Əlibaba Məmmədovun oğlu vəfat etdiXalq artisti Əlibaba Məmmədovun oğlu dünyasını dəyişib.

Avrasiya.net Musavat.com-a istinadən xəbər verir ki, 67 yaşlı Seyran Məmmədov xərçəng xəstəliyindən əziyyət çəkirdi.

S.Məmmədov bu gün səhər saatlarında evində vəfat edib.

Xatırladaq ki, xalq artistinin qızı ötən il COVİD-19 virusundan rəhmətə getmişdi.
“Avroviziya-2022” mahnı müsabiqəsində Azərbaycanı bu şəxs təmsil edəcəkİctimai Televiziya və Radio Yayımları Şirkəti "Avroviziya-2022" beynəlxalq mahnı müsabiqəsində Azərbaycanı təmsil edəcək iştirakçının adını açıqlayıb. Bu il ölkəmizi İtaliyanın Turin şəhərində "Səs Azərbaycan" müsabiqəsinin qalibi, istedadlı ifaçı Nadir Rüstəmli təmsil edəcək.

İctimai TV-də yayımlanmış beynəlxalq lisenziyalı "Səs Azərbaycan"ın böyük finalında tamaşaçıların dəstəyini almış və səs çoxluğu ilə qalib seçilmiş gənc müğənni Nadir Rüstəmli 1999-cu ildə Salyan şəhərində doğulub və uşaq yaşlarından musiqi ilə məşğul olub. O, 2019-cu ildə "Youthvision" beynəlxalq tələbə mahnı müsabiqəsində ölkəmizi təmsil edib və 21 ölkə arasında Azərbaycana 2-ci yeri qazandırıb.

Ölkəmizin “Avroviziya-2022”də təmsil olunması üçün mahnı seçimi üzrə qəbul mərhələsi bu müsabiqənin rəsmi yayım hüququna sahib olan İctimai Televiziya və Radio Yayımları Şirkəti tərəfindən başa çatdırılıb.
Azərbaycan nümayəndə heyətinin rəhbəri, tanınmış bəstəkar İsa Məlikov bildirib ki, seçim üçün 300-dən çox mahnı təqdim edilib: "Hər zaman olduğu kimi, janrdan asılı olmayaraq, gözəl və peşəkar mahnı axtarmağa çalışırıq. Özümüzə sadiq qalaraq, mahnı seçimində bu il də ilk növbədə onun ifaçının səsi və ifa tərzi ilə nə dərəcədə uzlaşacağına önəm verəcəyik. Seçim prosesi mart ayının 2-ci həftəsində başa çatacaq və mahnı elan olunacaq", - deyə İ.Məlikov paylaşıb .

Qeyd edək ki, İtaliyanın Turin şəhərində keçiriləcək və şüarı "The sound of beauty" ("Gözəlliyin səsi") olan "Avroviziya-2022" mahnı müsabiqəsinin yarımfinal mərhələləri may ayının 10 və 12-də, final mərhələsi isə mayın 14-də "PalaOlimpico"da baş tutacaq.
AzTV-nin son illərdəki ən uğurlu layihələrindən biri – Şuşanı dünyaya tanıdırıqAzərbaycan Televiziyası daha bir fərqli layihəyə imza atıb. Budəfəki layihə “Şuşa İli”nə həsr olunub. “Şuşam mənim” adı ilə yayımlanacaq layihə silsilə verilişlərdən ibarət olacaq.

Layihənin məqsədi erməni vandalizmini bir daha nümayiş etdirməkdir.

Verilişin quruluşçu rejissoru Elnur Qədirovun sözlərinə görə, layihə “Şuşa İli” ərzində yayımlanacaq: “Hər həftə efirə çıxacaq buraxılışda Şuşanın sadəcə qədim və tarixi yerləri yox, həmçinin bütün küçə və məhəllələri, şəhərdəki tikililər, tarixi abidələr haqqında ən müfəssəl məlumatlar veriləcək”.

Layihənin aparıcısı professor İlham Rəhimlidir. Ona bələdçilik edənlər Şuşanı qarış-qarış tanıyan şuşalılardır. Bu şuşalılar – jurnalist-tədqiqatçı Vasif Quliyev və professor Elçin Əhmədovdur. Verilişin quruluşçu rejissoru Elnur Qədirov, rejissoru Tərlan Tağıyev, quruluşçu operatoru Nicat Nağızadə, operatoru isə Həsənağa Tağıyevdir.

