Fransa parlamentindən Azərbaycana qarşı təxribatçı BƏYANATFransa parlamentinin aşağı palatası yekdilliklə Azərbaycana qarşı təxribat xarakterli qətnamə qəbul edib.

256 deputat qətnamənin lehinə səs verib, əleyhinə səs verən deputat olmayıb.

Qətnamədə Azərbaycanın guya Ermənistana hücum etdiyi iddia edilir.

Qeyd edək ki, bundan əvvəl Fransa Senatı da Azərbaycana qətnamə qəbul edib.
"Güney Azərbaycan türklərinə sahib çıxmaq istiqamətində hərəkət etməliyik"Hazırda İran-Azərbaycan münasibətlərində gərginliyin davam etdiyi, mollaların günahı üzündən sərt ritorika və qarşılıqlı ittihamların müşahidə edildiyi bir məqamda, Ümid Partiyasının Güney Azərbaycan Keçici Milli Məclisinin Təşkilat Komitəsinin üzvləri ilə görüşümüzü təşkil etməsini Milli Həmrəylik Partiyası (MHP) olaraq yüksək qiymətləndiririk.

Ümid Partiyasının mənzil-qərargahında Güney Azərbaycan Keçici Milli Məclisinin Təşkilat Komitəsinin üzvləri ilə ölkəmizdə fəaliyyət göstərən siyasi partiyaların, Qeyri-hökumət təşkilatlarının və media nümayəndələrinin görüşünün keçirilməsi güneyli soydaşlarımıza mənəvi-siyasi dəstək verilməsi baxımından olduqca önəmlidir. Tədbirə ev sahibliyi edən Ümid Partiyasının sədri İqbal Ağazadənin əlaqələndiricilik rolunu da xüsusi qeyd etməliyik.

Quzeydəki siyasi partiyaların və ictimai təşkilatların Güneydəki soydaşlarımızın haqq və hüquqlarının müdafiəsi üçün bir araya gəlməsi, toplaşması təqdirəlayiq haldır və çox vacibdir. Mən də bu görüşdə Milli Həmrəylik Partiyasının adından çıxış edərək Güney Azərbaycandakı soydaşlarımızı tək qoymayacağımızı bəyan etdim. Zatən Prezident İlham Əliyev də noyabrın 25-də ADA Universitetində keçirilən beynəlxalq konfransdakı çıxışı zamanı qeyd etdi ki, biz İranda yaşayan azərbaycanlıların müdafiəsi üçün əlimizdən gələni edəcəyik. Bu bizim mənəvi, milli borcumuzdur.

İranın fars-molla rejimi bütün maskalarını çıxarıb yerə atıbsa və bizə qarşı dost deyil, düşmən mövqeyini açıq şəkildə nümayiş etdirməyə, Azərbaycanla təhdid dilində danışmağa, işğalçı Ermənistanı isə özünün strateji müttəfiqi kimi dəstəkləməyə başlayıbsa, o zaman biz də Güney Azərbaycan türklərinə sahib çıxmaq istiqamətində hərəkət etməliyik. Biz bu istiqamətdə vahid mövqedən çıxış edən bütün partiya və təşkilatlarla güclərimizi birləşdirməyə, milli birlik və siyasi həmrəylik mövqeyindən çıxış etməyə hazırıq.

Əlisahib Hüseynov,
Milli Həmrəylik Partiyasının sədri
Bakıda Şimali Kipr Türk Respublikasının yaranmasının 39-cu ildönümü qeyd olunubBakıda Şimali Kipr Türk Respublikasının yaranmasının 39-cu ildönümü qeyd olunub.

Avrasiya.net xəbər verir ki, tədbirin açılış mərasimdə Azərbaycan və Türkiyə himnləri səsləndirilib.

Tədbirdə çıxış edən Şimali Kipr Respublikasının Azərbaycandakı nümayəndəsi Ufuk Turqaner şəhidlərin əziz xatirəsini anıb, ailələrinə səbr diləyib.

Xanım daha sonra isə Şimali Kiprin yaranma tarixindən və bu yoldakı çətinliklərdən, mübarizədən söz açıb.

