Hazırda ermənilər yeni müharibə qorxusu ilə yaşayırlarAzərbaycan Ordusunun təlimləri hər zaman erməniləri ciddi şəkildə narahat edib. Bu, 44 günlük müharibədən qabaq da belə idi, indi də belə davam edir. Hazırda ermənilər yeni müharibə qorxusu ilə yaşayırlar. Martın 15-dən 18-dək 10 min canlı qüvvənin iştirakı ilə, yüzlərlə hərbi texnika, aviasiya və PUA-lardan istifadə edilməsi şərtilə keçirilməsi planlaşdırılan anti-terror təlimləri düşmən ölkədə böyük xof və həyəcan yaradıb. Ermənistan KİV-lərində Azərbaycan Ordusunun antiterror əməliyyatı keçirməyə hazırlaşdığı barədə fikirlər səsləndirilir. Ermənistan müxalifətinin nümayəndələri və politoloqlar bu cür proqnozlar irəli sürməklə erməni cəmiyyətini təşviş altında saxlamağa çalışırlar.

Lakin əsl həqiqətdə isə Azərbaycan Ordusu bu günlərdə hər hansı bir antiterror əməliyyatına hazırlaşmır. Sözügedən iki günlük qış təlimləri ənənəvi təlimlərdir. Azərbaycan Ordusu yay və qış dönəmlərində həmişə bu cür təlimlər keçirib. Odur ki, Ermənistan rəhbərliyinin və siyasilərinin bu təlimlərlə əlaqədar yersiz həyəcanlanmalarına, isterik duruma düşmələrinə ehtiyac yoxdur. Azərbaycan qalib ölkədir, təlim keçirmək üçün məğlub ölkənin arzu və istəklərini nəzərə alası deyil ki. Biz Ordumuzun müdafiə qabiliyyətini və döyüş hazırlığını yüksək səviyyədə saxlamaq üçün davamlı olaraq müxtəlif çaplı hərbi təlimlər keçirmək ixtiyarına malikik.

Əgər Ermənistan hərbi-siyasi rəhbərliyi və revanşist qüvvələr Azərbaycan Ordusunun Qarabağın dağlıq bölgələrində antiterror əməliyyatı keçirməsini istəmirsə, o zaman yeni müharibəyə hazırlaşdığımızı iddia edib isterika yaratmaq əvəzinə, buyursunlar 10 noyabr Bəyanatının şərtlərinə əməl etsinlər, Ermənistan ordusunun həmin Bəyanatdan sonra Azərbaycan ərazisini tərk etməyən silahlılarını və terrorçuları ərazilərimizdən təmizləsinlər. Bu elə də çətin məsələ deyil. Ermənistan hökuməti istəsə, bu məsələni çox qısa müddətdə çözə bilər.

Həmçinin, yeni müharibənin və ya antiteror əməliyyatının başlanmaması üçün sülhməramlılar da mühüm rol oynaya bilər. Zatən sülhməramlıların əsas işi də elə budur. Rusiya sülhməramlıları elə etməlidir ki, erməni silahlıları və terrorçuları Dağlıq Qarabağ ərazilərini tezliklə tərk etsinlər. Bu Rusiyanın öz maraqlarına da uyğundur.

Əlisahib Hüseynov
Milli Həmrəylik Partiyasının sədri
ABŞ Dövlət Departamenti erməni terrorçunun sərbəst buraxılmasını qınayıb“Dövlət Departamenti 1982-ci ildə Türkiyənin Los Ancelesdəki baş konsulu Kamal Arıkanı qətlə yetirmək üstündə məhkum edilmiş Hampiq Sasunyanın (Hampig “Harry” Sassounian) Kaliforniya ştatında gözlənilən şərti azadlığa buraxılmaq qərarından dərin narahatlıq keçirir”.

Bu barədə Dövlət Departamentinin saytında yerləşdirilmiş açıqlamada bildirilir.