Layihənin fortmatından danışan İlham Rəhimli deyib: “Çalışırıq ki, söhbətlərimiz quru, sxemativ olmasın. Bəzən mübahisələr də edirik, bəzən faktlar haqqında daha dəqiq məlumat vermək üçün bir-birimizin cavablarını tutuştururuq və ortaq məxrəcə gəlirik. Bir sözlə, çalışırıq ki, “Şuşam mənim” layihəsi AzTV-nin son illərdə gördüyü uğurlu yaradıcılıq işləri ilə həmahəng olsun”.

Verilişdə bələdçilik edən şuşalı Elçin Əhmədov deyir ki, 28 il ərzində tez-tez yuxusunda Şuşanı görürmüş: “Yuxudan həyəcanla ayılanda bir xeyli özümə gələ bilmirdim. Şuşalıların (qalalıların) “Güllü bağ” adlandırdığı yer evimizdən 30-40 addım məsafədə idi. Heç bir vaxt qoxusunu ala bilməyəcəyim o güllərin qoxusu ora çatmamış “Qarabağ” mehmanxanasının pilləkənlərinə qədər gəlirdi. Bütün uşaqlığım o yerlərdə keçib. Şəhərin mərkəzində Bazarbaşı deyilən yerin, “Güllü bağ”ın, Saatlı məscidinin yanında...”

Onun sözlərinə görə, şəhərdə 17 məhəllənin bütün qədim evlərinin böyük bir hissəsi yarıuçuq vəziyyətdədir, bəzi evlərin isə izi belə qalmayıb. Tarixi-memarlıq abidələrimiz də dağıdılıb və ya məhv edilib: “Xüsusilə, Şuşada şəhərin mərkəzi hissəsində yerləşən bizim “Mamayı” məhəlləsindəki iki əsr yaşı olan qədim evlər 1992-ci ildən sonra, yəni işğal dövründə məqsədli şəkildə erməni ünsürlər tərəfindən vəhşicəsinə yer üzündən silinib. "Mamayı” məhəlləsindən aşağı düşəndə şəhərin mərkəzi - "Bazarbaşı"na az qalmış Saatlı məscidinə qədər olan hissədə dövlət tərəfindən qorunan bütün iki əsrlik tarixi yaşayış evləri kimi, bizim Üzeyir Hacıbəyli küçəsi, 7 ünvanındakı evimizi də erməni acgöz, vəhşi ünsürlər söküb, qədim daşlarını, yəqin ki, Ermənistana aparıb və ya digər ölkəyə satıblar”.

Layihə çərçivəsində il ərzində - “Şuşa şəhərsalma mədəniyyətinin nadir nümunəsi kimi - Şuşanın məscidləri”, “Şuşanın karvansaraları”, “Şuşanın bulaqları”, “Şuşa sənətkarlığı”, “Şuşada xalçaçılıq, “Şuşanın ticarət əlaqələri”, “Şuşanın saray və imarətləri”, “Şuşada maarifçilik”, “Şuşa qəza (şəhər) məktəbi Qafqazda ilk dünyəvi təhsil ocağı kimi”, “Şuşanın ənənələri - Şuşada ədəbi-bədii məclislər”, “Şuşanın tarixi-memarlıq abidələri, “Azərbaycanın ictimai-siyasi və mədəni həyatında xidmətləri olan Şuşanın görkəmli şəxsiyyətləri” mövzusunda verilişlər efirə gedəcək.

“Şuşam mənim” 16 fevral saat 21:00-da AzTV-də yayımlanacaq.
Dneprdə Fikrət Əmirovun anadan olmasının 100 illiyi konsertlə qeyd edilibUkraynanın Dnepr şəhərlərində Azərbaycanın görkəmli bəstəkarı Fikrət Əmirovun anadan olmasının 100 illiyi münasibətilə konsert proqramı təşkil olunub.

AZƏRTAC xəbər verir ki, Beynəlxalq Türk Mədəniyyəti Təşkilatı (TÜRKSOY) və Dnepropetrovsk Vilayəti Azərbaycanlıları Konqresinin (DVAK) təşəbbüsü və təşkilatçılığı ilə təşkil olunan konsertdə Azərbaycanın Xalq artisti, professor Yalçın Adıgözəlovun dirijorluğu ilə Dneprropetrovsk Akademik Simfonik Orkestrinin ifasında Fikrət Əmirovun əsərləri səsləndirilib.
Konsertdən əvvəl açılış mərasimində çıxış edən TÜRKSOY-un baş katibi Düsen Kaseinov bildirib ki, 2022-ci ili TÜRKSOY-ya üzv ölkələrdə “Fikrət Əmirov ili” elan edib. Bu il ərzində təşkilatın üzv ölkələrində Fikrət Əmirovla bağlı bir sıra tədbirlər keçiriləcək. Bununla bağlı ilk tədbir Dneprdə reallaşır.

