Bu şəxslər “Vaqif Səmədoğlu” medalı ilə təltif edildi - FotoBu gün Xalq şairi Vaqif Səmədoğlunun doğum günüdür. Vaqif Səmədoğlu Mərkəzinin İdarə Heyətinin qərarı ilə Vaqif Səmədoğlu irsinin təbliğində iştirakına görə bir qrup yaradıcı insan “Vaqif Səmədoğlu” medalı ilə təltif edilib.

Bu barədə Kult.az-a Vaqif Səmədoğlu Mərkəzinin sədri Nüşabə Babayeva-Vəkilova məlumat verib.

Onun sözlərinə görə, mərkəzin 4 iyun 2020-ci il tarixli keçirilən İdarə Heyətinin qərarına əsasən, aşağıda adları qeyd olunan şəxslər “Vaqif Səmədoğlu” medalı ilə təltif ediliblər.

1. Ramiz Həsənoğlu –Xalq artisti , rejissor

2. Valeh Kərimov –Xalq artisti

3. Afaq Bəşirqızı- Xalq artisti

4. Kamran M.Yunis –aktyor, bədii qiraətçi

5. Xəzər Süleymanlı - bədii qiraətçi

5. Ülviyyə Heydərova - yazıçı

6. Nəzrin Hüseynli - ədəbiyyatçı

7. Kamran Əsədov - heykəltaraş

8. Səməd Vəkilov - hüquqşünas

Nüşabə xanım onu da qeyd edib ki, hazırda ölkədəki vəziyyətlə bağlı təqdimat mərasimi başqa vaxta keçirilib.
Bu şəxslər “Vaqif Səmədoğlu” medalı ilə təltif edildi - Foto

Emin Ağalarov koronaya yoluxub - Özü təsdiqlədiXalq artisti, tanınmış iş adamı Emin Ağalarov sensasion açıqlama verib.

Azərbaycanın xalq artisti koronavirusa yoluxduğunu, amma bunu mediadan gizlətməyə məcbur olduğunu etiraf edib.

E.Ağalarov opera müğənnisi Yusif Eyvazovun İnstaqramda etdiyi canlı yayımda qonaq olub. O, verdiyi müsahibədə xəstəliyə yoluxduğunu, amma adının ətrafında çoxsaylı şayiələri artırmamaq üçün bu xəbəri gizlətdiyini deyib.

E.Ağalarovun sözlərinə görə, xəstəlik səbəbindən kifayət qədər ciddi imtahandan keçib. Həyatında heç vaxt tək qalmadığını deyən müğənni xəstəlik səbəbindən iki həftə özünü izolyasiya etmək məcburiyyətində qalıb.

"40 il ərzində ilk dəfə özümlə tanış oldum", - deyə, musiqiçi izolyasiyada keçirdiyi vaxta işarə edərək zarafatından da qalmayıb.

Ağalarov xəstəlik zamanı qanında əmələ gələn antikorların onu bundan sonra koronavirus infeksiyasından qorumağa imkan verəcəyinə inandığını bildirib.

O, xəstəlik səbəbindən uşaqları ilə məsafəli görüşdüyünü, onlar üçün darıxdığını söyləyib. (Musavat.com)
“İstedadlar sorağında” müsabiqəsinin qalibləri müəyyənləşib“İstedadlar sorağında” devizi altında uşaq, yeniyetmə və gənclər arasında online şeir müsabiqəsinin qalibləri müəyyənləşib.

Siyəzən Rayon Gənclər və İdman İdarəsi və Təhsil şöbəsi tərəfindən mayın 20-də elan olunan müsabiqəyə müxtəlif yaş qruplarında 60-a yaxın iştirakçı qatılıb.
Online qaydada keçirilən müsabiqə “Azərbaycan gəncliyi 2017-2021-ci illərdə” Dövlət Proqramının 5.4.3. yarımbəndinin icrasının təmin olunması, mütaliə mədəniyyətinin təbliği, istedadlı uşaq, yeniyetmə və gənclərin üzə çıxarılması, eləcə də evdə olduqları müddətdə öz yaradıcılıqlarını inkişaf etdirməsinə dəstək vermək məqsədi daşıyıb. Şeirlərin münsiflər heyəti tərəfindən qiymətləndirilməsi zamanı onların məzmununa uyğun jest və mimikalardan, səs tonundan, intonasiyadan məqsədyönlü istifadə edilməsi, nitqin aydınlığı, səlisliyi və ifadəliliyi əsas meyar kimi götürülüb. Münsiflər heyətinin qərarına əsasən müsabiqənin nəticələri 3 yaş qrupu üzrə aşağıdakı kimi olub:

