Şuşa Bəyannaməsi Türkiyə–Azərbaycan birliyinin sarsılmaz olduğunu bir daha göstərdiKönül Həsənova
ADPU filologiya fakültəsinin dekan müavini,
Müasir Azərbaycan dili kafedrasının doktorantı


2021-ci il iyunun 15-da Şuşa şəhərində Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən “Azərbaycan Respublikası ilə Türkiyə Respubli¬kası arasında müttəfiqlik münasibətləri haqqında Şuşa Bəyannaməsi”nin imzalanması böyük Qara¬bağ zəfərindən sonra böyük bir regiona sülh, sa¬bitlik və inkişaf vəd edən strategiya olaraq həyata vəsiqə qazanmışdır. Şuşa Bəyannaməsinin tarixi Qars müqaviləsinə əsaslanması və məhz Azərbaycanın Milli Qurtuluş Günündə imzalanma¬sı dövlətçilik tariximizə əzəmət verən iki mühüm tarixi öz şərəf səltənətinə qovuşdurmuşdur. Bu bəyannamə tarixi köklərə, möhkəm təmələ əsaslanan Türkiyə–Azərbaycan birliyinin sarsılmaz olduğunu bir daha göstərdi.
Müstəqilliyin ilk illərindən etibarən qardaş ölkə Azərbaycanın dövlət quruculuğu yolunda atdığı addımları daim dəstəkləyib, böyük dövlətlərin iştirak etdiyi tədbirlərdə Azərbaycan naminə haqq səsini ucaldıb. Qırx dörd günlük Vətən müharibəsi zamanı Türkiyənin Azərbaycana verdiyi güclü siyasi və mənəvi dəstək buna bariz nümunədir. Belə ki, savaş dövründə ilk günlərdən etibarən Türkiyə Prezidenti ardıcıl açıqlamalar verirdi ki, Azərbaycan yalnız deyil, Türkiyə Azərbaycanın yanındadır. Əslində, bu, bir çox ölkələr və beynəlxalq təşkilatlar üçün bir mesaj idi, yəni, “Ermənistana havadarlıq etməyin, haqq-ədalətin tərəfində olun” anlamını ifadə edirdi.

Azərbaycan ilə Türkiyə arasında münasibətlərin möhkəmlənməsində dövlətlərimizin başçılarının şəxsi dostluq əlaqələrinin və qarşılıqlı səfərlərinin xüsusi əhəmiyyəti var. Dövlətimizin başçısı İlham Əliyev və Türkiyə Respublikasının Prezidenti Rəcəb Tayyib Ərdoğan arasında mövcud dostluq və qardaşlıq münasibətləri ikitərəfli əlaqələrimizin bütün sahələrdə daha da genişlənməsinə öz müstəsna töhfəsini verir.

“Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”ndə Azərbaycan və Türkiyə arasındakı ikitərəfli münasibətlərin daha da genişləndirilməsi perspektivləri diqqət mərkəzində saxlanılaraq, siyasi, müdafiə, mədəni, humanitar, səhiyyə, təhsil, sosial, gənclər, idman sahələrində imkan və potensiallarının birləşdirilməsi, dərinləşdirilməsi xüsusi yer tutur.

Bəyannamədə müdafiə sahəsində əməkdaşlıq və qarşılıqlı hərbi yardım məsələləri də xüsusi diqqət çəkir. Başqa sözlə, sənəddə ordumuzun yeni çağırışlara uyğun olaraq yenidən formalaşdırılması, modernləşdirilməsi və hərbi təhlükəsizliyin möhkəmləndirilməsinə yönələn tədbirlərin həyata keçirilməsi mühüm önəm daşıyır. İki qardaş ölkənin silahlı qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunması istiqamətində sıx əməkdaşlığı da nəzərdə tutulur.