Azərbaycanın Ukraynadakı fövqəladə və səlahiyyətli səfiri Elmira Axundova isə qeyd edib ki, bu cür konsertlərin keçirilməsi ölkəmizlə, o cümlədən TÜRKSOY-ya üzv olan dövlətlərlə Ukrayna arasında mədəni əlaqələrin yüksək olmasının göstəricisidir. Səfir bildirib ki, bu cür konsertlərin məqsədi Azərbaycanın milli musiqisinin xarici ölkələrdə, o cümlədən Ukraynada təbliğidir. Diplomat vurğulayıb ki, Azərbaycanla Ukrayna arasında siyasi, iqtisadi, elmi, təhsil, mədəni və digər sahələrdə əlaqələr yüksələn xətlə inkişaf edir, hər iki dövlət strateji tərəfdaşdır.
Dnepropetrovsk Vilayəti Azərbaycanlıları Konqresinin sədri Nəcəf Əhmədov, Dnepropetrovsk şəhər Şurasının katibi Aleksandr Sanjara çıxışlarında Fikrət Əmirov yaradıcılığından söhbət açıblar və mədəni tədbirlərin ölkələr arasında sıx əməkdaşlıq yaratdığını vurğulayıblar.

Konsert tamaşaçılar tərəfindən maraqla qarşılanıb.



Serdar Ortaç vəsiyyətini açıqladıTürkiyəli müğənni Serdar Ortaç Cənubi Kiprdə səhnəyə çıxmazdan əvvəl jurnalistlərin suallarını cavablandırıb.

Bir müddət əvvəl borclarını ödədiyini dilə gətirən ifaçı vəsiyyətnaməsini elan edib.

“Hələlik vəsiyyətnaməmi yazmamışam, amma burada deyirəm. Vəkillərə də şifahi olaraq çatdırmışam ki, yazılsın. 40 milyon TL-lik evim var. Öləndən sonra qardaşlarımın bütün işçilərimin və orkestrimin evin satışından pay almasını istəyirəm. Vəsaitin bir hissəsinin “Mehmetçik vəqfi”nə və şəhid ailələrinə paylanmasını istəyirəm”, - deyə Ortaç bəyan edib.
Fədayə Laçın Rusiyada restoran açdı2 ilə yaxındır Rusiyaya köçən müğənni Fədayə Laçın orada biznes qurduğunu bildirib.

Avrasiya.net Publika.az-a istinadla xəbər verir ki, bu barədə müğənni oğlu Əlhəmlə birlikdə “Evdəkilərə salam” verilişində qonaq olarkən deyib.

F.Laçın bildirib ki, oğlu ilə birlikdə restoran açıb:

“5 aydır bu məkanı götürmüşəm. Əlhəm üçün restoran açdım. Dedim ki, onun da bir işi olsun. Əlhəm filoloqdur. Rusiyada öz sahəsi üzrə heç cür işləyə bilməyəcəyini düşündüm. Buna görə də biznesdən başlayaq. Əlbəttə, özüm üçün də belə məkan lazımdır, məşqlər edirəm. Məclislərimiz də, konsertlərim də burada olur”.
QHT "Vandalizm" filminin çəkilməsi prosesinə başlayıbAzərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Mədəniyyətin və Milli Ənənələrin Təbliği” ictimai birliyi tərəfindən həyata keçirilən “Azərbaycanın işğaldan azad olunmuş ərazilərində vandalizm faktları ilə bağlı “Vandalizm” sənədli filminin çəkilməsi (azərbaycan, rus və ingilis dillərində)” adlı layihə 1 fevral - 1 may 2022-ci il tarixləri əhatə edən 3 (üç) müddətində icra olunacaq. Layihənin ideyası işğaldan azad olunmuş ərazilərdə ermənilərin tarixi-dini və mədəniyyət abidələrinə qarşı törətdikləri vandalizm aktlarını, abidələri saxtalaşdırmaq istiqamətində cinayət əməllərini faktlarla beynəlxalq aləm qarşısdında ifşa etməkdən ibarətdir. Bu səbəbdəb layihənin əhatə dairəsi Azərbaycan Respublikasının bütün ərazisini, o cümlədən 44 günlün Vətən müharibəsi nəticəsində işğaldan azad edilmiş ərazilərimizi əhatə edir. Bu layihəni həyata keçirməkdə əsas məqsəd 30 ilə yaxın davam edən işğal nəticəsində ermənilərin Azərbaycana həm tarixən, həm də beynəlxalq hüquqla məxsus olan torpaqlarda tarixi-dini və mədəniyyət abidələrinə qarşı törətdikləri vandalizm aktlarını beynəlxalq ictimaiyyətə çatdırmaqdır. İkinci məqsəd ondan ibarətdir ki, erməni işğalçılarının tarixi-dini və mədəniyyət abidələrinin dağıdılmasını yaxud saxtalaşdırılmasını məqsədyönlü şəkildə, azərbaycanlılara qarşı düşünülmüş şəkildə etnik təmizləmə siyasəti həyata keçirdiyini sübut etmək və göstərməkdir. Qarşıya qoyulan məqsədlərə nail olmaq üçün bir sıra işlərin həyata keçirilməsi nəzərdə tutulub.
Əvvəlcə “Vandalizm” sənədli filminin çəkilməsi üçün zəruri faktoloji materialların toplanması və müsahibələrin alınması planlaşdırılır. Bununla əlaqədar Azərbaycan Respublikasının müvafiq icra hakimiyyəti orqanına müraciət olunaraq icazələr artıq alınıb. Çəkiliş qrupu formalaşdırılıb və heyətin Qarabağ bölgəsinə (Şuşa, Ağdam, Füzuli, Xocavənd rayonunun Tuğ və Düdükçü kəndləri) səfərləri həyata keçiriləcək. Bundan əlavə, mövzu üzrə mütəxəssis olan respondentlərdən müsahibələr alınacaq.

