"Diyarbəkirspor”un yeni loqosu müzakirə yaratdı – Ermənistanın gerbinə bənzədilib

Türkiyə Futbol Federasiyasının 2. Liqa komandası “Diyarbəkirspor”un yen adı və loqosu böyük müzakirələrə səbəb olub.

Adını “Mesopotamiya İdman Fəaliyyətləri” olaraq dəyişdirməyə hazırlaşan klubun yeni loqosunun Ermənistan gerbinə bənzəməsi diqqətdən yayınmayıb.

Klubun yeni loqosu sosial şəbəkələrin Türkiyə seqmentində birmənalı qarşılanmayıb və insanların narazılığına səbəb olub.

“Diyarbəkirspor” rəhbərliyi yaxın günlərdə mövzu ilə bağlı rəsmi açıqlama verəcəklərini bildiriblər.

Qeyd edək ki, 1977-ci ildə “Tarım Doğanspor” adı ilə qurulan komandanın 1986-cı ildəki adı “Beşyüzevlerspor” olub. 2010-cu ildə klubun adı “Yeni Diyarbəkirspor”, 2015-ci ildən isə “Diyarbəkirspor” olub.

Azpoiitika