Tarixi sənəddə Azərbaycan və türk diasporları arasında əməkdaşlığın daha da inkişaf etdirilməsi, milli iqtisadiyyatların və ixracın şaxələndirilməsi üzrə səylərin artırılması, Cənub Qaz Dəhlizinin səmərəli şəkildə istifadə olunması və daha da inkişaf etdirilməsinə yönəldilmiş səylərin əlaqələndirilmiş şəkildə davam etdirilməsi, Azərbaycan ilə Türkiyəni birləşdirən Zəngəzur dəhlizinin açılması, regionda nəqliyyat-kommunikasiya əlaqələrinin bərpası, beynəlxalq nəqliyyat dəhlizlərinin inkişafının təşviqi kimi aktual məsələlər də yer alır.

Prezident İlham Əliyev Şuşa Bəyannaməsinin iki qardaş ölkənin müttəfiqlik əlaqələrinə müsbət təsirini yüksək dəyərləndirərək, bildirib: “Bu, tarixi bir sənəddir. Əslində, Türkiyə – Azərbaycan əlaqələri hər zaman müttəfiqlik səviyyəsində idi və müttəfiqlik xalqlarımızın qəlbindədir. Sadəcə olaraq, biz keçən il Şuşada bunu rəsmən təsdiqlədik”.

Türkiyə və Azərbaycan birgə səylərlə bölgənin gələcək inkişafını, təhlükəsizliyini təmin edir, qardaş xalqların rahat həyatını gerçəkləşdirir. Ümumiyyətlə, iki dövlət arasında mövcud əməkdaşlığın çoxşaxəliliyi miqyasında belə müttəfiqik, qardaşıq əlaqələrinin bənzəri olmadığını deməyə əsas verir.
“Bu forum dövlətimizə təşkilatçı kimi göstərilən etimadın təzahürüdür”Azərbaycan 2013-cü ildən keçirilməsinə başlanan Qlobal səviyyəli Bakı Forumuna doqquzuncu dəfə ev sahibliyi edir. Prezident İlham Əliyevin 2011-ci il tarixli sərəncamı əsasında yaradılmış “Nizami Gəncəvi Beynəlxalq Mərkəzi” tərəfindən keçirilməsi artıq ənənəvi hal alan bu forumda yenə də dünyaca çox önəmli şəxslər iştirak edir. Forumda 53 ölkədən 400-ə qədər nümayəndə, o cümlədən dövlət və hökumət başçıları, sabiq dövlət və hökumət başçıları, gənc liderlər iştirak edir.

Azərbaycan Liberal Demokrat Partiyasının sədri (ALDP) Fuad Əliyev “Xalq Cəbhəsi”nə deyib ki, belə forumlara ev sahibliyi edən Bakının dünyada mövqeyi güclənir. Onun sözlərinə görə, artıq Azərbaycan qlobal problemlərin müzakirə olunduğu, həlli yollarının axtarıldığı məkana çevrilib.
“Bu baxımdan bu forum xüsusi əhəmiyyətə malikdir. Nüfuzlu siyasi xadimlərin, dövlət rəsmilərinin bu forumda iştirakı, formula bağlı fikirləri tədbirin əhəmiyyətini bir daha göstərir. Prezident İlham Əliyev də ənənvi olaraq budəfəki çıxışında bir çox mühüm və vacib məsələlərə toxundu. Bu gün dünyada Azərbaycanın özünəməxsus yeri var. 44 günlük Qarabağ zəfəri Azərbaycanın dünyada yerini və mövqeyini daha da gücləndirib.” – deyib ALDP sədri.

Prezident düzgün olaraq bu forumda qeyd edib ki, bizim Qafqaza baxışımız regionda əməkdaşlıq, inteqrasiya və sülhdür: “Azərbaycan bu istiqamətdə ilk addımı atmaq üçün artıq öz təkliflərini irəli sürüb və bu məsələni Gürcüstan tərəfi ilə müzakirə edib. Gürcüstan hökuməti dialoqu başlatmaq üçün Gürcüstanda Azərbaycan, Ermənistan və Gürcüstan XİN rəhbərlərinin görüşünün keçirilməsi ideyasını dəstəkləyir. Lakin Ermənistan tərəfi bundan imtina edir. Bunun səbəbini bilmirəm və heç bir əsaslı izah tapa bilmirəm.