Daha sonra toplanmış materiallar əsasında “Vandalizm” sənədli filminin ədəbi-bədii ssenarisi yazılacaq. “Vandalizm” sənədli filminin ədəbi-bədii ssenarisi hazır olduqdan sonra isə ssenari redaktə üçün filmin redaktoru tərəfindən redaktə ediləcək, sənədli filmdəki tarixi məqamlar filmin elmi məsləhətçisi tərəfindən dəqiqləşdiriləcək, zərurət yarandıqda, zənginləşdiriləcək.
Bundan sonra ssenari əsasında sənədli filmin montaj prosesi həyata keçiriləcək, mətn oxunacaq, videomontaj həyata keçiriləcək.

“Vandalizm” sənədli filminin azərbaycan dilində olan versiyası hazırlanaraq müvafiq ekspert rəyi alınması məqsədi ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin ekspert komissiyasına təqdim olunacaq və zəruri dəyişikliklər ediləndən sonra müsbət rəy alınacaq. Bundan sonra sənədli film rus və ingilis dillərinə dublyaj olunacaq.

Növbəti mərhələdə layihə çərçivəsində hazırlanan “Vandalizm” sənədli filminin Bakı şəhərində yerləşən ali təhsil müəssisələrindən birində aparıcı KİV-lərin iştirakı ilə geniş ictimaiyyətə təqdimat mərasimi həyata keçiriləcək.
Sonuncu mərhələdə isə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə layihənin icrası ilə bağlı təsviri hesabat, maliyyə hesabatı və bütün digər zəruri sənədlər təqdim ediləcək.

“Azərbaycanın işğaldan azad olunmuş ərazilərində vandalizm faktları ilə bağlı “Vandalizm” sənədli filminin çəkilməsi (azərbaycan, rus və ingilis dillərində)” adlı layihənin icrasının səbəb olacağı nəticələrin sayı çoxdur.

Bunlardan birincisi odur ki, 30 ilə yaxın davam edən işğal nəticəsində ermənilər tərəfindən tarixi-dini və mədəniyyət abidələrinin dağıdılması yaxur bunları saxtalaşdırılması ilə bağlı müfəssəl məlumatlar Azərbaycan cəmiyyətinə və beynəlxalq ictimaiyyətə təqdim ediləcək. Son zamanlar Ermənistan rəhbərliyi növbəti dəfə qeyri-konstruktiv mövqe nümayiş etdirərək Azərbaycan Respublikasının son 30 ildə işğal olunmuş ərazilərdə aparılmış saxtalaşdırma, süni erməniləşdirmə faktlarını ifşa etmək səylərinin üzərinə kölgə salmaq istəyir. Bu layihə Azərbaycan dövlətinin bu istiqamətdəki fəaliyyətinə ciddi dəstək olacaq, Ermənistanın saxtakarlıq siyasətini bir daha ifşa edəcək. Layihə həmçinin Ermənistanın dövlət səviyyəsində Azərbaycana qarşı etnik təmizləmə siyasəti yürütdüyünü sübut edir, bu faktların gənc nəsil tərəfindən mənimsənilməsini təmin edir, indiki və gələcək nəsillər üçün informasiya müharibəsində zəruri faktoloji və arxiv material rolunda çıxış edəcək. Onu da vurğulamaq lazımdır ki, layihənin icrası nəticəsində beynəlxalq erməni lobbisi və onların havadarlarına qarşı mübarizənin ön sıralarında olan Azərbaycanın diaspor təşkilatları tutarlı və təkzibolunmaz materiallarla təmin ediləcək.
İstanbulda Azərbaycan və KKTC-nin də qatıldığı EMİT 2022 Turizm Sərgisi açılıbQlobal pandemiya səbəbiylə 2021-ci ildə keçirilməyən və dünyanın 5 ən böyük turizm sərgisi arasında yer alan Beynəlxalq Şərqi Aralıq dənizi Turizm Sərgisi - EMITT 2 ildən sonra öz qapılarını izləyicilərinin üzünə açıb.

