SSRİ buna görə dağılmışdı, Rusiya da eyni yolla gedir
Dərc olunub:
27-06-2025, 10:25
Yeni silahlanma yarışı Sovet İttifaqının dağılmasına səbəb olduğu kimi, Putin rejiminin də dağılmasına səbəb ola bilər.
Bunu Polşanın xarici işlər naziri Radoslav Sikorski deyib.
Onun sözlərinə görə, Kreml Ukraynaya qarşı çox bahalı müharibə aparır və eyni zamanda bütün Qərbi təhdid edir və bununla da onu müdafiə xərclərini artırmağa məcbur edir:
"Putin başa düşməlidir ki, o, Brejnevin yolu ilə gedir. O özü də bir dəfə demişdi ki, Sovet İttifaqı silaha çox pul xərclədiyi üçün dağılıb, indi də o özü bunu edir. Bu, rejim üçün də eyni nəticə olacaq, amma daha sürətli".