Bildiyim qədər, hətta Avropa institutlarından biri də bu təkliflə çıxış edib, amma yenə də rədd cavabı verilib. Əgər Ermənistan sülh istəmirsə, bəs nə istəyir? Əgər yeni müharibə istəyirsə, bunun onlar üçün faciəvi fəsadları olacaq”. Deyə bilərik ki, geosiyasi cəhətdən olduqca həssas regionda yerləşən Azərbaycan hər zaman bütün qonşuları ilə mehriban qonşuluq və sülh şəraitində yaşamağın tərəfdarı olub. Ölkəmiz Qarabağ probleminin artıq tarixdə qaldığını və sülh üçün addımların atılmasının önəmini vurğulayır. Azərbaycan yeni səhifə açaraq sülh üçün ikili münasibətlərin bərpa olunması naminə addımlar atmağa hazırdır. 30 il ərzində üçüncü ölkələrin əlində oyuncaq olan Ermənistan nəhayət ki, öz dövlətini qurmaq istəyirsə, qalib ölkəmizin sülh təkliflərini mütləq şəkildə dəyənləndirməlidir. Azərbaycan onsuzda güc yolu ilə də olsa, istəyinə nail olub”.

F.Əliyev onu da qeyd edib ki, beynəlxalq aləm və dünya üçün bu cür qlobal forumların önəmi həm də ona görə yüksəkdir ki, burada müzakirə olunan mövzuların daha çox qlobal səviyyədə aktual olan problemlərlə əlaqədardır: “Bu forum həm də dövlətimizə təşkilatçı kimi göstərilən etimadın təzahürüdür. Azərbaycan Qlobal Bakı Forumuna ev sahibliyi etməklə dünya siyasətindəki əhəmiyyətli rolunu bir daha təsdiq edir”.

Qüyd edək ki, Nizami Gəncəvi Beynəlxalq Mərkəzinin həmsədri İsmail Serageldin deyib ki, pandemiya ilə əlaqədar Forumun ənənəvi olaraq keçirildiyi zamanda dəyişiklik olduğundan, növbəti Forum gələn il martın ortalarında baş tutacaq.
Conson İlham Əliyevə təşəkkür edibBöyük Britaniyanın Baş naziri Boris Conson Azərbaycan Prezidenti İlham Əliyevə təşəkkür edib.

Avrasiya.net xəbərinə görə, Conson minnətdarlığını IX Qlobal Bakı Forumunun başlaması münasibətilə Azərbaycan Prezidenti İlham Əliyevə göndərdiyi məktubda çatdırıb.

Baş nazir IX Qlobal Bakı Forumunun açılışı münasibətilə İlham Əliyevi təbrik edib:

"Keçmişin, indinin və gələcəyin liderlərinə günün ən aktual problemlərini nəzərdən keçirmək üçün bu mühüm fürsəti təmin etdiyiniz üçün bir daha təşəkkür edirəm".
“Zəngəzur dəhlizi açılmalıdır” - Binəli Yıldırım“26 il ərzində ATƏT-in Minsk Qrupunun fəaliyyəti heç bir nəticə verməyib, nəhayət, Azərbaycan torpaqlarını özü işğaldan azad edib”.

Bunu IX Qlobal Bakı Forumunun açılış mərasimində çıxış edən AKP sədrinin müavini, Türkiyənin sabiq Baş naziri Binəli Yıldırım deyib.