“Diplomata hücum etmək təkcə hər hansı fərdə qarşı ağır cinayət deyil, həm də diplomatiyanın özünə qarşı hücumdur. Dünyada qulluq edən Birləşmiş Ştatlar diplomatlarının təhlükəsizliyini təmin etmək üçün diplomatlara sui-qəsd edənlərin mümkün qədər yüksək cəza almalarını və bu cəzaları vaxtından əvvəl azad edilmədən və ya şərti cəza ilə sərbəst buraxılmadan çəkmələrini müdafiə etmək ABŞ-ın çoxdankı mövqeyidir. Bir daha cənab Arıkanın ailəsinə, həmçinin Türkiyə Xarici İşlər Nazirliyindəki həmkarlarımıza bu itki ilə bağlı dərin hüznlə başsağlığı veririk”, - Departament bəyan edib.

Qeyd edək ki, 1982-ci ilin 28 yanvar tarixində Türkiyənin Los Ancelesdəki baş konsulu Kamal Arıkan avtomobili qırmızı işıqda durarkən baş və sinə nahiyəsindən 14 güllə yarası alıb. Bu hücumu törədən Hampiq Sasunyan uzun məhkəmə prosesindən sonra 1983-cü ilin fevral ayında ömürlük həbs cəzasına məhkum edilib və cəzasını San Fransisko yaxınlığındakı San Kuentin dövlət həbsxanasında çəkib.

Kaliforniyanın yerli qanunlarına əsasən, 25 ildən artıq həbs cəzasını çəkən məhkumlar şərti azadlığa çıxmaq barədə vəsatət qaldırmaq hüququna malikdir. H.Sasunyan da 2007-ci ilin oktyabr ayından bu yana dəfələrlə belə bir vəsatət verib.

Bundan əvvəl Kaliforniya qubernatoru Qavin Nyusom (Gavin Newsom) H.Sasunyan məsələsinə dair məhkəmə qərarı ilə bağlı bundan sonra apellasiya verməmək qərarına gəlmişdi. Bu da Sasunyanın yaxın zamanda şərti azadlığa çıxacağı mənasına gəlirdi.

Report
“Ermənistan Azərbaycan ərazilərinə hərbçi göndərməyə cəhd göstərib” - Ceyhun BayramovAzərbaycan xarici işlər naziri Ceyhun Bayramov ilə Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar arasında baş tutub.

Bu barədə Avrasiya.net-ə Azərbaycan Xarici İşlər Nazirliyindən məlumat verilib.

Görüşdə nazir Ceyhun Bayramov bölgədə mövcud olan cari vəziyyət, 10 noyabr 2020-ci il və 11 yanvar 2021-ci il tarixli üçtərəfli bəyanatların icrası ilə bağlı məsələlər, o cümlədən Ermənistan tərəfindən Azərbaycanın ərazilərinə hərbçilərini göndərmək cəhdləri, gündəlik əsasda insanların həyatı üçün birbaşa təhlükə təşkil edən mina xəritələrinin Azərbaycana verilməsindən imtina edilməsi kimi məsələlər barədə qarşı tərəfə məlumat verdi. Nazir, həmçinin bölgədə həyata keçirilən quruculuq və bərpa prosesləri bu xüsusda Aİ-nin mümkün rolundan danışdı.

Xüsusi nümayəndə Toivo Klaar bölgədə sülhün qazanılması üçün birgə çalışmağın vacibliyini qeyd etdi. Aİ-nin bölgədə sülh, təhlükəsizlik və tərəqqinin əldə olunması prosesini dəstəkləməyə hazır olduğunu vurğuladı.

Tərəflər, eyni zamanda Azərbaycanla Avropa İttifaqı arasında əməkdaşlığın perspektivləri barədə fikir mübadiləsi apardılar.

Rusiyanın NATO-ya hücum üçün gücü yoxdur - SivkovRusiyanın hərbi hücum əməliyyatı tam istisnadır.