Tədbirdə Türkiyənin Azərbaycandakı səfiri Cahit Bağçı, həmçinin ictimai-siyasi xadimlər, jurnalistlər iştirak edirlər.
“Elə siyasi partiya var ki, adındakı hərflərin sayı üzvlərinin sayından çoxdur"“Partiya sədri tanıyıram ki, rəhbərlik etdiyi təşkilatın möhürünü hara qoyub yadına düşmür. Elə partiya sədrləri də var ki, həyat yoldaşı belə onun partiyasına üzv olmur ki, get işinlə məşğul ol, səndən siyasətçi olmaz”.

Avrasiya.net xəbər verir ki, bu sözləri deputat, Azərbaycan Demokratik Maarifçilik Partiyasının sədri Elşən Musayev parlamentin noyabrın 29-da keçirilən plenar iclasında “Siyasi partiyalar haqqında” yeni qanun layihəsinin l oxunuşda müzakirəsi zamanı çıxışında deyib.

Onun sözlərinə görə, elə siyasi partiya var ki, adındakı hərflərin sayı üzvlərinin sayından çoxdur:

“Hesab edirəm ki, yeni qanun layihəsinin əsas qayəsi ondan ibarətdir ki, bu məsələlər həllini tapsın. Siyasi partiyatara hörmət olmalı və nüfuzu qalxmalıdır”.

“Bəzi insanlar var ki, cibində 5-6 partiyanın vəsiqəsini gəzdirir. Hansı sərf edirsə ondan da istifadə edir. 3-5 və ya 10 nəfərlə siyasi partiya olmaz. Bir ara siyasi partiya yaratmaq dəb halını almışdı. Bu gün başqa dövrdür” - E.Musayev əlavə edib.
Azərbaycan ədalətli sülh istəyir Prezident İlham Əliyevin 25 noyabr tarixində ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda çıxışı dünya mediasının, o cümlədən ərəb mediasının diqqət mərkəzində oldu. Bu, ADA Universitetinin ev sahibliyi etdiyi sayca üçüncü konfransdır. Aparıcı beyin mərkəzləri, tanınmış ekspertlər, analitiklər regionda baş verən hadisələrin müzakirəsinə, postmüharibə dövründə sülh quruculuğu, yenidənqurma işlərinə xüsusi diqqət yetirir və bu konfranslarda yaradılan şəraitə uyğun olaraq Prezident İlham Əliyevə ünvanladıqları suallar əsasında hərtərəfli, dolğun məlumatlar əldə etməkdən məmnunluqlarını ifadə edirlər.

Azərbaycan daim qlobal məsələlərin müzakirəsi üçün ideal məkan kimi qəbul olunur. Postmünaqişə dövründə ölkəmizin beynəlxalq aləmdə möveyinin daha da möhkəmləndiyini böyük əminlik və qürur hissi ilə qeyd edirik.

Azərbaycan həm Şimal-Cənub, həm də Şərq-Qərb dəhlizlərinin iştirakçısıdır və ölkəmizdə bu dəhlizlərlə bağlı əksər nəqliyyat və logistika infrastrukturu hazırdır. İndi Azərbaycan qatarların, yük qatarlarının sürətini artırmaq üçün yeni dəmir yolları tikir. Azərbaycanda uzun illərdir ki, sabitlik var və bu, bizim iqtisadi inkişafımızın əsas amillərindən biridir. İndi Azərbaycanın beynəlxalq arenada oynadığı rol da, daxili siyasətimiz sayəsində əmələ gəlmişdir.

Azərbaycanın açıq dənizə, okeanlara çıxışı yoxdur. Buna görə istər enerji layihələrimizin, istərsə də nəqliyyat layihələrimizin reallaşdırılması üçün çox gərgin işlər aparılmalıdır. Ölkəmizin coğrafi mövqeyinin üstünlüyü Avropa ilə Asiyanın arasında yerləşməsindədir. İki qitənin ortasında yerləşirik və bu bizə bağlılıq məsələlərində mühüm rol oynamağa imkan verir.

Konfransın iştirakçıları arasında ABŞ, Belçika, Bolqarıstan, Böyük Britaniya, Fransa, İsrail, İsveçrə, İtaliya, Gürcüstan, Kanada, Misir, Pakistan, Polşa, Rumıniya, Rusiya və Türkiyənin aparıcı beyin mərkəzlərinin rəhbərlərinin, nümayəndələrinin yer alması da tədbirə olan marağın göstəricisidir: “Konfransda Orta Dəhlizin təhlükəsizlik aspektləri, regionun iqtisadi imkanları müzakirə olundu. Xüsusilə bu baxımdan Zəngəzur dəhlizinin əhəmiyyəti, Şərq-Qərb dəhlizinin yaradacağı yeni nəqliyyat imkanları, beynəlxalq yükdaşımalarının genişləndirilməsi və şaxələndirilməsi məsələləri ilə bağlı fikir mübadiləsi aparıldı.

