Bakıda 5 il sonra Çempionlar Liqasının himni səslənəcəkBakıda 5 ildən sonra yenidən Çempionlar Liqasının himni səslənəcək.

Avrasiya.net xəbər verir ki, bu əlamətdar hadisə "Qarabağ" klubu Çempionlar Liqasında pley-offa yüksəldiyi üçün baş verəcək.

Çempionlar Liqasının himni turnirin pley-off mərhələsindən etibarən səsləndirilməyə başlayır.

Qeyd edək ki, Qurban Qurbanovun baş məşqçisi olduğu komanda 2017/2018 mövsümündə Çempionlar Liqasının pley-off mərhələsində iki oyunun nəticəsinə əsasən Danimarka "Kopenhagen"indən güclü olub - 1:0; 1:2.

Komanda həmin mövsüm turnirin qrup mərhələsinə yüksəlib.

Xatırladaq ki, "Qarabağ" pley-offda Çexiyanın "Viktoriya" (Plzen) klubu ilə qarşılaşacaq. Bu mərhələnin ilk oyunları 16-17 avqustda, cavab matçları 23-24 avqustda keçiriləcək.
“Qarabağ”ın pley-offdakı rəqibi məlum oldu“Qarabağ” komandasının UEFA Çempionlar Liqasının pley-off mərhələsindəki rəqibi məlum olub.

Avrasiya.net xəbər verir ki, Azərbaycan təmsilçisi növbəti görüşdə Çexiyanın “Viktoriya” (Plzen) klubu ilə qarşılaşacaq.

Pley-off mərhələsinin oyunları avqustun 16-17-də və 23-24-də təşkil olunacaq.

Qeyd edək ki, “Qarabağ” komandası UEFA Çempionlar Liqasının üçüncü təsnifat mərhələsində Macarıstan çempionu “Ferentsvaroş” klubuna qalib gələrək pley-off mərhələsinə yüksəlib.
Dünya çempionu gecə klubunda qətlə yetirildiBraziliyanın San-Paulu şəhərində qətl törədilib.

Modern.az xarici KİV-ə istinadən xəbər verir ki, ciu-citsu üzrə səkkizqat dünya çempionu Leandro Lo gecə klubunda istirahət edərkən polis məmuru ilə dalaşıb.

İdmançı polisə bir neçə zərbə vurub. Döyülən şəxs buna cavab olaraq silahla dünya çempionunu güllələyib.

Tanınmış idmançı xəstəxanaya çatdırılsa da, onun həyatını xilas etmək mümkün olmayıb. Hadisənin ilkin səbəbi açıqlanmayıb, faktla bağlı araşdırma aparıldığı bildirilib.
"Barselona" Messini 2023-cü ildə geri qaytarmaq üçün danışıqlar aparırİspaniyanın "Barselona" futbol klubu argentinalı hücumçu Lionel Messini yenidən komandaya qaytarmaq üçün danışıqlar aparır.

"Report" xəbər verir ki, bu barədə ispaniyalı jurnalist Xavi Kampos sosial şəbəkədə məlumat yayıb.

O, qeyd edib ki, kataloniyalılar futbolçunun nümayəndələri ilə 2023-cü ildə komandaya keçidin şərtlərini müzakirə edirlər.

Ssenarilərdən biri Messinin PSJ ilə müqaviləni pozmasını və Barselona ilə bir, yaxud iki mövsümlük müqavilə imzalayacağını nəzərdə tutur.

Futbolçunun Amerika MLS liqasındakı klublardan birinə keçmək təklifi də var.

Xatırladaq ki, Messi 18 il "Barselona"da oynadıqdan sonra komandadan ayrılıb. O, 2021-ci ildə PSJ-nin oyunçusu olub. Klub ötən mövsüm Fransa Birinci Liqasının qalibi olub.


UEFA: "Neftçi" Azərbaycanın xal ehtiyatını artırdıAzərbaycan UEFA reytinqində 2022/2023 mövsümü üçün xal ehtiyatını yenidən artırıb.