Bunu rusiyalı hərbi ekspert Konstantin Sivkov deyib.

“Rusiya sadə bir səbəbə görə NATO-ya qarşı hücuma keçməyəcək. NATO hərbi gücünə və hərbi sənaye potensialına görə Rusiyanı dəfələrlə üstələyir. Burada yalnız “müdafiə müharibəsi” olacaq”, – deyə o bildirib.

Onun sözlərinə görə, Qərbdə Rusiyanın təhdid olmasıyla bağlı hesabatlar əhalini ölkənin yol şəbəkəsini yenidən qurmağa inandırmaq üçündür:

“Məsələ ondadır ki, Avropada körpülərin 80%-i 50 tondan çox olan yükləri qaldırmaq gücündə deyil. Avropanın sahib olan “Leopard”, “Leclerc”, Amerikanın isə “Abrams” tankları körpülərin yalnız 15-20%-dən istifadə edə bilər”.
İrəvanda panika: Qarabağda yeni müharibə başlayır?Ermənistanda son günlər Qarabağda yeni müharibə olacağı barədə ciddi təşvişlə müşahidə olunan müzakirələr gedir.

Avrasiya.net xəbər verir ki, yazın gəlişi ilə Azərbaycanın bəzi güzəştlərdən imtina edəcəyi, xüsusilə Qarabağda qalan erməni ordusunun tör-töküntüləri və terrorçulara qarşı əməliyyat keçirəcəyi iddia edilir.

Siyasi şərhçi Asif Nərimanlı Ermənistandakı bu iddiaların 3 səbəblə izah edildiyini açıqlayıb: Azərbaycan İsraildən 2 milyard dollar məbləğində silah alınması ilə bağlı müqavilə imzalayıb; Azərbaycan Ordusu 10 min canlı qüvvə, yüzlərlə hərbi texnika, aviasiya və PUA-ların iştirakı ilə anti-terror təlimləri keçirəcək (15-18 mart); Prezident İlham Əliyev Ermənistanın Zəngəzur dəhlizinə mane olmaq cəhdləri haqda “onları buna məcbur edəcəyik” deyib.

Bu gün isə keçmiş və qondarma “dqr”in separatçı-terrorçu rəhbərinin sabiq “müşaviri” Tiqran Abramyan erməniləri "sakitləşdirən" açıqlama yayıb. O iddia edib ki, yaxın perspektivdə Qarabağda hərbi əməliyyatlar istisnadır, orta perspektivdə az ehtimal var, uzaq perspektivdə isə mümkündür.

T.Abramyan yaxın müddətdə hərbi əməliyyatların yenilənməsini rus sülhməramlılarına görə istisna edib. O bildirib ki, Rusiya yeni hərbi toqquşmaya imkan verməyəcək.

Qeyd edək ki, Qarabağda, rus sülhməramlılarının məsuliyyət zonasında erməni silahlılarının “postlarda” qulluq keçdiyinə dair videolar paylaşılır. Bu isə 10 noyabr 2020-ci il tarixli üçtərəfli bəyanata ziddir. Bəyanata görə, erməni silahlı birlikləri Azərbaycan ərazisini qeyd-şərtsiz tərk etməlidir.

Erməni ordusunun 10 noyabr bəyanatından sonra Azərbaycan ərazisini tərk etməyən əsgərlərini Azərbaycan terrorçular olaraq tanıyır. Buna görə də Ermənistanda Azərbaycan Ordusu və DTX-nin antiterror əməliyyatı keçirə biləcəyi və bunun aprelə qədər mümkünlüyü haqda ciddi iddialar səsləndirilir.
HAQQ VƏ ƏDALƏT...Sadiq Qurbanov, Milli Məclisin üzvü

Yaşadığımız dünya insanların qarşılıqlı ünsiyyəti əsasında təşəkkül tapmış və formalaşmışdır. Bütün insanlar bir-birinin dayağıdır və dayağı da olmalıdır. İnsanların birliyi Uca Tanrının mərhəmətli və ədalətli istəyidir.