Nəqliyyat-kommunikasiya layihələrinin nisbətən yeni elementi olan dəniz ticarət limanımızın həcmini 15 milyon tondan 25 milyon tona qədər genişləndirəcəyik. Buna zərurət var, çünki dünyada yeni geosiyasi vəziyyət mövcuddur və Azərbaycandan daha çox yüklərin daşınmasına ehtiyac var. Hazırda Azərbaycanda hava limanları layihələrinin tamamlanması prosesi gedir. Laçın hava limanı hazır olandan sonra, o, işğaldan azad edilmiş ərazilərimizdə üçüncü hava limanı olacaq. Bununla da Azərbaycanda beynəlxalq hava limanlarının sayı doqquza çatacaq. Bu, təkcə sərnişin daşımaları üçün yox, həm də yük daşımaları üçündə böyük uğurdur.

Xəzər dənizinin şərq sahillərindən yükləri Azərbaycan ərazisindən nəql etmək üçün yeni tankerlər, bərələr və yük gəmiləri lazımdır. Bakıda gəmi infrastrukturu və yeni gəmiqayırma zavodlarının olması ölkəmizin mövcud istiqamətdəki potensialını artırır.

Türk Dövlətləri Təşkilatına üzv dövlətlər arasında əvvəlki illərlə müqayisədə daha fəal dialoqun şahidiyik. Sonuncu Zirvə Toplantısı bunun bariz təzahürü idi. Türk dövlətləri arasında əməkdaşlıq Orta Dəhliz layihəsinə əsas töhfə olacaqdır. Çünki coğrafiyaya nəzər saldıqda Özbəkistan, Türkmənistan, Qazaxıstan, Qırğızıstan və Xəzər dənizinin bu sahilində Azərbaycan, Gürcüstan və Türkiyənin olması əlavə imkanlar yaradır.

Hazırda dünyanın bir çox bölgələrində baş verən hərbi toqquşmalar və siyasi çəkişmələr dünya iqtisadiyyatına öz mənfi təsirini göstərməkdədir. Xüsusilə Rusiya ilə Ukrayna arasında baş verən müharibə və bunun nəticəsində Rusiya üzərinə qoyulan çoxsaylı sanksiyalar dünyanın müxtəlif bölgələri arasında beynəlxalq ticarəti və logistika əməliyyatlarını iflic vəziyyətinə salır. Belə bir şəraitdə dünya iqtisadiyyatının dayanıqlılığını təmin etmək üçün Orta Dəhliz layihəsi xüsusi əhəmiyyət kəsb edir və bu dəhliz üzərində yerləşən Azərbaycan üçün də yeni imkanlar yaranır.
Belə bir zamanda ölkəmizin dünya miqyasında artan rolu və dünya dövlətləri arasında artan nüfuzu qürur hissi yaradır. Bütün bunlar deməyə əsas verir ki, Azərbaycan Orta Dəhliz kimi iri miqyaslı layihəni icra etmək əzmindədir və buna nail olacaq.

Güntəkin Sabiqızı
147 saylı texniki humanitar liseyin tarix müəllimi
Deputatdan sensasion TƏKLİF: Ölkəmizin adı dəyişdirilsin!Azərbaycanın adının dəyişdirilməsi təklif olunub.

Avrasiya.net xəbər verir ki, bu barədə Milli Məclisin bu gün keçirilən plenar iclasında deputat Qüdrət Həsənquliyev çıxış edib.

