Atletika idman növü üzrə rayon birinciliyi keçirilibMayın 24-də şəhər stadionunda Siyəzən Rayon Gənclər və İdman İdarəsi və Quba-Xaçmaz Regional Təhsil İdarəsinin Siyəzən sektorunun birgə təşkilatçılığı ilə 28 May Müstəqillik günü və Milli Olimpiya Komitəsinin yaranmasının 30 illik yubileyi münasibəti ilə atletika üzrə 2005-2006-cı il təvəllüdlü oğlanlar arasında rayon birinciliyi keçirilib.

Yeniyetmə və gənc idmançıların vətənpərvərlik ruhunun yüksəldilməsi, atletika idman növlərinin Siyəzəndə inkişaf etdirilməsi və kütləviliyinə nail olunması, yeniyetmə və gənclərin idmanın bu növünə marağının artırılması, olimpiya dəyərlərinin və sağlam həyat tərzinin təbliği, perspektivli idmançıların üzə çıxarılması, həmçinin iyun ayında atletika idman növü üzrə 2005-2006-cı il təvəllüdlü oğlanlar arasında Azərbaycan birinciliyində iştirak edəcək rayon komandasının tərkibinin müəyyənləşdirilməsi məqsədi daşıyan yarışda 40-a yaxın atlet qüvvəsini sınayıb. Açılış mərasimində birinciliyin məqsəd və qaydaları haqqında məlumat verildikdən sonra yarışa start verilib. Nəticələr isə aşağıdakı kimi olub.

100 metr məsafəyə qaçış üzrə:
I yer - Salman Salmanov
II yer - Rəvan Səlimov
III yer - Uğur Mustafayev

200 metr məsafəyə qaçış üzrə:
I yer - İlham Qasımov
II yer - Nihad Babayev
III yer - Səccad Bəşirzadə

400 metr məsafəyə qaçış üzrə:
I yer - Cavidan Hüseynov
II yer - Nicat Ağamuradov
III yer - Murad Məlikov

800 metr məsafəyə qaçış üzrə:
I yer - Təhmin Hüseynalıyev
II yer - Gülbala Manafov
III yer - Ələsgər Dostuyev
Yarışın ümumi nəticəsinə görə şəhər 1 saylı tam orta məktəbin komandası I, şəhər 2 saylı tam orta məktəbin komandası II, Böyük Həmyə kənd tam orta məktəbin komandası III olub.

I, II və III yerləri tutan idmançılar Gənclər və İdman İdarəsi tərəfindən fəxri fərmanlarla təltif ediliblər.


#28May #MüstəqillikGünü #MilliOlimpiyaKomitəsi30 #atletika #SiyəzənGİİ #Gənclərİdman
#Azərbaycanİdmanı #AZEsport #idman #sağlamhəyat
Avropa Liqasının qalibi bəlli olduUEFA Avropa Liqasında 2021/2022 mövsümünün qalibi bəlli olub.

Avrasiya.net xəbər verir ki, turnirin final matçında Şotlandiya "Reyncers"ini məğlub edən Almaniya "Ayntraxt"ı titula sahib çıxıb.

İspaniyanın Sevilya şəhərindəki "Ramon Sançes Pisxuan" stadionunda oynanılan qarşılaşmanın əsas vaxtı 1:1 hesablı heç-heçə ilə başa çatıb. İlk qolu 57-ci dəqiqədə Qlazqo təmsilçisi vurub. Rəqib müdafiəçinin səhvindən yararlanan Co Aribo komandasını önə keçirib. Lakin "Reyncers"in üstünlüyü çox çəkməyib. 69-cu dəqiqədə Rafael Borre tarazlığı bərpa edib.

Əlavə vaxtda hesab dəyişmədiyindən qalibi müəyyənləşdirmək üçün penalti zərbələrindən istifadə olunub. Burada daha dəqiq oynayan "Ayntraxt" (5-4) Avropa Liqasının qalibi olub.
Avroliqanın qalibi bu gün bilinəcəkBu gün UEFA Avropa Liqasında 2021/2022 mövsümünə yekun vurulacaq.

