Ermənistan İranla əlaqələri gücləndirirTehranda səfərdə olan Ermənistan xarici işlər nazirinin müavini Mnatsakan Səfəryan iranlı həmkarı Əli Baqeri Kani ilə görüşüb və bu görüşdə tərəflər ikitərəfli münasibətlər və regional hadisələri müzakirə edib, fikir mübadiləsi aparıblar.

Modern.az İran KİV-lərinə istinadən xəbər verir ki, xarici işlər nazirlərinin müavinləri görüşdə Cənubi Qafqaz regionunda sülh və sabitliyin bərqərar olması və regiondaxili əməkdaşlığın gücləndirilməsinin zəruriliyini vurğulayıblar.

Baqeri Kani isə öz növbəsində İran və Ermənistan arasında əməkdaşlığın hərtərəfli genişləndirilməsini iki xalqın mənafeyinə və Cənubi Qafqaz regionunda sabitlik və təhlükəsizliyin möhkəmləndirilməsinin xeyrinə adlandırıb. O, bu məsələdə İslam Respublikasının qətiyyətini vurğulayıb, qeyd edib ki, İran bu əməkdaşlığı daha da genişləndirəcək.

İran İslam Respublikasının ölkəsinin ərazi bütövlüyünü dəstəkləməkdə tutduğu mövqeni yüksək qiymətləndirən Səfəryan Ermənistanın iki dövlət arasında, xüsusilə də iqtisadi və ticarət sahələrində əməkdaşlığı inkişaf etdirmək iradəsinə işarə edib. O, iki ölkə arasında əlaqələrin daha da inkişaf edəcəyinə ümid etdiyini bildirib.
Rusiya Türkiyəni Suriyadakı əməliyyatları dayandırmağa çağırırRusiya prezidentinin Suriya üzrə nümayəndəsi Aleksandr Lavrentyev bildirib ki, Moskva Suriya ərazisinə endirilən zərbələr fonunda Ankaranı təmkinli olmağa çağırır.

Modern.az “Ria Novosti”ə istinadən xəbər verir ki, Lavrentyev çağırışında “bölgədə gərginliyin artmasına yol verilə bilməz” deyib.

O, Astanada Suriya münaqişəsi ilə bağlı danışıqların 19-cu raundunun əvvəlində bildirib: “Biz türk həmkarlarımızı Suriyanın təkcə şimal və şimal-şərq bölgələrində deyil, bütün ərazilərində gərginliyin artmasının qarşısını almaq üçün müəyyən təmkin nümayiş etdirməyə çağırırıq”.

Lavrentyevin sözlərinə görə, bu məsələ ilə bağlı bütün maraqlı tərəflərlə iş davam etdirilməli, “kürd məsələsi”nin sülh yolu ilə həllinə çalışılmalıdır.

Lavrentyev qeyd edib ki, Türkiyə Suriya və İraqdakı hava əməliyyatı ilə bağlı Rusiya Federasiyasını əvvəlcədən xəbərdar etməyib, məsələ Astanadakı görüş zamanı müzakirə olunacaq.

"Ümid edirik ki, türk tərəfdaşlarımızı Suriya ərazisində həddindən artıq güc tətbiq etməkdən çəkinməyə inandıracağıq", - Rusiya prezidentinin xüsusi nümayəndəsi bildirib.

O əlavə edib ki, Türkiyənin Suriya və İraqa endirdiyi zərbələr noyabrın 13-də İstanbulda törədilən terror aktı ilə təhrik edilib.

Rusiya Prezidentinin xüsusi nümayəndəsi onu da vurğulayıb ki, ilin əvvəlindən Moskva Ankaranın mümkün quru əməliyyatı ilə bağlı bəyanatları fonunda Türkiyənin Suriyada quru əməliyyatının qarşısını almaq üçün əlindən gələni edib.
"Marneuli Bələdiyyə Məclisinin şikayəti bizim üçün elədə təəccüblü deyil. Biz bilirdik ki, tolerantlıq, demokratiya yalnız sözdədir. Qanunlar burada şah deyil, şah olan məmurlardır. Həmişə olduğu kimi, milli, dini azlıqlara qarşı ayrı-seçkilik devam edir".

Bunu Ümumi Gürcüstan Müsəlmanlarının Ali Dini İdarəsinin (ÜGMADİ) sədri Seyid Mirtəqi Əsədov söyləyib. "Əgər dedikləri kimi, məbləğ mədəni irs abidələrin qorunması üçün ayrılırsa, əhalisinin böyük əksəriyyəti müsəlman olan bələdiyyədə nəyə görə kilsəyə bu qədər məbləğ ayrılır, amma məscidə yox. Məscidlər bəyəm mədəni irs abidəsi deyil? Nəyə görə məscid və mədrəsə cərimələnir, tikilməsinə icazə verilmir? Bu tamamilə ayrı-seçkilik və qanun pozuntusudur",- deyə o, əlavə edib.

