Qurban Qurbanov tarixi qələbəni belə şərh etdiFutbolçularımı təbrik etmək istəyirəm. Dünən də bildirmişdim ki, ağır yol gəlmişik və çətin oyunlardan çıxmışıq. Oyunçular belə qələbəni haqq edirdilər.

Avrasiya.net xəbər verir ki, bu fikirləri "Qarabağ"ın baş məşqçisi Qurban Qurbanov Şotlandiyada "Aberdin"i 3:1 hesabı ilə məğlub etdikləri Konfrans Liqasının pley-off mərhələsinin cavab oyunundan sonra mətbuat konfransında bildirib.

Stadiondakı atmosferin möhtəşəm olduğunu deyən Q.Qurbanov azarkeşlərdən də razı qaldığını vurğulayıb:

"Azarkeşlər də çox mədəni idi. Həm komanda, həm də baş məşqçiləri özlərini mədəni aparırdı. "Aberdin"ə və onların azarkeşlərinə uğurlar və daha yaxşı nəticələr arzulayıram. Sonda öz "Qarabağ"lılarımı, azərbaycanlılarımı təbrik edirəm. Həqiqətən çox möhtəşəm qalibiyyət oldu"
"Qarabağ" daha bir tarix yazdı: Qrupa vəsiqə qazandıKonfrans Liqasının pley-off mərhələsinin cavab oyunu çərçivəsində bu gün keçiriləcək "Aberdin" (Şotlandiya) - "Qarabağ" matçı üçün heyətlər açıqlanıb.

Avrasiya.net xəbər verir ki, komandalar Bakı vaxtı ilə saat 22:45-də başlayacaq oyuna aşağıdakı heyətlə çıxacaqlar:

“Aberdin”: 1. Co Lyuis, 2. Ross Makkrori, 3. Cek Makkenzi, 5. Deklan Qallaher, 8. Skott Braun (k), 16. Funso Ojo, 19. Luis Ferqyuson, 22. Kelvin Remsi, 9. Kristian Ramirez, 20. Teddi Cenks, 17. Conni Hayes

“Qarabağ”: 1. Şahruddin Məhəmmədəliyev, 81. Kevin Medina, 5. Maksim Medvedev (k), 30. Abbas Hüseynov, 27. Toral Bayramov, 2. Qara Qarayev, 18. İsmayıl İbrahimli, 10. Abdullah Zubir, 20. Kadi Borqes, 11. Xayme Romero, 77. Ramil Şeydayev.

***

"Aberdin" - "Qarabağ" matçı başladı.

***

Toral Bayramov matçın 8-ci dəqiqəsində "Qarabağ"ı hesabda önə çıxardı: 0-1.

***

Kadi görüşün 18-ci dəqiqəsində "Qarabağ"ın ikinci qoluna imza atdı: 0-2.

***

Zubir matçın 71-ci dəqiqəsində komandasının üçüncü qolunu vurdu: 0-3.

***

Görüşün son dəqiqələrində "Aberdin" komandası penalti zərbəsi ilə hesab arasındakı fərqi azaltsa da (1-3), matç təmsilçimizin qələbəsi ilə yekunlaşıb. Bununla "Qarabağ" ilk dəfə yaradılan Konfrans Liqasının qrupuna vəsiqə qazanıb.

MS SPORT gecəsi möhtəşəm keçdiSənət, idman və media dünyasından tanınmışlar, mərkəzi Almaniyada olan və Türkiyədə "Eskişehirspor" Klubunun forması sponsoru olaraq diqqət çəkən MS SPORT BRAND NIGHT -a axın edib.

Klubun mətbuat xidmətinin rəhbəri Selcuk Aka Avrasiya.net-ə bildirilib ki, MS SPORT-un qurucu ortaqlarından Murat Semiz, xüsusilə Avropa və Afrikada dünya bazarında yaxşı bir debüt etdiklərini və bunu Türkiyədə "Eskişehirspor" la başladıqlarını söyləyib.

