Ermənilər sülhməramlıları atəşə tutduİyunun 12-də axşam saatlarında Laçın keçidindən keçərək getmək istəyən sülhməramlılar atəşə tutulub.

Cəbhə.info xəbər verir ki, cavab atəşi ilə bir silahlı zərərsizləşdirilib. Dərhal hərəkətə keçən Qarabağdakı sülhməramlılarının komandanlığı atəş açanların erməni silahlı dəstənin üzvləri olduğunu aydınlaşdırıb və atəş açan 4 erməni həbs edilib.

Bu barədə erməni mediası məlumat yayıb. Ermənilərin Lragir.am saytının yazdığına görə, Laçın keçidindən keçməklə sülhməramlı missiyanın bir kalonu Ukraynaya səfər etməliydi:

"Lakin ermənilər sülhməramlı missiyanın Qarabağdan getməsinin qarşısını almaq üçün bu təxribata əl atıb".
Xarkovda rusların qərargahı məhv edildiUkrayna hərbçiləri Xarkov yaxınlığında rusların qərargahını məhv edib.

Bu barədə Ukrayna daxili işlər nazirinin müşaviri Anton Geraşenko məlumat yayıb.

“Milli Qvardiyanın hava kəşfiyyatının ötürdüyü məlumatlar əsasında artilleriya bölmələri hədəfi məhv ediblər”, - məlumatda qeyd olunub.

Geraşenkonun sözlərinə görə, zərbələr nəticəsində rusların sursat anbarı, hərbi texnikaları və birinin içi sursatla dolu olan 2 yük maşını məhv edilib.
Yuqranın paytaxtında 45 dövlətin nümayəndələri toplaşıb7-9 iyun 2022-ci il Xantı-Mansiyskdə BRİKS və ŞƏT ölkələrinin iştirakı ilə XIII Beynəlxalq İnformasiya Texnologiyaları Forumu keçirilib. Sanksiya təzyiqlərinə baxmayaraq, Yuqranın paytaxtında 45 dövlətin nümayəndələri toplaşıb: Fransa, Rumıniya, İtaliya, Cənubi Afrika, Hindistan, Braziliya və qonşu ölkələr.

Tədbirin keçirildiyi məkanda yeni texnologiyaların tətbiqini sürətləndirmək və onların dünya bazarına çıxarılmasını necə təşkil etmək, həmçinin rəqəmsallaşmanın əsas problemlərindən biri olan informasiya təhlükəsizliyi məsələləri müzakirə olunub. Azərbaycanda Qadın Sahibkarlığının İnkişafı Assosoyasiyasının nümayəndəsi Cəmilə Abdullayeva Azərbaycanı təmsil etdi, Azərbaycan haqqında, assosiyasiyanın fəaliyyəti, assosiyasiya gördüyü işlər haqqında və "Unudulmuş Sənətkarlığın Bərpası" layihəsını təqdim etdi və əməkdaşlıq müqavilələr bağlandı.

Pavkina Alfiya Ansarovna - "Xantı-Mansiysk Muxtar Dairəsi Ticarət və Sənaye Palatası - Uqra" İttifaqı Şurasının sədri, "Biznes qadınları" Ümumrusiya İctimai Təşkilatının Xantı-Mansiysk Regional Bölməsinin sədri. Qvilava Tatyana Aleksandrovna Rusiya-Ərəb İşgüzar Şurasının sədri, “İşgüzar Qadınlar” Ümumrusiya İctimai Təşkilatının prezidenti Rəqamsal mühit İT sənayəsinin inkişafı sahəsində humanitar əməkdaşlıq da daxildir. İxtiraçılar Məktəbi Hər il İT forumu müxtəlif auditoriyaları - yüksək vəzifəli məmurlardan və şirkət rəhbərlərindən tutmuş məktəb işçilərinə və QHT-lərə qədər bir araya gətirir. Proqrama məktəblilər də daxil olmaqla müxtəlif zövqlərə uyğun 40 tədbir daxil edilib. Bu il ilk dəfə olaraq onlar üçün rəqəmsal bacarıqlara yiyələnmiş və süni intellekt, informasiya təhlükəsizliyi və böyük verilənlərlə bağlı layihələr hazırlayan Junior-IT gənclər və uşaq forumu təşkil edilib.

Gələcək tərtibatçıların və iqtisadiyyat üçün kadrların hazırlanması mövzusu diqqətdən kənarda qalmadı. Məktəblərin və universitetlərin müəllimləri EdCrunch Ugra konfransında təhsildə texnologiyalar haqqında danışıblar. Yuqra öz təcrübəsini bölüşdü. Müəllimlər, şagirdlər və valideynlər üçün İnternetdə yükün paylanması sisteminin tətbiqi sayəsində Muxtar Dairədə təhsil mühitində rəqəmsal transformasiyanın yüksək göstəricilərinə nail olunub.

Layihələrimizdən biri - İT düşərgələri əlçatmaz ərazilərdə internetə qoşulmağı mümkün edir. Bu, yerli xalqların dövlət xidmətləri portalına, sosial şəbəkələrə və digərlərinə çıxışını təmin edir. Xüsusilə, biz təhsilin bütün səviyyələri üçün rəqəmsal təhsil resursu yaradırıq "Məktəb-uşaq bağçası", - Komarova Natalya Vladimirovna - Xantı-Mansiysk Muxtar Dairəsinin qubernatoru - Yuqra bildirdi və bütün iştirakçılara öz dərin təşəkkürünü bildirdi.

