Bu gün sərhəddə və Qarabağda atışma olacaq – PetrovSon günlər Ermənistan hərbçiləri iki ölkənin şərti sərhədində Azərbaycan mövqelərini atəşə tutmağı intensivləşdirib. Rusiya sülhməramlılarının müvəqqəti yerləşdirildiyi zonalarda da qeyri-qanuni erməni silahlı birləşmələri atəşkəsi pozur.

Müharibədən sonra sərhəddə atışmalar, demək olar ki, adi hala çevrilib, lakin Qarabağ separatçıları uzun müddətdir ki, atəş açmırdı, buna görə onların “fəallaşması” təəccübləndirir. İrəvanın planlarında nə dəyişib? Noyabrın üç həftəsi ərzində Ermənistan ordusu Azərbaycanla sərhəddə 9 silahlı təxribat törədib. Bunlardan 5-i Qarabağda baş verib, bir gün əvvəl isə sərhəddə sakitlik olduğu bir vaxtda sülhməramlıların müvəqqəti yerləşdirildiyi zonada yenidən atəş açılıb. Qarabağdakı altı təxribatın hamısı eyni tarixdə - 8 noyabrdan, yəni Azərbaycanın Qarabağ müharibəsində Qələbə günündən sonra törədilib, lakin burada əlaqə Ermənistanın təslim olmasının ikinci ildönümü ilə deyil, başqa bir hadisə ilə bağlıdır.

Axar.az xəbər verir ki, bu barədə analitik Andrey Petrov deyib.

“Noyabrın 9-da Üçtərəfli Bəyanatın imzalanmasının ikinci ildönümündə Putin Paşinyana zəng edərək, qarşıdakı KTMT sammitini (KTMT sammiti bu gün İrəvanda keçiriləcək – red.) müzakirə edib. Payızda Qarabağ separatçılarının rus sülhməramlıların arxasından açdığı ilk atəşlər bu telefon danışığından az əvvəl eşidilib və iki həftə sonra sistematik xarakter alıb. Azərbaycan Ordusu ilə Ermənistanın qeyri-qanuni silahlı birləşmələri arasında sonuncu böyük toqquşma avqustun əvvəlində, İrəvanın Laçın dəhlizinin marşrutunun dəyişdirilməsinin qarşısını almağa çalışdığı vaxt baş verib. Daha sonra Bakı “Qisas əməliyyatı” keçirərək, yaraqlıları Laçın rayonundan qovub. Sentyabrın 13-14-də iki ordu arasında şərti sərhəddə müharibədən sonrakı ən böyük döyüş oldu, amma Qarabağda tam sakitlik idi. Bu, gördüyünüz kimi, noyabrın 9-da Paşinyan Putinə zəng edənə qədər davam edib.

Bu faktların müqayisəsi açıq nəticəyə gətirib çıxarır - separatçılar Qarabağ iqtisadi rayonunda Azərbaycan qoşunlarını təkcə bununla yox, Vladimir Putinin İrəvana səfərinə istinad edərək təxribat törədirlər. Gözləmək olar ki, Rusiya lideri İrəvana çatanda, hətta KTMT sammiti zamanı erməni silahlıları Azərbaycan Silahlı Qüvvələrinə yenidən atəş açsın. Sərhəddə də eyni cəhdin edilməsi tamamilə mümkündür.

Təxribatların mənası aydındır. Nikol Paşinyan rejimi hələ də Rusiyanı onun Azərbaycana qarşı revanşist planlarında iştirak etməyə məcbur etmək istəyir. Burada iki istiqamət var - Qarabağ və sərhəd. Birinciyə gəlincə, İrəvan Qarabağdakı separatçı layihəni qoruyub saxlamağın yollarını axtarır. Müvafiq olaraq, 2025-ci ilin payızından sonra Xankəndi ətrafında sülhməramlıların işini davam etdirmək üçün Rusiyaya razılıq lazımdır. Sülhməramlıların orada qalıb-qalmayacağına yalnız Azərbaycan qərar verə bilər və Ermənistan hakimiyyəti Moskvanı hansısa yolla bu məsələdə Bakıya təzyiq göstərməyə sövq etməyə çalışır. Sxem sadədir: Qarabağda erməni yaraqlıları dava salır – bu, bir müddət davam edir – Rusiya sülhməramlıları atəşi dayandırmağa çalışırlar – erməni silahlıları döyüşü dərhal dayandırır – Paşinyan Putinə deyir: “Bax, Vladimir Vladimiroviç, necə sənə ehtiyacımız var”. Nikol Paşinyan rejiminin nəyə arxalandığı tam aydın deyil, çünki bütün bu manipulyasiya quruculuğu adi gözlə görünür. Azərbaycan tərəfinin ancaq mütənasib cavab verdiyi erməni tərəfinin əməllərinin cinayətkarlığı aydın olduğu üçün Moskvanın Bakıya sualı yoxdur”, - o bildirib.

