"Zelenskinin bəyanatları Ukrayna üçün problemlər yaradır"
Vladimir Zelenskinin bəyanatları daim Ukrayna üçün problemlərə gətirib çıxarır.
Avrasiya.net xəbər verir ki, bu barədə ABŞ Prezidenti Donald Tramp bazar günü Truth Social-da bildirib.
"Prezident Zelenski etdiyi kimi danışmaqla ölkəsinə heç bir xeyir gətirmir. Ağzından çıxan hər şey problem yaradır. Bu, Tramp deyil, Zelenski, Putin və Co Bayden arasında müharibədir. “Mən sadəcə olaraq, kobud bacarıqsızlıq və nifrətlə başlayan böyük, çirkin yanğınları söndürməyə kömək edirəm”, - ABŞ prezidenti yazıb.
O, Rusiyanın bu yaxınlarda Ukraynadakı hədəflərə irimiqyaslı zərbə endirməsindən narazılığını təkrarlayıb. Tramp iddia edib ki, Rusiya hökumətinin Ukraynanın bütün ərazisini əldə etmək üçün hipotetik istəyi var və bu, “Rusiyanın dağılmasına gətirib çıxara bilər”. Nə demək istədiyini izah etməyib.
