Çempionlar liqasında yarımfinal iştirakçıları məlum olduUEFA Çempionlar Liqasında 1/4 final mərhələsinə yekun vurulub.

Avrasiya.net xəbər verir, bununla da yarımfinalın bütün iştirakçıları bəlli olub.

İngiltərə "Liverpul"u cavab oyununda Portuqaliya "Benfika"sını qəbul edib. Oyun bərabərə başa çatıb - 3:3.

Beləliklə, Yurgen Kloppun başçılıq etdiyi kollektiv iki matçın nəticəsinə əsasən yarımfinala adlayıb və İspaniya "Vilyarreal"ına rəqib olub.

İngiltərənin digər təmsilçisi "Mançester Siti" isə İspaniyada Madrid "Atletiko"su ilə üz-üzə gəlib. Evdəki ilk görüşdə 1:0 hesablı qələbəyə sevinən "şəhərlilər" cavab görüşündə qolsuz heç-heçəyə nail olaraq, adını yarımfinala yazdırıb. Mançester təmsilçisi finala gedən yolda İspaniya "Real Madrid"i ilə qarşılaşacaq.
“Şahin” hərbi-idman oyunu üzrə rayon birinciliyinə yekun vurulubAprelin 13-də şəhər stadionunda Siyəzən Rayon Gənclər və İdman İdarəsi, Səfərbərlik və Hərbi Xidmətə Çağırış üzrə Dövlət Xidmətinin Siyəzən rayon bölməsi və Təhsil şöbəsinin birgə təşkilatçılığı ilə rayon tam orta məktəblərinin VIII və X sinif şagirdləri arasında “Şahin” hərbi-idman oyunu üzrə rayon birinciliyi keçirilib.

Gənc nəslə vətənpərvərlik hisslərinin aşılanması, hərbi vətənpərvərlik tərbiyəsi işinə diqqətin artırılması, gənclərin hərbi və fiziki hazırlığının yüksəldilməsi, hərbi-idman oyunları vastəsilə gənclərin hərbi xidmətə hazırlıq səviyyəsinin yüksəldilməsi, həmçinin yarışın zona mərhələsində iştirak edəcək komandanın müəyyənləşdirilməsi məqsədi daşıyan yarışda qalib adı uğrunda şəhər və kənd tam orta məktəblərin komandaları mübarizə aparıb.

Tədbirin açılış mərasimində Vətən müharibəsi şəhidlərinin xatirəsi bir dəqiqəlik sükutla yad olunub, şagirdlərə yarışın məqsədləri haqqında məlumat verilib. Daha sonra iştirakçı komandalar təntənəli keçid, mahnı ilə keçid, sıra hazırlığı, fiziki hazırlıq, turnikdə dartınma, 100 metr məsafəyə qaçış, mülki müdafiə hazırlığı, əleyhqazdan istifadə, zəhərli zonanın dəf olunması və digər mərhələlər üzrə qüvvələrini sınayıblar. Ən yüksək nəticə göstərən şəhər 1 saylı tam orta məktəbin komandası I yeri tutaraq yarışın rayon mərhələsinin qalibi olub. Şəhər 3 saylı tam orta məktəbin komandası II, Böyük Həmyə kənd tam orta məktəbin komandası isə III yeri tutub.

Yarışda yer tutan komandalar Gənclər və İdman İdarəsi tərəfindən fəxri fərmanlarla təltif olunublar. I yeri tutan şəhər 1 saylı tam orta məktəbin komandası eyni zamanda “Şahin” hərbi-idman oyununun aprel ayının sonunda Sumqayıt şəhərində keçiriləcək zona mərhələsində rayonu təmsil etmək hüququ qazanıb.




#Şahin #SiyəzənGİİ #AZEyouth #AZEgənc #Gənclərİdman
Çempionlar Liqası: İlk yarımfinalçılar bəlli olurBu gün UEFA Çempionlar Liqasında 1/4 final mərhələsinin cavab oyunlarına start veriləcək.

Avrasiya.net xəbər verir ki, bununla da yarımfinalın ilk iki iştirakçısı bəlli olacaq.

“Real” klubu doğma azarkeşləri önündə ilk matçda 3:1 hesabı ilə məğlub etdiyi “Çelsi”ni qəbul edəcək. “Bavariya” isə Almaniyada İspaniya “Vilyarreal”ı ilə üz-üzə gələcək. Bu komandalar arasında ilk oyun ispanların 1:0 hesablı qələbəsi ilə başa çatıb.

