Putin Aİİ ölkələrinə çağırış etdiAvrasiya İqtisadi İttifaqı (Aİİ) ölkələrinin başçılarını 2025-ci ilə qədər strateji inkişaf istiqamətlərinin icrasını qiymətləndirməyə və 2023-cü ildə yeni sənədlərin hazırlanmasına başlamağa dəvət edirəm.

Bunu Rusiya Prezidenti Vladimir Putin deyib.

“Biz siyasi, iqtisadi, sənaye, maliyyə və texnoloji sahələrdə inteqrasiyanın daha da dərinləşməsi üçün əlimizdən gələni edəcəyik. Bu baxımdan biz hazırkı “2025-ci ilə qədər Avrasiya İqtisadi İnteqrasiyasının İnkişafına dair Strateji İstiqamətlər”in icrasının gedişatının birgə qiymətləndirilməsini və artıq bu ildən etibarən yeni uzunmüddətli planlaşdırma sənədlərinin hazırlanmasına başlanılmasını məqsədəuyğun hesab edirik”, - Putin bildirib.
İranda daha 2 jurnalist saxlanıldıYanvarın 22-də Tehranda Səidə Şəfii və Mehrnuş Zarei adlı iki jurnalist təhlükəsizlik qüvvələri tərəfindən saxlanılıb.

Bu barədə İran İnsan Haqları Təşkilatı məlumat yayıb.

Səidə Şəfiinin hara aparılması barədə məlumat verilməsə də, Mehrnuş Zareinin Tehranın Evin həbsxanasına köçürüldüyü müəyyənləşdirilib.

Qeyd edək ki, bununla da İranda etiraz aksiyaları başlayandan bəri saxlanılan jurnalistlərin sayı 79 nəfərə çatıb.
Makronun Ukraynaya 3 şərti…Fransa Prezidenti Emmanuel Makron Kiyevə tankları 3 şərtlə verə biləcəyini deyib: tankların verilməsi eskalasiyaya (?!) səbəb olmamalıdır; tanklar Ukraynanın müdafiə qüdrətini real şəkildə artırmalıdır; Ukraynaya verilən tanklar Fransanın müdafiə qabiliyyətini aşağı salmamalıdır.

Avrasiya.net xəbər verir ki, bu sözləri politoloq Elxan Şahinoğlu qeyd edib.

O bildirib ki, bu, Fransanın Ukraynaya tank vermək istəməməsi anlamına gəlir:

“Almaniya kansleri Olaf Şolts da Ukraynaya tank verməyi uzadır. Paris və Berlin Ukrayna müharibəsini ABŞ-a yükləmək istəyirlər, yəni Kiyevə nə hərbi texnika veriləcəksə, Vaşinqton qabağa düşsün. Vaxtilə Avropanın göbəyindəki Bosniya müharibəsini də ABŞ-a yükləmişdilər, Deyton sazişi olmasaydı, Paris və Berlin seyr etməkdə davam edəcəkdi. İndi də Paris və Berlin bir tərəfdən Rusiyanı qınayır, o biri tərəfdən Ukrayna torpaqlarının işğalı hesabına Kremllə barışıq gününü gözləyirlər”.
İran “Nüvə silahının yayılmaması haqqında” müqavilədən çıxa bilər“İran “Nüvə silahının yayılmaması haqqında” müqavilədən çıxmaq imkanını istisna etmir”.

“Report” “Mehr” agentiyinə istinadən xəbər verir ki, bunu İran İslam Respublikasının xarici işlər naziri Hüseyn Əmir Abdullahian bəyan edib.

Avropa İttifaqının SEPAH-ın terror təşkilatları siyahısına salması ilə bağlı son qərarını şərh edən nazir deyib ki, hökuməti Avropa ölkələrinin ordularını “terrorçu” kimi tanımağa məcbur edən İran parlamentinin qərarı əks tədbirdir.

“Nüvə silahının yayılmaması haqqında” müqavilədən çıxmaq İranın əks tədbirlərindən biridirmi sualına Hüseyn Əmir Abdullahian belə cavab verib: “Əgər rasionallığa qayıtmasalar və mövqelərini düzəltməsələr, istənilən tədbir görülə bilər”.
Ukraynalı iki zabiti rus hərbçilərə təslim olduUkrayna qoşunlarının elit xüsusi təyinatlı bölmələrinin iki zabiti Zaporojyedə Rusiya hərbçilərinə təslim olub.

Avrasiya.net xəbər verir ki, bu barədə “Biz Rusiya ilə birlikdəyik” hərəkatının rəhbəri Vladimir Roqov deyib.

“Müharibəyə qədər onlarla Ukrayna əsgəri biz tərəfə keçdi. Bu gün isə iki zabit onların yolu ilə getdi”, - deyə Roqov bildirib.
Bodrumda bələdiyyə sədrinə hücum edildi - VideoTürkiyədə Bodrum şəhərinin bələdiyyə sədri Əhməd Aras əyləncə məkanlarından birində hücuma məruz qalıb.

Axar.az yerli mediaya istinadən xəbər verir ki, bələdiyyə sədri əvvəlcə həmin şəxsin təhqirlərinə məruz qalıb, daha sonra isə anidən ona hücum edilib.

Arasın cangüdənlərinin müdaxiləsi ilə sözügedən kişi oradan uzaqlaşdırılıb.

