Bu tarixi hadisə yaddaşlarda qalacaq - Millət vəkiliParlamentlərarası İttifaqın Madriddə keçirilən 143-cü sesiyasında Milli Məclisin sədri Sahibə Qafarovanın rəhbərlik etdiyi Azərbaycan nümayəndə heyətinin üzvü kimi iştirak edən Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyev tədbir haqqında təəssüratını bölüşüb.

Avrasiya.net xəbər verir ki, Qüdrət Həsənquliyev BAXCP-nin mətbuat xidmətinə müsahibəsində tədbirin İspaniya hökuməti tərəfindən yüksək səviyyədə təşkil olunduğunu qeyd edib:

“Məlum olduğu kimi, İPU-da (Parlamentlərarası İttifaq) 193 ölkə təmsil olunur. Madriddə keçirilən 143-cü sessiyada mindən artıq nümayəndə iştirak edirdi. Azərbaycan nümayəndə heyətinə rəhbərlik edən Sahibə xanım tədbirdə çıxış edərək yaşadığımız dövrün çağırışlarından, xüsusilə Azərbaycan Respublikası Prezidentinin BMT çərçivəsində COVİD-19-a qarşı qlobal bərpa paneli yaratmaq təşəbbüsündən, 30 il Ermənistanın işğalı altında qalan 20% torpaqlarımızda işğala son qoyulduqdan sonra aparılan bərpa işlərindən, işğal nəticəsində yaranmış bir milyon qaçqın və məcburi köçkünün öz doğma yurdlarına qayıtmaq imkanının yaranmasından danışdı. Sahibə xanım qeyd etdi ki, 10 noyabr 2020-ci il tarixdə Azərbaycan, Ermənistan və Rusiya liderlərinin imzaladağı Birgə Bəyanatla münaqişəyə son qoyulub, indi dövlətlərin ərazi bütövlüyü və suverenliyinin qarşılıqlı tanınması prinsipi əsasında sülh sazişi imzalanmalı və sərhədlərin delimitasiyası və demarkasiyasına başlanmalıdır.

Onu da vurğulayım ki, Sahibə xanımın diqqətçəkən çıxışından sonra Türkiyə, Rusiya, Pakistan, İran və bir çox digər ölkələrin nümayəndə heyətləri Sahibə xanıma dostcasına yaxınlaşıb onu təbrik edirdilər. Əlbəttə, bunları seyr etmək çox məmnunedici idi. Sözsüz ki, bu həm işğala son qoyulandan sonra ölkəmizin artan nüfuzu, həm də Sahibə xanımın şəxsiyyəti, onun həmkarları ilə təmas yaratmaq, ingilis və rus dillərində özünü sərbəst ifadə etmək bacarığı ilə bağlıdır. Hətta bəzi böyük dövlətlərin yüksək çinli təmsilçilərinin Sahibə xanımın yanında boş stul olmaması səbəbindən dizlərini yerə qoyub onunla təmas qurmaqdan belə çəkinməməsini seyr etdik”.

