Kıbrısın ən yaxşı aparıcısı Burhan Canbaz seçildi
Kıbrıs Türk Jurnalistlər Birliyinin (KTGB) hər il 11 iyulda qeyd olunan Mətbuat Günü münasibətilə təşkil etdiyi “Media Uğur və Təşviq Mükafatları Müsabiqəsi”nin nəticələri açıqlanıb. Bu il, uğurlu çıxışları və xəbər dili ilə seçilən Burhan Canbaz "Kıbrısın Ən Yaxşı Aparıcısı" adına layiq görülüb.
KTGB-dən verilən açıqlamada, müsabiqəyə 56 müraciətin daxil olduğu və qiymətləndirmələrin həm fərdi müraciətlər, həm də üzvlərin irəli sürdüyü namizədlər əsasında aparıldığı bildirilib. Mükafat Komitəsi, bəzi mükafatları da öz təşəbbüsü ilə təqdim edib.
Burhan Canbaz xəbər təqdimatındakı təsirli dili, qərəzsiz mövqeyi və peşəkar duruşu ilə münsiflər heyətindən tam qiymət alaraq “Kıbrısın Ən Yaxşı Aparıcısı” seçilib.
Eyni müsabiqədə TAK müxbirləri Rahmə Çiftçioğlu və Arda Mercan da mükafata layiq görülüblər. Bundan əlavə, bu il vəfat edən jurnalistlər Perihan Aziz və Neriman Cahit xatırlanıb, keçmiş KTGB sədrləri Özcan Özcanhan və Mustafa Doğrusöz, eləcə də mərhum jurnalist Sami Taşarkanın adına xüsusi mükafatlar təqdim olunub.
KTGB media sahəsində keyfiyyəti artırmaq və gənc jurnalistləri təşviq etmək məqsədilə mükafat qaydalarının yenilənməsi istiqamətində də işlərə başlayıb.