Avrasiya.net-in məlumatına görə, turnirin final oyununda Almaniyanın "Ayntraxt" (Frankfurt) və Şotlandiyanın "Reyncers" klubları üz-üzə gələcəklər. İspaniyanın Sevilya şəhərindəki "Ramon Sançes Pisxuan" stadionunda oynanılacaq qarşılaşma Bakı vaxtı ilə saat 23:00-da başlayacaq. Matçı sloveniyalı FIFA referisi Slavko Vinçiç idarə edəcək.

İki komanda ilk dəfə avrokubokların finalında qarşılaşacaq. Daha əvvəl 1959/1960 mövsümündə Çempion Klublar Kubokunun (indiki Çempionlar Liqası) yarımfinalında Qlazqo klubuna rəqib olan "Ayntraxt" ilk matçda 6:1, cavab görüşündə isə 6:3 hesabı ilə qalib gələrək, finala adlamış, lakin titulun 1 addımlığında İspaniya "Real Madrid"inə uduzmuşdu.

Almaniya təmsilçisi daha sonra 1966/1967 mövsümündə İntertoto Kubokunu, 1979/1980 mövsümündə isə UEFA Kubokunu (indiki Avropa Liqası) qazanıb.

Beynəlxalq arenada 6-cı dəfə finala çıxan "Reyncers" isə əvvəlki 5 həlledici qarşılaşmanın yalnız birində titula sahib çıxıb. Covanni van Bronkhorstun rəhbərlik etdiyi komanda 1971/1972 mövsümündə UEFA Kuboklar Kubokunun finalında Rusiyanın "Dinamo" (Moskva) klubunu məğlub edib.

UEFA Avropa Liqası

Final

18 may

23:00. "Ayntraxt" (Almaniya) - "Reyncers" (Şotlandiya)

Baş hakim: Slavko Vinçiç (Sloveniya)

Sevilya, "Ramon Sançes Pisxuan" stadionu.

Qeyd edək ki, Avropa Liqasının son qalibi İspaniya "Vilyarreal"ı olub.
Rusiyalı gimnast "Z" yazısına görə idmandan uzaqlaşdırılıbRusiyalı gimnast İvan Kulyak bir il müddətinə bütün yarışlardan uzaqlaşdırılıb.

"Report"un məlumatına görə, bu barədə Gimnastika Etika Fondunun İntizam Komissiyası qərar çıxarıb.

Səbəb Qətərin paytaxtı Dohadakı Dünya Kubokunun mərhələ yarışında baş vermiş insidentdir.

Kulyak paralel qollarla çıxışın yekununda mükafatlandırma mərasiminə sinəsində "Z" hərfi yazılmış geyimlə çıxıb. Onun bürünc medal qazandığı yarışda "qızıl"ı ukraynalı İlya Kovtun əldə edib, "gümüş"ə isə Qazaxıstandan olan Milad Kərimi yiyələnib.

Kulyakın nəticəsi ləğv edilib və o, bir il ərzində Beynəlxalq Gimnastika Federasiyasının (FIG) himayəsi altında keçirilən yarışlara və FIG-in üzvü olan federasiyaların təşkil etdiyi turnirlərə qatıla bilməyəcək. İdmançı 21 gün ərzində apellyasiya şikayəti vermək hüququna malikdir.

FIG rusiyalı idmançının davranışını şokedici adlandırıb. Rusiya Müdafiə Nazirliyinin verdiyi izahata əsasən, texnika üzərindəki "Z" yazısı "Za pobedu" ("Qələbə uğrunda") mənasını verir.