Avrasiya.net xəbər verir ki, bu, "Neftçi"nin UEFA Konfrans Liqasının III təsnifat mərhələsinin ilk oyununda Avstriyanın "Rapid" (Vyana) klubu üzərində 2:1 hesablı ev qələbəsi sayəsində mümkün olub. Bu nəticə hazırda avrokuboklarda 2 komanda ilə təmsil olunan ölkənin aktivinə daha 0,250 xal gətirib.

Lakin Azərbaycan bu mövsüm üzrə xal sayını 1,625-ə, son 5 mövsümdə isə 14,250-yə çatdırmasına baxmayaraq, 29-cu pillədə qalıb. 28-ci sırada 15,375 xalla Polşa qərarlaşıb.

Azərbaycanın Çempionlar Liqasındakı təmsilçisi "Qarabağ" III təsnifat mərhələsinin cavab oyununda avqustun 9-da Macaırstanda "Ferentsvaroş"un qonağı olacaq. Bakıdakı ilk oyunda qalib müəyyənləşməyib.

Qeyd edək ki, Avropa Liqası və Konfrans Liqasında III təsnifat mərhələsinin ilk matçlarından sonra reytinq siyahısında müəyyən dəyişikliklər də baş verib. İrlandiya 9,125 xalla 38-ci, Lixtenşteyn 6,500 xalla 48-ci pilləyə yüksəlib. Bundan başqa, Litva (8,750) 39-cu, Lüksemburq (8750) 40-cı, Albaniya (6,250) 49-cu, Uels isə (6,166) 50-ci sıraya geriləyib.
“Qarabağ” heç-heçə etdiUEFA Çempionlar Liqasının üçüncü təsnifat mərhələsinin ilk oyunları çərçivəsində keçirilən “Qarabağ” - “Ferentsvaroş” matçı başa çatıb.

Avrasiya.net xəbər verir ki, Tofiq Bəhramov adına Respublika Stadionunda təşkil olunan qarşılaşma 1:1 hesabı ilə yekunlaşıb.

Matçda hesabı Macarıstan çempionu açıb. Belə ki, oyunun 17-ci dəqiqəsində Frank Boli fərqlənib. Matçın 34-cü dəqiqəsində “Qarabağ”ın qanalı hücumçusu Kvabena Ovusu tarazlığı bərpa edib - 1:1.

Görüşdə əlavə qol vurulmayıb. “Qarabağ” doğma meydanda heç-heçə ilə kifayətlənib.

Tofiq Musayev "Karapapak Fight club & Promotion"-un vitse-prezidenti seçilib3 avqust 2022-ci il tarixində "Karapapak Fight club & Promotion"-un növbəti iclası keçirilib. Klub rəhbərliyinin qərarına əsasən MMA üzrə dünya, Avropa və dəfələrlə Avrasiya çempionu olmuş Tofiq Teymur oğlu Musayev "Karapapak Fight club & Promotion"-un vitse-prezidenti vəzifəsinə təyin edilib.

T. Musayev 15 dekabr 1989-cu ildə Bakı şəhərində anadan olub. 12 yaşında karate ilə məşğul olmağa başlayan idmançı 23 yaşında peşəkar döyüş sənətində debüt edib.

2011-ci ildə Azərbaycan Dövlət Bədən Tərbiyəsi və İdman Akademiyasını bitirən Tofiq, Kunq-fu və Sanda üzrə dünya çempionu, MMA üzrə dünya, Avropa və dəfələrlə Avrasiya çempionu olub. O, 2019-cu ildə MDB ölkələri arasında qarışıq döyüş sənəti üzrə 10 ən güclü idmançı sırasına daxil olub. Bundan başqa 2019-cu ildə dünyanın ən nüfuzlu təşkilatlarından olan “Rizin Fighting Federation”-un təşkil etdiyi Rizin Qran-prisinin qalibi olub.

Bir neçə gün öncə dünyanın iki ən məşhur turnirindən biri olan "Bellator 283" turniri çərçivəsində amerikalı rəqibi Sidney Outlavı döyüşün 27-ci saniyəsində nokaut edərək qələbə qazanıb.

Qeyd edək ki, Tofiq Musayev 44 günlük Vətən müharibəsinin ilk günlərindən döyüşə yollanıb və ön xətdə fəal iştirak edib.

