"Minlərlə insan vətəndaşlıqdan çıxır ki, orduda xidmət etməsin"

"Minlərlə valideyn övladlarını Ermənistan vətəndaşlığından məhrum edir ki, orduda xidmət etməsinlər".

Bunu hökumətin bugünkü iclasında Ermənistanın müdafiə naziri Suren Papikyan deyib.

Nazir hərbi xidmət keçmək barədə müəyyən sosial təbəqələşmə riskinin olduğunu açıqlayıb: "Biz bu məsələdə ardıcıl olmalıyıq, lakin bugünkü layihənin mahiyyəti ordudan 15 və ya 20 milyon dram müqabilində azad olmaq deyil, vətəndaşların vətəndaşlıqdan çıxmaq üçün 16 yaşı tamam olana qədər 15 milyon dram ödəmək öhdəliyindən gedir.

İmkanı olan minlərlə valideyn övladlarını Ermənistan vətəndaşlığından məhrum edirlər ki, orduda xidmət etməsinlər. Bu, bizə imkan verir ki, illərdir övladlarının təhlükəsizliyini düşünərək onları müxtəlif yollarla hərbi xidmətdən azad etməyə cəhd edən vətəndaşlar öz övladını hamı ilə bərabər əsaslarla, ən azı qısa müddətə xidmətə göndərmək imkanı əldə etsinlər".