Analitik qeyd edib ki, sərhəd istiqamətinə gəlincə, İrəvana KTMT sammiti kontekstində Ermənistan-Azərbaycan nizamlanmasına dair saxta gündəliyi gücləndirmək üçün sərhəddə atışmalara ehtiyac var:

“Bildiyiniz kimi, Azərbaycan qoşunları Ermənistan ordusu üçün sərfəli mövqelərə keçməyincə Ermənistan sərhədi delimitasiya etmək istəmir. Nikol Paşinyan rejimi sadəcə olaraq sərhədin delimitasiyası da daxil olmaqla, müharibədən sonrakı ona sərfəli görünməyən bütün məsələləri dondurmaq istəyir. Bəlkə də belə davranış revanşizmin passiv forması kimi səciyyələndirilməlidir. Qarabağ müharibəsində təslim olandan iki il sonra Ermənistan hakimiyyəti məğlubiyyətini etiraf etmək istəmir, Üçtərəfli Bəyanatın icrasına təxribat törədir. Gücsüz bir təcavüzkarın revanşizmi belə görünür - o, heç nə edə bilməz (və müharibədən sonrakı təxribatlarda erməni qoşunlarının hər məğlubiyyəti bunu sübut edir), lakin yenə də təslim olmur və hərəkətsizliyə, yəni sülhün başlanmasını gecikdirməyə çalışır. İrəvanda KTMT sammiti zamanı Nikol Paşinyan rejiminin planı iki ölkənin şərti sərhədində KTMT qoşunlarının yeridilməsinə qədər təşkilatın digər üzvlərindən Azərbaycana qarşı qəti şəkildə çıxmağı tələb etməkdir. Ermənistanın baş naziri bunu İrəvanın təşkilatdan çıxması təhlükəsi altında edəcək və Rusiya, Belarus, Qazaxıstan, Qırğızıstan və Tacikistan liderlərinə daha çox təzyiq göstərmək üçün atışma lazımdır. “Bax, bizə hücum etdilər, bizi qoruyun!” Əlbəttə ki, bu manipulyasiya da ağ iplərlə tikilir. KTMT-nin qeyri-erməni üzvləri istisnasız olaraq Azərbaycanın tərəfdaşları və müttəfiqləridir və onların rəhbərliyi Cənubi Qafqazda həqiqətən nələrin baş verdiyini yaxşı bilir. Paşinyan Vladimir Putin, Aleksandr Lukaşenko, Qasım-Jomart Tokayev, Sadır Japarov və İmaməli Rəhmana təzyiq göstərməyə çalışacaq. Bundan nə çıxar, sabah günortadan sonra görə bilərik. Proqnoz eynidir: sərhəddə və Qarabağda atışma olacaq”.
"YAP-ı müstəqilliyimizlə həmyaşıd hesab etmək olar"Çağdaş dünyamızda istənilən ölkənin siyasi, iqtisadi, hərbi, mədəni həyatının idarə olunması üçün ilk növbədə hakim siyasi təşkilat, iqtidar partiyası lazımdır. Bizim ölkəmizdə bu missiya ötən gün 30 illik yubiley tədbirinə qatıldığımız Yeni Azərbaycan Partiyasının (YAP) üzərinə düşür. Bütün müxalifət partiyaları kimi biz də Milli Həmrəylik Partiyası olaraq YAP-ın fəaliyyətini yaxından izləyirik. YAP ölkəmizin ən keşməkeşli dönəmində, müstəqilliyimizin ilk illərində Ulu Öndər Heydər Əliyevin rəhbərliyi və xeyir-duası ilə siyasi həyata vəsiqə qazanıb. Bu partiyanı müstəqilliyimizlə həmyaşıd partiya hesab etmək olar.

30 illik fəaliyyətini qeyd etmək üçün veteranları ilə, gənc üzvləri ilə, yerli və xarici qonaqları ilə dünən bir araya gələn Yeni Azərbaycan Partiyasının yubiley törəninə müxalifət partiyalarının nümayəndələri də dəvət olunmuşdu. Bu da son vaxtlar ölkədə həyata keçirilən siyasi islahatların, formalaşmaqda olan yeni siyasi konfiqurasiyanın və davam etdirilən siyasi dialoq kursunun nəticəsində təşəkkül tapmaqda olan yeni siyasi ənənələrdən biri kimi qiymətləndirilməlidir.

YAP əvvəllər öz tədbirlərinə müxalifət nümayəndələrini dəvət etmirdi. Çünki iqtidar-müxalifət münasibətləri elə də hamar deyildi. Ramiz Mehdiyev-Əli Həsənov “ittifaq”ı hakim partiya ilə müxalifət qüvvələri arasında daim gərgin münasibətlərin hökm sürməsinə çalışırdı. Lakin Prezident İlham Əliyevin həyata keçirdiyi kadr dəyişiklikləri və siyasi islahatlar siyasi açılıma, siyasi dialoqa yol açdı, iqtidar-müxalifət münasibətlərində yumşalmalar müşahidə olunmağa başladı, ölkədə yeni siyasi mədəniyyət formalaşdı. Hakim partiya müxalifət partiyaları ilə təmas və əməkdaşlıq kursuna start verdi. Məhz bütün bunların nəticəsi kimi bu yaxınlarda YAP-ın təşkilatçılığı ilə mədəniyyət paytaxtımız Şuşada keçirilən beynəlxalq konfransa da müxalifətin nümayəndələri dəvət olunmuşdu.