“Hesab edirəm ki, biz yeni konstitusiya tərtib etməliyik. İlk olaraq ölkəmizin adını dəyişdirməliyik. Ölkəmizin adı Şimali Azərbaycan olmalıdır. Bütün dünya bilməlidir ki, 200 il əvvəl Azərbaycan torpaqları İran rejimi tərəfindən işğal olunub. Necə ki, dünyada Şimali Koreya və Cənubi Koreya var, bizdə də belə olsun”, - deputat qəribə təklif irəli sürüb.
Qarabağda hücum hazırlanır – Petrovdan sensasion açıqlamaNoyabrın sonu Qarabağ müharibəsinin bitməsindən sonrakı iki il ərzində Cənubi Qafqazda ən narahatedici ay olub. Qarabağ separatçıları rus sülhməramlıların müvəqqəti yerləşdirildiyi zonadan Azərbaycan Ordusunun mövqelərini hər gün atəşə tutur. Noyabrın 8-dən noyabrın 27-dək erməni yaraqlıları 15 dəfə atəşkəsi pozub. Qarabağ müharibəsində Ermənistanın təslim olması və erməni işğalçı qüvvələrinin Ağdam, Kəlbəcər və Laçın rayonlarından çıxarılmasından sonra Rusiya sülhməramlılarının müvəqqəti yerləşdirildiyi zonada ermənilər bir neçə dəfə Azərbaycanın mövqelərinə hücum etməyə cəhdlər edib, lakin bu təcavüz aktları az və sistemsiz olub. Ən böyük döyüş bu ilin avqustunda baş verib, ermənilərin təxribatının qarşısı “Qisas əməliyyatı” ilə alınıb.

Axar.az xəbər verir ki, bunu rusiyalı analitik Andrey Petrov deyib.

“Lakin indiyədək Azərbaycanın Qarabağ iqtisadi rayonunda erməni silahlı birləşmələrinin hərbi təxribatlarında aydın təşkilatlanma olmayıb. Hətta sentyabrın 13-14-də Ermənistan-Azərbaycan sərhədində gedən şiddətli döyüşlər zamanı Qarabağda bir güllə belə açılmadı. İrəvan həmin günlərdə ikiistiqamətli siyasi kampaniyaya başladı: birincisi, Rusiya və KTMT-dən Azərbaycanla sərhəddəki vəziyyətə müdaxilə etməyi tələb etdi, ikincisi, Brüssel və Parisi Ermənistanda özünə faydalı vasitəçi kimi təmin etməyə çalışdı. Amma yenə də Qarabağdakı separatçılar sentyabr və oktyabr aylarında özlərini “sakit” apardılar. Bəs, noyabrda nə dəyişdi? İrəvanın xarici siyasət kampaniyasının “rus” və “fransız” istiqamətləri eyni vaxtda iflasa uğradı. İrəvanda keçirilən KTMT sammiti də göstərdi ki, Təşkilat ölkələri Ermənistan-Azərbaycan sərhədindəki vəziyyətə müdaxilə etmək niyyətində deyillər. Paşinyan isə müttəfiqlərin sərt imtinasından o qədər qəzəbləndi ki, sammitin əsas sənədini - KTMT-nin Kollektiv Təhlükəsizlik Şurasının bəyannaməsini imzalamaqdan imtina etdi. Ermənistan Rusiyadan və KTMT-dən istədiyini almadı, ona təklif olunanları rədd etdi.

Fransaya gəlincə, oktyabr ayında Makron Bakıya yönəli qalmaqallı ittihamlar səsləndirdi, Fransa Senatı Bakıya qarşı ümumavropa sanksiyalarının tətbiqini tələb edən ikinci antiazərbaycan qətnaməsini qəbul etdi. Parisin bu cür davranışı onun Ermənistan-Azərbaycan müharibəsindən sonrakı danışıqlar prosesində iştirakını qeyri-mümkün etdi. Ötən günlərdə Azərbaycan Prezidenti İlham Əliyev bildirdi ki, Paşinyan ona dekabrın 7-də Makronun iştirakı şərti ilə Brüsseldə görüşməyi təklif edib və məhz bu, antiazərbaycan qüvvələrin danışıqlarda iştirak etməsi şərti bu görüşü mümkünsüz edib”, - o bildirib.

Analitik qeyd edib ki, Ermənistan Bakı-İrəvan münaqişəsinin nizamlanması prosesini ləngitmək və ya öz xeyrinə çevirmək üçün diplomatik yollarını tükədib:

