SEPAH yeni yeraltı raket bazasını təqdim etdiİran İslam İnqilabı Keşikçiləri Korpusu (SEPAH) Hörmüzqan əyalətində, Fars körfəzi sahilində yeraltı raket bazası təqdim edib.

Avrasiya.net xəbər verir ki, bu barədə "Mehr" xəbər agentliyi məlumat yayıb.

Yeraltı baza SEPAH-ın baş komandanı general-mayor Hüseyn Salami və Dəniz Qüvvələrinin komandanı kontr-admiral Əli Rza Tangsirinin səfəri zamanı açılıb.
Beş ölkə İranı məsuliyyətə cəlb edirUkrayna, Əfqanıstan, Britaniya, Kanada və İsveç Tehranda Ukrayna Hava Yollarına məxsus “Boinq 737-800” təyyarəsinin vurulmasının ildönümü ilə bağlı birgə bəyanat yayıblar.

Axar.az xəbər verir ki, bu ölkələr İranın məsuliyyətə cəlb ediləcəyini vəd ediblər.

“Biz İrandan tələb edirik ki, bu dəhşətli aviafəlakətə gətirib çıxaran hadisə ilə bağlı tam və hərtərəfli izahat versin. Bizim ölkələr İranı ədalətin bərpa olunması və İranın tam həcmdə kompensasiya ödəməsini təmin etmək üçün məsuliyyətə cəlb edəcək”.

Qeyd edək ki, Ukrayna Hava Yollarının təyyarəsi İran ordusu tərəfindən keçən ilə vurularaq məhv edilib.
Ermənistanda əsgər valideynləri yenidən küçələrə çıxdı  - VİDEOErmənistanın paytaxtı İrəvandakı Vazgen Sarkisyan adına hərbi universitetin qarşısında hərbçilərin valideynləri etiraz aksiyası keçirib.

Avrasiya.net xəbər verir ki, onlar Müdafiə Nazirliyindən övladlarını orduya göndərərkən təhlükəsizlik zəmanəti verilməsini tələb ediblər.

İki saat davam edən etiraz müddətində Müdafiə Nazirliyinin əməkdaşları etirazçıların qarşısına yalnız bir dəfə çıxıb və əsgər yaxınlarının suallarını cavablandırmağa səlahiyyətləri olmadığını söyləyib.



Ermənistanın 8000 qurbanı var - SİRR AÇILDIErmənistanın 8000 qurbanı var. Azərbaycanlılar gerçəyi bilirlər. Biz isə bilmirik.

Publika.az xəbər verir ki, bu barədə Politik.am məlumat yayıb.

Sayt bildirir ki, Ermənistanda qurbanlar, məhbuslar və itkin düşənlər haqqında mövcud məlumatlar dövlət sirri hesab edilir. Məhz buna görə, yerli mətbuat ancaq rəsmi əqəmlərə istinad etməli olur.
Qarabağda tapılan erməni meyitlərinin sayı 1194 olduQarabağda axtarışlar nəticəsində daha 6 erməni əsgərin meyitinin qalıqları aşkarlanıb.

Axar.az erməni mediasına istinadla xəbər verir ki, meyit qalıqları Hadrut və Çaylaqqala yolunda tapılıb.

Meyitlər tanınmaz halda olsa da, paltarlarının cibində sənədlərlə onların kimliyi müəyyənləşib.

Axtarışların bu gün Əsgəran, Hadrut və Cəbrayılda davam edəcəyi bildirilib.

Qeyd edək ki, Azərbaycan Ordusunun icazəsi ilə erməni valideynlər və Qırmızı Xaç Cəmiyyətinin qatıldığı axtarışlar nəticəsində indiyə qədər döyüç meydanlarında tapılan erməni meyitlərinin sayı 1194-ə çatıb.

“Ermənistanın məğlubiyyətində Annanın gizli rolu olub” - Paşinyanın arvadına ittiham"Anna Akopyan əri, Ermənistanın Baş naziri Nikol Paşinyandan daha vacib və əhəmiyyətli bir amildir".

Modern.az “Novosti Armeniya”ya istinadla xəbər verir ki, bunu Vahid Ermənistan Partiyasının sədri Artur Kazinyan deyib.

Onun sözlərinə görə, de-yure dövlət başçısı vəzifəsini tutan şəxs əvvəllər, komanda məntəqəsində olan arvadını oraya generallara mənəvi dəstək göstərmək üçün ezam etdiyini bildirmişdi.

"Elə yalnız bu məqamın özü hüquqi qiymətləndirmə tələb edir, çünki onun həyat yoldaşı komanda məntəqəsində olmaq hüququna malik deyildi", - Kazinyan vurğulayıb.

Partiya sədri hesab edir ki, Anna Akopyan mütləq dindirilməlidir:

“Çünki Qarabağ müharibəsində erməni tərəfinin məğlub edilməsində onun gizli rolu olub”.

Rusiyada azərbaycanlı diaspor rəhbəri vəfat edibRusiyada azərbaycanlı diaspor rəhbəri vəfat edib.

Avrasiya.net APA-ya istinadən xəbər verir ki, Tver vilayətindəki Azərbaycan diasporunun rəhbəri Sərdar Abdullayev bu gün dünyasını dəyişib.

Onun bir müddət əvvəl xəstəxanada koronavirusdan müalicə aldığı bildirilib.