O bildirib ki, Zəngəzur dəhlizi artıq açılmalıdır: “Bu dəhliz Avrpopa və Asiya arasında əlaqənin daha effektiv bərpası, ticarət əlaqələrin inkişafı üçün çox böyük əhəmiyyətə malikdir”.
Əməkdaşlıq sayəsində yaranan yeni iqtisadi perspektivlər Azərbaycan tarixinə qızıl hərflərlə yazılmış “Milli Qurtuluş Günü”ndə Azərbaycanla Türkiyə arasında imzalanmış Şuşa Bəyənnaməsinin 1 ili tamam olur. Tarixi qardaşlıq telləri ilə bir-birinə sıx bağlı olan iki dövlət arasında imzalanmış bu Bəyənnamə olduqca böyük tarixi əhəmiyyətə malikdir. Vətən müharibəsi başladığı gündən etibarən qardaş Türkiyə Respublikasının Azərbaycanın haqq davasında hər zaman yanında olduğunu bəyan etməsi əslində düşmənlə yanaşı, bütün dünyaya açıq mesaj idi. Məhz Vətən müharibəsində əldə edilən şanlı qələbənin qazanılmasında Müzəffər Ali Baş Komandanımızın rəhbərlik etdiyi ordumuzun rəşadəti və xalqımızın birliyi ilə yanaşı, dost və qardaş Türkiyənin hərtərəfli dəstəyinin də çox böyük rolu olmuşdur.

Postmüharibə dövründə də Azərbaycan və Türkiyə dövlətləri arasında mövcud əlaqələr daha da inkişaf edərək yeni mərhələyə qədəm qoymuşdur. İki dövlət arasında imzalanmış Şuşa Bəyənnaməsi qarşılıqlı münasibətlərin strateji müttəfiqlik və qardaşlıq səviyyəsinə yüksəlməsində əhəmiyyətli rol oynadı. Şuşa Bəyənnaməsi iki dövlət arasında hərbi, iqtisadi-ticari və digər istiqamətlərdə əməkdaşlığını daha da inkişaf etməsinə təkan verəcəkdir.

Hazırda qardaş Türkiyə Respublikası ilə mövcud olan münasibətlər bütün sahələri əhatə etməkdədir. Xüsusilə Qarabağ torpaqlarının işğaldan azad edilməsində öz mənəvi dəstəyini əsirgəməyən Türkiyə dövləti işğaldan azad edilmiş ərazilərimizin yenidən qurulmasında da yaxından iştirak etməkdədir. “Böyük Qayıdış”ın reallığa çevrilməsi istiqamətində Azərbaycan dövləti hazırda çox böyük miqyaslı layihələr həyata keçirməkdədir. Sevindirici haldır ki, bu layihələrin icra edilməsində Türkiyə Respublikasının şirkətləri də yaxından iştirak edir. Hazırda işğaldan azad edilmiş ərazilərdə yol infrastrukturunun yenidən qurulmasında, hava limanlarının və yeni tunellərin tikilməsində, həmçinin “Ağıllı kənd” və “Ağıllı şəhər” layihələrinin icasında türk şirkətləri aparıcı rol oynamaqdadır. Bu əməkdaşlıq nəticəsində sürətlə həyata keçirilən layihələr bizə deməyə əsas verir ki, tezliklə Azərbaycan xalqının ən böyük arzusu olan əzəli torpaqlarımıza “Böyük Qayıdış” reallığa çevriləcəkdir.

Qeyd etməliyik ki, Şuşa Bəyənnaməsində xüsusilə qədim türk torpağı olan Zəngəzur dəhlizinin açılmasının vacibliyi vurğulanmışdır ki, bu da öz növbəsində tarixi gerçəkliyin və gələcək hədəflərin müəyyən edilməsində olduqca əhəmiyyətlidir. Zəngəzur dəhlizinin açılması iki dövlət arasında tranzit nəqliyyat potensialının daha da inkişaf etməsinə gətirib çıxaracaqdır. Bununla yanaşı Bəyənnamədə iqtisadiyyatın müxtəlif sahələri, xüsusilə enerji sahəsində əməkdaşlığın daha da artırılması məqsədilə səylərin artırılması, malların sərbəst hərəkətinin təşkili məsələləri də öz əksini tapmışdır.