Uca Tanrının bu istəyinin arxasında insanlardan nəyi isə ummaq deyil, əksinə, onlara bütün gözəllikləri və zəruri nemətləri vermək dayanır. Həmin nemətlərdən biri də ƏDALƏTDİR!

Deməli, Tanrı insanın və bütün insanlığın xoşbəxt yaşayışının möhtacıdır. O, insanı saf və günahsız xəlq etmişdir ki, bu xoşbəxt həyatı məhz onun özü qursun, ədalət yaratsın və öz həmnövünün qayğısına qalsın.

Bu xoşbəxt həyatı qurmaq üçün insanlar bütün tarix boyu ədalət axtarışına çıxıblar və bu axtarış hələ də davam edir.

Ədalətə baxış bir qiymətli deyil. Məsələn, onun ilahidən gəldiyini, insanın əməli fəaliyyətinin nəticəsi olduğunu və ya fəlsəfi düşüncənin yaratdığı fenomen kimi də qəbul edənlər var.

Bəs nədir bu ədalət? Əvvəl-axır axtarılan bu ədalət tapılacaqmı?

Mənim düşüncəmə görə, ədalət düşüncə tərzidir, məndən kənarda baş verənlərə psixoloji baxışdır. “Mən”lərin çoxluğundan və düşüncəsindən asılı olaraq tam ortaq məxrəcə gəlinməsi mümkünsüzdür. Buna görə də, biz lokal mənada bəzi məqamlarda ədalətli, bəzi məqamlarda isə ədalətsiz oluruq. Gəlin, bir anlıq düşünək: Biz hər hansı vəziyyətdə ədaləti harada axtarırıq?

Hadisəyə subyektiv olaraq başqalarının münasibətini qiymətləndirməklə, yəni maraq və mənafeləri nəzərə almaqla. Məsələn, bəzən sevmədiyimiz bir insanın fəlakətlə üzləşdiyi anda belə bunun ilahi bir ədalət olduğunu düşünürük.və.s.

Deməli, ədalətsizlik o zaman baş verir ki, daxili maraq və mənafelər ədalət hissini üstələyir. Bəs insan nə vaxt ədalətli olur? Yəqin ki, bu dediklərimizin əksi olanda, yəni ədalət hissi maraq və mənafedən yüksəkdə dayananda, insanın özünün mənsub olduğu mənəvi məkanla başqasının mənəvi məkanı arasındakı sərhəddə anlaşma yarada biləndə...

Hüquq elmində bəzən ədalət anlayışı sənin hüquqlarının harada bitdiyini, başqasının hüquqlarının isə harada başladığını sona qədər dərk edilməsi ilə şərtləndirilir. Bəzi filosoflar isə bu anlayışı yüksək kamillik zirvəsi adlandırır. Dini düşüncəyə görə isə ədalətin baş düşmənı nəfs və tamahdır. Dinimiz bunlara nifrət etməyi, düşmən olmağı tələb edir. Tamahkar olmaq insanın haqq yolundan dönməsinə şərait yaradır. O, ədalətə aparan yolda mühüm əngəldir. Uca Yaradan tamahkarlıqla qazanılan hər nə varsa, hamısını haram elan edir. Ona görə də, insan bu dünyada harama rəğbət göstərməməli, nə mala, nə də şöhrətə meyil etməməlidir. İnsan özünü yalnız haqq və yaxşı amallar uğrunda fəda etməlidir. Haqq ilə yaşayanların dostu və sirdaşı isə həmişə ədalət olmuşdur.

