"Qarabağ"ın "Flamenqo"dan Juninyo üçün istədiyi məbləğ...
Dərc olunub:
Bu gün, 15:52
"Qarabağ" futbolçusu Olavio Juninyo üçün Braziliyanın "Flamenqo" klubunun ilk təklifini rədd edib.
Avrasiya.net xəbər verir ki, bu barədə yerli "Terra" nəşri məlumat yayıb.
Lakin tərəflər arasında danışıqlar davam edir və A Seriyası təmsilçisinin 28 yaşlı hücumçu üçün daha bir müraciəti olacaq.
Azərbaycan çempionunun bu keçidə görə təxminən 6 milyon avro istədiyi yazılıb. Hazırda "Flamenqo" bu məbləği azaltmağa çalışır.
Qeyd edək ki, "qırmızı-qaralar" oyunçunu 4 milyon avroya transfer etmək istəyib.
Olavio Juninyo 2023-cü ildən "Qarabağ"ın formasını geyinir. O, Azərbaycan çempionatının və kubokunun qalibi olub.