Beləliklə 15 iyun 2021-ci ildə Azərbaycan və Türkiyə Respublikaları arasında imzalanmış və bölgənin geosiyasi mənzərəsini əsaslı şəkildə dəyişə bilmiş Şuşa Bəyənnaməsi Azərbaycan və Türkiyə dövlətlərinin düşmənlərinə tutarlı mesajdır. Bu Bəyənnamə Azərbaycan və Türkiyə Respublikaları arasında dostluq və qardaşlıqla yanaşı bütün sahələrdə inteqrasının nümunəsi və ən əsası isə region üçün yeni bir tarixi gerçəklik deməkdir. İnanırıq ki, ölkələrimiz və xalqlarımız arasında mövcud olan qardaşlıq münasibətləri dönməz və əbədi olacaqdır.

Rəşad Rəhmanov
Siyəzən şəhər 2 saylı tam orta məktəbin direktoru
Ermənistanın bu spekulyasiyası qıcıq doğurur - ƏliyevATƏT-dən mandat alan Minsk Qrupu 28 il ərzində heç bir nəticə əldə etmədi. Buna görə Azərbaycan Qarabağ münaqişəsini həll etdikdən sonra artıq Minsk Qrupuna ehtiyac qalmayıb.

Bunu Azərbaycan Respublikasının Prezidenti İlham Əliyev “Qlobal dünya nizamına təhdidlər” mövzusunda Bakıda işə başlayan Qlobal Bakı Forumunun açılış mərasimindəki çıxışında deyib.

Dövlətimizin başçısı qeyd edib ki, xüsusilə Rusiya-Ukrayna müharibəsindən sonra Minsk Qrupunun üç həmsədrinin bir araya gəlməsinin mümkün olmadığını hamı anlayır. Biz artıq bu mesajları almışıq ki, Minsk Qrupunun həmsədr institutu fəaliyyət göstərməyəcək. Artıq onların pensiya vaxtıdır.

“Beləliklə, mən öz mövqeyimizi bildirmək istəyirəm ki, Ermənistanda və ya hər hansı başqa ölkədə Minsk Qrupu ilə bağlı hər hansı spekulyasiya Azərbaycanda yalnız qıcıq doğurur. Biz münaqişəni həll etmişik. Minsk Qrupu tərəfindən işlənib hazırlanmış Madrid prinsipləri həll olunub. İndi biz Ermənistanla münasibətləri normallaşdırmağın yolları barədə düşünməliyik, sülh müqaviləsi imzalamalıyıq”, - deyə Azərbaycan Prezidenti vurğulayıb.
Gürcüstan lideri Azərbaycana təşəkkür edib“Avropa İttifaqı Ukraynada müharibəni dayandırmalıdır. Bu, Ukrayna vətəndaşlarının tam iştirakı ilə baş verməlidir. Ukrayna vətəndaşları gələcək sülhün kontorlarını müəyyən etməlidirlər”.

Bu fikirləri Gürcüstan Prezidenti Salome Zurabişvili bu gün “Qlobal dünya nizamına təhdidlər” mövzusunda keçirilən IX Qlobal Bakı Forumunun açılış mərasimində deyib.

“Sabah Gürcüstanda qadınların beynəlxalq konfransı da baş tutacaq. Biz beynəlxalq əməkdaşlığı gücləndirməliyik. Mən bu foruma ev sahibliyi etdiyinə görə Azərbaycana təşəkkür edirəm və forumun fəaliyyətinə uğurlar arzulayıram”, - o vurğulayıb.
Şuşa Bəyannaməsi.  Türkiyə - Azərbaycan münasibətlərinin yeni tarixi mərhələsiTürkiyə-Azərbaycan münasibətləri günü-gündən daha da inkişaf edərək daha da dərinləşir. Bu münasibətlər digər dövlətlərə də bir nümunə kimi göstərilir. Hər sahədə iqtisadi – siyasi, təhsil, səhiyyə, mədəni, təhlükəsizlik və s. sahələrdə bu münasibətlər ən yüksək nöqtəyə əsil qardaşlıq səviyyəsinə gəlib çatmışdır. Bu qardaşlığın yeni tarixi mərhələsi - Şuşa Bəyannaməsi oldu. Bir il öncə Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında 2021-ci il iyunun 15-də Şuşada imzalanan Bəyannamə iki qardaş ölkə arasında tarixi münasibətlərin yeni mərhələsinin əsasını qoydu.