Onun sözlərinə görə, müvafiq məsələ ilə əlaqədar mübarizələrini davam etdirəcəklər.

"Marneuli Bələdiyyə Məclisinin qərardan şikayət edərək Apellyasiya Məhkəməsinə müraciət etməsinə gəldikdə isə onlar vaxt qazanmağa çalışırlar, kilsəyə vəsait ayırmaq üçün çıxış yolu axtarırlar. Bizim bu kimi haqsızlıqlara qarşı mübarizə aparmağımız, məhkəməyə müraciət etməyimiz yalnız özümüz üçün deyil, vətənimizin çiçəklənməsi və normallaşması üçündür. Bu cür ölkə inkişaf edə bilməz, əksinə zərər görər. Biz çalışırıq ki, ölkəmiz ədalətli olsun, hərkəsə bərabər yanaşsın, mədəni və dini dəyərlərə eyni qiymət verilsin. Biz bütün dinlərə bərabər imkanların yaradılmasını tələb edirik. Onlar bu davranışları ilə sanki, pravoslav kilsəsindən başqa heç bir dini və məzhəbi tanımadıqlarını bildirilər. Mən onlara demək istəyirəm ki, bizdə varıq, dinimizdə var və öz mədəniyyətimiz var olduğu kimi başqalarıda var".

Xatırladaq ki, bu ilin 1 iyul tarixində Bolnis Şəhər Məhkəməsi Ümumi Gürcüstan Müsəlmanları Ali Dini İdarəsi və ictimai fəal Samirə Bayramovanın şikayəti üzrə Marneuli meriyası tərəfindən, Marneuli və Hucabi Yeparxiyasına hər il ayrılan 400 min lari qərarını ləğv edib. Bu günlərdə isə Bolnisi Məhkəməsinin müvafiq qərarından Marneuli Bələdiyyə Məclisi Apellyasiya Məhkəməsinə şikayət verib. Məsələyə münasibət bildirən ictimai fəal Samirə Bayramova deyib ki, görünən odur ki, məhkəmənin qərarı Bələdiyyə Məclisi üçün heç də xoş deyil.
İrəvanla əlaqələrin inkişafı buna xidmət edir - İranİran və Ermənistan arasında müxtəlif sahələrdə əlaqələrin genişləndirilməsi iki ölkənin maraqlarına xidmət edəcək və Cənubi Qafqaz regionunda sabitlik və təhlükəsizliyi möhkəmləndirəcək.

Avrasiya.net xəbər verir ki, bunu İran xarici işlər nazirinin müavini Əli Bagiri Kani Ermənistan xarici işlər nazirinin müavini Mnatsakan Səfəryanla görüşündə deyib.

Onun sözlərinə görə, İran ikitərəfli əməkdaşlığı daha da inkişaf etdirmək əzmindədir.

Erməni diplomat İranın Ermənistanın ərazi bütövlüyünü dəstəkləməsini alqışlayıb və bəyan edib ki, İrəvan Tehranla, xüsusən də ticarət-iqtisadi sahədə əməkdaşlığı gücləndirməkdə qərarlıdır.
İranda ad günü adəti: gənc 6 nəfəri güllələdiİranın Kirman əyalətinin Nərmaşir şəhərində atışma baş verib.

Axar.az xəbər verir ki, bu barədə İran mətbuatı məlumat yayıb.

Məlumata görə, 16 yaşlı yeniyetmə yerli adət-ənənəyə uyğun olaraq, ad günü mərasimi zamanı tüfəngdən göyə atəş açmalı imiş. Lakin o, havaya yox, ətrafdakılara atəş açıb və nəticədə 1 nəfər ölüb, 5 nəfər isə yaralanıb.

Nərmaşirin məhkəmə hakimiyyətinin rəhbəri Həmid Əhmədi Müqəddəmin sözlərinə görə, yeniyetmə və ad günü mərasiminin keçirildiyi məkanın sahibi haqqında həbs qətimkan tədbiri seçilib.

Müqəddəm bildirib ki, bayram və matəm mərasimlərində atəş açılması mənasız adətdir və hər dəfə acı nəticələrə gətirib çıxarır:

“Bu pis adət mədəni quruculuq əsasında aradan qaldırılmalıdır”.
Saakaşvili zəhərlənməsi ilə bağlı açıqlama verdiMənim səhhətim həqiqətən pisləşir, xüsusən də son iki ayda. Lakin mən heç vaxt vəkillərimə guya zəhərləndiyimə dair şübhələr barədə nəsə deməmişəm. “Vivamed” klinikasının həkimləri mümkün olan hər şeyi edirlər.

Avrasiya.net xəbər verir ki, bunu Gürcüstanın eks-prezidenti Mixail Saakaşvili deyib.