Çempionlar Liqası, 1/4 final - Cavab oyunları

23:00. “Real” (İspaniya) - “Çelsi” (İngiltərə)

Baş hakim: Şimon Marçinyak (Polşa)

İlk oyun - 3:1

23:00. “Bavariya” (Almaniya) - “Vilyarreal” (İspaniya)

Baş hakim: Slavko Vinçiç (Sloveniya)

İlk oyun - 0:1
Cavid Hüseynov
ADPU-nun mətbuat katibi
Bu gün Azərbaycan dünyada idman ölkəsi kimi tanınıb

Son illər ərzində Azərbaycan Respublikasının Prezident cənab İlham Əliyevin uğurla həyata keçirdiyi iqtisadi, siyasi, idarəçilik islahatları ölkənin həyatında yeni meyil və təşəbbüslərin əsasını qoymaqla yanaşı, Azərbaycanın beynəlxalq imicinin əhəmiyyətli dərəcədə yaxşılaşmasına təkan vermişdir.

Məhz buna görə bu gün Azərbaycan dünyada sürətlə inkişaf edən ölkə kimi tanınır və dünyada nadir ölkələrdəndir ki, öz taleyini özü həll edir, müəyyən edir, öz siyasətini müstəqil şəkildə aparır və istər döyüş meydanlarında, istər siyasi arenalarda qələbə qazanır.Azərbaycanın hərtərəfli inkişafı üçün idman potensialının güclənməsi çox böyük əhəmiyyət daşıyır. Çünki idman ictimai həyatın mühüm hissəsidir. Ölkəmizdə tikilən idman qurğuları, sosial infrastrukturun yenilənməsi bütün bunlar idmanın inkişafı üçün aparılan sosialyönümlü tədbirlərdir.
Hələ 1995-ci il martın 5-də Ümummilli lider Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis etdi. Bununla da ölkəmizdə bədən tərbiyəsi və idmanın inkişafında yeni strategiyanın təməli qoyuldu.

Azərbaycanda bütün sahələrdə olduğu kimi idman sahəsində də böyük uğurlar qazanılır. İdman siyasətinin düzgün müəyyən olunması sayəsində bu sahədə uğurlarımız ildən-ilə artır. Ölkəmiz artıq beynəlxalq səviyyədə idman tədbirlərinin keçirildiyi bir ölkəyə çevrilmişdir. Fərəh hissi ilə qeyd etmək lazımdır ki, bu gün Azərbaycan dünyada idman ölkəsi kimi tanınıb, beynəlxalq idman ailəsində layiqli yerini tutub. Bu barədə Ölkə rəhbəri cənab İlham Əliyev demişdir: ”Bu gün Azərbaycan dünyada idman ölkəsi kimi tanınır. Bizim idman sahəsində nəticələrimiz, uğurlarımız, qələbələrimiz, eyni zamanda idmana dövlət tərəfindən göstərilən dəstək, dövlət proqramlarının icrası, əlbətdə ki, beynəlxalq idman qurumları tərəfindən də yüksək qiymətləndirilir. Təsadüfi deyil ki, Beynəlxalq Olimpiya Komitəsi, Avropa Olimpiya Komitəsi, beynəlxalq federasiyalar bizim fəaliyyətimizə çox yüksək qiymət verirlər”.

Budapeştdə keçirilmiş Avropa çempionatında güləşçilərimiz bir daha xalqımızı sevindirmişlər, böyük qələbə ilə Vətənə qayıtmışlar. 16 medal qazanmış idmançılar bir daha Azərbaycanın idman şöhrətini yüksəklərə qaldırmışlar. Aprelin 8-də Azərbaycan Respublikasının Prezidenti cənab İlham Əliyev Macarıstanda keçirilmiş Güləş üzrə Avropa çempionatında iştirak edən Azərbaycan millisinin üzvlərini qəbul edərkən qeyd etmişdir: “Əminəm ki, böyüklər arasında keçirilmiş çempionatda bizim idmançılarımız da eyni fikirlə, eyni duyğu ilə yarışlara çıxırdılar və bu yüksək məsuliyyəti dərk edirdilər. Çünki doğrudan da, cəmi 44 gün ərzində böyük tarixi Qələbə qazanmış xalqı təmsil etmək həm böyük qürurdur, həm də böyük məsuliyyətdir. İdmanın inkişafı və idman nailiyyətləri təkcə ölkəmizi dünyada təbliğ etmir, gücümüzü göstərmir, eyni zamanda, cəmiyyətdə vətənpərvərlik hisslərini gücləndirir. Məhz vətənpərvərlik, Vətənə olan sədaqət, fədakarlıq bizi Qarabağın azad olunması uğrunda müharibədə irəliyə aparırdı”.