Biz YAP-ın yeni siyasi kursunu, siyasi açılımını alqışlayırıq. İqtidar partiyası ilə müxalifət qüvvələri arasında əməkdaşlıq və uzlaşma mühitinin formalaşması doğrudan da çox təqdirəlayiq haldır. Dünənki yubiley tədbirinə müxalifət partiyalarının təmsilçilərinin dəvət olunması da bu mühitin formalaşmasına daha da təkan verən bir hadisə kimi qiymətləndirilməlidir. Ölkə Prezidenti və YAP-ın sədri cənab İlham Əliyevin müxalifət nümayəndələrinin də iştirak etdiyi yubiley tədbirində həm öz partiyadaşlarına, həm də bütövlükdə xalqımıza 30 il ərzində keçilən yol haqqında hesabat xarakterli çıxış etməsi olduqca müsbət tendensiyadır.

Biz əvəllər iqtidarın da, müxalifətin bir araya gəldiyi, rəqib siyasi liderlərin bir-birilə sivil ünsiyyət qurduğu məqamları yalnız qardaş Türkiyənin və Qərb ölkələrinin siyasi mühitində müşahidə edirdik. Ancaq indi oxşar proseslərin Azərbaycanın siyasi həyatına da yansıması bütün siyasi qüvvələr tərəfindən təqdir olunur, xoş qarşılanır. Bu mənada, ötən gün Heydər Əliyev Mərkəzində keçirilən YAP-ın yubiley tədbirində iqtidarla müxalifətin bir araya gəlməsini Azərbaycanda yeni siyasi dönəmin başlanğıcı kimi qiymətləndirmək olar.

YAP-ın bu toplantısı milli birlik, siyasi həmrəylik toplantısı idi. Prezident İlham Əliyevin yubiley tədbirindəki çıxışına da milli birlik, həmrəylik kontekstindən yanaşmaq lazımdır. Vətən Müharibəsi barədə danışan dövlət başçımız Qələbə qazanmağımızda da milli birliyin nə qədər əhəmiyyətli rol oynadığını xüsusi olaraq qeyd etdi: “Xalq-iqtidar bir yumruq kimi birləşdi və cəmi 44 gün ərzində tarixi ədaləti bərpa etdi, düşməni torpaqlarımızdan qovdu. Xalqımız Ordumuzla tam birləşdi. Ona görə biz hamımız deyirik ki, bu, ümumxalq Qələbəsidir”.

Bu milli birliyi, vəhdəti bundan sonra da qoruyub saxlamalıyıq. Bu da həm Yeni Azərbaycan Partiyasından, həm də bizdən, bütün müxalifət qüvvələrindən asılıdır. YAP dünən 30 illik yubileyini milli birliyə xüsusi önəm verən partiya kimi, eyni zamanda qalib ölkənin qalib partiyası kimi qeyd etdi. Biz Milli Həmrəylik Partiyası olaraq həm Prezident İlham Əliyevi, həm də Yeni Azərbaycan Partiyasının bütün üzvlərini 30 illik yubiley münasibətilə ürəkdən təbrik edir və hakim partiyaya siyasi dialoqun dərinləşməsi, demokratik ənənələrin formalaşması və milli birliyin daha da möhkəmlənməsi istiqamətində uğurlar diləyirik!

Əlisahib Hüseynov,
Milli Həmrəylik Partiyasının sədri
Bakıda mühüm konfrans keçirilirBakıda Yeni Azərbaycan Partiyasının (YAP) ev sahibliyi ilə Asiya Siyasi Partiyalarının Beynəlxalq Konfransının (İCAPP) “Təhlükəsizlik və əməkdaşlıq: siyasi partiyaların rolu” mövzusunda xüsusi konfransı keçirilir.

Avrasiya.net xəbər verir ki, toplantıda YAP sədrinin müavini – Mərkəz Aparatın rəhbəri Tahir Budaqov, ICAPP-ın Daimi Komitəsinin həmsədri, Koreya Respublikasının keçmiş xarici işlər naziri, Milli Assambleyanın ofisinin keçmiş direktoru Chunq Eui-Yong, Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev, Milli Məclisin deputatları və digər şəxslər iştirak edirlər.

Tədbirdə çıxış edən T.Budaqov bildirib ki, qlobal dünyada təhdidlər artır və belə bir zamanda dialoqa, əməkdaşlığa daha çox ehtiyac var:

“Azərbaycan Prezidenti İlham Əliyevin rəhbərliyi ilə bölgədə sabitliyin bərpa edilməsi, sülhə və əməkdaşlığa nail olunması üçün bir çox işlər görülüb və görülməkdədir. Azərbaycanda xalqların tolerantlıq şəraitində yaşaması xalqımızın milli sərvəti hesab olunur. Ambisiyalardan, cılız hislərdən uzaqlaşaraq və qarşılıqlı hörmətlə dünyanı saflaşdıra bilərik”

O həmçinin qeyd edib ki, 30 ilə yaxın Azərbaycan torpaqları Ermənistanın işğalı altında qalıb:

“Azərbaycanın münaqişənin sülh yolu ilə həllinə cəhdləri müsbət nəticələnməyib, Ermənistan yeni torpaq iddiaları ilə çıxış edib. Buna görə də 2020-ci il sentyabrın 27-də Azərbaycan əks-hücuma başlayaraq torpaqlarını azad edib, bununla BMT-nin 4 məlum sanksiyasını da icra edib”.