Xatırladaq ki, Dohada Rusiya və Belarus idmançıları neytral statusda çıxış ediblər. Onlar martın 7-dən FIG bayrağı altında bütün beynəlxalq yarışlardan rəsmən kənarlaşdırılıblar. Bu, Rusiyanın Ukraynaya hərbi müdaxiləsi ilə əlaqədardır.
Azərbaycanda ilk dəfə İspaniya Futbol Akademiyasının filialı açılırAzərbaycan Prezidenti İlham Əliyevin rəhbərliyi altında ölkəmizdə idmanın inkişafı geniş vüsət alıb. Ölkəmiz son illərdə idmanın inkişafı istiqamətində mühüm uğurlar qazanıb, idmançılarımız isə Azərbaycanı beynəlxalq idman yarışlarında layiqincə təmsil ediblər.

AZƏRTAC-ın xüsusi müxbiri ilə söhbətində Azərbaycan-İspaniya Ticarət və Mədəniyyət Assosiasiyasının (ACAE) prezidenti, ölkənin şimal bölgəsinin diaspor nümayəndəsi Fərid Mustafayev bildirib ki, Azərbaycan Prezidentinin idmana olan sonsuz qayğısını görərək bizdə milli idmanımızın inkişafına dəstək olmağı qarşıya məqsəd qoyduq. Belə ki, ACAE-nin təşkilati və maddi dəstəyi ilə Azərbaycanda ilk dəfə İspaniyanın tanınmış “Antiguoko Futbol Akademiyası”nın filialını açdıq. Bu məsuliyyətli və önəmli işdə Azərbaycanın İspaniyadakı səfiri Ramiz Həsənova göstərdiyi kömək və dəstəyə görə minnətdarlığımı bildirirəm.

“Antiguoko Futbol Akademiyası” İspaniya futboluna bir çox ulduz oyunçular bəxş edib. Xabi Alonso, Mikel Arteta, Xavyer de Pedro və İurie Berçiçe də daxil olmaqla, “Real Sosyedad”, eləcə də digər komandalarda və İspaniya millisində oynamış bir sıra tanınmış futbolçular klubun yetirmələridir. Xabi Alonso və Mikel Artetan transferlərindən komissiyalarını “Antiguoko”nın obyektlərinin yenilənməsinə yönəldiblər”, - deyə ACEA rəsmisi əlavə edib.

F.Mustafayev deyib: “Gələn həftə rəsmi açılışı nəzərdə tutulan akademiyanın Azərbaycan filialı ölkəmizin futboluna önəmli töhfə verəcək. Belə ki, Akademiyanın yeniyetmə futbolçuları mütəmadi olaraq İspaniyada “Antiguoko” klubunun xətti ilə təlim və yarışlarda iştirak edəcəklər. “Antiguoko” yeniyetmə futbolçular arasında Avropa və dünya çempionatlarını təşkil edən akademiyalardandır. Şübhəsiz ki, “Antiguoko”nun Azərbaycandakı yetirmələri də gələcəkdə bilavasitə bu yarışlara qatılacaqlar. Bizim növbəti planımız yeniyetmələrin futbol üzrə dünya birinciliyini Azərbaycanda təşkil etməkdir”.

Azərbaycanın Əməkdar məşqçisi, UEFA-nın “A” lisenziyalı məşqçisı Zamin Əsədullayev AZƏRTAC-a müsahibəsində İspaniya akademiyasının Azərbaycan filialının yaranma tarixindən danışıb. O bildirib ki, 2019-cu ildə ACAE prezidenti Fərid Mustafayevin dəvəti ilə İspaniyaya səfər edərək, “Atletiko Bilbao”nun direktoru Rafael Alkorta ilə görüşdüm və komandanın fəaliyyəti ilə tanış oldum. “Real Sosyedad”ın düşərgəsinə də baş çəkdim, akademiyanın iş prinsipi ilə maraqlandım. İspaniyanın futbol klublarının iş prinsipi ilə tanış olandan sonra bu modelin Azərbaycanda tətbiqi barədə məndə fikir yarandı.

Təşəbbüskarı F.Mustafayev olan və Azərbaycanda “Sportour” futbol klubu ilə birgə fəaliyyət göstərəcək Azərbaycan filialının şüarı - “Hədəfimiz – Laliqadır”. Fəaliyyətimiz bu şüara uyğun qurulacaq.
Akademiyanın filialında ispan futbol modeli tətbiq ediləcək və Azərbaycanın istedadlı gənc futbolçularının “Antiguoko” vasitəsilə İspaniya klublarına çıxış imkanı yaradılacaq. Akademiyaya 5-15 yaşa qədər yeniyetmələr qəbul olunacaq.