Murat Semiz, bütün istehsalın Türkiyədə olacağını və bunun da müəyyən miqdarda insanların işlə təmin edəcəyini ifadə edib. "Öz üslubunuzu yaradın" devizi ilə dizayn və keyfiyyətdə iddialı olduqlarını dilə gətirən Murat Semiz, idman dünyasının MS SPORT sürprizlərinə hazır olduğu mesajını verib.

MS SPORT gecəsi sənət, idman və media aləminin böyük marağına səbəb oldu və gecəyə qatılanlara forma hədiyyə edilib. MS SPORT-un təşkil etdiyi gecəyə Eskişehirdən aktyorlar, müğənnilər və bir çox rəngarəng simalar qatılıb, şəhərə ürək bağlayan Selahattin Tasdoğen, Metin Yıldız, Arif Selcuk və Oksana Kuznetsova kimi adlar qatılıb.
Konfrans Liqası: “Qarabağ” “Aberdin”lə qarşılaşacaq“Qarabağ” bu gün növbəti avrokubok oyununu keçirəcək.

Avrasiya.net xəbər verir ki, ilk dəfə keçirilən Konfrans Liqasında mübarizə aparan Ağdam klubu Şotlandiyada “Aberdin”lə görüşəcək.

Pley-off mərhələsinin cavab oyunu qrupa vəsiqənin taleyinə aydınlıq gətirəcək. Bakıda keçirilən ilk matçda 1:0 hesabı ilə qalib gələn Qurban Qurbanovun yetirmələri üstünlüyünü qorumağa çalışacaq.

Son 7 ildə bir dəfə Çempionlar Liqası, altı dəfə Avropa Liqasının qrupunda oynayan “Qarabağ” uğurlu seriyasını davam etdirməyə köklənib. Təmsilçimiz 3-cü dərəcəli klub turnirində də buna nail olsa, hər üç yarışda qrupa düşən ilk komandalar sırasında olacaq.

Qeyd edək ki, görüş Bakı vaxtı ilə saat 22:45-də başlayacaq.
Azərbaycan Tokio Paralimpiya Oyunlarında ilk medalını qazandıAzərbaycan idmançısı Tokio 2020 XVI Yay Paralimpiya Oyunlarında ilk medalını qazanıb.

Bu barədə Avrasiya.net Azərbaycan Respublikası Milli Paralimpiya Komitəsinə istinadən xəbər verir.

Pauerliftiq idman növü üzrə milli komandanın üzvü Pərvin Məmmədov (-49 kq) 156 kq ağırlıq qaldıraraq, Tokio 2020 XVI Yay Paralimpiya Oyunlarının bürünc medalını qazanıb.

"Sevincimin həddi, hüdudu yoxdur. Bu, dünənə qədər mənim üçün yuxu kimi idi. Çox sevinirəm ki, Tokioda bayrağımızı ucalda bildim. Məşqçimizlə əziyyət çox əziyyət çəkdik. Şükür Allaha, əziyyətimiz yerdə qalmadı", - deyə Pərvin Məmmədov bildirib. .
ÇL: Qrup mərhələsinin son 3 iştirakçısı bəlli olurBu gün UEFA Çempionlar Liqasında pley-off mərhələsinin oyunlarına yekun vurulacaq.

Avrasiya.net xəbər verir ki, bununla da qrupa son 3 vəsiqənin sahibi bəlli olacaq. Hər üç qarşılaşma Bakı vaxtı ilə saat 23:00-da başlayacaq.

Fransadakı ilk oyunda "Monako"ya 1:0 hesabı ilə qalib gələn Ukraynanın "Şaxtyor" (Donetsk) klubu minimal üstünlüyünü evdə də qorumağa çalışacaq.

Moldova "Şerif"i Xorvatiyada Zaqreb "Dinamo"sunun qonağl olacaq. Evdəki oyunda 3:0 hesablı qələbə qazanan Tiraspol təmsilçisi cütün taleyini demək olar ki, həll edib.

Digər matçda isə "Bröndbü" Danimarkada Avstriya "Zalsburq"u ilə üz-üzə gələcək. Meydan sahibləri ilk görüşdə 1:2 hesabı ilə uduzub.