Sonra Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev Azərbaycan Prezidenti İlham Əliyevin müraciətini oxuyub.

ICAPP-ın Daimi Komitəsinin həmsədri, Koreya Respublikasının keçmiş xarici işlər naziri, Milli Assambleyanın ofisinin keçmiş direktoru Chunq Eui-yong konfrans iştirakçılarına uğurlar arzulayıb. Azərbaycanın uğurlu inkişaf yolu keçdiyini söyləyən Chunq Eui-Yong dünyanın COVİD-19 pandemiyası dövründə üzləşdiyi çağırışlar, təhlükəsizliyə təhdidlərdən söz açıb.

Toplantıda çıxış edən Türkiyə Böyük Millət Məclisinin (TBMM) deputatı Afif Demirkıran isə deyib ki, siyasi partiyalar təhlükəsizliyi təşviq edə, bu sahədə dialoq apara bilərlər:

“Münaqişələr ümumən dünyaya təsir göstərir. Rusiya-Ukrayna müharibəsini də bu xüsusda qeyd etmək lazımdır”.

Afif Demirkıran Türkiyənin Qara dənizdə “taxıl dəhlizi”nin yaradılması istiqamətində gördüyü işlərdən danışıb:

“Türkiyə strateji bir mövqedə yerləşir və Asiyada mühüm rol oynayır. Biz regional və qlobal təhlükəsizliyə mühüm töhfə verir. Bu gün Türkiyə təhlükəsizlik, ticarət və enerji problemlərinin həll olunmasına öz dəstəyini verir”.

Konfrans hazırda davam edir.
"Fransa Senatı qanunlarla yox‚ sifarişlərlə işləyir"Fransa senatının Azərbaycana qarşı qəbul etdiyi qərar heç bir reallığa sığmır vər heç bir əsasa söykənmir. Fransa senatı özü mahiyyət etibari ilə bu qərəzli​ fikirləri ehtiva edən absurd qərarı ilə beynəlxalq qanunları pozmuşdur. BMT Təhlükəsizlik Şurasının 5 daimi üzvündən biri olan Fransanın məhz bu beynəlxalq təşkilatın qəbul etdiyi qətnamələrin əksinə qərar qəbul etməsi və əsası olmayan müzakirələr aparması‚ dünya​ birliyinin qərar qəbul etdiyi məsələyə münasibət bildirib BMT qərarlarının əksinə olaraq mübahisələndirməsi BMT nizamnaməsini kobud şəkildə pozmaqdır. Bu qətiyyən yolverilməz haldır.

Çünki BMT qərarlarının qüvvədən düşməsinə zəmin yaradacaq. BMT Təhlükəsizlik Şurasında baxılıb qərar çıxarılan məsələyə heçbir dövlət yenidən baxa və hər hansı müzakirəyə çıxarıb mübahisələndirə və müstəqil qərar qəbul edə bilməz. BMT TŞ-nın qərarları məcburidir və bu qərarlarda Ermənistanın Azərbaycan ərazilərini işğal etməsi təsdiqlənir və Ermənistan hərbi qüvvələrinin işğal etdiyi Azərbaycan torpaqlarından dərhal çıxarılmalı olduğu bildirilir. Fransa bu da bu qərarı verən qurumun daimi üzvüdür və belə olan halda Fransa senatı nəyi müzakirə edir və niyə edir?? Səbəb nədir?? Eyni zamanda BMT TŞ-nın qəbul etdiyi qərarın əksinə olan bir qərar qəbul etmək özü​ BMT- nin nüfuzuna kölgə salır və​ beynəlxalq hüququn pozulmasıdır.

Bu o deməkdir ki‚ yuxarı instansiya bir məhkəmə orqanının qərarını kiçik instansiya məhkəmə orqanı yenidən müzakirəyə çıxarıb qərarı pozaraq yenidən qərar çıxarır. Belə hala qətiyyən yol verilə bilməz. Fransa senatının qəbul etdiyi qərar sadəcə Azərbaycana qarşı qərəz xarakteri daşıyır və erməni lobbi təşkilatlarının sifarişidir. Belə görünür ki‚ Fransa senatı qanunlarla və hüquq anlayışı ilə yox‚ şəxsi hisslərlər və sifarişlərlə işləyir. Azərbaycana qarşı qəbul edilən qərəzli anti-qərarın mahiyyəti bundan ibarətdir. Ümumiyyətlə Fransa senatının Azərbaycana qarşı qəbul etdiyi qərarda Azərbaycanın ünvanına səsləndirdiyi ifadələr‚ etdiyi çağırışlar böhtan və qarayaxma motivlidir. Bu qərar birmənalı olaraq yalan və böhtan məzmunludur və şəxsi qərəzlilikdən qaynaqlanır.

