİAErmənilərdən ibarət ASALA terror təşkilatı ilə İranın xüsusi xidmət orqanları arasında əlaqələrə dair yeni faktlar üzə çıxıb. Qruplaşmanın keçmiş üzvü Martiros Jamkoçyan Ermənistanın “Hraparak” qəzetinə müsahibəsində ASALA ilə İranın gizli işbirliyini ifşa edib.

O bildirib ki, ASALA-nın rəhbərlərindən biri olmuş beynəlxalq terrorçu Monte Melkonyan Azərbaycan torpaqlarının işğalı zaman İranın xüsusi xidmət orqanlarının əməkdaşları ilə görüşüb.

“Qubadlının azad edilməsindən (1993-cü il avqustun 31-də Qubadlının işğalını nəzərdə tutur - red.) əvvəl farslar Monteyə zəng etdilər. Onlar Monte ilə hesablaşırdı. İndi açıqlayacağım məlumat məxfidir. Ancaq bu gün sizə danışacam”, - Jamkoçyan söyləyib.

O qeyd edib ki, həmin vaxt İranın xüsusi xidmət orqanlarının nümayəndələri M.Melkonyanla görüşmək üçün Gorusa gəliblər. Keçmiş terrorçu deyib ki, farslar əməliyyatın hazılığından xəbərdar idilər:

“Biz onda Laçında idik. Zəngilan, Qubadlı və Horadizə hücum etmək üçün tank diviziyamızın bir hissəsini Laçına aparmışdıq. Farslar bu əməliyyatdan xəbərdar idi, onu hazırlayanı da tanıyırdılar. Həmin vaxt İran tərəfinin marağı müharibənin nəyin bahasına olursa, olsun Arazın o tayına keçməməsi idi. Ona görə də onlar bizimlə əməkdaşlıq etmək istədilər. Onlar təminat istəyirdilər və bizimlə razılaşmaq üçün gəldilər. Bu, 1993-cü il yazın əvvəlində olub. Odur ki, dostlarımız və düşmənlərimiz kiminlə iş gördüklərini bilirdilər. Ona görə də bizimlə hesablaşıb əməkdaşlıq edirdilər. Əlbəttə, biz əsgərlərimizin və geri çəkilən azərbaycanlıların İran istiqamətində atəş açmasına imkan verməyəcəyimiz haqqında farslara təminat vermişdik. Və belə də oldu”.

Göründüyü kimi, özünü İslam ölkəsi kimi qələmə verən İranın erməni terrorçularla eyni sırada yer alması Azərbaycana qarşı düşmənçilik niyyətindən irəli gəlir və məkirli siyasət bu gün də davam etməkdədir.

Mövzu ilə bağlı Modern.az-a danışan politoloq Cümşüd Nuriyev bildirib ki, İranın erməni terrorçularına dəstək verməsi təəccüb doğurmamalıdır, mahiyyət etibarı ilə hər iki tərəf eyni maraqlara xidmət edir:

“Birinci Qarabağ müharibəsi zamanı Ermənistanın terror təşkilatlarının hazırlamasında İranın təlimatçıları iştirak edirdi. SEPAH və Əl-Qüdsinin mütəxəssisləri onları hazırlayırdılar. İranın terror təcrübəsi kifayət qədər genişdir. Bu ölkə terror üzrə ixtisaslaşmış dövlətlər üzrə birinci yerdə gəlir. Jamkoçyan əslində Azərbaycana mesaj verir ki, İran terrorla bağlı hansısa addım ata bilər. ASALA terror təşkilatının Hizbullahla, İranın xüsusi dövlət orqanları ilə əlaqələrinin olması çoxdan məlum idi. Biz dəfələrlə bu məsələni gündəmə gətirmişik və İranın terrorçu dövlət olduğunu diqqətə çatdırmışıq. Yaxşı ki, bunu terrorçunun özü də etiraf edir. Biz deyəndə bunun üstündən keçirlər, ancaq terrorçunun etirafını inkar edə bilməyəcəklər”.

Politoloqun fikrincə, İran öz çirkin məqsədlərinə çatmaq üçün ermənilərdən istifadə edir:

“Onların Suriyada birgə təlimləri olub. PKK-nın Suriya qolu olan PYD uzun müddət İran ərazisində gizlənib. İranın molla rejimi kürdləri aldadıb onlardan istifadə etdi. İndi də erməniləri işə salıb. Burada mən Rusiyanın dəsti-xəttini görürəm. Çünki daha Rusiyanın vuran əli Ermənistan deyil, İrandır. Yəni Rusiya İran vasitəsilə ermənilərdən istifadə etmək istəyir. Bu da İrana sərf edir. Buna görə də, İran Tehran və Xuzistanda olan erməni milyonerlərdən istifadə etməyə çalışır. Ortada Fransanın da xətti-dəsti mövcuddur”.