Bildirilib ki, Arasa xəsarət yetirmək istəyən vətəndaş bir müddət əvvəl elə bələdiyyə əməkdaşı olub, haqqında rüşvət alma iddiaları olduğundan dolayı işindən kənarlaşdırılıb.

Polis faktla bağlı araşdırma aparır.
İran Avropa İttifaqının SEPAH-la bağlı qərarına cavab verəcəkİran parlamentinin spikeri Məhəmməd Bağır Qalibaf İslam İnqilabı Keşikçiləri Korpusunun (SEPAH) rəhbəri ilə görüşündə deyib ki, parlament Avropa İttifaqının SEPAH-a qarşı atdığı istənilən addıma qəti şəkildə cavab verməyə hazırdır.

İran parlamentinin sədri Məhəmməd Baqir Qalibaf şənbə günü İslam İnqilabı Keşikçiləri Korpusunun (SEPAH) baş komandanı general-mayor Hüseyn Səlami ilə görüşüb.

Modern.az İran KİV-nə istinadən xəbər verir ki, görüşdə Avropa İttifaqının (Aİ) SEPAH-I terrorçu təşkilat elan etməsi məsələsi müzakirə edilib.

Qalibaf avropalıları səhvlərini düzəltməyə çağırıb.

General-mayor Səlami isə bildirib ki, SEPAH-ın səyləri olmasaydı, amerikalıların yaratdığı İŞİD terror vulkanı avropalıları bürüyəcək və bu gün Avropada təhlükəsizlik məhv olacaqdı.

SEPAH-ın bu cür təhdidlərdən qorxmadığını əsas gətirən Salami, "Avropalılara keçmiş səhvlərini təkrarlamamağı tövsiyə edirik" deyib.

General-mayor Salami Aİ-nin qanunsuz addımına qəti cavabı müzakirə etmək üçün İran parlamentinin bazar günü keçiriləcək iclasında iştirak etməyə hazırlaşır.

Avropa Parlamenti yanvarın 19-da SEPAH-ı qara siyahıya salmağa çağıran qətnamə qəbul edib. Qətnamə bununla bağlı qərar qəbul edilməsi üçün Avropa Şurasına göndərilib.
Yanğında ölən erməni əsgərlərlə bağlı yeni məlumat – 14-ü çarpayıda qalıbErmənistandakı hərbi hissədə baş vermiş yanğında ölən 15 əsgərdən 14-nün cəsədi çarpayıda tapılıb.

Avrasiya.net xəbər verir ki, bu barədə Milli Böhran Vəziyyətlərində İdarəetmə Mərkəzinin rəis müavini Arsen Saroyan İctimai Televiziyanın efirində bildirib.

Onun sözlərinə görə, xilasedicilər yanğını iki istiqamətdən - əsgərlərin yatdığı otaq tərəfdən və yanğının başladığı giriş qapısı tərəfdən söndürüblər.

"Yanmış meyitlərdən 14-ü çarpayılarda tapılıb. Məncə, onlar sadəcə tüstüdən oyanmayıblar. Girişdə də bir cəsəd tapılıb. Çox güman ki, o da bayıra çıxmaq istəyib, bacarmayıb”, - Saroyan bildirib.

Ümumilikdə kazarmada 21 nəfər olub və xilasedicilər gələnə qədər 6 nəfər öz gücü ilə binadan çıxa bilib, onlardan 3- ağır yanıq xəsarətləri alıb.

Eyni zamanda, Ermənistan Baş Prokurorluğunun nümayəndəsi Arşak Martirosyan yekun nəticələr üçün istintaqın tamamlanmasını gözləməyə çağırıb.

Yanvarın 19-na keçən gecə, saat 01:30 radələrində Qeqarkunik rayonunun Azat kəndində yerləşən hərbi hissədə yanğın baş verib. Nəticədə 15 hərbçi ölüb, daha 3-nün vəziyyəti ağırdır.

Yanğına səbəb isinmək üçün benzindən istifadə edilməsi olub.

Faciədən sonra 5 yüksək rütbəli hərbçi tutduqları vəzifələrdən qovulub.
Hər iki tərəf ciddi itkilər verir, danışıqlar başlamalıdırUkraynadakı münaqişə diplomatiya yolu ilə bitməlidir.

Avrasiya.net xəbər verir ki, bunu ABŞ-ın Birləşmiş Qərargah Rəisləri Komitəsinin sədri general Mark Milli deyib.

“Bu müharibə bir çox münaqişələr kimi danışıqlar yolu ilə başa çatmalıdır, rusların və ukraynalıların danışıqlar masası arxasına oturmasının vaxtıdır”, - Milli söyləyib.

Milli vurğulayıb ki, ABŞ, Ukrayna rəhbərliyi və əksər Avropa liderləri danışıqlar yolu ilə hərbi əməliyyatların dayandırılması barədə danışıblar.

Onun sözlərinə görə, artıq hər iki tərəf ciddi itkilər verib.
İranda etiraz aksiyaları yenidən alovlandıYanvarın 19-dan 20-ə keçən gecə İranın bir neçə şəhərində etiraz aksiyaları keçirilib.

Tehranın Tehranpars və Ekbatan bölgələrində başlayan nümayişlərdə "ölüm olsun Xameneiyə" şüarları səsləndirilib.

Həmçinin, Kirmanşah, Bəndər Abbas, İzə, Dehqolan, Dezful şəhərlərində də etiraz aksiyaları keçirilib və molla hökumətinin simvolları yandırılıb.