Səfir Putinin yalan danışdığını deyib
İsrailin Ukraynadakı səfiri Mixael Brodski Rusiya Prezidenti Vladimir Putinin İsrailin guya rusdilli dövlət olması, orada iki milyona yaxın rusdilli insanın yaşaması barədə bəyanatını şərh edib. RBC-Ukraynaya müsahibəsində Brodski qeyd edib ki, Putinin bəyan etdiyi rəqəm əhəmiyyətli şişirtmədir, bu, şübhəsiz ki, iki milyona yaxın deyil.
O qeyd edib ki, İsraildə Sovet İttifaqından və postsovet məkanından bir milyona yaxın mühacir var və onların əksəriyyəti rus dilində danışır. Eyni zamanda, onların arasında Rusiya vətəndaşları da çox azdır.
"Rusiya vətəndaşlarının sayına baxsanız, İsraildə onların sayı bir neçə on minlərlə, bəlkə də daha azdır. Ona görə də rusdilli ölkədən danışmaq hələ də güclü mübaliğədir", - o vurğulayıb.
Xatırladaq ki, Vladimir Putin bundan əvvəl bəyan etmişdi ki, Rusiya İsraildə çoxlu rusdilli insanlar yaşadığı üçün İrana kömək etməmək qərarına gəlib. O, əvvəllər də dəfələrlə bəyan edib ki, guya Ukraynaya hücumun səbəbi rusdilli əhalinin qorunması zərurəti olub.