C.Nuriyev iddia edir ki, Rusiya, İran və Fransa üçlüyü Ermənistanın baş naziri Nikol Paşinyanı devirmək üçün birləşib. O fikirlərini belə əsaslandırıb:

“Onlar Paşinyanın əvəzinə Ruben Vardanyanı hakimiyyətə gətirmək istəyirlər. Bunun üçün Azərbaycanı provakasiyaya çəkmək, Vardanyanın əli ilə hansısa ərazini məsələn, Hadrutu ələ keçirmək istəyirlər. Bununla da onun Ermənistanda nüfuz qazanmasına, nəhayət, hakimiyyətə gətirilməsinə çalışırlar. Mənim fikrimcə, proseslər buna doğru gedir. Əsas məsələ Paşinyanı devirib, onun yerinə əlaltılarını gətirməkdir”.
İranda daha bir azərbaycanlı gənc edam ediləcəkİranda SEPAH zabitinin oğurlanmasında günahlandırılaraq həbs edilən təbrizli gənc Milad Əşrəfiyə molla rejimi tərəfindən edam hökmü çıxarılıb.

Avrasiya.net xəbər verir ki, bu barədə “Mouze” Teleqram kanalı məlumat yayıb.

Məlumata görə, o, İsraillə əməkdaşlıqla ittiham edilir.

Qeyd edək ki, bu, İranda son günlər azərbaycanlılar barəsində çıxarılan 3-cü ölüm hökmüdür.
Türkiyədə güclü zəlzələ olduTürkiyənin Düzcə rayonunun Gümüşova qəsəbəsində 4,1 bal gücündə zəlzələ baş verib.

Avrasiya.net xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Yerin 14,2 kilometr dərinliyində meydana gələn zəlzələ zamanı dağıntı və tələfat qeydə alınmayıb.

Buna baxmayaraq, yeraltı təkanlar ətraf rayonlarda da hiss edilib.

Farslar Urmuda tarixi saxtalaşdırırSon zamanlar farslar Urmu ətrafındakı daşların üzərində Persepolisdəki kimi Azərbaycanın mədəni irsi olan tarixi abidələrin görünüşünü dəyişməyə çalışır.

Axar.az xəbər verir ki, bu barədə “Mouze” Teleqram kanalı məlumat yayıb.

Məlumata görə, hazırda bu kimi faktlar Urmu gölü yaxınlığında Daniyal və Xan dərəsində müşahidə edilir.
Müharibəni dayandırmaq üçün onları inandırmalıyıqBəzi Qərb ölkələri Ukrayna böhranının həllində maraqlı deyil.

Avrasiya.net xəbər verir ki, bunu Türkiyə xarici işlər naziri Mövlud Çavuşoğlu deyib.

“Müharibənin davam etdirilməsinin tərəfdarı olan bəzi müttəfiqlərimizi Ukraynanı Rusiya ilə danışıqlar masası arxasına oturtmağa inandırmalıyıq”, - Çavuşoğlu qeyd edib
Tükürpədici hadisə: Kürəkən qayınansını evə apararkən çöllükdə zorladıTürkiyədə qayınanasını zorlayan şəxs həbs edilib.

Oxu24.com Dəmirören Xəbər Agentliyinə istinadən xəbər verir ki, Boluda qayınanası V.D.-yə qarşı cinsi təcavüz etdiyi iddiası ilə mühakimə olunan R.A.-ya 6 il 3 ay həbs cəzası verilib.

Qayınana “Məni kimsəsiz yerə aparıb öpməyə başladı” dedikdə; R.A. O, son sözündə "İndiyə qədər 4-5 dəfə yaxın olmuşuq. Yolda gedərkən başım ağrıyaraq qayınanamdan dərman istədim. Mənə 2 ədəd rəngli həb verdi. Bir müddət sonra başım gicəllənməyə başladı.Nə etdiyimi bilmədim, bəlkə də dərmandan sonra onunla yaxınlığımız olub”.

3 il əvvəl Gerede qəsəbəsində yaşayan V.D., heyvandarlıqla məşğul olan qızı və kürəkəninin yanına gəlib. 23 gün orada qalan V.D., digər qohumlarının yanına getmək üçün kürəkənindən onu aparmasını xahiş edib. İddiaya görə, R.A qayınanasını qohumlarının yanına apararkən maşında ona sataşıb. V.D hadisədən sonra kürəkənindən şikayət edərək prokurorluğa müraciət edib. R.A. Ona qarşı “qan və ya qohum-əqrəba qohumluğu olan şəxsə qarşı cinsi zorakılıq” maddəsi ilə cinayət işi açılıb.

Ağır Cəza Məhkəməsində keçirilən yekun iclasda müttəhim və şikayətçi iştirak edib. İclasda ifadə verən V.D, "Kürəkənim və qızım 10 ildir evlidirlər, amma uyğun gəlmədiyi üçün boşanma prosesindədirlər. Hadisə baş verən axşam mən getmək istədikdə. kürəkənim məni boş yerə apardı.Məni zorla öpməyə başladı,sonra məni maşından çıxardı",deyə bildirib.

Məhkəmə cinayəti törətdiyini güman etdikləri R.A-nın 6 il 3 ay müddətinə azadlıqdan məhrum edilməsinə qərar verib.