Mbappe Səudiyyə Ərəbistanı klubu ilə danışıqlardan imtina etdi
Fransanın PSJ klubunun futbolçusu Cillian Mbappe Səudiyyə Ərəbistanından Parisə gələn nümayəndə heyətinin gəlişinə baxmayaraq, Səudiyyə Ərəbistanının Əl-Hilal klubuna mümkün transferi müzakirə etməkdən imtina edib.
"Unikal" xəbər verir ki, bu barədə L'Equipe məlumat yayıb.
Forvard Səudiyyə Ərəbistanına köçmək imkanını heç vaxt ciddi düşünmədiyi üçün görüşdən imtina edib.
Ötən ilin mayında mətbuatda Mbappenin PSJ ilə 2024-cü ilin yayına qədər qüvvədə olan yeni müqavilə imzaladığı barədə məlumatlar yayılmışdı. Eyni zamanda, digər mənbələr futbolçunun artıq “Real Madrid”lə müqavilə imzaladığını bildirib. Nəticədə İspaniya klubuna yüksək profilli keçid baş tutmadı.
Ötən mövsüm PSJ 38 turda 86 xalla Fransa Liqa 1-in qalibi olub. Mbappe 34 matçda iştirak edib, bu matçlarda 29 qol vurub və 5 məhsuldar ötürmə edib.