UEFA Çempionlar Liqası

Pley-off mərhələsi, cavab oyunları

23:00. "Şaxtyor" (Donetsk, Ukrayna) - "Monako" (Fransa)

İlk oyun - 1:0

23:00. "Dinamo" (Zaqreb, Xorvatiya) - "Şerif" (Moldova)

İlk oyun - 0:3

23:00. "Bröndbü" (Danimarka) - "Zalsburq" (Avstriya)

İlk oyun - 1:2

Qeyd edək ki, Çempionlar Liqasında qrup mərhələsinin püşkü avqustun 26-da atılacaq.


Çempionlar Liqası: Bu gün üç komanda qrupa vəsiqə qazanacaqUEFA Çempionlar Liqasında pley-off mərhələsinin cavab oyunlarına start veriləcək.

Avrasiya.net-in məlumatına görə, ilk oyun günündə qrup mərhələsinə vəsiqə qazanan 3 komandanın adına aydınlıq gələcək.

PSV Niderlandda Portuqaliyanın "Benfika" komandasının müqavimətini qırmağa çalışacaq. "Lüdoqorets" Bolqarıstanda İsveç "Malmö"sü ilə, "Ferentsvaroş" isə Macarıstanda İsveçrə "Yanq Boyz"u ilə üz-üzə gələcək.

Çempionlar Liqası

Pley-off mərhələsi, cavab oyunları

23:00. PSV (Niderland) - "Benfika" (Portuqaliya)

İlk oyun - 1:2

23:00. "Lüdoqorets" (Bolqarıstan) - "Malmö" (İsveç)

İlk oyun - 0:2

23:00. "Ferentsvaroş" (Macarıstan) - "Yanq Boyz" (İsveçrə)

İlk oyun - 2:3.

Qeyd edək ki, Çempionlar Liqasında pley-off mərhələsinin digər cavab oyunları avqustun 25-də gerçəkləşəcək
Ukraynanın azərbaycanlı idmançısı Avropa çempionu olubTokio 2020 Olimpiya Oyunlarında Ukraynanın aktivinə gümüş medal yazdıran Pərviz Nəsibovdan sonra daha bir həmyerlimiz öz uğuru ilə bizi sevindirdi.

Ukrayna Azərbaycanlıları Radasından (UAR) Avrasiya.net-ə verilən məlumata görə, Bosnya Hersoqovinanın Sarayevo şəhərində keçirilən yeniyetmələrin boks üzrə Avropa çempionatında Vasif Kərimov qızıl medal qazanıb. 46 kq çəki dərəcəsində İtaliya, İsrail, Ermənistan və Rusiya idmançılarını məğlub edərək Avropa çempionu olan Kərimov Xarkov şəhərində yerləşən “Atom” idman klubunun yetirməsidir.

Donetsk vilayətindən olan həmyerlimiz Vidadi Zeniyev isə 44 kq çəki dərəcəsində gümüş medal qazanıb.

63 kq çəki dərəcəsində mübarizə aparan digər həmyerlimiz, Odessa «Левша» idman klubunun yetirməsi Kərim Hüseynov isə üçüncülüklə kifayətlənməli olub. Məşqçi Nurəddin Əlibəylinin sözlərinə görə Kərim qələbəni son anda əldən verib. “Gələn yarışlara daha ciddi hazırlaşıb qızıl medal qazanacağıq” deyən Əlibəyli öz növbəsində Vasif Kərimovu və Vidadi Zeyniyevi təbrik edib.

25 ölkədən 274 boksçunun mübarizə apardığı 2021 Avropa çempionatında Ukrayna ümumi hesabda 23 medal (7 qızıl, 9 gümüş və 7 bronz) qazanaraq Rusiyadan sonra ikinci olub.

Ukrayna Azərbaycanlıları Radasının baş katibi Ceyhun Məmmədov UAR həmtəsisçiləri Oleq Krapivinin və Hikmət Cavadovun təbriklərini Avropa çempionuna, atası Knyaz Kərimova və məşqçisi Oleq Aleksandroviçə çatdırıb. “Bu həmyerlimizdən Ukraynanın müstəqillik gününə anlamlı bir hədiyyədir” deyən baş katibin verdiyi məlumata görə sentyabr ayının 20-də uğur qazanmış idmançılarla UAR Kievdəki ofisində görüş keçirilməsi planlaşdırılır.

