Rəcəbov və Məmmədyarov uduzduŞahmat üzrə norveçli dünya çempionu Maqnus Karlsenin təşkil etdiyi Çempionlar Turunun final mərhələsində II turun görüşləri keçirilib.

Avrasiya.net xəbər verir ki, azərbaycanlı qrossmeysterlərdən Teymur Rəcəbov ABŞ təmsilçisi Hikaru Nakamura ilə üz-üzə gəlib. 4 hissəlik görüşdə qalib müəyyənləşmədiyindən, tay-breyk oynanılıb. Bu zaman rəqib daha güclü olub.

Şəhriyar Məmmədov isə Maqnus Karlsenlə qarşılaşıb. Bu görüşdə isə qalib əsas hissə və tay-breykdə yox, armaggedonda müəyyənləşib. Karlsen 4:3 hesabı ilə qalib gəlib
Azərbaycanlı idmançı: Mənə 1 milyon mükafat vəd edilib"Olimpiadadan sonra mənə Zaporojye bölgəsində 2 otaqlı mənzil verdilər. Tezliklə orada təmir işlərinə başlayacağam".

Bunu Ukraynanı təmsil edən azərbaycanlı yunan-Roma güləşçisi Pərviz Nəsibov Tokio-2020 Yay Olimpiya Oyunlarından sonra aldığı mükafatlar barədə "КП в Украине" nəşrinə müsahibəsində deyib.

Yaponiya paytaxtındakı yarışda gümüş medal qazanmış 23 yaşlı idmançı bildirib ki, Zaporojye meri ona 1 000 000 qrivna mükafat vəd edib: "Vergilər çıxıldıqdan sonra təqribən 800 000 qrivna (1000 qrivna 64 manat - red.) pul qalacaq. Amma hələlik vəsait hesabıma köçürülməyib. Mən də gözləyirəm. Olimpiadadan sonra aldığım 80 000 ABŞ dolları məbləğində mükafatı Nikolayevdə yaşayan valideynlərimə verdim. Onlar mənzil almaq istəyirlər".

Nəsibov Tokio olimpiadasından sonra aylıq məvacibində dəyişiklik olmadığını söyləyib: "Məbləğ hələlik əvvəlki kimi 15 000 qrivnadır. Belə başa düşürəm ki, maaşla bağlı qərar 2022-ci ildən qüvvəyə minəcək. Prezident müavinəti də nəzərdə tutulur. Yaxşı olmalıdır. Alanda sizə deyəcəyəm".

Bir müddətdir ukraynalı qadın güləşçi Yelena Kremzerlə sevgili olan Nəsibov onunla tanışlığından söz açıb. İdmançı toya hazırlaşdığını gizlətməyib: "Biz yeniyetmə yaşlarında - Dünya çempionatına gedəndə tanış olmuşuq. Çox xoşuma gəldi və ona diqqət yetirməyə başladım. Çoxdandır belə qız axtarırdım. O, mənim üçün qeyri-adi idi. İlk baxışdan vuruldum. Yelena isə dost olduğumuzu düşünürdü (gülür - red.). Bu, mənim üçün sevgi, ona görə isə yalnız dostluq idi. Yalnız bir müddətdən sonra mənə qarşı hissləri oyandı. Tezliklə toy olacaq. Olimpiadadan sonra bir az nəfəs alıb bu barədə düşünmək olar".

Sevimli məşğuliyyətlərindən də danışan Nəsibov maraqlı televiziya proqramlarını izləməyi xoşladığını vurğulayıb: "Amma daha çox balıq tutmağı və dincəlməyi sevirəm. Bunlar mənim hobbimdir. Bədənimin və ruhumun dincəldiyi ən sevimli yer isə ata ocağıdır".

Güləşçi sonda "Ukrayna prezidenti Volodimir Zelenskidən nə soruşardınız" sualına bu cür cavab verib: "Mən ona ölkə üçün etdiyi hər şeyə görə yalnız təşəkkürümü bildirərəm. Şəxsən mən liderimizin dəstəyini hiss edirəm. Fəxr edirəm ki, ölkəmizin başında belə bir insan dayanır. Onunla asanlıqla ünsiyyət qura bilərsiniz, açıq və mehribandır. Başqa ölkələrin prezidentləri ilə bu, praktiki olaraq mümkün deyil".

Qeyd edək ki, Pərviz Nəsibov Ağstafa rayonunun Muğanlı kəndində anadan olub.(Report)
Tanınmış idmançı koronadan vəfat etdiBu gün "Xalq Həyat" sığorta şirkətinin İdarə Heyətinin sədr müavini Aqşin Mehralı oğlu Yusifzadə koronavirus xəstəliyindən həyatını itirib.

