Tokayev İlham Əliyevə təbrik teleqramı göndərib
Dərc olunub:
24-05-2025, 14:14
Prezident Kasım-Jomart Tokayev Azərbaycan Prezidenti İlham Əliyevi Qazaxıstan Respublikası ilə Azərbaycan Respublikası arasında Strateji tərəfdaşlıq və müttəfiqlik münasibətləri haqqında Müqavilənin imzalanmasının 20 illiyi münasibətilə təbrik edib.
– Ölkələrimiz arasında əməkdaşlığın əsas sahələrini əhatə edən bu tarixi sənəd Qazaxıstan-Azərbaycan münasibətlərinin inkişafında mühüm mərhələ olub və çoxsaylı istiqamətlər üzrə qarşılıqlı fəaliyyətin möhkəmləndirilməsi üçün möhkəm təməl yaradıb. Əminəm ki, birgə səylərimizlə strateji tərəfdaşlıq və müttəfiqlik münasibətlərimizi daha da möhkəmləndirəcəyik, ikitərəfli əməkdaşlığın böyük potensialını xalqlarımızın rifahı naminə reallaşdıracağıq, – deyə təbrik məktubunda bildirilir.
