Macarıstan səfiri Ukrayna XİN-ə çağırılıb
Macarıstanda Vladimir Zelenskini Avropanı münaqişəyə sürükləyən təlxək adlandıran afişa və videoların yayılmasından sonra Ukrayna Xarici İşlər Nazirliyi Macarıstanın səfiri Antal Heyzeri nazirliyə çağırıb.
Bu barədə XİN-in “Facebook” səhifəsində (Rusiyada qadağan olunmuş, “Meta” korporasiyasına məxsus, Rusiyada ekstremist kimi tanınan) məlumat verilib.
"Ukrayna tərəfi üçün aydındır ki, Macarıstanda hakim siyasi qüvvələr istənilən şəraitdə Ukraynanı daxili siyasi mübarizəyə sürükləməyə çalışır”, - Ukrayna Xarici İşlər Nazirliyinin bəyanatında deyilir. Nazirlik Heyzerin çağırılmasının səbəbinin nə olduğunu açıqlamayıb, lakin Budapeşti “Ukraynadan düşmən obrazı yaratmaq üçün absurd üsullarla” ittiham edib.
TASS-ın izah etdiyi kimi, Macarıstanda müxalif Tisza partiyasının lideri Peter Magyarın (Viktor Orbanın əsas rəqibi) Zelenski ilə müqayisə edildiyi və hər ikisinin kukla kimi təsvir edildiyi video fəal şəkildə yayımlanır. Videonun mətnində deyilir ki, hər iki siyasətçi səhnəni sevir, “amma indiki vəziyyətdə klounlara ehtiyac yoxdur”.
