44 günlük Vətən müharibəsinin birinci ildönümü, şəhidlərimizin Anım Günü, həmçinin, İmam Hüseyn əleyhissəlamın 40-ı - Ərbəin ərəfəsində Ərdəbil məscidinin imamının səsləndirdiyi fikirlər Azərbaycan cəmiyyətində təəssüflə qarşılanıb, dindarların haqlı narazılığına səbəb olub. Bu məsələ ilə bağlı dini mərkəz - Qafqaz Müsəlmanları İdarəsinə çoxsaylı müraciətlər daxil olmaqdadır.

Avrasiya.net xəbər verir ki, bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Ərdəbil məscidinin imamı ağayi Amilininin səsləndirdiyi fikirlərə münasibət bildirərkən deyib.

O qeyd edib ki, Ağayi Amilininin məlum çıxışı, əlbəttə ki, İran-Azərbaycan əlaqələrinin möhkəmlənməsinə, xalqlarımız arasında dostluq və qardaşlıq münasibətlərinin dərinləşməsinə xidmət etmir:

“Ərdəbil kimi qədim, zəngin tarixə malik bir Azərbaycan şəhərində, dini-mədəni irsimizə həmişə ehtiram bəsləyən bir icmanın hüzurunda belə bir çıxışı özünə rəva bilmək azı hörmətsizlikdir. İran İslam Respublikasının da etiraf etdiyi kimi, Azərbaycan öz torpaqlarını - Qarabağı azad etməklə ərazi bütövlüyünü bərpa edib. İndi isə bu torpaqlarda öz suveren hüquqlarını, beynəlxalq qanunlara uyğun olaraq möhkəmləndirməklə, erməni barbarlarının dağıtdığı, tarmar etdiyi evlərimizi, viran qoyub donuz tövləsinə çevirdiyi məscidlərimizi, məhv etdiyi mədəni-mənəvi irsimizi bərpa və yenidənqurma işləri apardığı zaman bu uğurlara bizimlə bərabər ağayi Amilinin də sevinməsi məntiqi olardı. Lakin təəssüf ki, Ərdəbil məscidinin imamı qəsbkarların, separatçıların vandal əməllərinə göz yummağı tərcih etdi. Biz dindarlar, möminlər yəqin ki şirdən, onun quyruğundan, müharibədən deyil, Allahın buyurduğu, Peyğəmbərimizin tövsiyə etdiyi kimi sülh, barış, dinclik niyyətindən, onun rəmzi olan göyərçindən danışmalıyıq.

Dindarlar, din xadimləri Uca Allahın hökmünə istinadən insanları doğru yola, haqq yoluna, ədalətə dəvət etməlidir. Müqəddəs Kitabımızda buyurulduğu kimi: "(İnsanları) Rəbbinin yoluna hikmətlə, gözəl öyüd-nəsihətlə dəvət et və onlarla ən gözəl tərzdə mücadilə et. Şübhəsiz ki, yolunu azanları da, doğru yolda olanları da Rəbbin yaxşı tanıyır" (Nəhl, 125).

Azərbaycan-İran dostluq və əməkdaşlıq münasibətlərinə xələl gətirə biləcək belə çıxışlar mehriban qonşuluq, islam həmrəyliyi ruhuna təmamilə ziddir. Qarabağ münaqişəsi bitib. Zənnimizcə, ağayi Amulinin xütbələrini bu səmtə yönəltməsi münasib olardı. Allah haqq yolunda olanlara yardımçı olsun!"

Ermənilər keçən ilin payızında müharibəni uduzduqdan sonra “böyük Ermənistan” idealogiyasından, şükürlər olsun ki, geri çəkiləsi oldular. Bu ideyanı Azərbaycan əsgəri məhv etdi.

Avrasiya.net xəbər verir ki, bu fikirləri rusiyalı politoloq, Müasir dövlət İnkişaf İnstitutunun direktoru Dmitri Solonnikov bölüşüb.

“İndi Ermənistan üçün iqtisadi məsələlərin həlli üstünlük təşkil edəcək. Paşinyan yeni layihələrin reallaşdırılması nəticəsində əhalinin, heç olmasa, az da olsa rəğbətini qazana biləcək. Ermənistan inkişaf etmək üçün öz coğrafi mövqeyindən istifadə etməli və qonşuları - Azərbaycan, Türkiyə və İranla qarşılıqlı əlaqədə olmalıdır. Bunun üçün isə yeni səhifəsinin açılması gərəkdir.