Bu gün Ölkə rəhbərliyinin göstərişi ilə azad olunmuş bütün şəhərlərin baş planları hazırlanmış, uzun illər işğal altında qalan yurd yerlərində həyatın bərpası, müasir infrastruktur layihələrin reallaşması üşün hazırlıq işləri görülür. Görülən işlər çərçivəsində azad olunmuş ərazilərdə idman sahəsin sürətli inkişafı üçün də layihələr hazırlanır. İstər idman, istər döyüş meydanında qazanılan bütün bu uğurlar Azərbaycanda əsası Ümummilli lider Heydər Əliyev tərəfindən qoyulmuş orduya, idmana, gənclərimizin sağlamlığına yüksək diqqət və qayğı siyasətinin Prezident İlham Əliyevin rəhbərliyi ilə uğurla davam və inkişaf etdirilməsi sayəsində əldə olunub. İdman sahəsində həyata keçirilən ardıcıl tədbirlər, idmançılara göstərilən diqqət, ölkəmizdə ən yüksək standartlara cavab verən mükəmməl idman infrastrukturu qarşıdakı illərdə daha böyük nailiyyətlərin qazanılacağına güclü zəmin formalaşdırır.
“Aprel döyüşləri şəhidlərinə həsr olunmuş” peşəkar boks gecəsi keçirilib9 aprel tarixində Bakıda, Şağan Olimpiya İdman Kompleksində "Azərbaycan Peşəkar Boks Federasiyası Komissiyası"nın dəstəyi və "Karapapak Fight Club and Promotion"un təşkilatçılığı ilə “Aprel döyüşləri şəhidlərinə həsr olunmuş” peşəkar boks gecəsi keçirilib. Qonaqlar arasında Azərbaycan Respublikasının Milli Qəhrəmanı, general-polkovnik Polad Həşimovun qardaşı, şəhid ailələrinin övladları və qazilərimiz də yer alıblar.

Gecədə müxtəlif çəki dərəcələrində 10 döyüş baş tutub:

1. 91 kq qədər çəki dərəcəsi: Malik Məmmədzadə - Cabbar İsmayılov. Malik TKO (texniki nokaut) ilə qalib gəlib;
2. 91 kq qədər: Elnur Məmmədov - Arif Ovçiyev. TKO ilə Elnur qalib gəlib;
3. 79,4 kq qədər: İsmət Eynullayev – Yusif Həbilov. Hakimlərin yekdil qərarı ilə İsmət qalib gəlib;
4. 59 kq qədər: Şamil Əsgərov – Əsədullah Camaludinov. Hakimlərin yekdil qərarı ilə Şamil qələbə qazanıb;
5. Ağır çəki: Elnar Hüseynov – Kazım Umudov. Kazım Umudov TKO ilə qalib gəlib;
6. 91 kq qədər: Elvin İmamqulu – Taryel Cəfərov. Taryel KO (nokaut) ilə qalib gəlib;
7. 57 kq qədər: Hüseyn Əliyev – Nihat Abdullayev. Hakimlərin yekdil qərarı ilə Nihat qələbə qazanır;
8. 63,5 kq qədər: Seymur İsayev – Nicat Məhərrəmov. Hakimlərin yekdil qərarı ilə Seymur qələbə qazanır;
9. 53,5 kq qədər: Ramazan Babayev – Kənan Hüseynəliyev. Hakimlərin yekdil qərarı ilə Kənan qələbə qazanır;
10. 57 kq qədər: Zabeh Şəmiyev – Rauf Ağayev. Hakimlərin yekdil qərarı ilə Rauf qələbə qazanıb.

Qeyd edək ki, bu 2022-ci ildə APBF komissiyasının dəstəyi ilə keçirilən sayca 4-cü peşəkar boks gecəsidir.




Qubada yeniyetmə və gənclər arasında atıcılıq turniri keçirilibAzərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Yurd” Gənclərin İntellektual İnkişafına Dəstək İctimai Birliyi tərəfindən icra edilən “Zəfərin fatehləri” gənclər arasında vətənpərvərliyin təbliği adlı layihə çərçivəsində Quba rayonu Qəçrəş kəndində yeniyetmə və gənclərin işirakı ilə atıcılıq turniri keçirilib.
Turnirdə Quba rayonunun Quba rayonunun müxtəlif ərazilərində yaşayan ictimai fəal gənclərdən ibarət “Zəfər”, “Gənc könüllülər” komandaları, Küpçal, İspik, Qəçrəş kənd tam orta məktəblərinin, Fizika, Riyaziyyat, İnformatika Təmayüllü Liseyin şagirdləri, ADPU-nin Quba filialının tələbələrindən ibarət “Bayraqdar”, “Yaşma”, “Killer” və “Assassins Creed” komandları iştirak edib.