Deməli, haqqdan uzaq düşmək - ədalətdən uzaq olmaq deməkdir...
Zəngəzur Azərbaycana bu cür qayıdacaq – Moskvadan baxışHətta hərbi analiz sahəsində istənilən diletant belə ən azı Ermənistan dövlətinin dağılmasına gətirib çıxara bilən üç əsas faktoru dəqiq deyə bilər: ərazilərin itirilməsi, daxili siyasi münaqişə və xarici müdaxilə.

Bu barədə Axar.az-a açıqlamasında Beynəlxalq Siyasi təhlil və Proqnozlaşdırma Mərkəzinin prezidenti, rusiyalı siyasi analitik Denis Korkodinov bildirib.

Onun sözlərinə görə, bu amillər Ermənistan ərazisinin tam parçalanmasının başlanğıc nöqtəsidir:

“Bununla yanaşı, Bakını bu ssenarinin reallaşdırılmasında ittiham etmək sadəlövhlük olardı, çünki Azərbaycan İkinci Qarabağ müharibəsini uğurla başa vurduqdan sonra İrəvandakı daxili siyasi qalmaqalları və Ermənistan ordusunun parçalanmasını sadəcə müşahidə edir. Nəticə etibarilə, Azərbaycana bir güllə atmadan belə Ermənistanın öz təşəbbüsü ilə təqdim edəcəyi bütün torpaqları geri götürmək qalacaq. Bu, Çiçəklənən Ermənistan Partiyasının deputatı, sabiq xarici işlər naziri Vartan Oskanyanın dediyi kimi Zəngəzura, o cümlədən hazırda rus sülhməramlılarının nəzarətində olan Azərbaycanın Xankəndi şəhərinə də aiddir.

Rəsmi İrəvanın bir sıra məsələlərin öhdəsindən gələ bilməməsi erməniləri tarixi ədalətin bərqərar olunması ilə barışmağa məcbur edərək”, - deyə həmsöhbətimiz qeyd edib.
Ölkədə sağlam iqtidar-müxalifət münasibətləri qurulubPrezident İlham Əliyevin apardığı siyasi islahatlar nəticəsində ölkədə sağlam iqtidar-müxalifət münasibətləri qurulub.

Avrasiya.net xəbər verir ki, bunu Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev martın 10-da Milli Məclisdə “Siyasi dialoqun Azərbaycan modeli: qanunvericilik hakimiyyətinin rolu” mövzusunda keçirilən konfransda deyib.

O, bu münasibətlərdə dövlətçilik maraqlarının bütün digər maraqlardan üstün tutulduğunu, sağlam tənqid və qarşılıqlı hörmətlə xarakterizə olunan sivil formaya keçidin önə çəkildiyini, hörmət əsaslı siyasi rəqabət və qarşılıqlı dinləmə üzərində yeni siyasi mədəniyyət formalaşdığını, təkcə iqtidarla müxalifət arasında deyil, müxalifət partiyaları arasında da qarşılıqlı anlaşma və sivil rəqabət mühiti, sağlam əməkdaşlığın meydana gəldiyini bildirib.

Ə.Vəliyev həmçinin Azərbaycan siyasi mühitində iqtidar-müxalifət dialoqunun aparılması, partiyalararası ikitərəfli və çoxtərəfli danışıqların və müzakirələrin baş tutması, əməkdaşlığın qurulması üçün üçüncü tərəfin – hansısa xarici dairələrin vasitəçilik etməsinə ehtiyac olmadığının isbat olunduğunu, siyasi dialoqdan boyun qaçıran bəzi siyasi qüvvələrin siyasi mübarizə adı altında əslində hansı dairələrin çirkin maraqlarına xidmət etməsinin özünü daha aydın şəkildə büruzə verdiyini, ölkədə uzun illərdən sonra ilk dəfə olaraq siyasi qüvvələrin mütləq əksəriyyəti arasında milli vəhdət və həmrəylik yarandığını qeyd edib.