Akademiyanın filialında ispan futbol modeli tətbiq ediləcək və Azərbaycanın istedadlı gənc futbolçularının “Antiguoko” vasitəsilə İspaniya klublarına çıxış imkanı yaradılacaq. Akademiyaya 5-15 yaşa qədər yeniyetmələr qəbul olunacaq.

Akademiyada məşqlərlə yanaşı, həftədə bir dəfə həm uşaqlar, həm də məşqçilər üçün ingilis dili kursları təşkil olunacaq. Bundan başqa məntiq və psixologiya ilə bağlı dərslər keçiriləcək. Bu dərslər ispan və digər xarici futbol klublarında tam rahatlıqla təmsil olunmalarına xidmət edəcək.
Türk boksçu rinqdə infarkt keçirib öldüƏslən Giresunun Alukra rayonundan olan və Almaniyada yaşayan boksçu 36 yaşlı Musa Askan ötən gecə Almaniyanın Münhen şəhərində 84 kq çəki dərəcəsində üçüncü raundda infarkt keçirərək yıxılıb.

Axar.az xəbər verir ki, xəstəxanaya aparılan boksçu bu gün müalicə olunduğu xəstəxanada dünyasını dəyişib.
İdmançımız ikinci yer tutub - Əbu DabidəBirləşmiş Ərəb Əmirliklərinin Əbu Dabi şəhərində Braziliya Ciu-Citsu idman növü üzrə peşəkar idmançılar arasında beynəlxalq turnir keçirilib.

Avrasiya.net xəbər verir ki, turnirdə ölkəmizi Azərbaycan Braziliya Ciu-Citsu Federasiyasının yığma komandasını üzvü, bənövşəyi kəmər sahibi Rəna Səfərova təmsil edib.

Bənövşəyi, qəhvəyi və qara kəmər sahibi peşəkar idmançıların güclərini sınadığı yarışda dünyanın bir çox ölkəsinin idmançıları iştirak ediblər.

62 kilo çəki dərəcəsində döşəyə çıxmalı olan Rəna Səfərova çəkisinin artıq olması səbəbilə 70 kilo çəki dərəcəsindəki idmançılarla döşəyə çıxarılıb. İordaniya, Kolumbiya və BƏƏ idmançılarıyla qarşılaşan idmançımız 70 kq çəki drəcəsində ikinci yerə layiq görülüb.

Qeyd edək ki, o yarım finalda Əbu Dabidən olan idmançı ilə qarşılaşaraq onu məğlub edib. Finalda isə idmançımız İordaniyalı rəqibi ilə qarşılaşıb.

Məlumat üçün qeyd edək ki, Rəna Səfərova Azərbaycan Braziliya Ciu-Citsu Federasiyasının qurucusu və idarə heyətinin sədri qara kəmər sahibi Taleh Həsənovun tələbəsi, həmçinin “Taleh Hasanov Team” komandasının üzvüdür. Onun yetişməsində Taleh Həsənovun müstəsna rolu olmuşdur. R. Səfərova məhz onun yanında məşqə başlayaraq daha sonra göy və bənövşəyi kəmərlərə yüksəlib. Taleh Həsənov da öz növbəsində Rəna Səfərovanı təbrik etmiş və bundan sonrakı idman həyatında ona müvəffəqiyyətlər arzulayıb.

Bundan başqa Azərbaycan Braziliya Ciu-Citsu Federasiyasının prezidenti Aqil Acalov da Rəna Səfərovanı təbrik edib və ona bayrağımızı yüksəklərə qaldırdığı üçün minnətdarlığını bildirib.
Ukrayna millisinin formasında Gürcüstan bayrağı təsvir olunubFutbol üzrə Ukrayna milli komandası üçün xüsusi forma hazırlanıb.