Əlbəttə, Paşinyan revanşistlərdən qorxur və buna görə də Azərbaycan ilə barışığa yavaş-yavaş, səliqəli getməyə çalışır. Əgər o, indi bu istiqamətdə fəallaşsa və səs-küylü bəyanatlar versə (bizim ümidimiz Azərbaycanla dost olmaqdır), onu revanşistər yox edə bilər”, - deyə ekspert qeyd edib.

Azərbaycanın, İranın və Türkiyənin analitik mərkəzlərinin fəaliyyəti ölkələr arasında əməkdaşlığı daha da möhkəmləndirməyə imkan verəcək.

Avrasiya.net xəbər verir ki, bunu İranın xarici işlər nazirinin müavini və Xarici İşlər Nazirliyinin Siyasi və Beynəlxalq Araşdırmalar Mərkəzinin rəhbəri Məhəmməd Kazım Səccadpur Beynəlxalq Münasibətlərin Təhlili Mərkəzinin (BMTM) təşkilatçılığı ilə “Azərbaycan-Türkiyə-İran arasında üçtərəfli münasibətlər” mövzusunda keçirilən konfransda bildirib.

“Bizim həqiqətən də Azərbaycanla yaxşı ikitərəfli münasibətlərimiz var . Biz həmçinin İranın, Azərbaycanın və Türkiyənin analitik mərkəzlərinin üçtərəfli əməkdaşlığı üzərində də işləməyə hazırıq. Bu baxımdan bugünkü görüş çox böyük əhəmiyyətə malikdir. Biz, regionda əməkdaşlığın genişləndirilməsi yollarını müzakirə edə bilərik”, - M.K.Səccadpur deyib.

O, Azərbaycan, İran və Türkiyə arasında əlaqələrin gələcək möhkəmləndirilməsi baxımından üç ölkənin beyin mərkəzləri arasında əməkdaşlığın vacibliyini vurğulayıb.

Nail Cəlil: “ABŞ səfirinin münaqişənin həll olunmaması ilə bağlı fikirləri absurd və qeyri-ciddidir”

“Qərbdə müəyyən dairələr Güney Qafqazda “idarəolunan münaqişə” vəziyyətinin davam etməsində maraqlıdırlar. ABŞ-ın Ermənistandakı səfiri Linn Treysinin Dağlıq Qarabağ münaqişəsinin hələ həll olunmaması və bu istiqamətdə səylərin göstərilməsinin vacibliyi barədə ardıcıl açıqlamaları bu mənada, təsadüfi deyil. Keçmiş Minsk Qrupu həmsədri olmuş ölkələrdən ABŞ və Fransa təmsilçilərinin bənzər açıqlamaları, bəyanatları artıq 7-8 aydır ki, vaxtaşırı səsləndirilir. Lakin coğrafi-siyasi maraqlar müstəvisində dilə gətirilən bu kimi subyektiv, birtərəfli, hətta qərəzli fikirlər regionda yaranmış yeni hərbi-siyasi reallığı dəyişməyə qadir deyil. Münaqişənin taleyi 44 günlük Vətən müharibəsi nəticəsində, 2020-ci ilin 10 noyabr tarixində Azərbaycan, Rusiya prezidentləri və Ermənistan baş nazirinin birgə bəyanatı ilə həll olunub. Faktiki olaraq, müharibədə məğlub olan rəsmi İrəvan bununla kapitulyasiyanı qəbul edib, işğal etdiyi ərazilərin təqribən yarısını döyüşsüz, müqavimətsiz – təslim olaraq tərk edib”.

Avrasiya.net xəbər verir ki, bu fikirləri “Xalq Cəbhəsi”nə eksklüziv açıqlamasında tanınmış politoloq Nail Cəlil söyləyib.