Prezident İlham Əliyevin sərəncamına əsasən "Cəsur döyüşçü" medalı ilə təltif edilib.
Ailəlidir, 2 övladı var.
Karate üzrə beynəlxalq yarışlara könüllü qəbulu elan edilirAzərbaycan Milli Karate Federasiyası 2-4 sentyabr tarixlərində Bakı şəhərində keçiriləcək Karate 1 – Premyer Liqa yarışları üçün könüllü proqramı elan edir.

“İrəli” İctimai Birliyinin Mətbuat xidmətindən Avrasiya.net-ə məlumat verilib ki, iki gün davam edəcək yarışlarda 80-a dək ölkədən 400-ə yaxın idmançı medallar uğrunda mübarizə aparacaq. “İdman dostluqdur” şuarı ilə keçiriləcək turnirdə 100-ə yaxın beynəlxalq hakimin iştirakı nəzərdə tutulur. Yarışın əsas tərəfdaşları Dünya Karate Federasiyası, Azərbaycan Respublikası Gənclər və İdman Nazirliyi, Milli Olimpiya Komitəsi və Milli Karate Federasiyası və “İrəli” İctimai Birliyidir.

Qeyd edək ki, ilk dəfə Premiyer Liqa yarışları 2011-ci ildə Dünya Karate Federasiyasının təşəbbüsü ilə keçirilib. Liqa özü ilə beynəlxalq dərəcəli karateçilərin iştirak etdiyi bir sıra mötəbər yarışları birləşdirir. Yarışlar bu il Azərbaycan ilə yanaşı, Birləşmiş Ərəb Əmirlikləri, Portuqaliya, Mərakeş, Amerika Birləşmiş Ştatlarında da keçiriləcək.

İki gün davam edəcək yarışlarda könüllü kimi fəaliyyət göstərmək istəyən 16-29 yaş aralığında, təşəbbüskar, motivasiyalı, məsuliyyətli gənclər aşağıdakı link vasitəsilə qeydiyyatdan keçə bilərlər: https://bit.ly/3oqfyyP
Ruslan Məmmədov "Karapapak Fight club & Promotion"ın birinci vitse-prezidenti seçilib28 iyul 2022-ci il tarixində "Karapapak Fight club & Promotion"ın növbəti iclası keçirilib. Klub rəhbərliyinin qərarına əsasən tanınmış iş adamı Ruslan Xudaverdi oğlu Məmmədov "Karapapak Fight club & Promotion"ın birinci vitse-prezident vəzifəsinə təyin edilib.

R.Məmmədov 8 yanvar 1988-ci ildə Almaniyanın Podstam şəhərində anadan olub. O, 2015-ci ildə öz geyim fabrikasını açaraq “Mario Russo” brendini yaradıb. Onun geyimləri dünyanin müxtəlif ölkələrində, eləcə də Azərbaycanda tanınır. Ailəlidir, 3 övladı var.

Qeyd edək ki, R.Məmmədov hər zaman idmançılara maddi və mənəvi dəstək göstərib.
UEFA reytinqi: Azərbaycan xal ehtiyatını artırdıAzərbaycan UEFA reytinqində 2022/2023 mövsümü üçün xal ehtiyatını yenidən artırıb.

Avrasiya.net xəbər verir ki, bu, UEFA Konfrans Liqasının II təsnifat mərhələsinin cavab oyunlarında "Qəbələ" və "Neftçi"nin evdə müvafiq olaraq Macarıstan "Fehervar"ına (2:1) və Kipr "Aris"inə (3:0) qalib gəlməsi, "Zirə"nin isə İsraildə "Makkabi" (Təl-Əviv) klubu ilə qolsuz heç-heçəsi sayəsində mümkün olub.

3 komanda birlikdə ölkənin aktivinə daha 0,625 xal gətirib. Bunun hərəyə 0,250 xalı "ağ-qaralar"la "qırmızı-qaralar"ın, 0,125 xalı isə "qartallar"ın payına düşüb.

Lakin Azərbaycan bu mövsüm üzrə xal sayını 1,25-ə, son 5 mövsümdə isə 13,875-ə çatdırmasına baxmayaraq, 29-cu pillədə qalıb. 28-ci pillədə isə 15,125 xalla Polşa qərarlaşıb.