BAXCP sədri müsahibəsində Qoşulmama Hərəkatının Parlamentlər Şəbəkəsinin yaradılmasına diqqət çəkib və qeyd edib ki, bu barədə qərar 60 il öncə yaradılmış, hazırda üzv dövlətlərin sayı 120-yə çatan Hərəkatın 25-26 oktyabr 2019-cu il tarixdə Bakıda keçirilmiş zirvə toplantısında qəbul olunub: “Azərbaycan Qoşulmama Hərəkatının sədri kimi qərarın icrasına nail oldu və bu tarixi hadisə bizim dövlətin adı ilə yaddaşlarda qalacaq. Tədbirə Qoşulmama Hərəkatına üzv olan 50-dən artıq ölkənin 200-dən artıq parlament üzvü, İPU-nun Prezidenti D.Poçeko və Baş katibi M.Çunkong da qatılmışdı. Sahibə xanım tədbirə sədrlik edirdi. Tədbirin sonunda Palamentlər Şəbəkəsinin təsis olunması barədə Madrid Bəyənnaməsində Azərbaycana bu istiqamətdə gördüyü işlərə görə xüsusi minnətdarlıq ifadə olunurdu. Tədbirin sonunda iştirakçılara ziyafət verildi, incəsənət nümayəndələrimiz konsert proqramı ilə çıxış etdilər. Parlamentlər Şəbəkəsinin yaradılmasını gələcək əməkdaşlıq və Azərbaycanın təbliği baxımından olduqca yüksək qiymətləndirirəm. Yeri gəlmişkən, tədbirin hazırlanması zamanı çəkdikləri əziyyətə görə İspaniyadakı səfirimiz Ramiz Həsənova və Milli Məclisin əməkdaşlarına da xüsusi təşəkkür etməyi özümə borc bilirəm. Onu da qeyd edim ki, azərbaycanlı turistlərin sevimli yeri, bizimlə oxşar problemi olan İspaniya hər zaman Azərbaycana dəstək olub və Avropanın ən böyük bir neçə ölkəsindən biridir. İspaniyada böyük səfirliyimizin olmasına və bu ölkə ilə hava əlaqəsinin yaradılmasına böyük ehtiyac var”.
"Laçının azad edilməsi Müzəffər Ali Baş Komandan İlham Əliyevin sərkərdəlik bacarığının ən gözəl təcəssümüdür"“Laçının azad edilməsi Müzəffər Ali Baş Komandan İlham Əliyevin sərkərdəlik bacarığının ən gözəl təcəssümüdür”.

Bu sözləri Avrasiya.net-ə millət vəkili, Milli Məclisin Təbii ehtiyatlar, energetika komitəsinin sədri Sadiq Qurbanov Laçın azad edilməsinin ildönümü ilə bağlı söyləyib.

S.Qurbanovun sözlərinə görə Laçının işğaldan azad edilməsi 44 günlük Vətən müharibəsinin ən səciyyəvi xüsusiyyətlərindən biridir.

Laçının azad edilməsi Müzəffər Ali Baş Komandan İlham Əliyevin sərkərdəlik bacarığının ən gözəl təcəssümüdür. 1 dekabr 2020-ci il tarixi Azərbaycan tarixinə yeni məna yükü ilə daxil oldu. Ermənilərin otuz ilə yaratdığı məğlubedilməzli mifi 44 gün müharibə nəticəsində son qoyuldu. Laçın, Ağdam, Kəlbəcər rayonlarının böyük bir hisəsinin Azərbaycan tərəfinə təslim edilməsi isə Ermənistan tərəfinin təslimçiliyinin son akkortları hesab etmək olardı. Laçın rayonu ərazisindn uzun illər erməni tərəfi qanunsuz silahlı birləşmələrini Qarabağın dağlıq hissəsinə gətirmək üçün dəhliz kimi istifadə edirdilərsə bu dəfə həmin dəhlizdən bu torpaqların əsl sahiblərinin əlindən qaçmaq üçün istifadə etdilər.

Sadiq Qurbanov bildirib ki, faydalı qazıntılarla zəngin olan Laçın rayonunun işağaldan azad edilməsi ərazidə olan 3 filiz, 37 qeyri-filiz və inşaat materialları yataqları, civə, vermikulit, əlvan və üzlük daşları, sement xammalı və tikinti daşı yataqlarının həmçinin sənaye əhəmiyyətli Gilgəzçay, Sarıbulaq, Narzanlı civə, Ahnəzər əlvan daşı, Qarabəyli, Dəlikdaş, Çorman və Narzanlı kimi vermikulit yataqları yenidən Azərbaycan iqtisadiyyatına öz qatqısını verəcəkdir.