Tədbirdə çıxış edən layihə rəhbəri, “Yurd” Gənclərin İntellektual İnkişafına Dəstək İctimai Birliyinin sədri Ramin Mahmudov layihənin icra edilməsində əsas məqsədin gənc nəsil arasında 30 illik Vətən həsrətinə son qoyaraq zəfərimizlə başa çatan Vətən müharibəsinin tarixi əhəmiyyətinin və onun qazanılmasında şəhid və qazi olan qəhrəman eloğullarımızın təbliği olduğunu qeyd edib.
Rəsmi hissədən sonra start verilən turnir 3 mərhələ üzrə-oğlanların fərdi birinciliyi, qızların fərdi birinciliyi və komanda yarışları şəklində keçirilib.

Oğlanların fərdi birinciliyində Küpçal kəndini təmsill edən “Şahin” komandasının üzvü Tural Babayev 26 xalla birinci, İspik kəndini təmsil edən “Atıcılar” komandasından Vüsal Həmzəliyev 24 xalla ikinci, “Zəfər” komandasından Kamal Məmmədov 19 xalla üçüncü mükafata sahib olub.

Qızlar arasında keçirilən fərdi birincilikdə Küpçal kəndini təmsill edən “Şahin” komandasının üzvü Pəri Şıxəliyeva 12 xalla (atışlarda yükəsl xalları vurduğuna görə) birinci, Qəçrəş kəndini təmsil edən “Uğur” komandasından Mələk Zeynalova 12 xalla ikinci, “Zəfər” komandasının üzvü Bəturə Əzizova 11 xalla üçüncü yeri tutub.

Komanda yarışında isə “Zəfər” komandası 74 xalla birinci, Qəçrəş kəndini təmsil edən “Uğur” komandası 70 xalla ikinci, “Küpçal kəndini təmsil edən “Şahin” komandası 65 xalla üçüncü olub.

Qalib və mükafatçılar layihə çərçivəsində kubok, medal və diplomlarla Quba şəhidləri haqqında hazırlanmış “Qəhrəmanlar can verir yurdu yaşatmaq üçün” adlı kitabla təltif edilib.

Qeyd edək ki, may ayınadək davam edəcək layihə çərçivəsində gənclərin iştirakı ilə daha bir dəfə vətən müharibəsinə həsr olunmuş intellektual yarış keçiriləcəkdir.
Poliatlon çoxnövçülüyü üzrə rayon çempionatının qalibləri məlum olubAprelin 8-də şəhər stadionunda Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə rayon tam orta məktəblərinin X-XI sinif şagirdləri arasında Vətən müharibəsi şəhidlərinin xatirəsinə həsr olunmuş “Vətənin müdafiəsinə hazıram” poliatlon çoxnövçülüyü üzrə rayon çempionatı keçirilib.

Tədbirin açılış mərasimində Vətən müharibəsi şəhidlərinin xatirəsi bir dəqiqəlik sükutla yad olunub və iştirakçılara yarışın qaydaları haqqında ətraflı məlumat verilib. 100 metr məsafəyə qaçış, turnikdə dartınma, qumbara atma və 1500 metr məsafəyə qaçış növləri üzrə təşkil olunan yarışda şəhər və kənd tam orta məktəblərin 11 komandası iştirak edib. Çempionatın keçirilməsi Vətən müharibəsi şəhidlərinin xatirəsinin yad edilməsi, gənclərin vətənpərvərlik və Vətənə məhəbbət ruhunda tərbiyə olunması, çağırışyaşlı gənclərin hərbi hazırlıq səviyyəsinin yüksəldilməsi və hərbi xidmətə həvəsləndirilməsi, gənclər arasında sağlam həyat tərzinin idman yarışları vastəsilə təbliğ olunması və yarışın zona mərhələsində rayonu təmsil edəcək komandanın müəyyənləşdirilməsi məqsədi daşıyıb. Yarışda I yeri tutan şəhər 1 saylı tam orta məktəbin komandası poliatlon çoxnövçülüyü üzrə rayon çempionatının qalibi olub.