Şöbə müdiri Vətən müharibəsi dövründə ölkədəki, demək olar ki, bütün siyasi partiyaların Ali Baş Komandanın həyata keçirdiyi siyasəti dəstəkləyən və milli birliyə səsləyən birgə bəyanatlarının, habelə beynəlxalq qurumlara birgə müraciətlərinin mütərəqqi önəmini xatırladıb.
Göyçə-Zəngəzur Respublikası yaradıldı - Bəyanat1988-1989- cu illərə qədər indiki Ermənistan Respublikasının ayrı-ayrı ərazilərində kompakt yaşamış azərbaycanlı əhalinin tam əksəriyyətinin təmsilçiləri olan, Ermənistandakı tarixi yurdlarından 32 ildir məhrum edilmiş 200 ( iki yüz ) nəfərə yaxın ziyalılardan formalaşmış QAQB Ali Məşvərət Şurası Göyçə-Zəngəzur Respublikasının (GZR) yaradıldığı ilə bağlı bəyanat yayıb.

Avrasiya.net sözügedən bəyanatı təqdim edir:

1. Beynəlxalq təşkilatlar tərəfindən tanınmış indiki Ermənistan Respublikası sərhədləri daxilindəki Göyçə, Zəngəzur mahallarının tarixi sərhədləri içində QAQB-nin legitim sturukturları əsasında Göyçə - Zəngəzur Respublikasının (GZR) yaradıldığını elan edirik.

2. Göyçə- Zəngəzur Respublikası (GZR ) prezident üsuli-idarəli, demokratik Respublikadır.

3. QAQB-nin legitm Ali Məclisinin üzvlərindən təşkil olunmaqla, Göyçə- Zəngəzur Respublikası Milli Məclisi (Parlamenti) 75 (yetmiş beş) nəfər deputatdan (millət vəkilindən) ibarət olmaqla təsis olunur. Növbəti GZR Milli Məclisinin deputatları 5 (beş) ildən sonra keçiriləcək azad, demokratik seçkilər yolu ilə seçiləcək.

4. QAQB Ali Məşvərət Şurasının üzvləri arasında onlayn olaraq adbaad səsvermə yolu ilə keçirilmiş seçki nəticəsində Talıbov Rizvan Rəşid oğlu – Göyçə - Zəngəzur Respublikasının prezidenti vəzifəsinə seçilmiş və bu vəzifəyə təsdiq edilmişdir.

5. Göyçə - Zəngəzur Respublikasının Milli Məclisinin (Parlamentinin) bir ay ərzində ilk iclası keçiriləcək. GZR Milli Məclisinin spikeri (sədri), I müavini, iki müavinləri, katibliyi, komitə və komissiyaları bu iclasda səsvermə yolu ilə müəyyənləşdiriləcəkdir.

6. Göyçə - Zəngəzur Respublikası höküməti, GZR prezidentinin sərəncamı ilə GZR hökümətinin Baş naziri təyin edildikdən və bu təyinat GZR Milli Məclisi (Parlamenti) tərəfindən təsdiq olunduqdan sonra GZR prezidentinin müvafiq sərəncamları ilə təyin olunacaq Baş nazirin I müavini və üç müavinləri, müxtəlif sahələri özündə birləşdirəcək 9(doqquz) nazir və 2 (iki) Dövlət Komitəsi sədrlərindən ibarət olmaqla GZR höküməti formalaşdırılıb, fəaliyyətə başlayacaqdır.

7. GZR Hökümətinin Nazirlər Kabineti aşağıdakı nazirlik və dövlət komitələrindən ibarət olmaqla təşkil olunacaqdır.

- Xarici İşlər Nazirliyi

- Daxili İşlər və Dövlət Təhlükəsizlik Nazirliyi

- Elm, Təhsil və Mədəniyyət Nazirliyi

- Vergilər və Gömrük Nazirliyi

- Maliyyə və İqtisadiyyat Nazirliyi

- Ədliyyə Nazirliyi

- Gənclər və İdman Nazirliyi.