Uşaqlar arasında:

Abdulov Kənan (şəhər 6 saylı məktəb-lisey) – I yer
Abdullayev Vahid (şəhər 1 saylı tam orta məktəb) – II yer
Manaflı Nigar (şəhər 4 saylı tam orta məktəb) – III yer
Əbdulov Cavidan (şəhər 1 saylı tam orta məktəb) – həvəsləndirici yer
Orucov Əli (şəhər 2 saylı tam orta məktəb) – həvəsləndirici yer

Yeniyetmələr arasında:

Quliyeva Fidan (şəhər 4 saylı tam orta məktəb) – I yer
Muradlı Xoşbəxt (şəhər 3 saylı tam orta məktəb) – II yer
Nadirova Nuray (şəhər 3 saylı tam orta məktəb) – III yer
Məmmədova Zümrüd (şəhər 1 saylı tam orta məktəb) – həvəsləndirici yer
Vəliyev Aqil (şəhər 1 şəhər saylı tam orta məktəb) – həvəsləndirici yer

Gənclər arasında:

Məmmədova Züleyxa (şəhər 4 saylı tam orta məktəb) – I yer
Zeynalova Leyla (Böyük Həmyə kənd tam orta məktəb) – II yer
Nərimanova Qəfilə (Balaca Həmyə kənd tam orta məktəb) – III yer
Əliyeva Nuray (şəhər 1 saylı tam orta məktəb) – həvəsləndirici yer
Qaliblər online formada fəxri fərmanlarla təltif ediliblər.

#evdəqal #Bizbirlikdəgüclüyük #istedadlarsorağında #SiyəzənGİİ #GənclərvəİdmanNazirliyi #MysGovAz #MysAz
Deputat icra başçısından müğənninin xahişini etdi - FOTOMilli Məclisin Mədəniyyət Komitəsinin sədri Qənirə Paşayeva Azərbaycanın tanınmış yeni nəsil sənətçisi, müğənni Nurlan Əzizbəyli ilə görüşüb.

Avrasiya.net xəbər verir ki, millət vəkili Q.Paşayeva xeyriyyəçi Hacı Nuran Hüseynov və Qadın Sahibkarlar Assosasiasının rəhbəri Səkinə xanım Babayeva ilə birgə müğənninin evinə gedərək, onun qarşılaşdığı müəyyən sosial problemlərlə, mənzil şəraitsizliyi ilə yerində tanış olub.

Nurlan Əzizbəylinin gənc nəsil, eləcə də sənətbilicələri, geniş tamaşaçı auditoriyası tərəfindən maraqla qarşılanan istedadlı müğənni olduğunu qeyd edən xanım Paşayeva, onun həllivacib problemlərini aidiyyatı orqanlar qarşısında qaldıracağını bildirib.

Komitə sədri bildirib ki, dövlət başçısının, I vitse-prezidentin sənətə, sənətçilərə dayanıqlı diqqət-qayğısı hər bir məmurun, əlaqədar orqanların üzərinə hüquqi məsuliyyətlə yanaşı mənəvi məsuliyyət də qoyur. – “Ümidvaram ki, mümkün olan ən qısa zaman içində, sizin problemlər də öz layiqli həllini tapacaq. Bununla da, siz öz diqqətinizi gözəl sənətinizin inkişafına sərf edərək, musiqi, ifaçılıq sənətimizə yeni töhfələrlə çıxış edəcəksiniz”.

Bu gün isə Mədəniyyət komitəsinin sədri Qənirə Paşayeva Nurlan Əzizbəyli və xanımı ilə birgə Yasamal Rayon İcra Hakimiyyətinin başçısı Elşad Həsənovla görüşüblər və sənətçinin üzləşdiyi ağır mənzil-məişət şəraiti ətrafında geniş fikir mübadiləsi aparılıb.

Yasamal Rayon İcra Hakimiyyəsinin başçısı Elşad Həsənov Nurlan Əzizbəyliyə üzləşdiyi problemin həllində dəstək olmaq üçün əlindən gələni edəcəyini deyib.

Millət vəkili Qənirə Paşayeva və sənətçi Nurlan Əzizbəyli məsələyə böyük həssaslıq və diqqətlə yanaşan Yasamal Rayon İcra Hakimiyyəti başçısı Elşad Həsənova təşəkkürlərini bildiriblər.
Məşhur repçi vəhşicəsinə öldürüldüKanadanın "Houdini" ləqəbli məşhur repçisi Cimarcio Ceniks vəhşicəsinə öldürülüb.

