Bu gün Çempionlar Liqasında pley-off-un daha üç oyunu keçiriləcək Bu gün UEFA Çempionlar Liqasında pley-off mərhələsinin ilk matçlarından daha 3-ü keçiriləcək.

Avrasiya.net xəbər verir ki, III təsnifat mərhələsində Azərbaycan çempionu "Qarabağ"ı penaltilər seriyası ilə mübarizədən kənarlaşdırmış Norveç "Molde"si Macarıstanın "Ferentsvaroş" komandasını qəbul edəcək.

Gözlənilmədən pley-offa vəsiqə qazanan Kiprin "Omoniya" klubu Yunanıstanda "Olimpiakos"un qonağı olacaq. Belçika təmsilçisi "Gent" isə Ukraynanın "Dinamo" (Kiyev) komandasını qəbul edəcək.

23 sentyabr

UEFA Çempionlar Liqası

Pley-off mərhələsi

İlk oyunlar

23:00. “Olimpiakos” (Yunanıstan) - “Omoniya” (Kipr)

23:00. “Molde” (Norveç) - “Ferensvaroş” (Macarıstan)

23:00. “Gent” (Belçika) - “Dinamo” (Kiyev, Ukrayna)

Bu qarşılaşmaların cavab görüşləri sentyabrın 29-da gerçəkləşəcək.

Qeyd edək ki, ilk oyun günündə "Krasnodar" Rusiyada Yunanıstan PAOK-unu, Avstriya "Zaltsburq"u İsrailin paytaxtı Təl-Əvivdə "Makkabi"ni 2:1 hesabı ilə yenib. "Slaviya" isə Çexiyanın paytaxtı Praqada Danimarka "Midtüllann"ı ilə qolsuz heç-heçə edib.
Çempionlar Liqasında pley-off oyunları başlayırBu gün Çempionlar Liqasında pley-off mərhələsi start götürəcək.

Avrasiya.net xəbər verir ki, ilk oyun günündə üç görüş keçiriləcək.

“Krasnodar” PAOK-u, Təl-Əviv “Makkabi”si “Zalsburq"u, “Slaviya” isə “Midtülland”ı qəbul edəcək.

Qeyd edək ki, mövsümdə ilk dəfə cütlərin qalibi iki oyunun nəticəsinə əsasən bəlli olacaq. Bu mərhələnin cavab oyunları sentyabrın 29-30-da keçiriləcək.

22 sentyabr

Çempionlar Liqası

Pley-off, ilk oyunlar

23:00. “Krasnodar” (Rusiya) – PAOK (Yunanıstan)

23:00. “Makkabi” (Təl-Əviv, İsrail) - “Zalsburq” (Avstriya)

23:00. “Slaviya” (Çexiya) - “Midtülland” (Danimarka)
Klublararası dünya çempionatı bu il olmayacaqQətərdə futbol üzrə klublararası dünya çempionatı 2021-ci ilin əvvəlində keçirilə bilər.

"Report"un məlumatına görə, bu barədə FIFA prezidenti Canni İnfantino açıqlama verib.

"Bəzi konfederasiyalar Çempionlar Liqasını dekabradək başa vurmayacaqlar. Ona görə də klublararası dünya çempionatının planlaşdırıldığı kimi, dekabrda təşkili ehtimalı azdır. Lakin biz müzakirə edir, baxırıq. Ola bilsin, bu yarış gələn ilin əvvəlində gerçəkləşəcək" deyən İnfantino çempionatın yeni versiyasının dünyada klub futbolunun inkişafına ciddi təkan verəcəyini vurğulayıb.

2021-ci ildən klublararası dünya çempionatı yeni formatda keçiriləcək. İştirakçı sayı 7-dən 24-ə yüksələcək, mundial isə 4 ildə bir dəfə təşkil olunacaq. İlk belə çempionat bu yay Çində keçirilməli idi. Lakin Avropa çempionatının tarixi dəyişdiyindən, mundial təxirə salınıb.

Qeyd edək ki, klublararası dünya çempionatı 6 qitə konfederasiyasının ən güclü klublarının və təşkilatçı ölkənin ən yaxşı komandasının iştirakı ilə 2020-ci ildən keçirilir. Son qalib İngiltərə "Liverpul"udur.
Avropa Liqası: "Neftçi" "Qalatasaray"a qarşıBu gün UEFA Avropa Liqasında II təsnifat mərhələsinə yekun vurulacaq.

Avrasiya.net-in məlumatına görə, Azərbaycan təmsilçisi "Neftçi" turnirdə növbəti oyununu keçirəcək. Flaqman Türkiyə nəhəngi "Qalatasaray"la qarşılaşacaq.