Erməni qrupunda şok yazışma: Qarabağ erməniləri ölməlidirBu gün Ermənistanda cəmiyyət arasında təhlükəli bir vəziyyət yaranıb. Ermənistanda yaşayan ermənilər Qarabağ erməniləri ilə dil tapa bilmir. Ermənistanda məskunlaşan Qarabağ erməniləri təzyiqlərlə üz-üzədirlər. Bu, sosial şəbəkələrdə özünü daha qabarıq göstərir.

Avrasiya.net xəbər verir ki, bu günlərdə “Azadlıq” radiosunun İrəvanda keçirilən müxalifət aksiyaları ilə bağlı yaydığı xəbərə erməni sosial şəbəkə istifadəçilərinin şərhləri bu faktı bir daha təsdiqləyib.

Onlardan bəzilərinin şərhini təqdim edirik:

ABŞ-dan Anait Muradyan adlı istifadəçinin cavabı: “Axı siz hamınız yaxşı bilirsiniz ki, Qarabağ nə mənə, nə də sizə lazımdır. Qarabağ gec-tez qaytarılmalı idi”.

Ukraynada yaşayan erməni - Anya Vatsenko: “Bizim ordumuz yox idi. Ona görə də Qarabağı itirdik. Əvəzində hökuməti öz xalqından qoruyan yaxşı hazırlanmış qalxanlı polislərimiz var”.

Zara Sərkisyan: "Serj günahkardır. 2018-ci ildə o, Nikolun indi atdığı atdımı atmalı idi. Bilin ki, bir müddət sonra Qarabağ erməniləri sizin evlərinizdə yaşayacaq. Onlardan yaxa qurtarmalıyıq. Qarabağ erməniləri ölməlidir”.

Alla Jamkoyan: “Qarabağ erməniləri müharibə zamanı İrəvana qaçdılar. Bizim uşaqlar isə orada ölürdülər. Qarabağ erməniləri vicdansız və həyasızdırlar”.
Paşinyan Qətərə getdiİyunun 13-də Ermənistanın baş naziri Nikol Paşinyanın rəhbərlik etdiyi hökumət nümayəndə heyəti iki günlük rəsmi səfərlə Qətər Dövlətinə gedib.

Bu barədə baş nazirin mətbuat xidməti məlumat yayıb.

Nikol Paşinyan Qətər Dövlətinin ali rəhbərliyi ilə görüşlər keçirəcək.

Görüşlərin gündəliyinə iki ölkə arasında müxtəlif sahələrdə əlaqələrin daha da inkişaf etdirilməsi və möhkəmləndirilməsi məsələləri daxil edilib.
İranda polis boksçunu güllələdiTehranın Pərdisan parkında xanımı Mariya Arifini həbs etməyə çalışan polis patruluna müqavimət göstərən İran millisinin keçmiş boksçusu Rza Muradxani polis zabiti tərəfindən vurulub.

Avrasiya.net xəbər verir ki, polis məmuru öncə cütlüyün və onların 10 aylıq körpəsinin üzərinə bibər qazı vurub.

Boksçunun dediyinə görə, 22-23 yaşlı zabit Rzanın bibər qazından gözləri heç bir yeri görmədiyi halda əvvəlcə havaya, daha sonra isə ona doğru birbaşa atəş açıb.

Qeyd edək ki, boks üzrə çempion, Türkiyənin "Fənərbağça" komandasının üzvü Rza Muradxani 4 güllə ilə ayağından və qarnından yaralanıb.
Xarkovda azərbaycanlı həlak olduÜç gün əvvəl Xarkov vilayətində azərbaycanlı Elşad Məmmədov atışma nəticəsində həlak olub.

Bu barədə Baku TV-nin süjetində qeyd olunub. Bildirilib ki, onun hansı şəraitdə öldürüldüyü hələ ki məlum deyil.

Hadisə ilə bağlı araşdırma aparılır.
Rusiyada müharibəyə qarşı olan tanınmış jurnalistin torpaq sahəsinə həbs qoyulubMoskvanın Basman rayon məhkəməsi Rusiyanın tanınmış publisisti Aleksandr Nevzorovun Sankt-Peterburqda, Fin körfəzi sahilində yerləşən torpaq sahəsinə həbs qoyulması barədə hökm çıxarıb.

“Report” xəbər verir ki, məlumatı TASS yayıb.

Bildirilib k, torpaq sahəsinin qiyməti hazırda 7,87 milyon rubldur (136 min dollara yaxın).

Qeyd edək ki, ötən həftə A.Nevzorov və xanımı Lidiya Nevzorova Ukrayna vətəndaşlığı alıb. Tanınmış publisist Rusiyanın Ukraynaya qarşı başlatdığı müharibəyə qarşı çıxış edənlərdəndir.
Lavrov qondarma “erməni soyqırımı abidəsi”ni ziyarət edibHazırda İrəvanda olan Rusiya Federasiyasının xarici işlər naziri Sergey Lavrov həmkarı Ararat Mirzoyanın müşayiəti ilə qondarma “erməni qoyqırımı qurbanlarının memorialı”nı ziyarət edib, önünə əklil qoyub.

Bu barədə Ermənistan xarici İşlər Nazirliyi məlumat yayıb.

Ermənistan və Rusiya xarici işlər nazirlərinin görüşü iyunun 9-da baş tutacaq. Səfər çərçivəsində Ermənistan Prezidenti və Baş naziri ilə görüşlər də planlaşdırılır.