Siyasi ekspert qeyd edib ki, tərəflər arasında müəyyən gərginliklər yaşansa da, Azərbaycan azad etdiyi ərazilərdə möhkəmlənir, sərhədlərini mövcud xəritələrə uyğun dəqiqləşdirməkdə davam edir, delimitasiya və demarkasiya tədbirlərinə hazırlıq görülür, Ermənistan hakimiyyəti və cəmiyyəti də ölkənin beynəlxalq səviyyədə tanınmış sərhədlərinə qayıtmaqdan fərqli alternativinin olmadığını artıq başa düşür. Məğlub Paşinyanın öz komandası ilə növbədənkənar seçkilərdə yenidən seçilməsi, parlamentdə çoxluq əldə etməsi də təsdiqləyir ki, erməni cəmiyyətində əksəriyyət münaqişənin davam etməsini istəmir, onlara Qarabağın dağlıq hissəsi də lazım deyil: “Belə görünür ki, bu tipli açıqlamalarla ABŞ səfiri Ermənistanı yenidən destruktiv mövqeyə, gözlənilən sülh danışıqlarında qeyri-adekvat mövqeyə sövq etməyə çalışır. Əslində, sülhün təminatı, sərhədlərin dəqiqləşdirilməsi və tam tanınması hazırda Ermənistana daha çox lazımdır. Əks halda, bu ölkənin regional inteqrasiya və sivil inkişaf şansları sıfra bərabərdir. Çünki regionda hamıdan kiçik və zəif olan bu ölkənin az qala bütün qonşularına açıq və gizli ərazi iddiaları ilə çıxış etməsi indi onu tragikomik vəziyyətə salıb. ABŞ rəsmiləri deyəsən, rəsmi İrəvanın bu vəziyyətdən çıxmasını istəmirlər”.

Politoloq Nail Cəlil bildirib ki, əslində, ATƏT-in Minsk Qrupunun həmsədri olaraq, ABŞ Ermənistan-Azərbaycan münaqişəsinin sülh yolu ilə həlli üçün 44 günlük müharibəyə qədər hər hansı praktik addım atmayıb: “Sadəcə, müəyyən həll modelləri təklif edilib, kövrək atəşkəs şəraiti illərlə uzadılıb, işğalçı tərəfin ərazilərimizi tərk etməsi üçün isə beynəlxalq hüququn tələb etdiyi zəruri tədbirlər görülməyib, məcburetmə mexanizmi işə düşməyib. Belə olan halda Azərbaycan problemi hərbi-siyasi güc müstəvisində həll etməli olub və böyük, tarixi qələbə qazanıb. Kimin nə deməsindən asılı olmayaraq, Dağlıq Qarabağ ifadəsi artıq tarixə qovuşub və münaqişə vəziyyəti gündəmdə deyil”.

Politoloq onu da vurğulayıb ki, bu tipli açıqlamalar ərazi bütövlüyünü əhəmiyyətli dərəcədə bərpa edən Azərbaycana rəsmi Vaşinqtonun nəzərində mühüm əhəmiyyət kəsb edən təsir rıçaqlarından birinin artıq tam itirilməsindən irəli gəlir. Heç kəsə sirr deyil ki, qlobal güclər lokal münaqişələrdən və mübahisələrdən hər zaman öz maraqları naminə faydalanmağa çalışırlar. Bu mümkün olmayanda bənzər açıqlamalarla siyasi-psixoloji təzyiq göstərməyə, “stəkanda fırtına” yaratmağa çalışırlar: “Səfir eyni fikirləri birtərəfli qaydada, dəfələrlə təkrar edirsə, demək, bu rəsmi Vaşinqtonla razılaşdırılmış, uzlaşdırılmış mövqedir. ABŞ-ın Dövlət Departamentinin və Azərbaycandakı səfirliyinin məsələyə aydınlıq gətirmək istəməməsi, məqsədli susması, Şuşaya təşkil olunan səfərdən imtinası da bu qənaəti qüvvətləndirən faktorlardır”.

Nail Cəlil əlavə edib ki, uzun müddət münaqişənin sülh yolu ilə ədalətli həlli istiqamətində ciddi bir addım atmayan ABŞ artıq 44 günlük müharibədən sonrakı mərhələdə iştirak üçün mənəvi haqqını tam itirib. İndiyə kimi, Ermənistanın əraziləri uzun müddətdə işğalda saxlamasına, Azərbaycan ərazilərində törədilən vəhşiliklərə, vandalizm aktlarına əksər hallarda bilərəkdən göz yumulub: “Minsk Qrupuna həmsədr təyin edilən şəxslərin çoxsaylı, nəticəsiz səfərlər etməkdən başqa işləri nəzərə çarpmayıb, əslində, onların konkret iş görmək üçün bir səlahiyyəti də olmayıb. ABŞ super güc kimi, işğalçı Ermənistana təsir göstərmək əvəzinə, Azərbaycana silah ixracı ilə bağlı məhdudiyyətlər tətbiq edib, süni tarazlaşdırma vəziyyəti yaradıb. 30 il ərzində işğalın davam etməsinin gerçək səbəblərindən biri də budur”.