Avrasiya.net Oxu.az-a istinadən xəbər verir ki, bu barədə Azərbaycan Kikboksinq Federasiyası məlumat yayıb.

47 yaşlı Y.Aqşin 14 gün idi ki, 1 saylı Şəhər Klinik Xəstəxanasının reanimasiya şöbəsində müalicə alırdı.

Qeyd edək ki, ölkəmizin ilk kikboksinq ustalarından biri, ağır çəkidə dəfələrlə respublika çempionu, 1990-cı illərin sonu 2000-ci illərin əvvəli AKF-nin Milli Komandasının üzvü olan A.Yusifzadə 2009-cu ildə İspaniyanın paytaxtı Madrid şəhərində keçirilən kikboksinq üzrə dünya çempionatında ikinci olub.
“Anım günü”nə həsr olunan rayon çempionatının qalibləri məlum olubSentyabrın 24-də Siyəzən şəhər stadionunda Gənclər və İdman İdarəsi və Təhsil Şöbəsinin birgə təşkilatçılığı ilə rayon tam orta məktəblərinin X-XI sinif şagirdləri arasında 27 Sentyabr “Anım günü”nə həsr olunmuş “Vətənin müdafiəsinə hazıram” poliatlon çoxnövçülüyü üzrə rayon çempionatı keçirilib.

Tədbirin açılış mərasimində Vətən müharibəsi şəhidlərinin xatirəsi bir dəqiqəlik sükutla yad olunub, iştirakçılara Vətən müharibəsinin tarixi əhəmiyyəti haqqında məlumat verilib. 100 metr məsafəyə qaçış, turnikdə dartınma və qumbara atma növləri üzrə təşkil olunan yarışda şəhər və kənd tam orta məktəblərin 9 komandası mübarizə aparıb.

Çempionatın təşkili “Anım günü”nün qeyd olunması, Vətən müharibəsi şəhidlərinin xatirəsinin yad edilməsi, gənclərin vətənpərvərlik və Vətənə məhəbbət ruhunda tərbiyə olunması, çağırışyaşlı gənclərin ordu sıralarına hazırlıq səviyyəsinin yüksəldilməsi və hərbi xidmətə həvəsləndirilməsi, gənclər arasında sağlam həyat tərzinin idman yarışları vastəsilə təbliğ olunması və yarışın zona mərhələsində rayonu təmsil edəcək komandanın müəyyənləşdirilməsi məqsədi daşıyıb. Gərgin mübarizə şəraitində keçən yarışın nəticəsinə əsasən Yenikənd kənd tam orta məktəbin komandası I, Böyük Həmyə kənd tam orta məktəbin komandası II, şəhər 1 saylı tam orta məktəbin komandası isə III yeri tutub. Yer tutan komandalar Gənclər və İdman İdarəsi tərəfindən fəxri fərmanlarlarla təltif ediliblər.




#BirÖlübMinDirildik
#ŞəhidlərÖlməz
#ŞəhidlərimİZ
#VictoriousAzerbaijaniHeroes
#VətənUğrunda
#VətənÜçün
#VətənSənəCanımFəda
#BizQalibik
#SinənHərbəMeydanOldu
#BirimizHamımız
#BizQayıtdıq
#BöyükQayıdış
#MüzəffərXalqınGəncləri
#QalibKomandan
#MüzəffərAliBaşKomandan
#DəmirYumruq
#SiyəzənGİİ
Dünya çempionu Məmmədyarovla bacarmadıMakedoniyanın Struqa şəhərində kişi şahmatçılar arasında klublararası Avropa kuboku yarışının 5-ci turunun oyunları keçirilib.

Avrasiya.net xəbər verir ki, qrossmeysterimiz Şəhriyar Məmmədyarov 5-ci turda dünya çempionu Maqnus Karlsenlə mübarizə aparıb. Qarşılaşma heç-heçə ilə başa çatıb. Qeyd edək k, Ş.Məmmədyarovun yer aldığı Makedoniyanın “Alkaloid” komandası bu turda Norveçin “Offerspill Chess Club”unu 5,5:0,5 hesabı ilə məğlub edib.

Qrossmeysterlərimizdən Nicat Abasovun təmsil olunduğu İspaniyanın “Silla” komandasının isə İsrailin “Beer Shev” yığması ilə qarşılaşması heç-heçə ilə başa çatıb.