Geyim dəstinin üzərində Ukraynanın xəritəsi təsvir olunub.

Dövlət sərhədləri isə ukraynalılara yardım göstərən ölkələrin bayraqlarının olduğu xətlərlə göstərilib. Onların arasında Gürcüstan, Azərbaycan və Türkiyə bayraqları da var.

Xəritənin ortasında "Ukrayna naminə birləşmə" mənasını verən "United for Ukraine" yazısı yer alıb. Formanın arxa tərəfindəki nömrələrdə isə müharibə nəticəsində dağıdılmış Ukrayna şəhərlərinin adları qeyd olunub.

UAF prezidenti Andrey Pavelko bildirib ki, yığma bu formalardan yalnız DÇ-2022-nin pley-off matçlarına hazırlıq matçlarında istifadə ediləcək. Bundan sonra formada göstərilən yaşayış məntəqələrinin hər birinə yerli muzeylər üçün bir köynək veriləcək.
Yeniyetmələr arasında futbol üzrə rayon birinciliyinə yekun vurulubÜmummilli lider Heydər Əliyevin anadan olmasının 99-cu ildönümü münasibəti ilə 2005-2006-cı il təvəllüdlü yeniyetmələr arasında futbol üzrə rayon birinciliyinə yekun vurulub.

Siyəzən Rayon Gənclər və İdman İdarəsi və Təhsil Şöbəsinin birgə təşkilatçılığı ilə keçirilən yarışda əsas məqsədi Ümummilli lider Heydər Əliyevin xatirəsinin yad edilməsi, rayonda idmanın kütləviliyinə nail olunması, futbol idman növünün rayonda inkişaf etdirilməsi və yeniyetmələrin idmanın bu növünə olan maraqlarının artırılmasıdır.

Aprelin 27-dən mayın 10-dək davam edən birincilikdə rayon ümumtəhsil məktəblərinin 13 komandası mübarizə aparıb. Mayın 10-da keçirilən final oyununda şəhər 2 saylı tam orta məktəbin və şəhər 6 saylı məktəb-liseyin komandaları qarşılaşıb. Görüşdən qalib ayrılan şəhər 6 saylı məktəb-liseyin komandası birinciliyin qalibi olub.

Qalib komandalar Gənclər və İdman İdarəsi tərəfindən kubok və fəxri fərmanlarla təltif olunublar.





#SiyəzənGİİ #Gənclərİdman #Azərbaycanİdmanı #AZEsport #idman #sağlamhəyat
Vətən müharibəsi əlilləri və Agentlik əməkdaşları arasında Para Trap İdman Atıcılıq yarışı keçirilibVətən müharibəsi əlilləri və Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi əməkdaşları arasında Para Trap İdman Atıcılıq yarışı keçirilib.

Yarış Dövlət Tibbi-Sosial Ekspertiza və Reabilitasiya Agentliyi və Əlil Sahibkarlar Təşkilatı İctimai Birliyi tərəfindən təşkil olunub.

Yarışdan əvvəl Agentlyin sədr müavini Ramin Rzayev və “Əlil Sahibkarlar Təşkilatları” İctimai Birliyinin sədri Mirzə Məmməd Vəliyev çıxışlarında ölkəmizdə sosial sahənin inkişafı, həssas qruplara dövlət qayğısının artırılması istiqamətində görülmüş işlərdən danışıblar.

Prezident İlham Əliyevin əlilliyi olan şəxslərə, xüsusilə müharibə əlillərinə diqqət və qayğısı vurğulanıb. Əlilliyi olan şəxslər, müharibə iştirakçıları üçün sosial dəstək proqramlarının ildən-ilə genişləndirildiyi qeyd edilib.

Bakı Atıcılıq Mərkəzində keçirilən yarışda Agentliyin əməkdaşlarından və Vətən müharibəsi əlillərindən ibarət 17 nəfər Para Trap İdman Atıcılıq növündə öz güclərini sınayıblar.

Sonda qaliblərə mükafatlar, yarış iştirakşılarına sertifikatlar təqdim edilib.