Siyasi ekspert sonda onu da qeyd edib ki, Əfqanıstanda, Suriyada, İraqda baş verənlər ABŞ-ın Avrasiya məkanında hərbi-siyasi iflasa uğradığını təsdiqləyir: “Bütün bunların fonunda ATƏT-in Minsk Qrupunu diriltmək və yenidən Güney Qafqazda fəal geopolitik oyunçuya çevrilmək cəhdləri uğursuzluğa düçardır. Bu səbəbdən, ABŞ rəsmiləri “münaqişə həll olunmayıb, status vacibdir” tipli fikirləri qeyri-ciddi və absurd görünür. İstənilən halda, artıq şərtləri Azərbaycan diktə edir”.

Qarabağ zəfərinin 1-ci ili ərəfəsində olduğumuz bu günlərdə bölgədə yenidən bir hərəkətlənmə yaşanır. Azərbaycan və Türkiyənin güclənməsini istəməyən ünsürlərin, 10 noyabr bəyannaməsinə ayaq dirəyənlərin, eyni zamanda regional aktorların və onların əlaltılarının vəziyyəti gərginləşdirmək yolu ilə hansısa mənfəətləri əldə etmək istədikləri müşahidə olunur.

Avrasiya.net xəbər verir ki, bu sözləri Axar.az-a açıqlamasında Türkiyənin ölkəmizdəki keçmiş hərbi attaşesi, briqada generalı Yücel Karauz deyib.

Generalın sözlərinə görə, Azərbaycanın Qafqazda regional bir güc kimi son dövrlərdə atdığı addımlar və Türkiyə-Azərbaycan birgə hərbi təlimləri bir çox qüvvələri narahat edib: “Hərbi güc milli gücün ən önəmli tərkib hissələrindən biridir. Eyni zamanda hərbi güc dövlətin siyasi gücünün nümayişidir. Son bir ayda Azərbaycan dövlətinin regional güc olaraq söz sahibi olması və yeni yaranan geosiyasi reallıq baxımından atdığı addımlar, ilk dəfə işğaldan azad edilən Qarabağ torpağında Türkiyə və Azərbaycanın birgə hərbi təlimi, ilk dəfə Azərbaycan, Pakistan və Türkiyənin Azərbaycanda beynəlxalq hərbi təlim keçirməsi, ilk dəfə Xəzər dənizində Türkiyə və Azərbaycanın təlim keçirməsi, Konya və Geliboluda keçirilən hərbi təlimlərdən sonra İstanbulda gerçəkləşdirən “Texnofest” çərçivəsində ölkələrimizin qırıcı təyyarələrinin Bosfor boğazı üzərində birgə uçuşu və digər fəaliyyətlər başda İran olmaqla, müəyyən dövlətləri qıcıqlandırır. Lakin əvvəllər də qeyd etdiyim kimi, Türkiyə və Azərbaycanın qardaşlıq münasibətləri hansısa üçüncü bir dövlətə qarşı yönəlməyib”.

Yücel Karauz heç bir gücün və ya ölkənin Azərbaycanı təhdid edə bilməyəciyini qeyd edib: “İran baş verən son hadisələr fonunda öncə Ərdəbilin baş axundu vasitəsilə Azərbaycana siyasi bir mesaj vermək ehtiyacı hiss etdi və sərhədə yaxın ərazilərdə hərbi təlimlər keçirməyə başladı. Amma kimsə Azərbaycana barmaq sallaya, onu təhdid edə və istiqamət göstərə bilməz”.

General bölgədə sülhün və sabitliyin bərqərar edilməsinin yeganə yolunun Altılıq Platforma çərçivəsində əməkdaşlıq olduğunu qeyd edib: “İkinci Qarabağ müharibəsi zamanı və sonra kritik və həssas məsələlərin, mərhələlərin bizi gözlədiyini qeyd etmişdik. Türkiyə və Azərbaycanın bu bölgədə müstəqilliklərini, qardaşlıq münasibətlərini qorumaq və inkişaf etmək üçün bir olmaqdan başqa yolu yoxdur. Burada bölgədə Azərbaycanın ərazi bütövlüyü çərçivəsində sülhün və sabitliyin təmin olunması üçün öncədən də Türkiyə və Azərbaycanın təklif etdiyi Altılıq Platforma və “qazan-qazandır” prinsipi çərçivəsində əməkdaşlıq mühiti formalaşdırılmalıdır. Bununla bərabər bölgədən kənarda olan aktorların buraya müdaxiləsi əngəllənməlidir”.

