Azərbaycan hər yerdə sözünü deyir
Vasif Əfəndi
Vəhdət Partiyası sədrinin müavini, politoloq
Prezident İlham Əliyevin ABŞ səfəri dünyada çox ciddi müzakirə olunur və səfərdə əldə olunan razılaşmalar nəinki Cənubi Qafqazda eləcə də Güney, Doğu və Ukrayna cəbhəsində stabilliyin təmin olunmasına örnək və stimul olacaqdır.
Qafqazda davamlı və birdəfəlik sülhün əsasının qoyulması prosesi artıq başlanıb. Azərbaycan və Ermənistan dövlət başçıları böyük ehtimalla tarixi sənədə imza atacaqlar. Bu uğura gedən yol 2016-cı ildən günümüzə qədər Azərbaycan Prezidenti İlham Əliyevin davamlı və etibarlı siyasətinin nəticəsində əldə olunub. Prezident İlham Əliyev bütün çətinlikllərə və maneələrə baxmayaraq əlində hazır planla hərəkət edərək Azərbaycanı nəinki Qafqazın, ümumlikdə Orta Doğuda xüsusi çəkisi olan dövlətlər sırasına çıxartmağı bacardı. Bundan sonra bölgəmizdə gedən bütün proseslərdə iştirakımız təmin olunub. Bu illər ərzində əldə etdiyimiz ən böyük nailiyyətlərdən biri də Rusiyanı danışıqlar predmetindən kənarlaşdırmaq oldu. Rusiyanın “noyabr sazişində” imzasının olmasına baxmayaraq, bu ölkənin Qafqazda sülhün təminatçısı olması həm mənəvi həm də fiziki cəhətdən mümkün deyildir. Öz yaxın qonşusu ilə qanlı və qəddar müharibə aparan dövlət sülh təminatçısı ola bilməzdi.