Şuşada qürurla dalğalanan Azərbaycan və Türkiyə bayraqları altında imzalanan Şuşa Bəyannaməsi bu müttəfiqliyin geostrateji əhəmiyyətini artırır. Bu Bəyannamə ölkələrimiz arasındakı münasibətlərin bütün müstəvilərdə davamlı inkişafını təmin edəcəkdir.
Çoxşaxəli olan Şuşa Bəyannaməsi ölkələrimiz arasındakı müttəfiqlik əlaqələri siyasət, beynəlxalq müstəvidə birgə əməkdaşlıq, iqtisadiyyat, enerji təhlükəsizliyi, nəqliyyat, mədəniyyət, təhsil, ordu quruculuğu və digər strateji sahələri əhatə edir. Eləcə də bölgədə inteqrasiya proseslərini stimullaşdırır, əhatəli sülhə yol açır. Bəyannamə Qarabağ ərazisində yaşayan erməni əsilli Azərbaycan vətəndaşlarının inteqrasiyası üçün də əlavə imkanlar yaradır.

Əraziyə yeni sərmayə qoyuluşu prosesini stimullaşdıracaq. Regionun artan investisiya potensialı yeni iqtisadi münasibətlərin formalaşmasına səbəb olacaq, Şuşa və Şuşa ətrafının gözəl turizm məkanını çevirilməsinə təkan verəcəkdir.

Digər tərəfdən Bəyannamədə nəzərdə tutulan hərbi əməkdaşlıq, regional əhəmiyyətli iqtisadi layihələr ölkənin beynəlxalq nüfuzunu artıracaq.

Bəyannamədə xalqlarımızın böyük liderləri Mustafa Kamal Atatürkün “Azərbaycanın sevinci sevincimiz, kədəri kədərimizdir” və Ulu Öndər Heydər Əliyevin “Türkiyə və Azərbaycan bir millət, iki dövlətdir” kəlamları öz əksini tapıb.

Bu gün işğaldan azad olunmuş ərazilərdə yenidənqurma və bərpa işlərində bu iki qardaş ölkənin sıx əməkdaşlığı mövcuddur. Və bu əməkdaşlıq sayəsində yeni iqtisadi prespektivlər açılır. Hansı ki, Zəngəzur dəhlizi böyük geosiyasi və iqtisadi əhəmiyyətə malikdir. Bu layihənin həyata keçirilməsi ilə Şərqdən Qərbə hər kəsin istifadə edə biləcəyi yeni bir ortaq iqtisadi dəhliz açılacaqdır. Türkiyə ilə Azərbaycanı dəmiryolu və avtomobil yolu ilə birləşdirəcək Zəngəzur dəhlizi reallığa çevrilir.

Hərbi əməkdaşlıq isə bu Bəyannamənin strateji əhəmiyyətini artıran əsas amildir. Müdafiə sahəsində əməkdaşlıq və qarşılıqlı hərbi yardım məsələlərinin Bəyannamədə əks olunması tarixi nailiyyətdir. Bundan sonra da ölkələr bir-birinin təhlükəsizliyini təmin edəcək, müdafiə sənayesi sahəsində əlaqələrin inkişafı ölkələrin hərbi qüdrətini artıracaqdır.

Cənab Prezident İlham Əliyev dəfələrlə bildirib ki, ikinci Qarabağ müharibəsinin ilk gündən, ilk saatlarından Türkiyə Prezidenti Rəcəb Təyyub Ərdoğan əsil qardaşlıq nümunəsi sərgiləyərək birmənalı, dəqiq və açıq dəstək ifadə edərək bildirdi ki, Azərbaycan tək deyil. Hərtərəfli önəmli əhəmiyyət kəsb edən Türkiyənin bu mesajı müdaxilə etmək fikrində olan bütün qüvvələri, dairələri dayandırdı.