“Rusiya Azərbaycana təzyiq etməyəcək, Azərbaycan isə Fransanın işğalçı siyasətini açıq dəstəklədiyi müddətcə Parislə danışmayacaq. Siyasətdəki ikiqat fiaskonun təbii nəticəsi Ermənistan hakimiyyətinin ənənəvi hərbi təxribat üsullarına əl atmasıdır. İndi sərhəddə Azərbaycan mövqelərinə hücum etməyin mənası yoxdur. Çünki sentyabr döyüşləri həm Azərbaycanın sərhədlərinin nə qədər qüdrətli qorunduğunu, həm hücumlara nə qədər sərt cavab verdiyini, həm də belə təxribatlarda Bakının qələbəsinin nə qədər qaçılmaz olduğunu göstərdi. Buna görə də növbə Rusiya sülhməramlılarının müvəqqəti yerləşdirildiyi zonada gərginliyin artmasına çatıb. Paşinyan rejimi hələ də Rusiyanı Azərbaycanla qarşıdurmaya çəkmək istəyir. Əgər Moskva öz qoşunlarını iki respublikanın sərhədinə yerləşdirməkdən imtina edərsə, o zaman Azərbaycanın Qarabağ iqtisadi rayonunda olan sülhməramlılar var. Bu isə o deməkdir ki, Rusiya sülhməramlı kontingentini təhlükə altına salmağa cəhd etmək olar. Separatçıların Azərbaycan mövqelərinə hücumuna ciddi hazırlıq görməsi təkcə atəşkəsin artması ilə sübut olunmur. Şənbə günü rusiyalı sülhməramlıların müvəqqəti yerləşdirildiyi zonadan kənarda kəşfiyyat aparan erməni silahlılarının kvadrokopteri ələ keçirilib və həftə ərzində Laçın dəhlizi ilə hərbi texnikanın daşındığı elan edilib. Ermənistan Qarabağdakı separatçıları silahlandırır və Azərbaycanın hərbi hissələrinin dəqiq yerini öyrənir. Bu, koordinasiyalı hücuma hazırlığın bariz əlamətləridir. Əgər Rusiya planı baş tutmasa, İrəvan hərbi yardım üçün Qərbə üz tutacaq. Onların Qarabağa girməsinə Bakı razı olmayacaq. Bu, həm də Kremlin Gümrüdəki hərbi bazasının bağlanmasına, hərbi sahədə Moskva-İrəvan əlaqələrinin zəifləməsinə yönəlik antiRusiya addımı olacaq”.
Ulu Öndərin həyatı, fəaliyyəti bir fədakarlıq nümunəsi idiNoyabrın 21-də Heydər Əliyev Mərkəzində Yeni Azərbaycan Partiyasının yaradılmasının 30 illiyi münasibətilə tədbir keçirilmiş və tədbirdə iştirak edən Azərbaycan Respublikasının Prezidenti, Yeni Azərbaycan Partiyasının Sədri İlham Əliyev cənabları geniş nitqlə çıxış etmişdir. Cənab Prezident öz çıxışında Azərbaycan xalqının Ümummilli Lideri Heydər Əliyevin ən böyük şah əsəri olan və “dünənin, bu günün və sabahın” partiyası adlandırılan Yeni Azərbaycan Partiyasının yaranma tarixindən və keçdiyi 30 illik şərəfli yoldan bəhs etdi. Dövlətimizin başçısı qeyd etdi ki, “bu gün Yeni Azərbaycan Partiyasının yubileyini qeyd edərkən hər birimiz, şübhəsiz, hər birimiz yenə də Ulu Öndərin xatirəsinə ehtiramımızı ifadə edirik. Çünki illər keçdikcə və dünya dəyişdikcə hər birimiz çox gözəl bilirik ki, əgər o vaxt Azərbaycan xalqı Heydər Əliyevə müraciət edib onu hakimiyyətə dəvət etməsəydi, ölkəmiz daha böyük fəlakətlə üzləşə bilərdi”.

Ölkə başçısı öz nitqində Ulu Öndərin həyat və fəaliyyətindən bəhs edərkən xüsusi olaraq vurğulamışdır ki, “Heydər Əliyevin həyatı, fəaliyyəti bir fədakarlıq nümunəsi idi. O, hətta özü üçün ən çətin dövrlərdə, artıq son illərdə fiziki sağlamlığı əvvəlki kimi olmadığı dövrdə də hər zaman hər birimizə nümunə göstərirdi. Hər birimiz, o cümlədən mən onun sağlığında da və yoxluğunda da onun kriteriyalarına uyğun hərəkət etməyə çalışırıq. Bu gün bizi qabağa aparan məhz budur - onun xatirəsinə hədsiz hörmət və onun mirasına olan münasibət. Onun mirası da bu gün müstəqil Azərbaycandır”.