Ermənilərin sifariş və diktəsilə senat bu layihəni müzakirəyə çıxararaq qəbul etmişdir. Belə bir qeyri-qanuni və qeyri-obyektiv qərarın heçbir hüquqi əsası yoxdur. Fransa BMT TŞ-nın daimi üzvü olmasından əlavə eyni zamanda Azərbaycan və Ermənistan sülh danışıqları prosesində vasitəçiliyi öz üzərinə götürmüş və bunun üçün beynəlxalq mandata sahib olan ATƏT-in Minsq qurupunun 3 həmsədrindən biri olub və məsələnin nizamlanmasında Fransa obyektiv vasitəçilik missiyasını illərlə öz üzərində daşıyıb. Minsq qurupunun həmsədr ölkəsi olaraq Fransa senatının qəbul etdiyi qərar yolverilməzdir. Senatın qərarı Fransanın Minsq qurupunun tərkibindəki vasitəçilik mövqeyində də nə qədər qeyri-səmimi olduğunu gəstərmiş olur.​ Senatının Azərbaycana qarşı qəbul etdiyi anti-qərar birmənalı olaraq erməni təəssübkeşliyindən qaynaqlanır və heçbir reallığa söykənmir.

Belə ki‚ Qarabağı "Artsak" adı ilə erməni ərazisi kimi tanıyaraq separatizmi dəstəkləmək terrorizmi və işğalı dəstəkləməkdir. Bu beynəlxalq hüququn və BMT nizamnamələrinin kobud və qəddarcasına pozulmasıdır. Qarabağın Azərbaycan ərazisi olduğunu təsdiqləyən və Ermənistanı işğalçı ölkə kimi tanıyan BMT qətnamələri olduğu halda Fransa senatının Ermənistanın vaxtilə işğal etdiyi torpaqları erməni ərazisi kimi tanıması heçbir hüquq tendensiyasına sığa bilməz. Fransa hökuməti işğalçı və separatçı bir rejimi dəstəkləməklə bölgədə sülhü pozur. Çünki‚ ermənilər Fransanın bu addımından cəsarətlənib Azərbaycana qarşı hərbi təxribatlara başlaya və provokativ addımlar ata bilər. Bu isə bölgədə növbəti hərbi cinayətlərin və terrorların yarana biləcəyini ehtimal etməyə əsas yaradır.

Fransa senatının qondarma sepratçı rejimin legitimliyini‚ varlığını və Qarabağı erməni ərazisi kimi tanınası beynəlxalq hüququ kobud şəkildə ayaqlamaqdır. Belə görünür ki‚ Fransa Cənubi Qafqaz regionunda sülhü və sabitliyi pozmağa və yeni münaqişə ocaqları yaratmağa çalışır. Qarabağ tarixən və hələ qədimdən Azərbaycan torpağıdır və ermənilər yeni dövrlərdə bura qonaq qismində gəliblər. BMT T. Ş.-nın qətnamələri də bunu sübut edir. Belə olan halda Qarabağı erməni torpağı kimi tanımaq elə ermənilərin özünə zərər verməkdir. Beynəlxalq hüquqa görə Qarabağ Azərbaycan torpağıdır və BMT-də belə tanınıb.​ Belə olan halda Fransa Senatının qəbul etdiyi qətnamənin heçbir hüquqi əsası yoxdur və ümumiyyətlə hüquqi əsası ola da bilməz.

Çünki‚ artıq beynəlxalq birlik‚ dünya ictimaiyyəti Qarabağın Azərbaycana aid olduğunu təsdiqləyib. Beynəlxalq hüquqa əsasən Qarabağ Azərbaycan torpağıdır. Bu isə o deməkdir ki‚ beynəlxalq hüquq Azərbaycanın tərəfindədir. Belə olan halda Fransa Senatının qəbul etdiyi qətnamə sadəcə kağız parçasıdır və heçbir rəsmi və hüquqi əsası yoxdur. Hətta işğalçı Ermənistan belə Qarabağın müstəqilliyini bu zamana qədər tanımayıb və tanıya bilməyib. Çünki​ beynəlxalq hüquq mane olub. Ermənistan işğalçı olsa da yaxşı dərk edir ki‚ Qarabağ Azərbaycan torpağıdır və beynəlxalq hüquq da məhz birmənalı olaraq Azərbaycanın tərəfindədir.​