Əlisahib Hüseynov
Milli Həmrəylik Partiyasının sədri

Qalib ölkə olmaq və qalib xalq kimi yaşamaq həqiqətən də həm şərəflidir, həm də çox çətindir. Çətinliyi isə ilk növbədə onunla bağlıdır ki, qalib ölkənin qələbəsini, uğurlarını həzm etməyənlər çox olur və onlar qalib ölkənin uğurlarının əhəmiyyətini azaltmaq, onun inkişafının qarşısını almaq üçün hər vasitəyə əl atır. Biz 44 günlük İkinci Qarabağ müharibəsində qazandığımız Zəfərdən sonra Azərbaycana qarşı da eyni ssenarilərin işə salındığının şahidi oluruq.

Belə ki, torpaqlarımızı təcavüzkar Ermənistanın 30 il davam edənişğalından azad etməyimizlə barışmayan bəzi qüvvələr Azərbaycanı sıxışdırmaq, ölkəmizə qarşı qaralama kampaniyası aparmaq üçün cürbəcür təzyiq metodlarını işə salmağa çalışırlar. ATİŞ adlı bir təxribatçı təşkilatın Azərbaycanda yaşayan talışların hüquqlarının pozulması, onlarının saylarının azaldılması, təhsil almaq hüququndan məhrum edilməsi və s. kimi cəfəng iddialarının yer aldığı qondarma “hesabat”ın yayılması və “Meydan TV” adlı şər-şəbədə media qurumunun həmin “hesabat”ı həvəslə tirajlaması da ölkəmizə qarşı sözügedən təzyiq metodlarının yeni bir komponentidir.

Mən Milli Həmrəylik Partiyasının (MHP) sədri olaraq məlum “hesabat”dakı iddiaları tamamilə əsassız və uydurma hesab edirəm. Çünki Azərbaycan milli azlıqların hüquqlarının hər hansı bir formada – istər etnik zəmində, istər siyasi zəmində, istərsə də irqi ayrı-seçkilik müstəvisində bəlkə də ən az pozula biləcəyi bir ölkədir. Bizim ölkəmizdə ictimai mühitin hər hansı bir sahəsində heç kimə qarşı “sən talışsan”, “sən kürdsən”, “sən tat və ya ləzgisən” deyə fərq qoyulmur, ayrı-seçkilik olunmur. 10 milyonluq toplumumuzdə kimsə milli mənsubiyyətinə görə diskriminasiyaya məruz qalmır. Burda istənilən xalqın, istənilən icmanın nümayəndəsinə qarşı tam tolerant münasibət mövcuddur.

Mən bütün bunları əminliklə deyirəm. Çünki tale və iş elə gətirib ki, mənim dostlarımın arasında talış xalqının nümayəndələri də çoxdur. Həmin dostlarımdan hər hansı birinin indiyə qədər milli kimlik zəminində hər hansı bir təzyiqə, sıxışdırmaya məruz qalması və yaxud məhz talış olduqlarına görə hüquqlarının pozulması barədə şikayətləndiklərini görməmişəm. Bu ölkədə bütün vətəndaşların hüquqları etnik mənsubiyyətindən asılı olmayaraq hamı üçün ümumi xarakter daşıyan vahid qanunlarla qorunur, tənzimlənir. Ölkədə hər hansı problemlər varsa da, o problemlər də hamı üçün ümumi xarakterli problemlərdir. Yəni ki, o problemlərlə, o çətinliklərlə gündəlik həyatımızda ayrıca olaraq məhz talışlar və ya kürdlər deyil, ümumən bütün azərbaycanlılar qarşılaşır. Odur ki, mən sözügedən “hesabat”ı birmənalı şəkildə Azərbaycana qarşı, milli birliyimizə qarşı növbəti təxribat və qərəzli addım kimi dəyərləndirirəm.

Bəzi bədxah qonşumuz tərəfindən qızışdırılan və eləcə də Avropadakı anti-Azərbaycan mövqeli hüquq-müdafiə təşkilatları tərəfindən məqsədyönlü surətdə dəstəkənən ATİŞ kimi destruktiv qurumlar bu cür “hesabat”lar yaymaqla məlum məsələdir ki, qaşınmayan yerdən qan çıxarmağa, süni şəkildə gündəm yaratmağa çalışırlar. Erməni separatizminin məğlubiyyətə uğradığını görən həmin qüvvələr bu cür təxribatçı “hesabat”larla çıxış etməklə indi də Azərbaycanda yeni separatçılıq ocaqları yaratmağı hədəfləyirlər.

