Rusiyada federasiya prezidenti toyda öldürüldü
Dərc olunub:
10-08-2025, 15:07
Rusiyanın Altay Respublikası MMA Federasiyasının prezidenti Aleksey Kalbukov toyda öldürülüb.
“Qafqazinfo” xəbər verir ki, Kalbukov ziyafət zamanı bıçaqlanaraq dünyasını dəyişib.
Faciə rayonun Tyunqur kəndində şəxsi evdə keçirilən toyda baş verib. Kalbukovla 74 yaşlı qonaq arasında münaqişə yaranıb. Yaşlı kişi stoldan qalxaraq idmançıya yaxınlaşıb və onun ürəyinə bıçaq zərbəsi endirib.
Kalbukov aldığı xəsarətdən yerindəcə keçinib. Hücum edən şəxs saxlanılıb.