- Səhiyyə Nazirliyi

- Mətbuat və İnformasiya Nazirliyi

- Qadın və Uşaqlarla İş Üzrə Dövlət Komitəsi

- Dövlət Statistika Komitəsi

8. Göyçə - Zəngəzur Respublikasına paytaxt olaraq, Ermənistan Respublikası höküməti ilə razılaşdırılmaqla, Qafan şəhəri, yaxud Vardenis (Basarkeçər) şəhəri nəzərdə tutulur. Bu şəhərlərdən biri GZR paytaxtı elan olunacaq.

9. Göyçə - Zəngəzur Respublikasının müvəqqəti yerləşim mərkəzi Bakı, yaxud Gəncə şəhərində, yaxud yeni qəsəbə salınması halında Ermənistan sərhədlərinə yaxın Köhnə Başkənd qəsəbəsi olacaq.

10. Göyçə - Zəngəzur Respublikası vətəndaşlığını qəbul etmiş şəxslərə ikili vətəndaşlıq hüququ tanınır.

Türkiyə, Azərbaycan, İran, Ermənistan, Rusiya, ABŞ, Avropa dövlətləri vətəndaşları olan şəxslər, öz istəklərinə uyğun Göyçə - Zəngəzur Respublikası vətəndaşı qəbul oluna bilərlər. GZR vətəndaşlığına qəbul etmək və vətəndaşlıqdan çıxartma səlahiyyəti GZR prezidentinin müstəsna səlahiyyətidir.

1. Göyçə - Zəngəzur Respublikası konfederativ hüquqi əsaslarla Beynəlxalq səviyyədə tanınmış Ermənsitan Respublikası sərhədləri daxilində, erməni əhali ilə sülh şəraitində, birgə yaşayışı mümkün sayır və qəbul edir.

2. Bu bəyənnamə ictimaiyyətə açıqlandığı tarixdən qüvvəyə minir və Beynəlxalq təşkilatlara, dövlətlərə təqdim olunması təmin edilir.
"Bu gün Azərbaycanın qazandığı bütün uğurların təməli ümummilli lider Heydər Əliyev tərəfindən qoyulub"Bu gün Azərbaycan tarixinin ən yaxşı dövrünü yaşayır və Azərbaycan dövləti heç vaxt indiki qədər güclü olmayıb. Bütün bu böyük uğurlar Prezident İlham Əliyevin müdrik siyasəti sayəsində qazanılıb.

AZƏRTAC xəbər verir ki, bu fikirlər Moldovanın nüfuzlu “Noi.md” xəbər portalında dərc olunmuş məqalədə yer alıb.

Müəllifi ölkəmizin Moldovadakı səfiri Qüdsi Osmanov olan yazıda qeyd edilib ki, bu gün Azərbaycan Prezident İlham Əliyevin müdrik və uzaqgörən siyasəti sayəsində bölgədə həm siyasi, həm iqtisadi, həm də hərbi cəhətdən güclü və nüfuzlu ölkəyə çevrilib, orada hakimiyyət-xalq birliyi mövcuddur.

“Bütün bunlar Vətən müharibəsi zamanı bütün dünyaya açıq şəkildə göstərildi və qazanılan şanlı Qələbə tarixdə əbədi qalacaq. Müharibə nəticəsində işğaldan azad olunan ərazilər nəinki yenidən qurulur və bərpa edilir, orada iqtisadiyyat da inkişaf etdirilir, tamamilə yeni sistem qurulur, sosial əhəmiyyətli layihələr həyata keçirilir. Bu gün Azərbaycanın qazandığı bütün uğurların təməli ümummilli lider Heydər Əliyev tərəfindən qoyulub”, - deyə Qüdsi Osmanov bildirib.
Səfir, həmçinin işğaldan azad olunan ərazilərdə həyata keçirilən infrastruktur layihələrindən, ölkəmizin iqtisadi və hərbi sahələrdə uğurlarından ətraflı bəhs edib.