Ancaq bu cür əsassız iddialarla, absurd və uydurma ittihamlarla bizim milli birliyimizi pozmaq, Azərbaycan xalqını parçalamaq mümkün deyil. Kimsə buna cəhd göstərməsin. Heç kim Azərbaycandakı mili həmrəylik mühitinə hər hansı bir formada zərbə vura biləcəyini əsla düşünməsin! Zatən talışlar da, Azərbaycan da yaşayan digər xalqlar da Azərbaycan türkləri ilə birlikdə 44 günlük savaşda çiyin-çiyinə verməklə, qəhrəmancasına vuruşmaqla hər kəsə - dostlarımıza da, düşmənlərimizə də bizim birliyimizin gücünü, qüdrətini göstərdilər. Biz birlikdə güclü olduğumuzu hamıya nümayiş etdirdik və bundan sonra da etdirəcəyik!

İran İslam Respublikasının Xarici İşlər Nazirinin müavini və Xarici İşlər Nazirliyinin Siyasi və Beynəlxalq Araşdırmalar Mərkəzinin rəhbəri Doktor Məhəmməd Kazım Səccadpur İran İslam Respublikası, Azərbaycan Respublikası və Türkiyənin araşdırma mərkəzləri arasında keçirilən üçtərəfli görüşdə iştirak etmək üçün bu gün Bakıya üç günlük səfər edəcəkdir. Doktor Səccadpur elmi iclasda iştirak etməklə yanaşı, Azərbaycan Respublikasının bəzi rəsmiləri ilə də görüşəcəkdir.

Arazın o tayından Azərbaycana boylanan və hər fürsətdə təhdidlər yağdıran molla Seyid Həsən Amilinin “şirin quyruğuyla oynamayın” söhbəti Molla İbrahimxəlil Kimyəgarın meymun məsəlini xatırlatdı.

Molla İbrahimxəlil ondan gümüş istəyənlərə deyir: “İksir butədən çıxıb tamam olan zamana qədər ki, bir saatdır başlanıb, itmamına iki saat qalıb, gərəkdir ki, meymunu yadınıza salmayasınız və meymun şəklini xatirinizə gətirməyəsiniz”.

Gümüş eşqinə düşənlər cavab verirlər ki: “Ağa, tamam dağların heyvanatı meymun şəklinə, böyük həmdunələr sifətinə dönüb, uzun quyruqları ilə nəzərimdə basışırlar, üstümüzə hücum gətirirlər”. (M.F.Axundzadə” Hekayəti Molla İbrahim-Xəlil Kimyagər”).

İndi Azərbaycanda nə baş verirsə, Arazın o tayında Amilinin və onu üstümüzə göndərənlərin gözündə məlum və məlun meymun şəklinə dönüb düşür üstlərinə. Ki, Amilinin “quyruqlu şiri” də elə Molla İbrahimin meymunundan, özü də “gümüş eşqinə” düşənlərdən çox da seçilmir.

Onun “gümüşləri” Azərbaycan torpaqlarından 30 illik işğala son qoyanda batdı. Hər kəsə bəllidir ki, işğal dövründə İran vətəndaşları işğalçı rejimlə, hətta separatçı-terrorçularla əməkdaşlıq edib, necə ki, bu gün İran şirkətləri eyni işi davam etdirirlər: onlar işğal altındakı torpaqları “arıq eşşəyin oylağına” çevirmişdilər və əkin-biçindən tutmuş, təbii sərvətlərə qədər hər şeyindən yararlanır, yaxşı pul qazanırdılar; qazananlardan biri də elə Amili idi və işğala son qoyandan sonra onun davamlı şəkildə Azərbaycana hücum çəkməsinin arxasında həm də şəxsi biznesini itirməsi dayanır;

Yenidən “gümüş eşqinə” düşən səviyyəsizliyi ilə məşhur Amilinin Azərbaycandakı hər şeyi üstünə cuman “meymun” gözündə görməsi təəccüblü deyil.

Səviyyəsi(szliyi), cahilliyi ilə Cəlil Məmmədquluzadənin molla obrazlarından seçilməyən Amili hər cümə Ərdəbildə elə özünün səviyyəsində moizə oxuyur, hər mozisində də Azərbaycana hücum çəkir.

Son moizəsində Azərbaycanı İsraildən pul almaqda ittiham edir: bu ittihama cavab verməyə belə lüzum yoxdur, çünki molla Amilinin savadı imkan vermir ki, Azərbaycanın iqtisadi imkanlarından xəbər tutsun. Bilsin ki, başqa ölkələr maliyyə yardımı almaq üçün Azərbaycana üz tutur.