Müzəffər Ali Baş Komandan İlham Əliyevin azad olunmuş Laçın rayonununa cari ilin 14 fevral və 16 avqust tarixlərində səfər etməsi eynizamanda Güləbird kəndində Azərbaycan bayrağını qaldırması Azərbaycanın Zəfər tarixinin ən önəmli günlərindəndir.
İsrail kəşfiyyatı ABŞ və Avropaya MƏLUMAT ÖTÜRDÜ: İran buna nail ola bilərSon iki həftə ərzində İsrail kəşfiyyat xidmətləri ABŞ və bir sıra Avropa ölkələrinə İranın uranın 90%-ə qədər zənginləşdirilməsi üçün texniki hazırlıqla məşğul olduğu barədə məlumatlar ötürüb.

Publika.az xəbər verir ki, bu barədə bazar ertəsi "Axios" portalı ABŞ-dan olan iki mənbəyə istinadən məlumat yayıb .

İsrailin ABŞ prezidenti Co Bayden administrasiyasının nümayəndələrinə təhvil verdiyi kəşfiyyat məlumatlarına görə, İranın hazırlıq işləri ona bir neçə həftə ərzində uranın müəyyən edilmiş səviyyəyə zənginləşdirilməsinə keçməyə imkan verəcək.

Portalın məlumatına görə, 90% səviyyəsinə qədər zənginləşdirilmiş uran nüvə silahının hazırlanmasında istifadə edilə bilər.

İsrail Baş Nazirinin ofisi, Xarici İşlər Nazirliyi və ölkənin Müdafiə Nazirliyi bu məlumatı şərh etməkdən imtina edib.

İyulda İranın o zamankı prezidenti Həsən Ruhani demişdi ki, onun ölkəsinin imkanları uranı 90%-ə qədər zənginləşdirmək üçün kifayətdir.

İranın nüvə proqramı üzrə JCPOA-nın bərpası ilə bağlı danışıqların yeddinci raundu bu ilin iyununda fasilədən sonra noyabrın 29-da Vyanada bərpa olunub.

Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov deyib ki, İran və “beşlik” beynəlxalq vasitəçilərin (Rusiya, Böyük Britaniya, Almaniya, Çin və Fransa) Birgə Komissiyasının iclası kifayət qədər uğurla başlayıb, danışıqlarda iştirak edənlər razılığa gəliblər.

“Müvəqqəti Əli”, yaxud 3 Əlidən “Qoçəli”yəSovet dövründə partiya nomenkulaturasında və el arasında dəyərdən düşmüş, sürtülmüş, əziz-üzük nəsnələrə, bəzən isə hətta insanlara da xitabən deyilən məşhur bir ifadə vardı: Üçlük. Bu yazıda “üçlüyün” əvvəlinə əlavə edilən sözün xatırladılmasına elə də ciddi ehtiyac duyumuram. Zənnimcə, “üçlük” özündə “əzik-üzük”, “yararsız” və s. bu kimi bütün digər metaforik, gücləndirici sifətləri ifadə edir. SSRİ-nin süqutundan sonra “üçlük” İkinci Qarabağ müharibəsinə, daha dəqiq desəm, Ordumuzun Zəfərinə qədər yaxamızdan əl çəkmədi. ATƏT-in Minsk Qrupunun həmsədrlərinin timsalında 28 il günümüzə, güzaranımıza urcah oldu. Və son nəticədə aydınlaşdı ki, “0” “3”-dən daha dəyərli imiş... “Üçü birə dəyməz” deyirlər e, el arasında... Bu el məsəli də özünü Minsk Qrupunun həmsədrlərinə münasibətdə doğrultdu...

“Üçlüyə”, yaxud “üçlüklərə” olan münasibətimiz dövlət müstəqilliyimizin bərpasından sonra dövriyyəyə buraxılan pul nişanlarında da özünü büruzə verdi. Pul nişanları bir neçə dəfə dəyişsə də, onların arasında “üçlük”lərə yer olmadı. Daha dəqiq desək, “üçlük”lər layiq olduqları yerə göndərildilər və qəpiklərin sırasında dayanaraq, hətta mağazaların marketinq siyasətinin ən bəsit elementinə çevrilmək imkanı da qazana bilmədilər. Yəni ənənəvi “üçlük”lər “3 qəpik” statusunda da bir işə yaramadıqlarını gündəlik həyatımızda təsdiqlədilər.

