OMON azərbaycanlı iş adamının ofisinə basqın etdi

Rusiyanın neft məhsullarını daşıyan “Railgo” şirkətində axtarışlar aparılır.

Axar.az xəbər verir ki, bu barədə “Mash” Teleqram kanalı məlumat yayıb.

Məlumata görə, xüsusi təyinatlılar və müstəntiqlər Lujnikidəki ofisə basqın ediblər:

“Onlar sənədləri müsadirə edib, işçilərin ofisdən çıxmasına imkan verməyiblər”.

Qeyd edək ki, “Railgo” əslən azərbaycanlı olan Rəhman Xəlilova məxsusdur. Şirkət neft məhsullarının Qara dəniz vasitəsilə, o cümlədən Azərbaycandan daşınması ilə məşğuldur. Rəhman Xəlilov Azərbaycan əsilli rusiyalı oliqarx İsgəndər Xəlilovun oğludur.