"Şah"ın səhvinə görə "Qarabağ" yeni qapıçı gətirir
Dərc olunub:
29-07-2023, 09:35
UEFA Çempionlar Liqasının ikinci təsnifat mərhələsinin ilk oyunları çərçivəsində səfərdə Polşa "Rakuv"una 2:3 hesabıyla uduzan "Qarabağ" qapı mövqeyi ilə bağlı hərəkətə keçib.
Avrasiya.net "Bizim.media"ya istinadən xəbər verir ki, Ağdam təmsilçisinin əsas qolkiperi Şahruddin Məhəmmədəliyevin sözügedən görüşdə buraxdığı kobud səhvlər və ardından edilən kəskin tənqidlər son ölkə çempionunu bu addımı atmağa vadar edib.
"Qarabağ" İngiltərənin "Haddersfild" klubunun qapıçısı Li Niçollzla maraqlanır.
Qeyd edək ki, "Uiqan" klubunun yetirməsi olan 30 yaşlı Niçollzun "Haddersfild"lə 2026-cı ilədək müqaviləsi var. Onun transfer dəyəri isə 900 min avrodur.