Bir başqa ittihamında Azərbaycanın İsraildən silah almağına deyinir. Və yenə anlamır ki, Azərbaycan raket almaq üçün öncə Amilinin adından danışdığı, həm də Amili kimi savadsızın adından danışmağına şərait yaradan İran dövlətinə müraciət etmişdi. Rəsmi Tehran cavabında Şahab raketlərini Azərbaycana satmaqdan imtina etdi: niyə imtina etdi, işğalçı Ermənistanın xoşuna gəlməməkdənmi çəkindi? Bu da ayrı bir mövzudur. İranın əvəzinə İsrail Azərbaycana Lora raketlərini satdı.

Amili isə moizələrində mədrəsədə uşaqlara nağıl öyrədən mollalar kimi absurd ittihamları Azərbaycana ünvanlayır. Və obrazı ilə adaşı Molla Həsəndən (Cəlil Məmmədquluzadənin “İranda hüriyyət” hekayəsi) fərqlənmir. Molla Həsən yayda da, qışda da, payızda da, baharda da başını məscidin dalında başını səkiyə dayayıb gic-gic məktublar yazır, mərəkə qoparırdı, Seyid Həsən də yay-qış gic-gic ittihamlarla, iddialarla şəbeh çıxarır, din pərdəsi altında maskalanaraq, şarlatanlıq edir.

Azərbaycan xalqını düşmən gözündə görən bu şarlatan təkcə Arazın bu tayındakı azərbaycanlıları yox, o tayındakı 30 milyonluq İran azərbaycanlılarını da təhqir edir. Bu şarlatanın təhqirləri həm də təmsil etdiyi ərdəbillilərə ünvanlanıb. Cənubdakı soydaşlarımız bu şarlatana dözməməli, cavabını verməli, yerində oturtmalıdır, yoxsa ipi yığılmayacaq.

Arazın bu tayında isə bizim ruhanilərin səsini çıxarmağını gözləyirik. Və sual edirik:

- Ruhanilərimiz Amili kimi şarlatanların tərbiyəsizliyinə, ləyaqətsizliyinə niyə cavab vermirlər?
- Şeyx həzrətləri niyə susur, nə vaxt ayağa qalxıb İrandan gələn bu tərbiyəsizliyə dirəniş göstərməyə başlayacaq?
- Milli məsələdə başda Şeyx olmaqla ruhanilərimizin susqunluğunun səbəbi nədir, indi danışmayacaqlarsa, bəs nə vaxt danışacaqlar?

Asif Nərimanlı

Azərbaycan Respublikası Prezidentinin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev Gürcüstandan olan jurnalistlər, bloqerlər və akademiklərlə görüşüb.

Avrasiya.net xəbər verir ki, bu barədə Hikmət Hacıyev özünün tvitterdəki hesabında bildirib.

"Qonşu Gürcüstandan olan jurnalistləri, bloqerləri və akademikləri salamlamaqdan məmnunam. Regional problemlərlə bağlı səmimi və geniş fikir mübadiləsi apardıq. Gürcü dostlar Şərqi Zəngəzur və Qarabağın İqtisadi Zonalarını, xüsusən Şuşa və Ağdamı ziyarət edəcəklər", - deyə Hikmət Hacıyev bildirib.

Həsən Amili... İran İslam Respublikası adlanan ölkənin ali dini rəhbərinin “Ərdəbil ostanı”ndakı nümayəndəsidir. Fars-molla rejimi Azərbaycan Respublikasına yönəlik sərsəmləmələrini adətən onun dilindən səsləndirir. Bir qayda olaraq, xütbələrində “cəh-cəh” vuran Amili Azərbaycanı və azərbaycanlıları hədəfə alanda rejim tərəfindən əlinə verilən kağızdan höccələyir. İndi yenə bir kağız parçasını veriblər əlinə, o da dili dolaşa-dolaşa, hıqqına-hıqqına bir-iki cümləlik söz yığınını havaya üfürüb və öz qurşaqdan aşağı düşüncəsinə görə, fars-molla rejiminin bəsit “tapıntı”sını bərkdən höccələməklə böyük “qəhrəmanlıq” nümayiş etdirib.