Xatırladaq ki Avropa çempionu olan Vasifin qardaşı Asif Kərimov da bokscudur və 6 sentyabrda başlayacaq Ukrayna çempionatında birincilik uğurunda mübarizə aparacaq! Asifə uğurlar arzulayırıq!
Güləşçilərimiz 1 qızıl, 4 gümüş və 6 bürünclə qayıdırAzərbaycanın pəhləvanları Rusiyanın Ufa şəhərində keçirilən gənc güləşçilər arasında dünya çempionatını 1 qızıl, 4 gümüş və 6 bürünc medalla başa vurublar.

Avrasiya.net xəbər verir ki, yunan-Roma güləşçilərimiz çempionatda 1 qızıl, 1 gümüş və 2 bürünc medal qazanıblar. Qızıl medalı ölkəmizin aktivinə Həsrət Cəfərov (67 kq) yazdırıb. Sərxan Məmmədov (130 kq) gümüş, Elmir Əliyev (55 kq) və Nihat Məmmədli (60) isə bürünc medallara sahib olublar. Çempionatın yekununda 101 xal toplayan yunan-Roma güləşi üzrə seçməmiz komanda hesabında Rusiya və İrandan sonra üçüncü pillədə qərarlaşıb.

Sərbəst güləşçilərimiz isə ölkəmizin aktivinə 3 gümüş və 2 bürünc medal yazdırıblar. Zirəddin Bayramov (65 kq), Cəbrayıl Hacıyev (70 kq) və Əşrəf Aşırov (79 kq) gümüş, Turan Bayramov (74 kq) ilə Saqadulla Ağayev (86 kq) isə bürünc medal qazanıblar. Yığmamız yekunda 122 xal toplayaraq, komanda hesabında İran, Rusiya və ABŞ millilərindən sonra dördüncü yeri tutub.

Qeyd edək ki, sərbəst güləş üzrə yığmamız medalların sayına görə son beş ilin ən yaxşı nəticəsinə imza atıb. Komanda sonuncu dəfə 2016-cı ildə Fransanın Makon şəhərində keçirilən gənclərin dünya çempionatında beş medal qazanıb.

Qadın güləşçilərimizdən isə Jalə Əliyeva (59 ) və Birgül Soltanova (62 kq) çempionatı bürünc medalla başa vurublar. Komanda hesabında 44 xal qazanan qadın güləşçilərimiz 11-ci olublar.
Voleybolçularımız çempionata məğlubiyyətlə başladıAvqustun 20-də qadın voleybolçulardan ibarət Azərbaycan milli komandası Avropa çempionatında mübarizəyə başlayıb.

Avrasiya.net xəbər verir ki, 2019-cu ildə olduğu kimi çempionat yenə 4 ölkənin meydanlarında keçirilir. Bu dəfə turnirə Serbiya, Bolqarıstan, Xorvatiya və Rumıniya ev sahibliyi edir.

Azərbaycan yığmasının yer aldığı A qrupunun oyunları Serbiyada təşkil olunur. Komandamız qrupda ilk oyununu Belçika yığmasına qarşı keçirib.

Avropa çempionatında komandamızın heyətində Ayşən Abduləzimova, Olena Xarçenko, Kseniya Pavlenko, Yana Doroşenko, Kristina Besman, Şəfaqət Alışanova, Nilufər Ağazadə, Anastasiya Mertsarova, Mariya Kirilyuk, Marqarita Stepanenko, İlhamə Əliyeva, Bəyaz Alıyeva, Yuliya Kərimova, Anastasiya Bayduk çıxış ediblər.

Belqraddakı "Stark Arena"da təşkil olunan görüş Belçika millisinin 3:0 (25:13, 26:24, 25:13) qələbəsi ilə yekunlaşıb.

Yığmamız avqustun 21-də Bosniya və Herseqovina, ayın 22-də Rusiya, iki gün sonra Serbiya, avqustun 25-də isə Fransa ilə qarşılaşacaq.

Qrupda ilk dörd yeri tutacaq komanda turnirin pley-off mərhləsinə vəsiqə qazanacaq.