Amma təəssüf ki, “üçlüklər” pul nişanı kimi tarixin arxivinə göndərilsələr də, hətta xarici siyasətdəki mövqeləri obrazları kimi gerçək dəyərini qazansa da, ölkənin siyasi arenasının şərti olaraq, “radikal” adlandırılan transferə açıq düşərgəsindəki “üçlük”ləri hələ də gözə sıçramağa davam edirlər. Əgər belə demək olarsa, “bizim” radikal düşərgənin köhnədən qalma, sonradan gəlmə və lap sonradan HƏPpənmə, yaxud hoppanma üç ƏLİ-si var.

Sonuncunun gəlişi ilə “üçlüyün” “mənəvi”-siyasi sərhədləri bütün fərqlənmə-qorunma nişanları, komponentləri ilə birlikdə tamamlanıb. Ola bilsin ki, ya vəlvələdən, ya da zəlzələdən üçdən son ikisinin, bəlkə elə üçünün də radikalizmdən geriyə transfer pəncərəsi bizim görmədiyimiz, yaxud görə bilmədiyimiz hansısa məchul bir istiqamətdən hələ xeyli müddət açıq qalacaq. Yəni ÜçƏli-dən BirƏli-nin, yaxud İkiƏli-nin bu düşərgədəki mövcudluğu müvəqqəti xarakter daşıyır. Bu “müvəqqəti” məsələsinə necə gəlib çıxdığımı bilmirəm, amma yadıma uzun illər öncə tanışlarımdan birinin “olmuş əhvalat” kimi nəql elədiyi hadisə düşdü. Yeri gəlmişkən, sizə də nəql eləyim, bəlkə elə doğulduğunuz, yaşadığınız bölgədə buna bənzər hadisələr olub. Deməli, Vətənimizin gözəl guşələrindən birində yerləşən və insanların ləqəblə (ayama) tanındığı kəndə mövsümi işlərə dəstək vermək üçün qonşu kəndin kolxozundan Əli adlı traktorçu göndərilir. Kəndə çatan kimi ondan adının nə olduğunu soruşurlar. Təbii ki, “adım Əlidir” cavabını verir. Amma kəndin “qırx lotuları” deyirlər ki, “bizim kənddə 30-40 Əli var, hərəsinin də öz ayaması. Bu səbəbdən də sənə də bir ləqəb tapmalıyıq”. Əlidən “sənətin, peşən nədir” soruşurlar, o da öz növbəsində “traktorçuyam” deyir. Amma traktorçuluq da işə yaramır, bəlli olur ki, kənddə yaşayan Əlilərdən 5 nəfəri traktorçudur. Kəsəsi, kəndə yeni gələn traktorçu Əli söz-söhbətdən bezib deyir ki, ay camaat, məndən əl çəkin, bu kəndə müvəqqəti gəlmişəm... Elə bu sözləri deyər-deməz, adamın adını “müvəqqəti Əli” qoyurlar...

Hələlik radikal düşərgənin “üçlüyünə” daxil olan əlilərin hansı birinin “müvəqqəti” olduğunu söyləməyə çətiblik çəkirəm, amma şübhə etmirəm ki, zaman keçdikcə üçdən biri quru “yurd”da qalacaq.