Deməli, belə... Rejim Həsən Amilinin vasitəsi ilə bizə tövsiyyə edib ki, “şirin quyrğu ilə oynamayaq”. İran İslam Respublikası 1980-ci ildən “şiri-xurşid”dən imtina edib və sözügedən ölkənin gerbi Allah kəlməsidir, hərçənd ki, bu rəmz altında həyata keçirilən siyasətin də Yaradanın buyurduqları ilə yaxından-uzağa heç bir əlaqəsi yoxdur.

Həsən Amilini danışdıranlar “şirin quyruğu” ilə bağlı tövsiyyə verəndə, görünür bu heyvanlar şahının dövlət rəmzində əks olunmasının Azərbaycan türkləri ilə bağlı olduğunu unudublar. Şir rəmzindən ilk dəfə indi İran İslam Respublikası adlanan ölkənin beynəlxalq səviyyədə tanınmış ərazilərinin də daxil olduğu nəhəng bir imperiyanın – Qaraqoyunlu dövlətinin gerbində istifadə olunub, Qaraqoyunlu hökmdarı Qara İsgəndərin zamanında, 1423-cü ildə. Ümid edirəm, Qaraqoyunluların türk dövləti olduğunu İran adlanan ölkənin başbilənləri yaxşı bilirlər. Pəhləvilərin hakimiyyəti qəsb etdiyi vaxta qədər indiki İranın da daxil olduğu nəhəng bir ərazidə qurulan imperiyaların da həmçinin, Azərbaycan türklərinə məxsus olduğunu, düşünürəm ki, qəbul edə bilməsələr də, bunun tarixi həqiqət olduğunu anlayırlar.

Şir əksinin olduğu dövlət rəmzi daha sonralar, yenə də Azərbaycan türklərinin qurduğu Ağqoyunlu, Səfəvi, Əfşar, Qacar dövlətlərinin gerbi olub. Uzun illər boyu türk hökmdarlarının saraylarına şirlərin əzalarını sığallamaqla yol tapan və türk sülalələri arasına nifaq toxumu səpməklə hakimiyyəti qəsb edənlər - Pəhləvilər də Azərbaycan türk dövlətçiliyinin rəmzinə kiçik və olduqca uğursuz əlavələr etməklə keçiniblər və bununla da türklərin dövlətçilik tarixinə də sahibləmək niyyəti güdüblər. Bu səbəbdən, Amili də, onu höccələtdirən rejim qulbeçələri də anlamalıdırlar ki, biz öz yaratdığımızın quyruğu ilə oynamırıq. Üzərimizə kəkələyənlərin əsməkdə olan quyruğunu isə qopardıb boyunlarından asırıq. Az qala unutmuşdum, “Şiri-xurşid” ("Günəş və Aslan") ordeni də ilk dəfə Qacarlar sülaləsinin zamanında təsis edilib.

Düşünürəm ki, Həsən Amili və onun konspekötürənlərinə Azərbaycan tarixi ilə bağlı bir sıra məqamların xatırladılmasına da ehtiyac var. Məsələn, şir rəsminin Azərbaycan dövlətçiliyinin ayrılmaz hissələri olan Azərbaycan xanlıqlarının, o cümlədən İrəvan xanlığının dövlət rəmzi olduğunu İran adlanan ölkənin erməni yanlıları bilməmiş deyillər. İndi həmin İrəvan xanlığının ərazisində İran İslam Respublikası adlanan dövlətin fars-molla rejiminin quyruq buladığı Ermənistan adlı ölkə yerləşir.

Və onlar İrəvan qalası da daxil olmaqla, tarixi Azərbaycan torpaqlarında mövcud olan bütün izləri, o cümlədən “Günəş və Aslan”ın izlərini də silibllər. Məscidləri yerlə bir ediblər... Həmçinin indi işğaldan azad etdiyimiz ərazilərdə də tarixi, mədəni və dini abidələri uçurublar, müqəddəs məkanlarımızda donuz saxlayıblar. Amilinin təmsil etdiyi rejim isə bütün bu illər boyu müsəlmanların qürurunu aşağılayanları, onlara zülm edənləri dəstəkləyib, işğalı davam etdirmələrinə yardım edib və quyruq bulayıb. Bu rəzalət hələ də davam etməkdədir.

“Şirin quyruğu ilə oynamağa” gəldikdə isə, əslində bu da problem deyil. Necə olsa öz şirimizdir, başına sığal da çəkərik, quyruğu ilə də oynayarıq. Problem donuzun quyruğu ilə oynamaqdır. Həm də donuzun quyruğu, çox qısa olur... Ehtiyatlı olun, bulaşarsınız!