Messi və dostları Bakıda - Foto
Futbol əfsanəsi Lionel Messi və onun komanda yoldaşları Bakıya gəliblər.
Avrasiya.net Oxu.az-a istinadən xəbər verir ki, onu Bakı hava limanında azərbaycanlı iş adamı Adnan Əhmədzadə qarşılayıb.
Məlumat üçün bildirək ki, bu gün Bakı Kristal Zalında keçiriləcək tədbir üçün Azərbaycana gələnlər sırasında dünyanın ən yaxşı futbolçusu - dünya çempionu, səkkiz dəfə "Qızıl top" mükafatı qazanan Lionel Messi ilə yanaşı dünya ulduzları Luis Suares, Serxio Buskets və Jordi Alba da var.
Tədbirdə xüsusi musiqi atmosferi olacaq.
Dünyaşöhrətli bəstəkar və müğənni Villi Uilyam, məşhur "Morandi" qrupu çıxış edəcəklər. İştirakçılara enerjili və yaddaqalan ritmlərlə musiqili proqram təqdim olunacaq.
Qeyd edək ki, satılan biletlərdən əldə olunan gəlir xeyriyyə məqsədlərinə sərf ediləcək.