Qeyd edək ki, Abdullayev Sərdar Süleyman oğlu 1951-ci il yanvarın 21-də Azərbaycanın Kəlbəcər rayonunun Yanşaq kəndində anadan olub. 1973-cü ildə Ç. İldırım adına Azərbaycan Politexnik İnstitutunu (indiki Azərbaycan Texniki Universiteti) “Hidromeliorasiya işlərinin mexanikləşdirilməsi” ixtisası üzrə bitirəndən sonra təyinatla Kalinin vilayətinin (indiki Tver vilayəti) Belıy şəhərinə göndərilib. Tikinti sahəsində xidmətlərinə görə 1994-cü ildə S. Abdullayevə “Rusiya Federasiyasının Əməkdar İnşaatçısı” fəxri adı verilib, 1998-ci ildə o, “Dostluq” ordeni ilə təltif edilib və ona “Rusiyanın Fəxri İnşaatçısı” adı verilib. 2006-cı ildə S. Abdullayev Azərbaycanın “Tərəqqi” medalı ilə təltif olunub.
İsrail İranın bu obyektlərini vurduİsrail Dəməşq ətrafındakı Əl Kisva rayonundakı bir sıra obyektlərə zərbə endirib.

Bu məlumatı Suriya mətbuatı yayıb.

Məlumata görə, bu ərazidə iranyönlü döyüşçülərin bazası yerləşib.

Hələ ki, İsrail Müdafiə Nazirliyi məlumatı şərh etməyib.
Ermənilər Muradovdan Bakıya gəlmək üçün təyyarə istədilərErmənistan hökuməti Qarabağdakı Rusiya sülhməramlı dəstəsinin komandiri general-leytenant Rüstəm Muradovdan Ermənistan Milli Təhlükəsizlik Xidmətinin direktoru Armen Abazyanın Bakıya səfərini təşkil etmək üçün təyyarə istəyib.

Publika.az xəbər verir ki, bu barədə Ermənistanın "Mediaport" teleqram kanalı Rusiya Müdafiə Nazirliyindəki mənbələrə istinadla məlumat yayıb.

Erməni tərəfi qeyd edir ki, təhlükəsizlik problemlərinin olduğundan Muradovdan 9, 10 və ya 11 yanvar tarixləri üçün Abazyana təyyarə verməsini xahiş ediblər.

News.am isə yazır ki, Rusiya tərəfi bu xahişi rədd etməsə də, səfərlə əlaqədar konkret bir tarixin niyə təyin olunmaması barədə izah tələb edib. Buna cavab olaraq, Ermənistan hökuməti rəsmi Bakının səfərin tarixini hələ dəqiqləşdirmədiyini bildirib.

Qeyd edək ki, ilk dəfə Abazyanın Bakıya gizli gələcəyi xəbərini keçmiş səfir Mikael Minasyan yaymışdı.
"Bu lahiyə region ölkələrinin iqtisadi əlaqələrinin inkişafına təkan verəcək"Bu sözləri Avrasiya.net-ə açıqlamasında Türkiyə Böyük Millət Məclisində XXII çağırış İqdır millət vəkili olan Prof.Dr.Dursun Akdemir Türkiyə ilə Azərbaycan arasında çəkiləcək dəmir yolu xətti ilə bağlı düşüncələrini dilə gətirərkən deyib. Dursun Akdemir bildirib ki, o, hələ millət vəkili olanda 2005 - ci ildə iki ölkə arasında dəmir yolu xəttinin çəkilməsi ilə bağlı müvafiq dövlət qurumlarına təmsil etdiyi xalq adından müraciət edib və bu təklif o dövrdə olduqca müsbət qarşılanıb.

Sabiq millət vəkilinin sözlərinə görə iki ölkə arasında həyata keçiriləcək bu lahiyə şanlı Azərbaycan ordusunun 10 noyabr tarixində qazandığı zəfərdən sonra təkrar gündəmə gəlib və bu lahiyə bütün regionun iqtisadi əlaqələrinin inkişafında müstəsna xidmətlərə malik olacaq: "O günlərdə əlbəttə ki, bu lahiyə Türkiyə dövləti tərəfindən çox böyük təqdirlə qarşılanmışdı. Çox sevinirəm ki, həmin lahiyənin həyata keçirilməsi məhz bu günlərə nəsib imiş. Təbii ki, bu zəfər Azərbaycan Respublikasının Prezidenti, ölkənin Ali Baş Komandanı çox hörmətli İlham Əliyevin sərgilədiyi qətiyyət sayəsində qazanıldı. Bu gün Azərbaycan və Türkiyə əldə olunan bu zəfər sayəsində yeni perspektivlərə qovuşublar, sabah bu regionda, bir zamanlar mənim millət vəkili olduğum Azərbaycanla sərhəd bölgəmiz olan İqdırımızda da möhtəşəm lahiyələr həyata keçiriləcək.

İqdırı Naxçıvanla birləşdirəcək dəmir yolu lahiyəsi də həmin görüləcək böyük işlərdən biridir. Sonda İqdırlılarımın, heç vaxt unutmadığım, sevgi ilə xatırladığım seçicilərimin kiçik bir xahişini də media vasitəsi ilə aidiyyatı qurumlara çatdırmaq istərdim. Seçicilərim məndən çəkiləcək dəmir yolu xətti üzərində Aralıq və Tuzluca rayonlarında da dayanacaq stansiyalarının olmasını xahiş ediblər. Düşünürəm ki, bu stansiyalar olarsa, həmin rayonlardakı əhalimiz yeni açılacaq xətdən rahatlıqla istifadə edə biləcəklər. Bu eyni zamanda həmin rayonların iqtisadi inkişafına da öz müsbət təsirini göstərəcək. Azərbaycan və Türkiyə arasında gələcəkdə daha qlobal lahiyələrin həyata keçirilməsi və hər iki ölkənin regionun lider dövlət olaraq fəaliyyətlərini davam etdirməsi ən böyük arzumuzdur".