Bakı Olimpiya Stadionundakı görüş saat 20:00-da start götürəcək.

17 sentyabr

UEFA Avropa Liqası

II təsnifat mərhələsi

20:00. “Neftçi” – “Qalatasaray” (Türkiyə)
Hakimlər: Kevin Klensi, Devid Makqişi, Qrem Stüart, Euan Anderson (hamısı Şotlandiya)
Bakı Olimpiya Stadionu

Qeyd edək ki, I raundda Makedoniya "Şkupi"sini mübarizədən kənarlaşdırmış "ağ-qaralar" İstanbul təmsilçisini də keçəcəyi təqdirdə növbəti mərhələdə “Renova” (Şimali Makedoniya) - “Hayduk” (Xorvatiya) cütünün qalibi ilə üz-üzə gələcək.

Çempionlar Liqasında III təsnifat mərhələsi yekunlaşdı - NƏTİCƏLƏRDünən UEFA Çempionlar Liqasında III təsnifat mərhələsinə yekun vurulub.

Avrasiya.net xəbər verir ki, bununla da pley-offa yüksələn daha 5 komandanın adına aydınlıq gəlib.

"Omoniya" (Kipr), "Ferentsvaroş" (Macarıstan), "Makkabi" (Təl-Əviv, İsrail), "Molde" (Norveç) və "Midtüllan" (Danimarka) klubları rəqiblərinı qalib gələrək, növbəti raunda vəsiqə qazanıblar.

16 sentyabr

UEFA Çempionlar Liqası

III təsnifat mərhələsi

19:00. "Omoniya" (Kipr) - "Srvena Zvezda" (Serbiya) - 1:1 (PENALTİLƏRLƏ - 4:2)


21:00. "Ferentsvaroş" (Macarıstan) - "Dinamo" (Zaqreb, Xorvatiya) - 2:1

21:00. "Makkabi" (Təl-Əviv, İsrail) - "Dinamo" (Brest, Belarus) - 1:0

21:00. "Qarabağ" (Azərbaycan) - "Molde" (Norveç) - 0:0 (ƏLAVƏ VAXT - 0:0, PENALTİLƏRLƏ - 5:6)

22:30. “Midtüllann” (Danimarka) - “Yanq Boyz” (İsveçrə) 3:0


Qeyd edək ki, pley-off mərhələsinin ilk matçları 22-23 sentyabrda, cavab qarşılaşmaları idə 29-30 sentyabrda oynanılacaq.
"Qarabağ"-"Molde"yə penaltilərdə məğlub oldu - YeniləndiUEFA Çempionlar Liqasının III təsnifat mərhələsinda keçiriləcək "Qarabağ" - "Molde" (Norveç) oyunu üçün start heyətləri bəlli olub.

Avrasiya.net xəbər verir ki, Azərbaycan komandası meydana Xayme Romerosuz çıxacaq. İspaniyalı yarımmüdafiəçi zədə üzündən oynamayacaq. Əvəzində Azərbaycan Premyer Liqasının II turunda "Keşlə" ilə qolsuz bərabərliklə yekunlaşmış görüş zamanı ayağı burxulan Mahir Emreli sıraya dönüb və o, ilk "11-lik"də yer alacaq.

"Qarabağ": 1. Şahruddin Məhəmmədəliyev, 2. Qara Qarayev, 5. Maksim Medvedev, 7. Ovusu Kvabena, 8. Uroş Matiç, 10. Abdullah Zubir, 55. Bədavi Hüseynov, 81. Kevin Medina, 77. Donald Gerye, 19. Filip Ozobiç, 11. Mahir Emreli

Ehtiyat oyunçular: 12. Emil Balayev, 6. Patrik Andrade, 18. İsmayıl İbrahimli, 22. Musa Qurbanlı, 27. Toral Bayramov, 30. Abbas Hüseynov, 44. Elvin Cəfərquliyev

"Molde": 1. Andeas Linde, 6. Stien Qreqersen, 11. Martin Ellingsen, 20. Henri Vinqo, 28. Kristoffer Haugen, 16. Etzaz Hussain, 17. Fredrik Aursnes, 14. Erlinq Knudtzon, 7. Maqnus Eykrem, 19. Erik Hestad, 10. Leke Ceyms

Ehtiyat oyunçular: 12. Alexandro Kraninks, 5. Şeriff Sinyan, 15. Tobias Kristensen, 22. Ola Brünhildsen, 27. Markus Pedersen, 30. Mathis Bolli, 99. Ohi Omoyjuanfo

Qeyd edək ki, bu cütün qalibi pley-off mərhələsində “Dinamo” (Zaqreb, Xorvatiya) – “Ferentsvaroş” (Macarıstan) duelinin güclüsü ilə qarşılaşacaq. Pley-off oyunları sentyabrın 22-23-də və 29-30-da keçiriləcək.