1992-ci ildə Ermənistan silahlı qüvvələri beynəlxalq hüququ kobud şəkildə pozaraq‚ beynəlxalq ictimaiyyət tərəfindən sərhədləri və ərazisi beynəlxalq hüquqla tanınan Azərbaycanın ərazisinə qarşı hərbi təcavüz edərək Qarabağı işğal etmişdir. 1992-ci ildə BMT Təhlükəsizlik Şurası da Ermənistan silahlı qüvvələrinin Azərbaycana qarşı hərbi təcavüzünü və Qarabağı işğal etməsi faktını təsdiq edərək Ermənistanı işğala son qoymağa və Azərbaycan torpağını tərk etməyə çağırıb. Ermənistan 30 ilə yaxın vaxt keçməsinə baxmayaraq işğal etdiyi Azərbaycan torpaqlarını tərk etmədiyi üçün‚ məhz​ 2020-ci ilin 44 günlük ikinci Qarabağ müharibəsində Azərbaycan ordusunun igidliyi sayəsində Qarabağ işğaldan azad edilmiş və Ermənistan işğal etdiyi Azərbaycan torpaqlarından çıxmağa məcbur olmuşdur. 30 il öncə Qarabağın Ermənistan silahlı qüvvələri tərəfindən işğal edilməsi ilə 1.000.000 Azərbaycanlı öz doğma evindən‚ torpağından qaçqın və köçkün düşmüş‚ didərgin salınmışdır.​ ​

Çox sayda Azərbaycanlı itgin düşmüş‚ yaralanmış‚ həlak olmuş‚ soyqırımına məruz qalmış və ermənistanın etnik təmizləmə siyasətinin günahsız qurbanı olmuşdur. Ermənistan hərbi birləşmələrinin Xocalıda törətdiyi soyqırımı faktı bəşəriyyətin ən qanlı insan qətliamlarındandır. Ermənistan silahlı qüvvələrinin Xocalıda Azərbaycanlılara qarşı törətdiyi bu qanlı faciə‚ soyqırım aktı isan haqqlarının dəhşətli pozuntusu və ən ağır hərbi cinayət‚ terror aktıdır. Vaxtilə 1992-1993-cü illərdə birinci Qarabağ müharibəsində Ermənistanın Azərbaycan torpaqlarını işğal etməsi zamanı döyüşlərdə ermənilər tərəfindən Yəhudi gəncləri də həlak edilmişdir.

Qarabağın Ermənistan hərbi birləşmələri tərəfindən 30 il öncə işğal edilməsi ilə bu ərazilər dağıdılmış və 30 il keçməsinə baxmayaraq bərpa edilməmiş və hətta dağıdılaraq vandalizm aktları törədilmişdir. Eyni zamanda işğal edilmiş Azərbaycan torpaqlarının təbii sərvətləri talanmış‚ oğurlanmış və xaricə aparılmışdır. Bütün bu faktlar nəticəsində Ermənistan silahlı qüvvələri tərəfindən Azərbaycan İqtisadiyyatına milyardlarla dollar həcmində maddi və mənəvi zərər dəymişdir. Hazırda Azərbaycana dəymiş maddi və mənəvi ziyanlıq 100 milyardlarla dollar həcmində ölçülür. Əlbəttə ki‚ Ermənistan hökuməti bu zərərin qarşılığını Azərbaycan dövlətinə və hökumətinə geri ödəməlidir.

30 il öncə Qarabağın Ermənistan silahlı qüvvələri tərəfindən işğal edilməsi ilə tarixi ədalət və​ beynəlxalq hüquq kobud şəkildə pozulmuşdur. Ermənistanın işğalçı olması beynəlxalq ictimaiyyət və BMT TŞ tərəfindən tanınıb və təsdiqlənib. Beynəlxalq hüquqa əsasən ermənistan işğalçıdır və hərbi cinayətlər törədib. Belə olan halda Fransa hökuməti beynəlxalq ictimaiyyətin və BMT TŞ-nın əksinə addım ata bilməz. Fransa özü BMT TŞ-nın qərarlarına hörmət etməyə beynəlxalq qanunlarla və qurumun nizamnaməsinə əsasən borcludur.

Odur ki‚ Fransa hökuməti‚ xüsusən Senat ermənilərlə bağlı heçbir sübuta və reallığa söykənməyən fikir və mövqelərinə yenidən baxmalıdır və heçbir reallığa söykənməyən‚ beynəlxalq qanunların əksinə olan şər və böhtan xarakterli qərəzli qərarına yenidən baxmalı və obyektiv münasibət sərgiləməlidir.

Azərbaycan öz mövqeyində hər zaman haqqlıdır və Azərbaycan dövləti heçbir zaman beynəlxalq hüquqa zidd addım atmayıb. 2020-ci ildə 44 günlük müharibə də məhz beynəlxalq hüquq çərçivəsində və beynəlxalq qanunlarla aparılmış‚ bütün müharibə mədəniyyətinə‚ hümanizm prinsiplərinə əməl edilmiş‚ müharibənin gedişində də beynəlxalq hüquq normaları yüksək səviyyədə qorunmuş və həqiqi bir nümunə göstərilmişdir. Hazırda beynəlxalq hüquq Azərbaycanın tərəfindədir.

Fransa senatı bu qərəzli qərarı ilə Azərbaycan xalqına və dövlətinə qarşı böyük haqqsızlıq etmiş və beynəlxalq qanunlara qarşı isə böyük kobudluq sərgiləmişdir.

