Saakaşvilidən siyasi partiyalara çağırışGürcüstanın həbsdə olan sabiq prezidenti Mixail Saakaşvili siyasi partiyalara müraciət edib.

Avrasiya.net xəbər verir ki, onun müraciəti sosial media hesabı vasitəsilə yayılıb.

"Bütün silahdaşlarıma, Vahid Milli Hərəkatın tərəfdarlarına, həmçinin bütün partiyalara müraciət edirəm ki, bugünkü (ötən gün keçirilən aksiya - red.) mitinq ilə kifayətlənməsinlər. Bizi kimlərsə nəyisə gözləməyə səsləyirsə, praktiki olaraq bizdən növbəti dəfə aldanmağı xahiş edir.

Bizim avropalı gələcəyimiz öz əlimizdədir. Deoliqarxizasiya üçün oliqarxın hakimiyyəti kimi başlıca institut dəyişməlidir. Texniki hökumət yaradılmalı və Avropa İttifaqının nəzarəti altında gürcü xalqının maraqlarına xidmət edən seçkilər baş tutmalıdır", - deyə Saakaşvili bildirib.
Ukrayna bir gündə 450 əsgər itirdi - KoneşenkoRusiyaya məxsus raket və artilleriya birləşmələri bir gündə 148 hərbi obyektə zərbə endirib. Bu hücumlar nəticəsində 450 Ukrayna əsgəri zərərsizləşdirilib.

Bunu Rusiya Müdafiə Nazirliyinin sözçüsü İqor Koneşenko bildirib.  

"Rusiya hava hücumundan müdafiə sistemləri Dnepr bölgəsindəki Apostolovo qəsəbəsi yaxınlığında Ukrayna Hərbi Hava Qüvvələrinə məxsus MİQ-29 döyüş təyyarəsini vurub. Eyni zamanda, Xerson, Luqansk, Donetskdə Ukraynaya məxsus 9 pilotsuz uçuş aparatı məhv edilib", - İ.Koneşenkov deyib.

Konaşenkovun sözlərinə görə, bu günə qədər Ukraynaya məxsus 208 təyyarə, 132 helikopter, 1260 pilotsuz uçuş aparatı, 345 hava hücumundan müdafiə sistemi, 3696 tank və zirehli texnika, 576 reaktiv yaylım atəşi sistemi, 2055 haubitsa və minaatan məhv edilib.
İran polisi günahsız gənci güllələdiİyunun 19-da İranın Yasuc-Səmirom avtomobil yolunda, Qara körpüsündə Fuad Peykəri adlı gənc heç bir qanun pozuntusu törətmədiyi halda polislər tərəfindən güllələnərək öldürülüb.

Axar.az xəbər verir ki, bu barədə "Azad İran" Teleqram kanalı məlumat yayıb.

Məlumata görə, bu dəhşətli cinayətin ardından qəzəbli əhali polis avtomobilinə hücum edərək onu yandırıb.
Rusiya ordusu qadınları hərbi xidmətə çağırırRusiyada qadınlara müqavilə əsasında hərbi xidmətə yollanmağı təklif ediblər. Müvafiq elan Severodvinsk administrasiyasının rəsmi saytında peyda olub.

Belə ki, yerli hərbi komisarlıq kişilərlə yanaşı, qadınların da hərbi xidmətə dəvət edildiyini bildirib.

Namizədlərə 18-40 arası olmaqla yaş tələbi qoyulub.

Həmçinin, orduda xidmət etmək arzusunda olanlara yüksək maaş vəd edilib. (Mənbə: rbc.ua)
Ermənistanda güllələnən gənc hərbi qulluqçudur – İnsidentin təfərrüatıErmənistanın Araqatsotn bölgəsində baş vermiş silahlı insidentin təfərrüatı açıqlanıb.

Ermənistan KİV xəbər verir ki, silahlı insident zamanı 7 nəfər yaralanıb. Onlardan biri xəstəxanada ölüb.

Polis əməkdaşları hadisənin Niqavan kənd inzibati ərazisində baş verdiyini bildiriblər.

Son məlumata görə, insident zamanı ölən şəxs - Hmayak Mikaelyan Müdafiə Nazirliyinin hərbi hissələrindən birinin hərbi qulluqçusu olub.

Xatırladaq ki, ötən gün saat 20:30 radələrində Aparan tibb məntəqəsindən yerli polis şöbəsinə 7 vətəndaşın onlara güllə yarası ilə daxil olması barədə məlumat verilib. Həkimlər hüquq-mühafizə orqanlarının əməkdaşlarına bildiriblər ki, yaralılardan biri özünə gəlmədən dünyasını dəyişib.
 Bir sıra Ermənistan KİV-lərinin məlumatına görə, hakim “Mülki müqavilə” partiyasından olan deputat Matevos Asatryanın qohumları və Araqatsotn vilayətinin hökumətyönlü qubernator müavininin əmisi oğlu Edqar Pırvanyanın qohumları bir qrup gənclə əlbəyaxa dava ediblər.

Nəticədə yuxarıda adı çəkilən şəxslər (Matevos və Edqarın qohumları və dostları) Kalaşnikov avtomatından gənclərə atəş açmağa başlayıblar. Dava iştirakçılarından biri yerindəcə ölüb, bir neçə nəfər müxtəlif dərəcəli bədən xəsarətləri alıb. Hadisə rayonun Niqavan kəndi yaxınlığında baş verib.