Ulu Öndər Heydər Əliyevin fəaliyyəti dünya siyasət sənətinin xəzinəsinə daxil olmuş, onun adı Azərbaycan xalqının rəmzinə, keçdiyi ömür yolu doğma torpağa məhəbbət və sədaqət meyarına çevrilmişdir. Bu gün bizlər əminliklə deyə bilərik ki, Azərbaycanın ən yeni tarixinin bütöv bir dövrü Heydər Əliyevin möhtəşəm siyasi və dövlətçilik fəaliyyəti ilə sıx bağlı olmuşdur. Xüsusi olaraq qeyd etməliyik ki, əsası Ulu Öndər tərəfindən qoyulmuş və yaranmasının 30-cu ildönümünü qeyd etdiyimiz Yeni Azərbaycan Partiyasının tarixi müstəqil Azərbaycan dövlətinin inkişaf salnaməsidir. YAP-ın yarandığı tarixi zamana və həmin dövrdə Azərbaycanda cərəyan edən ictimai-siyasi hadisələrə nəzər saldıqda partiyanın cəmiyyətdə oynadığı rol daha aydın şəkildə özünü büruzə verir. Bu illər ərzində tez-tez hakimiyyət dəyişiklikləri və daxili siyasi qarşıdurmanın dərinləşməsi nəticəsində ölkədə böhran vəziyyəti qorxulu həddə çatmışdı.

Şəhidlərimizin qanı hesabına qazandığımız müstəqilliyimiz itirilmək təhlükəsi qarşısında qalmışdı. Belə bir vaxtda cəmiyyət ümumxalq inamına malik olan və ilk növbədə milli birliyə, vətəndaş həmrəyliyinə əsaslanaraq ölkəni böhrandan xilas etməyə qadir olan yeni siyasi qüvvəyə ehtiyac duyurdu. 1992-ci ilin oktyabrında bir qrup Azərbaycan ziyalısı Ulu Öndərə müraciət edərək yeni yaradılacaq siyasi partiyaya rəhbərlik etmək xahiş olundu. Ona ünvanlanmış müaraciətlər heç bir zaman biganə qalmayan və hər zaman xalqının yanında olan Ulu Öndər bu müraciətə də müsbət cavab verdi və 1992-ci il noyabrın 21-də Ulu Öndər Heydər Əliyevin sədrliyi ilə Yeni Azərbaycan Partiyasının təsis konfransının keçirilməsi yeni müstəqil Azərbaycanın tarixində parlaq gələcəyin əsasını qoydu. Ulu Öndərin rəhbərlik etdiyi Yeni Azərbaycan Partiyası tezliklə xalqın təkidli tələbi ilə hakimiyyətə gəldi və ölkədə vətəndaş müharibəsi təhlükəsinin, daxili və xarici bədxahların Azərbaycanı parçalamaq, dövlətçiliyimizi məhv etmək istiqamətindəki bütün cəhdlərinin qarşısı alındı. Ulu Öndər öz qayıdışı ilə Azərbaycana sülh, sabitlik, dirçəliş və fasiləsiz inkişaf gətirdi.

Ulu Öndərin də dediyi kimi, Yeni Azərbaycan Partiyası öz fəaliyyəti ilə sübuta yetirdi ki, o, məhz yeni müstəqil Azərbaycanı qurmağa, onu zirvələrə, parlaq gələcəyə daşımağa qadir partiyadır.

Samir Baxşiyev
YAP Siyəzən rayon təşkilatının sədri
"Rəsmi Tehrana bir daha açıq diplomatik-siyasi dildə başa salındı ki..."Prezident İlham Əliyevin Arazın o tayındakı soydaşlarımızın haqq və hüquqları ilə bağlı hər çıxışı Güney Azərbaycanda böyük rezonans doğurur, ajiotajla qarşılanır. Bəli, belə də olmalıydı. Çünki bir əsrə yaxındır şah rejimi və fars-molla hakimiyyəti tərəfindən haqqları tapdalanan Güneyli soydaşlarımızın bizdən və qardaş Türkiyədən başqa güvənə biləcəkləri, ümidlə baxa biləcəkləri ikinci bir ünvan yoxdur.

Dövlət başçımızın noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransdakı çıxışında bir sıra mühüm məqamlar sırasında İranın Azərbaycana qarşı sərgilədiyi aqressiv mövqeyə və Güney Azərbaycan türklərinin təməl haqqlarının təmin olunmaması məsələsinə də münasibət bildirdi. Mən həmin çıxışda iki nüansa diqqətinizi cəlb etmək istərdim.