Biz‚ Fransa senatının erməni təəssübkeşliyindən qaynaqlanan və heçbir reallıqla bağlılığı olmayan şər və böhtan xarakterli qərarını qətiyyətlə pisləyir və Azərbaycanın haqqlı mövqeyini və beynəlxalq hüquqla tanınan ərazi bütövlüyünü bir daha dəstəkləyir‚ Azərbaycanın suveren sərhədlərinə qarşı olan hər bir hücum‚ təhdid və hərbi‚ siyasi təxribatlara qarşı hər zaman Azərbaycan dövlətinin və xalqının yanında olduğumuzu ifadə edirik. Azərbaycan haqqlıdır və​ hər zaman Azərbaycanın yanındayıq. Qarabağ Azərbaycandır!


İsrail Təhlükəsizlik Akademiyasının
Azərbaycan Respublikasındakı
Nümayəndəliyi​ ​


-
İran XİN-in sözçüsü Azərbaycanla bağlı müsbət mesajlar verdiQonşularımızla, o cümlədən Azərbaycanla münasibətlərdə prinsipimiz qarşılıqlı hörmətdir.

Avrasiya.net xəbər verir ki, bunu İran Xarici İşlər Nazirliyinin sözçüsü Nasir Kənani İran və Azərbaycan Respublikası arasında son vaxtlar müşahidə olunan gərginliyə toxunarkən deyib.

“Bizim qonşularımızla və konkret olaraq Azərbaycan Respublikası ilə ikitərəfli münasibətlərdə prinsipimiz qarşılıqlı hörmət, ikitərəfli əlaqələr və əməkdaşlığın inkişafıdır”.

O əlavə edib ki, son bir ildə iki ölkə arasındakı əlaqələr yüksəlişdə olub və münasibətlər ikitərəfli əməkdaşlığın möhkəmlənməsinə doğru irəliləyir.

“Təəssüf ki, münasibətlərin inkişafı üçün ümumi siyasi iradə tendensiyasına zidd olan məsələlər də baş verir. İranın davranış və fəaliyyətinin əsasında ümumi məsələlər və maraqlar üzərində cəmləşdirməyə çalışmaq durur”.

N.Kənani Bakıya müraciət edərək deyib:

“Mübahisəli məsələlərdən, anlaşılmazlıqlardan tribunalar arxasından danışmamalı, mediadan dostluq üçün fürsət kimi istifadə etməliyik. Biz Azərbaycan hökumətinin rəsmilərinin diqqətini ümumi məsələlərə cəmləşdirməyin və ikitərəfli danışıqlar şəklində anlaşılmazlıqların qarşısının alınması və ikitərəfli əməkdaşlığın möhkəmləndirilməsi üçün zəmin yaradılmasının vacibliyinə yönəltdik”.

Xarici İşlər Nazirliyinin sözçüsü daha sonra qeyd edib ki, Tehran Bakıdan müsbət impulslar alıb:

“Bu yaxınlarda Azərbaycan hakimiyyəti ilə ikitərəfli danışıqlar şəklində müsbət mesajlar aldıq və ümid edirik ki, buna uyğun olaraq ikitərəfli danışıqlar şəklində lazımi addımlar atılacaq”.

Ruslar sazişə əməl etmədilər, biz də vurduqRuslarla 2019-cu ildə Soçidə əldə etdiyimiz razılaşmamız var. Onlar bölgədəki terrorçuları təmizləməli idilər. Lakin dəfələrlə xatırlatmağımıza baxmayaraq, bunu etmədilər. Biz də bunlara qarşı səssiz qalmayacağımızı, oradakı terrorçulara qarşı addım atacağımızı söylədik.

Bunu Türkiyə Prezidenti Rəcəb Tayyib Ərdoğan deyib.

“Dünən də Kobanidəki 12 hədəfi vurmaqla terrorçuları zərərsizləşdirdik. Havadan və qurudan nə lazımdırsa, etdik. Bundan sonra da edəcəyik”, - Ərdoğan bildirib.

Qeyd edək ki, noyabrın 19-dan 20-nə keçən gecə Türkiyə ordusu Şimali İraq və Suriyanın şimalında hava əməliyyatı keçirib. Həmçinin Kobaniyə də zərbələr endirilib.
Parlamentdə təmsil olunmayan partiyalara da pul veriləcəkSiyasi partiyanın fəaliyyətinin maliyyələşdirilməsi üçün dövlət tərəfindən maddi yardımı ayrılması qaydası müəyyənləşib.

Avrasiya.net xəbər verir ki, bu barədə "Siyasi partiyalar haqqında" yeni qanun layihəsinin yeni redaksiyasında qeyd olunub.