Kult.az xəbər verir ki, repçi Toronto şəhərində dostu ilə gəzərkən otelin yaxınlığında avtomobildən onlara atəş açılıb. Xəstəxanaya çatdırılan Houdini güllə yarasından vəfat edib. Həkimlər hazırda onun dostunun həyatını xilas etməyə çalışırlar.

Verilən məlumata görə, hücum nəticəsində 27 yaşlı naməlum bir qız da xəsarət alıb.

Hadisə ilə bağlı araşdırmalara başlanılıb.
Nazirlikdə yoxlamalar başladı - Əbülfəs Qarayev də həbs oluna bilərDTX-nın Mədəniyyət Nazirliyində keçirdiyi əməliyyatdan sonra nazir Əbülfəs Qarayevin yaxın müddətdə vəzifəsindən uzaqlaşdırılacağı ehtimalı kifayət qədər yüksək idi. Gözlənilən oldu və ölkə başçısı Qarayevi nazir postundan azad etdi.

Mayın 21-də Mədəniyyət naziri vəzifəsindən azad olunan Əbülfəs Qarayev kollektivlə vidalaşıb. O, nazirliyin rəhbər şəxsləri, şöbə müdirləri və bəzi əməkdaşları ilə vida görüşü keçirib. Sabiq nazir bütün kollektivi bir araya toplamağa ehtiyac görməyib.

“AzPolitika.info”-ya nazirlikdəki mənbələrdən daxil olan məlumata görə, Ə.Qarayevin işindən ayrılmasından sonra Mədəniyyət Nazirliyində total yoxlamalar başlayıb. Məlumatda nazirlikdə eyni zamanda bir neçə qurumun araşdırmaya başladığı bildirilir.

Yoxlamalar Mədəniyyət Nazirliyinin maliyyə işlərindən, mühasibatlığından tutmuş struktur bölmələrinin işinə qədər bütün idarəetmə sistemini əhatə edir.

Xatırladaq ki, rəsmi məlumata görə, Mədəniyyət nazirinin müavini Rafiq Bayramov və Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov külli miqdarda dövlət vəsaitini mənimsəməkdə, rüşvət və korrupsiya əməllərində ittiham olunur.

İstintaq araşdırmaları zamanı tarixi abidələrin və mədəniyyət nümunələrinin qorunması, bərpası, rekonstruksiyası və mühafizəsi üçün zəruri işlərin görülməsi məqsədilə dövlət büdcəsindən ayrılan vəsaitlərin bir hissəsinin Zakir Sultanov tərəfindən müntəzəm olaraq mənimsənilməsinəəsaslı şübhələr müəyyən edilib.

Həmçinin araşdırmalar nəticəsində Rafiq Bayramov tərəfindən Mədəniyyət Nazirliyinin regional idarələrinin rəhbərləri vasitəsi ilə rayonlarda fəaliyyət göstərən musiqi məktəblərində müəllimlərin adına artıq tədris saatlarının rəsmiləşdirilərək bunun müqabilində onların əmək haqlarından tutulan vəsaitlərin, habelə müxtəlif qanunsuz yollarla əldə edilən digər vəsaitlərin hər ay toplanaraq ələ keçirilməsinəəsaslı şübhələr müəyyən olunub. Hər iki məmurla bağlı həbs qətimkan tədbiri seçilib.

Bundan sonra cəmiyyətdə sözügedən nazirlikdəki korrupsiya əməllərinin nazirdən xəbərsiz törədilməsinin mümkün olmadığına dair qənaət formalaşıb və bununla bağlı şəxsən Əbülfəs Qarayevin ünvanına açıq ittihamlar səsləndirilib.

Belə ittihamları səsləndirənlər sırasında deputatlar xüsusilə seçiliblər. YAP-çı deputat Siyavuş Novruzov isə Ə.Qarayevi istefaya çağırmaqla yanaşı, hüquq-mühafizə orqanlarının nazirin aşkar olunan korrupsiya cinayətlərində iştirakının araşdırıldığını bildirmişdi.

İndi məlum olur ki, həmin araşdırma artıq geniş formada, bir neçə dövlət qurumunun iştirakı ilə həyata keçirilir. Və bu araşdırmaların sabiq nazir Əbülfəs Qarayevin həbsilə yekunlaşması da istisna deyil...