...Bu gün ölkənin siyasi arenasında çox şey dəyişib. Təxminən 2-3 il öncə bir-birini kəskin şəkildə ittiham edən, nəinki bir araya, hətta təsadüfən üz-üzə gətirilmələri mümkün olmayan siyasi təşkilatlar ölkənin milli maraqları naminə vahid mövqedən çıxış edir, siyasi dialoq mədəniyyəti sərgiləyirlər. Bununla yanaşı, hələ də soyadları fərqli olsa da, eyni, yaxud “müvəqqəti” eyni təfəkkürün daşıyıcısı olan 3 Əli sosial şəbəkələrdə özgə ifalarının sədaları altında “Qoçəli” oynamağa davam edir. İndi yalnız məkan dəyişib, lokal qarşıdurma yaratmaq üçün istifadə olunan yarıboş “meydan”lardan, çap və onlayn medasından sosial şəbəkələrə transfer olunub. Yalan və böhtanlardan, fantastik vədlərdən yorularaq, öz gerçək həyatlarına qayıdan “tərəfdar”ları isə “troldarlar əvəzləyib. Beləliklə 3 Əli eyni anda 300 Əliyə çevrilir, özlərinin püskürdükləri aqressiyaya, yalan və böhtanlaraa, qarayaxmalara fərqli adlar altında qahmar çıxırlar. Ortalıqda isə, sadəcə 3 Əli var. ÜçƏli...

Vəssalam!

Elçin Mirzəbəyli

"Ürəklərimiz birlikdə döyünür" - Tazin AktarBizim qardaşlığımızı, dostluğumuzu heç kim poza bilməz. Hər iki dövlət güclüdür və haqsızlığa qarşı, regionda sülhün qorunması üçün birgə mübarizə aparırlar.

Bunu Azerforum.com-a Pakistanın tanınmış eksperti, jurnalist Tazin Aktar dünən Aşqabadda Azərbaycan Prezidenti İlham Əliyevin Pakistan İslam Respublikasının Prezidenti Arif Alvi ilə görüşünə münasibətində deyib.

O, qeyd edib ki, iki qardaş ölkə - Pakistan və Azərbaycan prezidentləri ticarət-iqtisadi əməkdaşlıq məsələlərini diqqət mərkəzində saxlayaraq ikitərəfli münasibətlərin təşviqini müzakirə ediblər: "Hər iki lider regional və beynəlxalq forumlarda bir-birini dəstəkləmək barədə razılığa gəliblər. Onlar həmçinin iki xalq arasında siyasi əlaqələrin inkişafı ilə bağlı konsensus əldə ediblər. Pakistan Prezidentinin İƏT dövlət başçılarının növbəti sessiyasında çıxışı zamanı Azərbaycan Prezidentini təbrik etməsini daha vacib görürəm. Bu, Pakistanın Azərbaycana qeyd-şərtsiz dəstəyini ifadə edir ki, Pakistan bunu təkcə ikitərəfli səviyyədə nümayiş etdirmir, həm də çoxtərəfli forumlardan elan edə bilər".

T.Aktar deyib ki, görüş iki qardaş arasında olub. Bədən dili hər iki Prezidentin bir-birinə çox isti hisslər bəslədiyini təsvir edirdi: "Şübhəsiz ki, bizim tariximiz, adət-ənənələrimiz, mədəniyyətimiz ortaqdır və ürəklərimiz birlikdə döyünür. Pakistan müharibədəki qələbəyə və onun rəhbərliyinin Azərbaycan dövlətinin möhkəm qurulmasında uğur qazanmasına sevinir".
Üçtərəfli saziş: ermənilər buna görə narahatdırTürkmənistan- Azərbaycan-İran arasında dünən enerji sahəsində imzalanan saziş, sözsüz ki, rəsmi Bakıya xeyli dividentlər gətirəcək.

Avrasiya.net xəbər verir ki, bu sözləri Bakı Politoloqlar Klubunun sədri Zaur Məmmədov qeyd edib.

Politoloqa görə, məsələnin dörd əsas cəhəti mövcuddur:

“Birincisi odur ki, sazişdə 2 milyard kubmetr türkmən qazının İran vasitəsilə Azərbaycana çatdırılması nəzərdə tutulur. Bu, çox böyük rəqəmdir. Müqayisə üçün deyim ki, bu il Qərbə təxminən 5 milyard kubmetr qaz ixrac etmişik.

İkincisi, sözügedən saziş faktiki olaraq “Cənub-Şimal” və “Cənub-Qərb” tranzit xəttinin yenidən Azərbaycan üzərindən canlanmasıdır.