Qanunun 25.1-ci maddəsində nəzərdə tutulan vəsait (bundan sonra - vəsait) yeni çağırış Azərbaycan Respublikasının Milli Məclisinə keçirilmiş seçkilərdə iştirak edərək etibarlı səslər qazanmış siyasi partiyalara qazanılmış etibarlı səslərin sayı barədə Azərbaycan Respublikası Mərkəzi Seçki Komissiyasının məlumatı əsasında Azərbaycan Respublikasının Milli Məclisi səlahiyyətli tərkibdə formalaşdırıldığı gündən etibarən ayrılır və siyasi partiyalar arasında aşağıdakı qaydada bölünərək bu Qanunun 25.7-ci maddəsinə uyğun olaraq rüblər üzrə onların bank hesabına köçürülür:

1. vəsaitin 40 faizi Azərbaycan Respublikasının Milli Məclisində təmsil olunan siyasi partiyalar arasında bərabər bölünür;

2. vəsaitin 50 faizi Azərbaycan Respublikası Milli Məclisinin say tərkibinə bölünür və bunun nəticəsində alınan məbləğ Azərbaycan Respublikasının Milli Məclisində təmsil olunan siyasi partiyalardan seçilmiş deputatların sayına vurulmaqla müəyyən edilmiş məbləğ həmin siyasi partiyalara ayrılır. Azərbaycan Respublikasının Milli Məclisinə keçirilmiş təkrar və əlavə seçkilər nəticəsində, həmçinin fəaliyyətdə olan deputatların partiya mənsubiyyətinin yaranması (dəyişməsi) ilə əlaqədar, habelə digər səbəblərdən Azərbaycan Respublikasının Milli Məclisində siyasi partiyaları təmsil edən deputatların sayı artdıqda və ya azaldıqda bu vəsaitin həmin siyasi partiyalara ayrılması zamanı da bu maddənin birinci cümləsində nəzərdə tutulmuş qayda tətbiq olunur. Bu maddənin birinci cümləsində siyasi partiyalar üçün nəzərdə tutulmuş vəsaitin müvafiq rüb üzrə istifadə olunmamış hissəsi həmin rübün sonunda Azərbaycan Respublikasının Milli Məclisində siyasi partiyaları təmsil edən deputatların sayına uyğun olaraq proporsional qaydada siyasi partiyalara ayrılır;

3. vəsaitin 5 faizi Azərbaycan Respublikasının Milli Məclisinə keçirilmiş təkrar və əlavə seçkilər nəticəsində, həmçinin fəaliyyətdə olan deputatların partiya mənsubiyyətinin yaranması (dəyişməsi) ilə əlaqədar Azərbaycan Respublikasının Milli Məclisində təmsil olunan yeni siyasi partiyalara bu Qanunun 25.2.1-ci maddəsinə əsasən aparılmış bölgü nəticəsində hər bir siyasi partiyanın müvafiq rüb üzrə payına düşən həcmdə ayrılır;

4. vəsaitin 2,5 faizi irəli sürdüyü namizədlər Azərbaycan Respublikasının Milli Məclisinə keçirilmiş seçkilərdə etibarlı səslər qazanmış, lakin Azərbaycan Respublikasının Milli Məclisində təmsil olunmayan siyasi partiyalar arasında bərabər bölünür;

5. vəsaitin 2,5 faizi bu Qanunun 25.2.4-cü maddəsində nəzərdə tutulmuş siyasi partiyalar arasında qazanılmış səslərin sayına uyğun olaraq proporsional qaydada bölünür.
NATO-nun kontr-admiralı Bakıya gəldiMüdafiə Nazirliyi ilə NATO arasında 2022-ci il üçün Fərdi Tərəfdaşlıq üzrə Əməkdaşlıq Proqramı çərçivəsində Bakıda “NATO günləri”nə start verilib.

Bu barədə Avrasiya.net-ə Müdafiə Nazirliyindən bildirilib.

NATO günləri çərçivəsində Azərbaycanda səfərdə olan NATO-nun Müttəfiq Qüvvələrin Avropada Baş Qərargah rəisinin müavini kontr-admiral Qunnşteyn Brusdalın başçılıq etdiyi nümayəndə heyətinin bir sıra görüşləri nəzərdə tutulub.

Noyabrın 25-dək keçiriləcək “NATO günləri” çərçivəsində müxtəlif mövzularda brifinqlər təqdim olunacaq.
Bu siyasi partiyalar ləğv edilə bilərÜzvlərinin sayı 4500-dən aşağı olan siyasi partiyalar ləğv edilə bilər.

Avrasiya.net xəbər verir ki, bu, "Siyasi partiyalar haqqında" yeni qanun layihəsinin yeni redaksiyasında əksini tapıb.

Layihəyə əsasən, dövlət qeydiyyatına alınmış siyasi partiyada üzv sayı 4500-dən aşağı olduqda müvafiq icra hakimiyyəti orqanının müəyyən etdiyi orqan (qurum) siyasi partiyanın ləğvi barədə apellyasiya məhkəməsində iddia qaldıra bilər.
Tələb azaldılıb - 5 min üzvlə siyasi partiya qeydiyyata alınacaqAzərbaycanda siyasi partiyaların dövlət qeydiyyatına alınması üçün 10 min üzvünün olmasına dair tələb azaldılır.

"Report"un xəbərinə görə, bu, "Siyasi partiyalar haqqında" yeni qanun layihəsinin yeni redaksiyasında əksni tapıb.

Layihəyə əsasən, siyasi partiyanın dövlət qeydiyyatına alınması üçün azı 5000 üzvü olmalıdır.

Layihənin ilkin versiyasında bu tələb 10 min idi.