Əbülfəs Qarayevi kim əvəz edə bilər? - Deputatlar danışdıDövlət Təhlükəsizliyi Xidmətinin Mədəniyyət Nazirliyində keçirdiyi əməliyyat nəticəsində nazir müavini və idarə rəisinin külli miqdarda vəsait mənimsədiyi üçün həbs edilməsi ictimaiyyətdə Mədəniyyət naziri Əbülfəs Qarayevin istefası məsələsini gündəmə gətirib.

Maraqlıdır, Əbülfəs Qarayev istefa verərsə, millət vəkilləri bu postda kimi görmək istəyərlər?

Məsələ ilə bağlı Kult.az-a açıqlama verən millət vəkili, xalq şairi Sabir Rüstəmxanlı bildirib ki, bu gün Mədəniyyət naziri vəzifəsi üçün Azərbaycanda kifayət qədər istedadlı, qabiliyyətli kadrlar var:

“Ölkə başçısı kimi bu vəzifəyə təyin edərsə, biz onu dəstəkləyəcəyik”.

Fazil Mustafa isə deyib ki, bu sahədə müəyyən qədər təcrübəsi olan və işləmiş şəxslərin nazir təyin edilməsinin tərəfdarıdır:

“Mədəniyyət naziri cəmiyyətlə təmasda olmalıdır. Bu cür kadrlar ölkəmizdə var. Mən konkret kiminsə adını çəkərək başqasının haqqına girmək istəmirəm. Bəlkə mənim dediyim kadrlardan daha yaxşıları var ki, onlar bu vəzifəyə uyğundur. Ona görə də bu məsələlərə qarışmağı doğru saymıram. Bu, Prezidentin səlahiyyətində olan məsələdir. Dəyişiklik məsləhət olarsa, o, bununla bağlı qərar verər”.

Millət vəkili Aqil Abbas da bununla bağlı qərarı yalnız Prezident İlham Əliyevin verə biləcəyini qeyd edib:

“Mədəniyyət naziri hələ vəzifə başındadır. Onu kimin əvəz edib-etməməsi Prezident İlham Əliyevin səlahiyyətindədir”.
"Mədəniyyət Nazirliyində baş verən rüsvayçılıq milli mədəniyyətimizə qarşı ağır cinayətdir" Aydınlar Partiyasının sədri Qulamhüseyn Əlibəyli Dövlət Təhlükəsizlik Xidməti əməkdaşlarının Mədəniyyət Nazirliyində yüksək vəzifəli şəxslərin korrupsiya əməlinə görə həbs olunmasına münasibət bildirib.

Avrasiya.net-ə açıqlamasında partiya sədri bunları dedi:

Mədəniyyət Nazirliyində baş verən rüsvayçılıq adi korrupsiya əməli deyil, milli mədəniyyətimizə qarşı ağır cinayətdir. Mədəniyyətin inkişafı üçün ayrılmış büdcə vəsaitlərinin talan edilməsi, mədəni irs sərvətlərinin dağıdılması, sistemli xarakter daşıyan rüşvətxorluq və digər korrupsiya əməlləri son nəticədə Azərbaycan xalqının mədəniyyətinə bərpaolunmaz zərər vurur. Korrupsiya əməlləri bir sıra digər mərkəzi icra hakimiyyəti orqanlarında da baş verir.

Lakin Mədəniyyət Nazirliyi sistemində bu cinayət əməlləri daha təhlükəli xarakter daşıyır, insanları mədəni dəyərlərdən məhrum etməklə onların mənəviyyatını korlayır. Mədəniyyət Nazirliyində baş verənlər həm də bu sistemin idarə olunmasının səriştəsiz və yarıtmaz təşkilinin nəticələri kimi də qiymətləndirməlidir.

Məlum olduğu kimi mərkəzi icra hakimiyyəti orqanları sistemində idarəetmənin təşkilinə görə bilavasitə onun rəhbəri məsuliyyət daşıyır. Nazirlik təkbaşına rəhbərlik edilən mərkəzi icra hakimiyyəti orqanıdır. Buna görə də hər hansı bir nazirliyin sistemində idarəetmənin təşkilinə, müvafiq sahənin inkişafına və baş verənlərə görə bilavasitə nazir şəxsi məsuliyyət daşıyır.

O cümlədən Mədəniyyət Nazirliyində törədilən cinayətlərə – büdcə vəsaitlərinin talan edilməsi, mədəni irs sərvətlərinin dağıdılması, rüşvətxorluq və sair əməllərə görə təkcə həbs edilən məmurlar deyil, həm də nazir Əbülfəs Qarayev şəxsən məsuliyyət daşıyır. Həm siyasi, həm mənəvi və həm də hüquqi məsuliyyət…».