Fidan Putinlə Ukrayna məsələsini müzakirə edib
Dərc olunub:
27-05-2025, 07:32
Türkiyənin xarici işlər naziri Hakan Fidan Rusiya prezidenti Vladimir Putinlə Kremldə keçirilən görüşdə Ukraynada nizamlanma və ikitərəfli münasibətlər məsələlərini müzakirə edib.
Avrasiya.net xəbər verir ki, bu barədə TASS-a danışıqların yekunu üzrə Türkiyə Xarici İşlər Nazirliyindəki mənbələr məlumat verib.
Fidan rusiyalı həmkarı Sergey Lavrovun dəvəti ilə Moskvada işgüzar səfərdədir. "Ukrayna və Rusiya arasında müharibəyə son qoymaq üçün son təşəbbüslər, həmçinin mayın 16-da İstanbulda Ukrayna üzrə baş tutan danışıqlardan sonra baş verənlər müzakirə edilib. İqtisadiyyat və enerji sektorunda ikitərəfli əlaqələr də müzakirə olunub", - mənbələr qeyd ediblər.