Bu Bəyənnamənin imzalanması Azərbaycanda fəaliyyət göstərən 48 siyasi partiya tərəfindən birgə bəyanatla təqdir edilmiş və Azərbaycandakı bütün siyasi qüvvələr tərəfindən dəstəklənmişdir. Bu isə əlbəttə Müstəqil Azərbaycanın inkişafı və qüdrətlənməsi yolunda bir həmrəylik nümunəsidir.

Pənah İmanov
Politoloq, siyasi icmalçı
"Şuşa hamımızı bir araya gətirən milli həmrəylik məkanına çevrilib"Milli Həmrəylik Partiyasının (MHP) sədri, Qarabağ qazisi Əlisahib Hüseynov Şuşada Yeni Azərbaycan Partiyası (YAP) və Türkiyənin Ədalət və İnkişaf Partiyasının (AK Parti) birgə təşkilatçılığı ilə “Azərbaycan-Türkiyə strateji müttəfiqlik münasibətləri Qafqaz və region üçün sülh və sabitlik mənbəyidir” mövzusunda keçirilən beynəlxalq konfransda iştirak edib.

MHP mətbuat xidmətinin verdiyi məlumatda bildirilir ki, Şuşa Bəyannaməsinin imzalanmasının 1-ci ildönümünə həsr olunmuş yüksək səviyyəli tədbirə iki ölkənin dövlət rəsmiləri, millət vəkilləri ilə bərabər, siyasi partiyaların sədrləri də qatılıb.

İki qardaş ölkənin ən böyük strateji anlaşması hesab edilən Şuşa bəyannaməsinin birinci ildönümünə həsr olunan beynəlxalq konfransda Azərbaycan Respublikası Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev, Yeni Azərbaycan Partiyasının (YAP) sədrinin müavini, Mərkəzi Aparatın rəhbəri Tahir Budaqov, Türkiyənin hakim Ədalət və İnkişaf Partiyasının (AK Parti) təmsilçiləri – sabiq Baş nazir Binəli İldırım, Numan Kurtulmuş, Efkan Ala, Milliyyətçi Hərakat Partiyasının (MHP) təmsilçisi, Türkiyə Böyük Millət Məclisinin (TBMM) Türkiyə-Azərbaycan parlamentlərarası dostluq qrupunun rəhbəri Şamil Ayrım və digərləri iştirak edirdi.

Həmçinin hər iki ölkənin kənd təsərüfatı nazirlərinin, xarici işlər nazirlərinin müavinlərinin, müdafiə nazirlərinin müavinlərinin və digər rəsmilərin də təmsil olunduğu bu konfransın əsas hissəsində və panel müzakirələrində Şuşa Bəyannaməsinin çətiri altında Azərbaycanla Türkiyənin ötən bir il ərzində birlikdə gördüyü işlər və iki ölkə arasında əlaqələrin perspektivlərinə dair geniş fikir mübadiləsi aparılıb.

Konfransın işi barədə açıqlama verən Milli Həmrəylik Partiyasının sədri Əlisahib Hüseynov bildirib ki, ötən bir il ərzində Azərbaycan ilə Türkiyə arasında siyasi, iqtisadi, mədəni, hərbi müstəvidə çox işlər görülüb, münasibətlər daha da inkişaf edib.

