İran uranın zənginləşdirilməsini dayandırıb - Arakçı

ABŞ-ın nüvə obyektlərinə endirdiyi zərbələrdən sonra İranda uranın zənginləşdirilməsi hələ həyata keçirilməyib.

Bu sözləri İran xarici işlər naziri Abbas Arakçı “Foks Nyus”a deyib.

“Eyni zamanda, təbii ki, biz uranın zənginləşdirilməsindən imtina etmək fikrində deyilik, çünki bu, alimlərimizin nailiyyətidir və üstəlik, bu, indi milli qürur məsələsidir”, - Arakçı bildirib.

Nazir əlavə edib ki, İranın Atom Enerjisi Təşkilatı hazırda nüvə obyektlərinə dəyən zərərin həcmini və zənginləşdirilmiş uran ehtiyatlarının vəziyyətini qiymətləndirir.