“Biz həkimlərə etibar etməliyik və bu məsələni həddindən artıq siyasiləşdirməməliyik”, - Saakaşvili bildirib.

Qeyd edək ki, Saakaşvilinin vəkili və anası onun zəhərləndiyi haqda məlumat yayıb. Onun zəhərlənməsinin qəsd olduğu istisna edilmir.
Ukraynada neft anbarı vurulduUkraynanın Donetsk vilayətinin Makeyevka şəhərində neft anbarı vurulub.

Avrasiya.net xəbər verir ki, bu barədə “RBK Ukrayna” məlumat yayıb.

Məlumata görə, ümumi sahəsi 70 kvadratmetr olan iki yanacaq çəninin yanması müəyyən edilib. Yanğının söndürülməsinə 20 texnika və 84 canlı qüvvə cəlb edilib.
SEPAH polkovniki öldürüldüİran İslam İnqilabı Keşikçiləri Korpusunun (SEPAH) polkovniki Qasım Nəsiri noyabrın 20-də Qərbi Azərbaycan əyalətinin Sərdəşt şəhərində öldürülüb.

Axar.az xəbər verir ki, bu barədə İran mediası məlumat yayıb.

Rəsmi məlumatda onun iğtişaşçı adlandırılan etirazçılar tərəfindən qətlə yetirildiyi bildirilib.
İranda etirazlarda öldürülənlərin sayı 419-a çatıbİranda etirazlarda 419 nəfər həlak olub.

“Report” xəbər verir ki, bu barədə ABŞ mərkəzli İranda İnsan Haqları Fəalları təşkilatı teleqramda məlumat yayıb.

Bildirilib ki, ölənlərin 60-ı yaşı 18-dən az olan şəxslərdir.

Qeyd olunub ki, 26 şəhrivər (17 sentyabr) tarixindən aparılan hesablamaya görə, 17 451 nəfər həbs olunub. Onlardan 3 024 nəfərin kimliyi və saxlanılma yeri bəlli deyil. Eyni zamanda, həbs olunan 540 nəfər tələbədir. Nümayişlərə 142 universitetin öyrənciləri qoşulub.

Məlumata görə, ölkənin 155 şəhərini əhatə edən aksiyalarda güc strukturlarının 54 nümayəndəsi öldürülüb.

Qeyd edək ki, İranda İnsan Haqları Fəalları (həmçinin HRAI və HRA kimi tanınır) İranda insan haqlarını müdafiə edən vəkillərdən ibarət qeyri-siyasi və qeyri-hökumət təşkilatıdır. HRAI 2006-cı ildə yaradılıb. Qərargahı ABŞ-ın Virciniya ştatının Ferfaks şəhərində yerləşir.
“Hacı məni ailəmlə təhdid edirdi” - Terrorçu qadının ifadəsiNoyabrın 13-də Türkiyənin İstanbul şəhərinin İstiqlal küçəsində terror aktı törədən suriyalı Əlham Əlbəşirinin polisə verdiyi ifadələr məlum olub.

Avrasiya.net xəbər verir ki, terrorçu qadın 6 nəfərin ölümünə səbəb olan partlayışı törətməzdən əvvəl qorxunu aradan götürən dərmanlar içdiyini söyləyib.

“Hacı adlı terrorçu məni Menbiçdə olarkən ailəmlə təhdid etdi. Mənə söylədi ki, Bilal adlı şəxsin hər dediyini etməlisən. Biz Bilalla Türkiyəyə gəlməli olduq. Bir müddət Türkiyədə qaldıq. Hadisə günü məni İstiqlal küçəsinə apardı. O, mənə həb verdi. İlk dəfə idi ki, Bilal özünü yaxşı aparırdı. Taksi çağırıb yola düşdük. Yolda kiminləsə danışıb getdi. Əlindəki çantanı mənə uzadaraq ərazini tərk etdi. Çantanı götürüb maşından düşdüm. İstiqlal küçəsinə doğru getməyə başladım. İstiqlal küçəsinə daxil oldum. Çantaya baxanda cips, tort gördüm, aşağı hissədə paket vardı. Qorxdum, “112 qaynar xətti”nə zəng vurdum. Türk dilində bilmədiyim üçün telefondakı adamla danışa bilmədim. Mən qorxurdum. Bu vaxt Hacı zəng vurub, mənə arxadan çəkilmiş fotomu göndərdi. Mən heç nə anlamadan Hacı dedi ki, “çantanı qoy, get. Başqası gəlib çantanı alacaq”. Bundan sonra mən çantanı qoyub getdim”, - deyə terrorçu qadın ifadəsində vurğulayıb.

Qeyd edək ki, noyabrın 13-də İstiqlal küçəsində baş verən terror aktı nəticəsində 6 nəfər həlak olub, 81 nəfər yaralanıb. Hadisə ilə əlaqədar 50-dən çox şəxs saxlanılaraq istintaqa cəlb olunub.