“Bir il bundan əvvəl Azərbaycan və Türkiyə Şuşa Bəyannaməsinin əsasında bölgədə yeni müttəfiqlik sisteminin formalaşdığını bütün dünyaya bəyan etdilər. İki ölkənin dostluq və qardaşlıq münasibətlərinin müttəfiqlik səviyyəsinə qalxması bütövlükdə Cənubi Qafqazda sülh və sabitlik üçün, əməkdaşlıq və inkişafı üçün etibarlı zəmin yaradır. Ötən bir il ərzində Azərbaycanla Türkiyə arasında çox işlər görülüb. Siyasi, iqtisadi, hərbi sahələrdə əlaqələrin daha da dərinləşdirilməsi məqsədilə son bir ildə Azərbaycan Türkiyə dövlət başçılarının, xarici işlər və müdafiə nazirlərinin, digər rəsmi şəxslərin tez-tez bir araya gəldiyini müşahidə etmişik. Həmçinin Şuşa Bəyannaməsinin imzalanmasından sonra birgə hərbi təlimlərin sayı da artıb. Azərbaycanla Türkiyə beynəlxalq məsələlərdə də bütün addımlarını bir-birilə koordinasiya edir, vahid mövqedən çıxış edirlər. Bir sözlə, Şuşa Bəyannaməsi iki qardaş ölkə arasında bütün sahələr üzrə sıx işbirliyinin formalaşması üçün olduqca böyük imkanlar açır. Azərbaycan-Türkiyə müttəfiqliyi əbədi və sarsılmaz olacaq”, deyə Əlisahib Hüseynov qeyd edib.

Partiya sədri onu da vurğulayıb ki, iki ölkənin hakim partiyalarının – Yeni Azərbaycan Partiyasının (YAP) və Ədalət və İnkişaf Partiyasının (AK Parti) birgə təşəbbüsü ilə təşkil edilən bu cür mötəbər beynəlxalq tədbirə Azərbaycanda fəaliyyət göstərən digər siyasi partiyaların rəhbər şəxslərinin də dəvət edilməsi yeni siyasi münasibətlər sisteminin formalaşması baxımından olduqca əhəmiyyətlidir: “Bu həm yeni siyasi konfiqurasiyanın formalaşmasının real təzahürlərindən biridir, həm də milli həmrəylik və siyasi konsensus baxımından çox önəmlidir. Şəhidlərimizin və qazilərimizin şücaəti ilə işğaldan azad edilən Şuşa şəhəri bizim hamımızı bir araya gətirən milli həmrəylik məkanına çevrilib. Azərbaycan və Türkiyənin siyasi qüvvələri də bundan sonra ortaq hədəflər, birgə milli maraqlar əsasında fəaliyyət göstərəcək, Türk dünyasının ümumi maraqları naminə səylərini birləşdirəcəklər”.

MHP sədrinin sözlərinə görə, Şuşa Bəyannaməsi həm güclərimizin birləşdirilməsi üçün yeni “yol xəritəsi”dir, həm də tarixi ədalətin bərpası üçün zamanın yaratdığı əvəzolunmaz fürsətdir.

Sonda konfrans iştirakçıları xatirə şəkilləri çəkdiriblər.
İlham Əliyev: “Ərzaq böhranı qaçılmazdır”Qlobal Bakı Forumu müxtəlif tərəflərin fikirlərini toplayan inklüziv və yaxşı platformadır, bu, belə də olmalıdır. Çünki dünyanı daha təhlükəsiz etmək üçün biz hamımız birlikdə işləməliyik.

Bunu Azərbaycan Respublikasının Prezidenti İlham Əliyev “Qlobal dünya nizamına təhdidlər” mövzusunda Bakıda işə başlayan Qlobal Bakı Forumunun açılış mərasimindəki çıxışında bildirib.

“Eyni zamanda, gündəlikdəki məsələlərdən biri ərzaq böhranı ilə mübarizədə aparıcı beynəlxalq institutların, aparıcı maliyyə institutlarının rolunun nədən ibarət olmasıdır. Çünki böhran qaçılmazdır və artıq yaxındadır. Beynəlxalq təşkilatlar və ölkələr ərzaq böhranının nəticəsi olacaq miqrantların potensial artımı ilə bağlı vəziyyəti diqqətdə saxlamalıdırlar”, - deyə dövlətimizin başçısı vurğulayıb.