Qeyd edək ki, Azərbaycanı Avropa kuboku yarışında təmsil edən “Vüqar Həşimov” komandası 5-ci turda Fransanın “Asnıeres Le Grand Echiquier” yığması üzərində 5,5:0,5 hesablı qələbə qazanıb. Aktivində 7 xal olan komandamız 13-cü pillədən 8-ə yüksəlib. “Silla” 9 xalla liderlər qrupunda mübarizə aparır. “Alkaloid” isə 8 xalla 4-cü yerdədir.

Xatırladaq ki, kişilərin yarışında 38 komanda mübarizə aparır.
Azərbaycanda yeni futbol klubu yaradıldı“Qəbələ”nin və Azərbaycan millisinin sabiq yarımmüdafiəçisi Cavid Hüseynov yeni klub yaradıb.

Sportinfo.az xəbər verir ki, klub “Cəbrayıl” adlanır.

“Cəbrayıl”ın yeni mövsümdən Region Liqasında mübariz aparması gözlənilir.

Cavid Hüseynov əslən Cəbrayıl rayonundandır. Onun atası baş leytenant Şakir Abbasov 1993-cü ildə Ağdamın Güllücə kəndi uğrunda gedən döyüşlərdə şəhid olub.

35 yaşlı futbolçu hazırda karyerasına məcburi ara verib. Ötən mövsümü “Qəbələ”də keçirən orta sahə oyunçusu 3 aydır özünə yeni komanda tapa bilmir.

“Keşlə” ilə müqavilə bağlayacağı gözlənilirdi, gəl ki, Sənan Qurbanov “Qəbələ”dən yaxşı tanıdığı simanı bura gətirməkdən son anda imtina etdi.
Azərbaycan UEFA reytinqində mövqeyini qoruduAvrokuboklarda qrup mərhələsinin ilk turunun oyunlarından sonra UEFA-nın yeni reytinq siyahısı açıqlanıb.

Avrasiya.net xəbər verir ki, UEFA Konfrans Liqasının H qrupunun ilk turunda Bakıda İsveçrə "Bazel"i ilə qolsuz heç-heçə edən "Qarabağ" Azərbaycanın aktivinə daha 0,125 xal yazdırıb.

Bununla da cari mövsümdə Azərbaycanın xal sayı 2,125-ə, son 5 mövsümdə ümumi xal sayı isə 14,750-ə çatıb. Əldə edilən xallarla Sloveniyanı üstələmək mümkün olub. Hazırda Azərbaycan 29-cu, Sloveniya isı 30-cudur. 31-ci pillədəki Slovakiya 14,125 xala malikdir. Xalını 15,375-ə çatdıran Polşa isə 15,250 xalı olan Qazaxıstanı qabaqlayaraq, 27-ci sıraya yüksəlib.

H qrupundakı "Kayrat" və "Omoniya"nın təmsil etdikləri ölkələrə gəldikdə, müvafiq olaraq, Qazaxıstan 28-ci, Kipr isə 24,125 xalla 16-cı pillədə qərarlaşıb.
"Qarabağ" bu gün "Bazel"lə qarşılaşacaqBu gün "Qarabağ" klubu UEFA Konfrans Liqasının qrup mərhələsində mübarizəyə başlayacaq.

Avrasiya.net xəbər verir ki, Ağdam komandası H qrupundakı ilk sınağında İsveçrə "Bazel"ini qəbul edəcək.

Bakı Olimpiya Stadionunda keçiriləcək qarşılaşmanı belçikalı FIFA referisi Erik Lambrexts idarə edəcək.

Qrup mərhələsi, I tur

20:45. "Qarabağ" (Azərbaycan) - "Bazel" (İsveçrə)

Baş hakim: Erik Lambrexts (Belçika)
Bakı Olimpiya Stadionu.
Ziya Məmmədovun oğlu istefa verdiSabiq Nəqliyyat naziri Ziya Məmmədovun oğlu Anar Məmmədov Azərbaycan Qolf Federasiyasiyasının prezidenti vəzifəsindən rəsmən istefa verib.

Avrasiya.net xəbər verir ki, bu barədə xəbəri Qaynarinfo.az-a Gənclər İdman Nazirliyinin bu idman federasiyası üzrə kuratoru Fikrət Hüseynov bildirib:

"Federasiyanın rəhbərliyi yoxdur. Ona görə də fəaliyyəti tam dayandırıb".

2013-ci ildə oktyabrın 2-də mərhum Gənclər və İdman naziri Azad Rəhimovun iştirakı ilə açılan Azərbaycan Qolf Federasiyasının inzibati binası və Qolf Akademiyasının ərazisi artıq özəl tikinti şirkətinə satılıb, hazırda orada yaşayış binası tikilir.