Ermənistan Moskvada görüşdən imtina edib

Azərbaycan və Ermənistan xarici işlər nazirləri MDB xarici işlər nazirlərinin toplantısında iştirak etmək üçün Moskvadadırlar. Rusiya hər iki ölkənin xarici işlər nazirlərinin görüşünün keçirilməsində maraqlıdır. Çünki, BMT sammiti çərçivəsində ABŞ dövlət katibi E. Blinkenin vasitəçiliyi ilə nazirlərin görüşü keçirilmişdi. Rusiya da belə bir görüşün təşkili ilə Qərbə mesaj vermiş olardı. Amma, Ermənistan tərəfi Moskvanın vasitəçiliyini qəbul etməyib.

Bunu Avrasiya.net-ə politoloq Məhəmməd Əsədullazadə deyib.

O, qeyd edib ki, ümumiyyətlə, Moskvada Azərbaycan və Ermənistan xarici işlər nazirlərinin görüşünə ehtiyac yoxdur:

"Təbii ki, Rusiyanın vasitəçiliyi ilə danışıqlar prosesinə ehtiyac yoxdur. Tərəflər əlavə vasitəçiyə ehtiyac olmadan ikitərəfli gündəliyi müzakirə edir. Hazırda danışıqlarda müəyyən durğunluq var. Ermənistan tərəfi razılaşdırılmış 13 bənd üzrə "Aralıq" sülh müqaviləsinin bağlanmasında maraqlıdır. Bu xüsusda Vaşinqton Yerevanın mövqeyini dəstəkləyir.

Azərbaycan üçün ən məqbul variant isə, "Yekun" sülh müqaviləsinin bağlanmasıdir. Prezident İlham Əliyev prinsipial olaraq bütün bəndlər üzrə "Yekun" sülh müqaviləsinin bağlanmasını şərtini irəli sürür. Region üçün də ən məqbul variant yekun sülh müqaviləsi bağlanmasıdir.

COP29 kimi tərəflər arasında sülh sazişinin bağlanması gözlənilmir. Ermənistan rəhbərliyi bütün bəndləri qəbul etdikdən sonra, "Yekun" sülh müqaviləsi bağlanacaq. Son günlər guya Azərbaycanın Ermənistana əlavə şərtlərlə çıxış etməsi, xüsusilə, birinci Qarabağ müharibəsində iştirak edənlərlə bağlı tələblər irəli sürməsi revanşistlərin N. Paşinyana təzyiq vasitəsidir".