Avrasiya.net xəbər verir ki, 12 fevrala qədər davam edəcək Sərgidəki Quzey Kıbrıs Türk Cümhuriyyəti (KKTC) stendində Kıbrıs Türkü mərhum Birkan Uzunun ölkənin tanıtımına töhfə vermək üçün Antarktikanın zirvəsində KKTC Bayrağını açdığı şəkil yer alıb. Nazirliyin açıqlamasında “Türkiyənin ən böyük və ən prestijli, dünyanın 4 böyük sərgisindən olan EMITT 2022 Turizm sərgisində Nazirliyin turizm tanıtma məmurları və sənaye təmsilcilərindən ibarət professional bir heyət yer alır. Bu il 25-cisinin baş tutacağı və dünyanın ən böyük 4 turizm sərgisindən biri olan EMITT ölkədə turizm sektorunun inkişafı üçün yeni fürsətlər açır” – deyə bildirilir.

Turizm və Ətraf Mühit Nazirliyi KKTC-nin EMİTT 2022-də iştirakı ilə də bağlı məlumat verib. "Kuzey Kıbrısın tanıtımını etmək, Türkiyə və dünyanın hər yerindən gələn tur operatorları və digər turizmin inkişafı ilə bağlı şəxsləri yeni ortaqlıqlar və iş birliyini turizmi inkişaf etdirmək üçün sektorumuza dəvət edirik. Ölkəmizə çox qatqısı olan Türkiyənin turizm sektoru ilə hər il peşəkar şirkətlərimizi görüşdürmək və turizm tanıtımını etmək üçün bu il də 99 kvadratmetrlik Salon 2-də A311 nömrəli stendlə iştirak edirik”- məlumatda deyilir.

Qeyd edək ki, 25-ci EMITT Sərgisi Azərbaycan, Rusiya, Malta, Bolqarıstan, Seyşel adaları, Serbiya, Kosovo, Pakistan, İordaniya, KKTC, Fələstin, Cənubi Afrika, Makedoniya və Bosniya və Herseqovina da daxil olmaqla ümumilikdə 14 ölkəyə ev sahibliyi edir.

Mədəniyyət və Turizm Nazirliyi, İstanbul Böyükşəhər Bələdiyyəsi (İBB) və Türk Hava Yollarının korporativ sponsorluğu, Türkiyə Otelçilər Federasiyası (TÜROFED) və Türkiyə Turizm İnvestorları Dərnəyinin (TTYD) tərəfdaşlığı ilə təşkil edilən EMITT növbəti dəfə TÜYAP Sərgi və Konqres Mərkəzində sərgi iştirakçılarını bir araya gətirib.

Müğənni Afət Fərmanqızının əri azadlığa çıxdıTanınmış müğənni Afət Fərmanqızının əri, hədə-qorxu ilə pul tələb etməkdə şübhəli bilinən Mamed Nanacanov sərbəst buraxılıb.

Avrasiya.net xəbər verir ki, M.Nanacanov araşdırma müddəti ərzində 48 saat saxlanıldıqdan sonra azadlığa çıxıb. Hazırda Cinayət Məcəlləsinin 182-ci maddəsi ilə başlanan cinayət işinin istintaqı davam etdirilir.

Qeyd edək ki, müğənninin əri Mamed Nanacanov vətəndaş Vaqif İsayevə hədə-qorxu gələrək ondan 200 min dollar tələb etməkdə ittiham olunur.

M.Nanacanov Cinayət Məcəlləsinin 182-ci (hədə-qorxu ilə tələb etmə) və 221.3-cü (Xuliqanlıq; silahdan istifadə edilməklə törədildikdə, yaxud özgənin əmlakının məhv edilməsi və ya zədələnməsi ilə müşayiət olunduqda) maddələri ilə təqsirləndirilir.