Yarışı Yenikənd kənd tam orta məktəbin komandası II, Böyük Həmyə kənd tam orta məktəbin komandası isə III yerdə başa vurub. Təltif olunma mərasimində yer tutan komandalar Gənclər və İdman İdarəsi tərəfindən fəxri fərmanlarlarla təltif ediliblər.



#ŞəhidlərimİZ #DəmirYumruq #VictoriousAzerbaijaniHeroes #SiyəzənGİİ #Gənclərİdman #Azərbaycanİdmanı #AZEsport #idman #sağlamhəyat
Qurban Qurbanov çox ləyaqətli hərəkət edib - PrezidentBizim məşhur məşqçimiz Qurban Qurbanov çox ləyaqətli hərəkət etmişdir və qol sayıla biləcək vəziyyətdə demişdir ki, yox, bu, bizə lazım deyil, bizə saxta nailiyyət lazım deyil, qazanılmamış uğur lazım deyil.

Avrasiya.net xəbər verir ki, bunu Prezident İlham Əliyev Macarıstanda keçirilmiş Güləş üzrə Avropa çempionatında iştirak edən Azərbaycan millisinin üzvlərini qəbul edərkən deyib.

"Nəyi qazanmışıqsa, öz əməyimizlə qazanmışıq. O cümlədən Qarabağ məsələsini də öz əməyimizlə, gücümüzlə, zəkamızla həll etmişik. İdman yarışlarında, yəni, feyr-pley anlayışı unudulmamalıdır və Azərbaycan idmançıları bu prinsiplərə həmişə əməl etməlidirlər. Çünki bu, qələbədən də vacibdir. Çünki bilirsiniz, qələbə, əlbəttə, hər bir idmançı üçün çox önəmlidir, onun həyatında, necə deyərlər, böyük iz buraxır. Ancaq qələbədən daha vacib ləyaqətdir və biz müharibəni ləyaqətlə aparmışıq. Bu gün bütün dünya bir daha xalqımızın böyüklüyünü görür, hər şey göz qabağındadır. İdmanda da elə olmalıdır, elədir və bu halal qələbəni siz öz istedadınız, zəhmətiniz hesabına qazanmısınız və eyni zamanda, bir daha xalqımızın böyüklüyünü göstərmisiniz. Həm qələbə münasibətilə, həm ləyaqətli davranış münasibətilə sizi təbrik edirəm. Əlbəttə ki, biz hamımız, bütün Azərbaycan xalqı sizdən yeni qələbələr gözləyir", - deyə dövlət başçısı vurğulayıb.
Hacı Əliyev, sən artıq olimpiya çempionusan - PrezidentMən hesab edirəm ki, sən artıq Olimpiya Oyunlarının qızıl medalını qazanmısan.

Avrasiya.net xəbər verir ki, bunu Prezident İlham Əliyev Macarıstanda keçirilmiş Güləş üzrə Avropa çempionatında iştirak edən Azərbaycan millisinin üzvlərini qəbul edərkən deyib.

"Çünki sən üçqat dünya çempionusan və dünya çempionatı da Olimpiya Oyunları ilə eyni səviyyəli yarışdır. Bəlkə də Olimpiya Oyunları daha həyəcanlı bir yarışdır, çünki 4 ildən bir keçirilir və bütün dünya ictimaiyyətinin diqqəti oradadır. Amma təmsilçilik baxımından və rəqabət baxımından dünya çempionatları ondan geri qalmır. Ona görə sənin üç qızıl medalın var dünya çempionu kimi. İndi təvazökar insan kimi bir medal taxmısan, amma sənin medalların nə qədərdir, bəlkə özün də sayını itirmisən. Yadındadır nə qədər medalın var sənin?", - deyə dövlət başçısı soruşub.

Hacı Əliyev "Çoxdur" cavabını verib.

Prezident İlham Əliyev isə deyib: İndi üç dünya çempionu medalı, ondan sonra Olimpiya, üç dəfə Avropa çempionu. Ona görə sən bütün medalları taxsan sinəndə yer qalmaz. Biz hər bir idmançıdan qələbə gözləyirik. Amma əsas odur ki, yarışda iştirak edəcəksən. Mən bilirəm ki, sən son Olimpiya Oyunlarında bir az tərəddüd edirdin gələcək fəaliyyətinlə bağlı. Amma yaxşı ki, qalmısan idmanda. Sən lazımsan həm idmana, həm gənclərə və doğrudan da gənclər üçün, gənc idmançılar üçün bir nümunəsən. Çünki üçqat dünya çempionu olmaq doğrudan da tarixi nailiyyətdir. Ona görə səni bir daha təbrik edirəm".