Mətbuatın yazdığına görə, hakim partiya üzvlərinin yaxınları gəncləri Ermənistanın hazırkı baş naziri Nikol Paşinyanı söydüyünə görə güllələyiblər.
Qazaxıstan Moskvaya cavab olaraq Rusiya kömürünün tranzitini dayandırıbQazaxıstanın Rusiya kömürünün tranzitini dayandırıb.

Bu barədə “Report” xarici mətbuata istinadən xəbər verir.

Məlumata görə, Qazaxıstan hakimiyyəti öz ərazisində kömür daşıyan 1 700 vaqonun qarşısını kəsib.

Xatırladaq ki, Prezident Kasım Jomart-Tokayevin Sankt-Peterburq Beynəlxalq İqtisadi Forumunda bir sıra bəyanatlar səsləndirməsindən sonra Rusiya Qazaxıstan neftinin ixrac üçün daşınmasına məhdudiyyətlər qoyub. “Kommersant” nəşri vəziyyətlə tanış olan mənbələrə istinadən xəbər verib ki, Qazaxıstanın Qərb alıcılarının onu sanksiyaya məruz qoyan Rusiya markalı “Urals” ilə qarışdırmamaq üçün adını dəyişməyi qərara aldığı neftin ixracı Novorossiysk limanında dayandırılıb.

“Kommersant”ın həmsöhbətlərinin sözlərinə görə, buna səbəb liman sularında İkinci Dünya Müharibəsindən qalma mina ola biləcək obyektlərin tapılmasıdır. Tədqiqat üçün Rusiya limanına ildə 67 milyon ton neft nəql edən Xəzər Boru Kəməri Konsorsiumunun (CPC) uzaq yanalma qurğularına bitişik akvatoriya bağlanıb.

Növbəti minatəmizləmə işləri iyunun 20-nə planlaşdırılıb və bu, ayın sonuna qədər davam edə bilər.

İyunun 17-də Vladimir Putinlə görüş zamanı Tokayev qondarma DXR və LXR-in ölkəsi tərəfindən tanınmasının yolverilməz olduğunu açıq şəkildə bəyan edib. Tokayev Rusiyanın Aleksandr Nevski ordenindən də imtina edib. Bildirilir ki, Qazaxıstan liderinin mükafatlandırılması Sankt-Peterburqda keçirilən iqtisadi forum çərçivəsində planlaşdırılıb.
Ermənistanda silahlı atışma: 2 ölü, 5 yaralıErmənistanın Araqatsotn vilayətində silahlı atışma baş verib.

Axar.az shamshyan.com-a istinadən xəbər verir ki, xəstəxanaya güllə yarası almış 7 nəfər yerləşdirilib ki, onlardan biri sonradan ölüb.

Polis və istintaqçılar araşdırmasından sonra məlum olub, silahlı insident Niqavan kəndində baş verib.

Faktla bağlı istintaq qrupu yaradılıb, araşdırma aparılır.

***

Atışma zamanı yaralananlardan daha biri ölüb.
Mişa dünyanın gözü qarşısında ölür - QoşievskaBir oliqarxın (Bidzina İvanişvili nəzərdə tutulur - red.) istəyi əsasında sabiq prezident Mixail Saakaşvili bütün dünyanın gözü qarşısında ölür.

Axar.az xəbər verir ki, bu barədə Gürcüstanda səfərdə olan Polşa Seyiminin vitse-spikeri Malqorzat Qoşievska bildirib.

Polşa rəsmisinin sözlərinə görə, həbsdə saxlanılan sabiq prezidenti ziyarət etmək istəsə də, ona icazə verilməyib.

O əlavə edib ki, Avropa Parlamentinin Bidzina İvanişviliyə qarşı sanksiyalar tətbiq edilməsi barədə çağırışlarını sonunadək dəstəkləyir:

"Dünən müxalifət partiyalarının nümayəndələri ilə görüşdüm. Onların hər biri Gürcüstana namizəd statusunun verilməsini tam şəkildə dəstəkləyir. Bəyan etmək istəyirəm ki, bir oliqarxın təvazökarlığı, nifrət dili və Rusiya yönümlü əhval-ruhiyyəsinə görə bütün xalqı cəzalandırmaq olmaz. Buna görə də Avropa Parlamentinin Bidzina İvanişviliyə qarşı sanksiyalar tətbiq edilməsinə çağırış barəsindəki qətnaməsini tam şəkildə dəstəkləyirəm. Beynəlxalq həkimlərdən ibarət qrupun Mixail Saakaşvilinin yanına buraxılmaması, onun müalicə üçün aparılmaması tamamilə barbar bir davranışdır. Polşa beynəlxalq platformalarda bir neçə dəfə Saakaşvilini qəbul etməyə hazır olduğunu bildirib".

O deyib ki, hakimiyyət Saakaşvilinin müalicə olunmasına icazə vermir, bunun arxasında isə Rusiya ilə əlaqələri yaxşı bilinən oliqarx Bidzina İvanişvili dayanır.

Qeyd edək ki, Avropa Komissiyası Gürcüstana AB-yə namizəd statusu üçün müsbət rəy verməyib.
Putin ölümü haqda xəbərlərdən danışdıBir neçə dəfə ölüm xəbəri yayılan Rusiya Prezidenti Vladimir Putin Sankt-Peterburq Beynəlxalq İqtisadi Forumunda çıxışı zamanı buna münasibət bildirib.

Avrasiya.net Publika.az-a istinadla xəbər verir ki, Putin amerikalı məşhur yazıçı Mark Tvendən sitat gətirib.

“Mənim ölümümlə bağlı şayiələr çox şişirdilib”, - Putin deyib.