Birincisi, Azərbaycan Prezidenti qeyd etdi ki, “Biz hər zaman istənilən anti-Azərbaycan bəyanatına və hərəkətinə cavab vermişik və verəcəyik. Bu səbəbdən biz İran ilə sərhəddə hərbi təlimlər keçirməli olduq ki, onlardan qorxmadığımızı nümayiş etdirək. Biz həyat tərzimizin, Azərbaycanın dünyəvi inkişaf vektorunun və azərbaycanlıların, o cümlədən İranda yaşayan azərbaycanlıların müdafiəsi üçün əlimizdən gələni edəcəyik. Onlar xalqımızın bir hissəsidir”.

Zənnimcə, bu, Azərbaycan liderinin davakar molla rejiminə verdiyi ən layiqli cavablardan biri kimi qiymətləndirilməlidir. Beləliklə, rəsmi Tehrana bir daha açıq diplomatik-siyasi dildə başa salındı ki, siz bizi başqaları ilə səhv salmayın və sizin Araz çayı boyunca hərbi təlimlər keçirməyiniz Azərbaycan tərəfini əsla qorxuda bilməz! Həmçinin İlham Əliyev artıq tam açıq şəkildə bəyan etdi ki, bundan sonra İranda yaşayan azərbaycanlıların müdafiəsi üçün əlimizdən gələni edəcəyik.

Bu bəyanat əslində mollaların sifətinə çırpılmış tərs şapalaq kimi dəyərləndirilməlidir. Onlar bu bəyanatdan sonra ciddi şəkildə narahat olmağa başlayacaqlar. Günahkar mollalar özləridir. Onlar İranla və digər qonşularımızla daim dinc yanaşı, mehriban qonşuluq şəraitində yaşamaq xəttini yürüdən, sülhə və əminamanlığa can atan Azərbaycanı öz çirkin, təhrikedici əməlləri ilə, xain davranışları ilə bu həddə gətirib çatdırmamalıydılar. Eybi yox, bizim itirəcəyimiz bir şey yoxdur, İran itirən tərəf olacaq. Necə deyərlər, nə əkiblərsə, onu da biçəcəklər.

Mollalar devirdikləri və ölkədən qovduqları İran şahının Güney Azərbaycan türklərinə qarşı yürütdüyü ədalətsiz siyasəti davam etdirməklərindən, onlara ana dilində təhsil almaq hüququ verməmələrindən utanmalıdırlar. Azərbaycan dövləti bundan sonra bu məsələni də daim diqqət mərkəzində saxlayacaq.

Prezident İlham Əliyev də ADA-dakı çıxışında qeyd etdi ki, İranda tədrisin erməni dilində aparıldığı məktəblər var, ancaq Azərbaycan dilində tədrisin olduğu məktəb yoxdur: “Bu necə ola bilər? Əgər kimsə deyirsə ki, bu, daxili işlərə müdaxilədir, biz bunu tamamilə rədd edirik. Azərbaycanın xarici siyasəti gün kimi aydındır – biz heç bir dövlətin daxili işinə qarışmamışıq və qarışmırıq. Biz İran məktəblərində Azərbaycan dilində tədris məsələsini ona görə qaldırırıq ki, əks təqdirdə, ana dilində danışan İran azərbaycanlıları dilin ədəbi komponentini itirirlər və Azərbaycan dili sadəcə məişət səviyyəsində qalır”.

Azərbaycan Prezidenti məsələni bu formada qaldırmaqda tamamilə haqlıdır. Güneylilərin ana dilində təhsil almaq hüququ heç bir halda İranın daxili işi sayıla bilməz. Molla rejimi bu haqqı tanımalı və təmin etməlidir. Türklüyə və müsəlmanlığa qarşı daim düşmən mövqe tutan bir ovuc erməniyə İranda ermənicə təhsil almaq üçün hər cürə imkanlar yaradan və üstəgəl, işğalçı Ermənistanı dəstəkləyən İran hakimiyyəti bu cür riyakar, ikiüzlü siyasətini əbədi davam etdirə bilməz. Mollalar bilməlidir ki, biz Güneyli soydaşlarımızı tək qoymayacayıq!

Əlisahib Hüseynov,
Milli Həmrəylik Partiyasının sədri