Üçüncüsü, bu sazişlə İran və Azərbaycan geosiyasi ziddiyyətləri kənara qoyaraq iki tərəfin də maraqlarına cavab verəcək və onları iqtisadi-siyasi sahədə yaxınlaşdıracaq yeni layihələrə start verirlər. Ermənistan ekspertlərinin dünəndən etibarən narahatlıq keçirmələri heç də təsadüf deyil. İndi Paşinyan “Cənub-Şimal” və “Cənub-Qərb” xəttinin Azərbaycanın kurasiyasında olduğunu daha yaxşı anlayacaq. Əgər rəsmi İrəvan Zəngəzur dəhlizini açsa, o da dividentlər əldə edə biləcək.

Sonuncu əsas məqam isə odur ki, bu sazişlə Avropa İttifaqı və Azərbaycan arasında iqtisadi-siyasi sahədə yaxınlaşma ola bilər. Brüssel ilk dəfə olaraq Azərbaycanın köməyi ilə Türkmənistan qazını əldə edə bilər. AB-nin təbii qaz məsələsinə aktual baxmasını nəzərə alsaq, bu saziş Qarabağ məsələsində Avropanın ermənipərəst siyasət aparmasını minimallaşdıracaq”.
Əliyev Aşqabadda nəyə nail oldu?Əliyev Rəisi ilə görüşdü və Azərbaycan-İran-Türkmənistan qaz mübadiləsinə dair üçtərəfli saziş imzaladı: sazişə əsasən Türkmənistan İran vasitəsilə Azərbaycana ildə 1,5-2 milyard kubmetrədək qaz göndərəcək;

2 milyard kubmetr qaz beynəlxalq qaz bazarı üçün o qədər də böyük olmasa da, burada Bakının strateji gedişi xüsusilə diqqət çəkir.

Birincisi, türkmən qazı Avropa bazarına ayaq açır:

Azərbaycana göndərilən türkmən qazı böyük ehtimalla Türkiyəyə satılacaq. Hərçənd, bu uzun illərdir Rusiya və Çin bazarından asılı qalan Türkmənistanın Avropa bazarına ilk addımı hesab edilə bilər.

- Bakı Transxəzər layihəsinin gerçəkləşməsinə qədər Aşqabada qaz bazarını şaxələndirmək imkanı yaradır: bu, Türk Dövlətləri Təşkilatına yeni qoşulan Türkmənistanın bu çətir altında fəaliyyətini daha da stimullaşdıracaq;

- Türkmən qazına “çıxış” tapan Bakının “qaz müharibələri”ndə əli güclənir və bu gediş Transxəzər layihəsinə siyasi dəstəyi artıra bilər;

İkincisi, İranla yeni səhifə açılır:

- Tehranın regionda tranzit imkanı artır və bu, İranı Azərbaycanla işləməkdə maraqlı edir;

- İrana yeni imkanın yaradılması bu ölkənin Ermənistan siyasətinin tamamilə dəyişməsi demək deyil, hərçənd, Tehranı regionda müharibədən sonrakı vəziyyəti qəbul etməyə, Zəngəzur dəhlizinə münasibətini dəyişdirməyə, 3+3 formatına qoşulmağa da sövq edir: Əliyev-Rəisi görüşünün atmosferi də bu gözləntiləri artırır;

Beləliklə, Azərbaycan bir sazişlə iki nəticəni əldə edir.

Asif Nərimanlı
Azərbaycan və İran xalqlarının ürəkləri bir döyünür - RəisiAzərbaycan Respublikası ilə münasibətlərimiz təkcə qonşuluq münasibətləri deyil, bizim ürəklərimizin münasibətidir, iki ölkənin xalqlarının ürəkləri bir döyünür.

Avrasiya.net xəbər verir ki, bu barədə İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyev ilə görüşdə bildirib.