***

"Qarabağ"la "Molde"nin matçı başladı.

***

Əlavə vaxtın 109-cu dəqiqəsində "Qarabağ"ın qapısına penalti təyin edildi. Şahruddin Məhəmmədəliyev "Molde"nin hücumçusunun zərbəsini dəf etməyi bacardı.

***

120 dəqiqəlik matçda hesab açılmadı. Qalibi müəyyən etmək üçün penalti zərbələri vurulur.

***

Penaltilər seriyasında "Molde" 6-5 "Qarabağ"a qalib gələrək ÇL-nin pley-offuna yüksəldi.
"Qarabağ" vacib matça çıxır - Qurbanovdan açıqlamaMilli komandaların oyunlarındakı fasilədən sonra bu görüşə hazırlaşmağa iki gün vaxtımız oldu. Ümumi vəziyyət qənaətbəxşdir. Bir neçə futbolçumuzun yüngül zədələri var və bu, bizi narahat edir.

Avrasiya.net xəbər verir ki, bu sözləri “Qarabağ” klubunun baş məşqçisi Qurban Qurbanov UEFA Çempionlar Liqasının III təsnifat mərhələsi çərçivəsində Norveçin “Molde” komandası ilə oyundan əvvəl təşkil olunmuş mətbuat konfransında deyib.

Mütəxəssis bildirib: “Xayme Romero və Mahir Emreli zədəlidirlər. Rəqibimiz bu turnirə ciddi hazırlaşır. Çox intizamlı komandadır. “Molde” fərqli sistemdə oynayır. Bu cür rəqiblərə qarşı bir neçə dəfə oynamışıq. İnanıram ki, rəqibi düzgün analiz edib sabah meydanda istədiyimiz oyunu qura biləcəyik”.

Qeyd edək ki, UEFA Çempionlar Liqasının III təsnifat mərhələsində Azərbaycan təmsilçisi “Qarabağ” sentyabrın 16-da “AEK Arena”da Norveçin “Molde” klubu ilə qarşılaşacaq. Oyun Bakı vaxtı ilə saat 21:00-da başlayacaq. Bu cütün qalibi pley-off mərhələsində “Dinamo” (Zaqreb, Xorvatiya) – “Ferentsvaroş” (Macarıstan) duelinin güclüsü ilə qarşılaşacaq. Pley-off oyunları sentyabrın 22-23-də və 29-30-da keçiriləcək.


UEFA Çempionlar Liqasında 3 oyun keçirildi - NƏTİCƏFutbol üzrə UEFA Çempionlar Liqasında III təsnifat mərhələsinə start verilib.

Avrasiya.net xəbər verir ki, ilk oyun günündə üç oyun keçirilib.

Kiyev “Dinamo”su doğma meydanda “Alkmaar”a 2:0 hesabı ilə qalib gəlib. Ukrayna təmsilçisi inamlı qələbə sayəsində pley-offa vəsiqə qazanıb.

Portuqaliya “Benfika”sı isə PAOK-a 1:2 hesabı ilə məğlub olub.

Avstriya “Rapid”i isə “Gent”ə 1:2 hesabı ilə yenilib.
Tramp Həbibi dünyanın ən güclü döyüşçüsü adlandırdıABŞ prezidenti Donald Tramp Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurməhəmmədovu dünyanın ən güclü MMA döyüşçüsü adlandırıb.

Avrasiya.net-in məlumatına görə, bu barədə Tramp Nurməhəmmədovun oktyabrda ABŞ təmsilçisi Castin Geyci ilə qarşılaşması barədə danışarkən açıqlama verib.

ABŞ prezidenti bu görüşə baxacağını bildirib: "Geyci çəki dərəcələrindən asılı olmayaraq dünyanın reytinqdə bir nömrəli döyüşçüsünə qarşı möhtəşəm qarşılaşmaya çıxacaq. O, rəqibini nakauta salacağını söylədi. Döyüş prezident seçkilərindən əvvəl olacaq, amma izləmək fikrindəyik. İnanılmaz mübarizə olacaq".

Qeyd edək ki, Həbib Nurməhəmmədov və Castin Geyci arasındakı görüş oktyabrın 24-də Birləşmiş Ərəb Əmirliklərinin paytaxtı Abu Dabidə UFC-254 turniri zamanı gerçəkləşəcək.