İran Prezidenti deyib: “Bizim tarix və sivilizasiya birliyimiz vardır. Bütün bunlar bizi daha da möhkəm birləşdirir. Biz heç vaxt imkan verməməliyik ki, digərləri bizim münasibətlərimizə müdaxilə etsinlər. Biz öz məsələlərimizi özümüz həll etməliyik, münasibətlərimizi irəliyə aparmaq, qarşılıqlı faydalı əməkdaşlığı daha da dərinləşdirmək üçün birgə işləməliyik. İndiyə qədər olan təcrübə də bunu göstərir ki, biz həmişə öz məsələlərimizi özümüz müzakirə edəndə onların bir çoxunun həllinə nail olmuşuq və qarşıdakı maneələri dəf etmişik”.

Seyid İbrahim Rəisi vurğulayıb ki, Azərbaycan Respublikasının müstəqilliyini ilk tanıyan və dəstəkləyən ölkələrdən biri İran İslam Respublikası olub.
"Soçi görüşü Azərbaycanın növbəti uğuru kimi qiymətləndirilməlidir”Soçi şəhərində Azərbaycan Prezidenti Cənab İlham Əliyev, Rusiya prezidenti Vladimir Putin və Ermənistanın Baş naziri Nikol Paşinyan arasındakı üçtərəfli görüş Azərbaycanın növbəti uğuru kimi qiymətləndirilməlidir”.

Avrasiya.net xəbər verir ki bunu Demokrat.az-a açıqlamasında Milli Məclisin deputatı Vüqar İskəndərov deyib.

Millət vəkili vurğulayıb ki, bu görüşdə kommunikasiya və nəqliyyat əlaqələrinin gələcək inkişafı, sərhədlərin delimitasiya və demarkasiyası, regionda davamlı sülhün qorunması və inkişaf etdirilməsiylə bağlı müzakirələr aparıldı:

“Soçi görüşünün nəticələrinə aid qəbul edilən birgə bəyanatda “Qarabağ” sözünə rast gəlinmədi. Tam aydın oldu ki, Paşinyan artıq mövcud reallıqları anlayır və qəbul edir. Rusiya prezidenti dəfələrlə dəhliz ifadəsini işlətməklə, Zəngəzur dəhlizinin açılması məsələsində Azərbaycan Prezidenti İlham Əliyevlə eyni fikirdə və məramda olduğunu göstərdi. Düşünürəm ki, sərhədlərin delimitasiya və demarkasiyası məsələləri də bu görüşdə ən çox müzakirə olunan aspektlərdən biri oldu.

Ölkəmizin uğurunun əsas cəhətlərindən biri isə cənab İlham Əliyevin bu məsələlərdəki mövqeyi, irəli sürdüyü şərtlər və təkliflərin yekun sənəddə öz əksini tapdı. Paşinyan isə növbəti dəfə dərsə hazırlıqsız gələn tələbə kimi qarışıq və konkret aydın olmayan fikrlərlə yadda qaldı, Və onun “əsir”, “Qarabağ”, “bizim suveren sərhədimiz” və s. mülahizələri özüylə suyu süzülə-süzülə Ermənistana qayıtdı. Beləliklə, sayca üçüncü olan bu görüş növbəti dəfə Azərbaycanın qələbəsi ilə başa çatdı. Hesab edirəm ki,, yaxın günlərdə Soçi görüşün müsbət nəticələrinin şahidi olacağıq".
"Bu görüşün nəticəsi Azərbaycan diplomatiyasının növbəti uğurudur"Əlisahib Hüseynov
Milli Həmrəylik Partiyasının sədri


Soçi görüşü öncədən də gözlədiyimiz nəticələrlə yekunlaşdı. Görüş zamanı Azərbaycan, Ermənistan və Rusiya liderlərinin imzaladığı bəyanat Azərbaycanın maraqlarına cavab verir və qarşımıza qoyduğumuz məqsədlərə nail olduğumuzu göstərir. 10 noyabr 2020-ci il tarixdə imzalanmış üçtərəfli Bəyanatın bir illik nəticələrinə həsr olunmuş Soçi görüşündə imzalanan bəyanat prinsipcə 10 noyabr və 11 yanvar bəyanatlarının məntiqi davamıdır. Bu bəyanat öncəki bəyanatların əsasında tərəflərin üzərinə düşən öhdəliklərin yerinə yetirilməsi işinin sürətləndirilməsi üçün yeni “yol xəritəsi” cızır və qarşıya yeni vəzifələr qoyur. Artıq real addımların atılması mərhələsi başlanır.

Həm nəqliyyat dəhlizlərinin açılması, həm də sərhədlərin delimitasiya və demarkasiyası ilə bağlı ortaq məxrəcin əldə edilməsi yaxın zamanlarda bu istiqamətlərdə praktik addımların atılacağını göstərir. İlk növbədə Azərbaycanla Ermənistan arasında sərhədlərin müəyyən edilməsinə dair ikitərəfli komissiya yaradılması nəzərdə tutulur. Sözügedən komissiya sərhədlərin delimitasiyası və demarkasiyası mexanizmlərini bu ilin sonuna kimi işləyib hazırlayacaq. Soçi görüşündə alınan bu qərarlar və proseslərin sürətlənməsi Azərbaycanın maraqlarına tam cavab verir. Görüşdə Prezident İlham Əliyevin vurğuladığı kimi, Azərbaycan dəfələrlə açıq bəyan edib ki, sərhədlərin delimitasiyası prosesinə təxirə salınmadan başlamağa hazırdır. Azərbaycan Prezidentinin bu qətiyyətli mövqeyi və Vladimir Putinin vasitəçi tərəf kimi tələbkarlığı Ermənistanın avantürist baş naziri Nikol Paşinyanı da sərhədlərin delimitasiyası və demarkasiyası məsələsində Azərbaycan və Rusiya ilə eyni mövqedən çıxış etməyə məcbur etdi.

Biz bu görüşdən öncəki açıqlamalarda da qeyd etmişdik ki, Paşinyanın bütün bəhanə və manevrləri, 10 noyabr və 11 yanvar bəyanatlarının şərtlərini yerinə yetirməkdən boyun qaçırmaq üçün bütün imkanları artıq tükənmək üzrədir və Paşinyanın Azərbaycanın tələblərini qəbul etməkdən, sülhə razılaşmaqdan başqa bir yolu, çarəsi yoxdur. Görüşün nəticələri də bu fikrimizi təsdiqləyir. Bu görüş Azərbaycan diplomatiyasının növbəti uğuru, İlham Əliyevin aktivinə yazılan siyasi qələbə kimi qiymətləndirilməlidir. Azərbaycan bu görüş nəticəsində istədiklərini əldə etdi, qarşı qoyulan hədəflərinə nail oldu. Erməni mətbuatı və müxalifəti isə Soçi görüşünü Ermənistanın növbəti məğlubiyyəti kimi dəyərləndirir. Bu da təbiidir.

Paşinyanın bu görüşdə Azərbaycan və Rusiya liderlərinin iradəsi ilə razılaşmaqdan və ortaq mövqe nümayiş etdirməkdən başqa bir yolu yox idi. Paşinyan Soçi görüşündə maket rolunu oynayırdı. Soçi bəyanatının mətnində yer alan məsələlər də bu fikrimizi təsdiqləyir. Bəyanatda əsas etibarilə rəsmi Bakının diktə etdiyi məsələlər öz əksini tapıb. “Qarabağın statusu” kimi təxribatçı ifadənin bəyanatın mətninə salınmaması, habelə Ermənistan tərəfinin Soçi görüşü öncəsi tez-tez gündəmə gətirdiyi əsir və ya girovlar məsələsinə toxunulmaması da bu görüşdə Ermənistanın deyil, Azərbaycanın həlledici mövqeyə sahib olduğunu sübut edir. Bir sözlə, Soçi görüşü, Azərbaycanın haqlı və qətiyyətli mövqeyinin qalib gəlməsini təmin etdi. Bu isə öz növbəsində Brüsel görüşü ərəfəsində Azərbaycanın mövqeyini gücləndirmiş oldu.